💎مكتملة💎
❌حصرية على الواتباد❌
قراااو كووولشي👇👇. (مسموح النشر مع ذكر اسمي و الاحتفاض بالبوسط و الصورة )
لي عندخا شي مشكل مع السفااالة احب ابشرها تقلب ضورة و ماتقربش لهاد القصة بتااااتا لأنها غاتكون واااايد جريييئة يعني هادي خاصة بالسافلات المسف...
هي .. ألمى ..عاشقة الثراء .. عاشقة الشهرة و الأضواء .. تمتلك من الجمال و السحر ما يكفي و يزيد سبحان المبدع الخلاق ..ورثث جينات الكبرياء و الغرور عن أبوين مجهولين ..وردة نبتت وسط حدائق غناء..أصابتها قطرة مسمومة فأحاطتها بأشواك تدعى "الثراء"..و فجأة وقعت في بحره .. بحر الفارس الغامض المتملك .. بحر البارد الجاف الذي ينوي تخليصها من هواجسها المريضة .. فهل سيفلح في ذلك !! اما هي فستستمر في الهروب منه لكن في آخر المطاف ستجد نفسها تعود إليه ... حطات الطائرة فلندن تحديدا مطار هيثرو ايربورت و نزل جلال باين على وجهو لي دوا يرعف ...كانو مجموعة من السيارات تيتسناوه ..زوج جيپ فيها لي گارد وحدة ميرسيديس فيها زوج بلايص فقط ديال علي ..و مازاراتي تاتسنا فجلال ..نزل جلال و موراه علي .. عاد نزلات المى بشوية عليها و خولة شادة فيها و ميته بالفرحة .. - علي .." خذا جلال على جنب .." ..انا نوصل خولة .. - جلال .. علاش؟؟ كينه بلاصة عندي غير سير .. - علي .. وايلييي اصاحبي .. دوينا معاك صافي .. - جلال .." خزر فيه و هو يجمع فمو.." شفتك ضسرتي .. جمع راسك راك دفگتي بزااااف. . - علي ..بغيت ندوي معاها ..دير معايا هاد البليزير ..راك شفتي كي كاتشوف فيا حد يتصرف معاه ببرود ولا فحال لا مكينش ... اتجهو للفيلا ديالو لي كانت فمنطقة بعيدة عن زحام ديال لندن .. منطقة اسمها فيكتوريا .. راقية و كالم .. و الفيلا كانت بعيدة شوية عليها لكن ماشي بزاف ..فهاد الوقت كانت خولة مكمشة فالكرسي حشمانة من علي و من اخر موقف بيناتهم .. اما هو كان كيسوق بشوييية عليه .. مبتسم و حاط يدو على فمو حتى نطق اخيرا .. قصص
-علي ..خولة .. كي ديرة ..!! - خولة .." كاتفرك فيديها" ..صافا الحمد لله .. - علي .." حرك راسو" .. امم .. ساليتي القراية ملي جاية مع ختك؟؟ - خولة .." حركات راسها بالإيجاب" .. دوزت اخر امتحانات .. - علي .. اممم .. مزيان .." شاف فبها بنص عين .. " .. شفتك بحال لا متوثرة ..!! مالك!! - خولة..بلعات ريقها" .. ها .. والو ماماليش .. - علي. .ااام .. يصحاب لي تفكرتي شي حاجة مزالة مخربقة من شي حاجة .. 😉.. - خولة .. وا مامالي واالو ..😑.. - علي .. احياااني عليك الخوينزة .. ههههههههههه علاه داكشي يتنسى .. باقي بين عيني فحال البارح ..🤤 - خولة .." وسعات عينيها" .. هااء😳😳.. - علي . ههههههههههه " شاف فيها و ضور وجهو" .. زوينه و نتي حشمانة .. ههههه .. - خولة .. " غمضلت عينيها بالجهد" عافاااك من داااك النهار و انااا كانحاااول ننسى داك النهار .."حدات يديها على عينيها .." ..اععع - علي .." حيد لها يدها من عينيها و شدها بيدو " و شكون قال ليك انا غانسمح ليك تنساي داك النهار .. خصو يبقى محفووور فدماااغك .. ههه - خولة ... " خزرات فبه و نطرات يديها من يدو" ..اش كاتحاول دييير داباا غير قول ليا .. واش من نيتك .. هاداكشي لي وقع بيناتنا كان فلحظة ضعف مني .. انا ماشي هكذاااك و كنت ماااشي هي هاديك حتى قبلت على راسي داكشي .. معرفتش .. - علي .." طلع حاجبو و ابتسم بالجنب .." يمكن حسيتي بالانجذاب من جهتي .. امم .. - خولة .. " طلقات ضحكة مصطنعة.." ههههههههههه من نيتك .. كضحك عليا ولا على راسك؟؟هههعع انا كون كنت غانحس بشي انجذاااب كنت غانحسو من النهار الأول لي شفتك فيه .. ماشي عاااد دابا .. و على غفلة. . اوووه ..ماتتغرش براااسك اعلي .. بلييز راك عارفني من اول خطرة شفتك كارتاحيتش ليك و ماقبلتش تصرفاتك معايا!! - علي .." فلحضة تعقدات 111 على جبهتو .." .. ايه .. كولشي زين الالة خولة .. كان ماشي بشوية .. غير سمع منها ديك الهضرة كسيييرااا حتى تخلعااات و عاااد رجعات هضرتها و عرفات رايها اش قالت و اكييد انها جرحاتو و هو لي ماقبلش انو يجرحها و يخترق برائتها!!!! ؟..... دخلو للفيلا لي كانت دايرة بصور كبييير على الجردة لي كانت كبيرة بزااف.. فيها نافورة كبيرة على شكل المرأة عارية و هازة جرة كيتخوى منها الماء و حداها وليدات صغار بالجناوح على شكل ملائكة .. و بجنبهم الخضورة و الورد فكل مكان ..بقات المى غير تتشوف حتى وقفات الاوطو قدام باب الفيلا .. فتحو ليهم الباب و نزاو تنجهو للداخل ديال الفيلا لي كانت كلها زاج اللي الداخل كلو باين كانت عندها شكل هندسي غريب و زوين التحت كينين فوطويات بشكل زوين بالأسود و كوزينة مفتوحة عليه تا هي تصميمها و ديكورها بالأسود و الطبقات الفوق فيهم غرف النوم و الحمامات و بيسين بالزاج و من جهة ثانية فيه حتى الجاكوزي ديرو وسط الفيلا حيت اغلب الوقت كين البرد و هو كيبغي يعوم بزاف ... كي دخلو جات الخدامة كاتجري خذات من عندو الجاكيت ديالو و خذات من عند المى المونطو .. -جلال ." ماشافش فيها" .. دابا الخدامة غاتوريك بيتك .. كانتمنى ماتلقايش مشاكل فالتأقلم .. حبت معزيزش عليا الصداع فداري .. .- المى .." ابتسمات ليه باستفزاز" .. انا مكانديرش الصدااع مانيش درية صغيرة باش ندير لك الصداع اوكي ..! .. - جلال ..."قرب ليها " .. مكاتعرفيش نتي جلال فاش يتنيرفا!! .. بديتي تطلعي ليا فوق راسي .. و الى مشيتي تا ربعتي اجااا مينزلك .. مانضمنش مرة اخرى ترضي عليا الهضرة فين تجيك الدقة ..!! - المى .." عينيها فعينيه " انا هنااا باش نخدم .. و كي غانسالي غانهز قلوعي و نمشي .. سو خلينا مزيانين هاد المدة لي غانبقى هناا .. -جلال .."زاد قرب حتر لسق عليها .." .. امم هاد العوينين لي تتخرجي غانتقب ديلمهم و نهنيك منهم .. - المى. .. هاهاهاي .. تقبهم .. باش نتهنى من شوووفتك نيت ...😊... -جلال ..''طلعات ليه دم و استفزاتو" روووووز .. رووووووز .. اجي وررها بيتها قبل لا ندير شي مصيبة .. جات الخدامة كاتجري داكها لبيتها و هي تتبتسم بانتصار ..قدرات تغلبو فالهضرة عند بالها ولكن هو كان غا حابس راسو حيت لا زاد تجابد معاها غاتاكلها فعضامها مافيهاش.. دخلات لبيتها لي كان كبير بزااف يدير ربعة من بيتها لي فدارهم ..مفرش بالأبيض و فيه اكسيسوارات و ديكور فالأسود ..عجبها الديكور بزاف ضارت الغرفة كاااملة و تلاحت جالسة على النموسية مبتسمة و عاضة على شفتها .. هزات تيليفونها يالله غاتتصل بخولة حتى دخلات عليها .. -المى .. فين تعطلتي الشابه ..؟؟ - خولة .." كدور فعينيها" ها ..يمكن دانا من شي طريق طويله على الطريق لي مشتو منها.. - المى .. " رمات الطالون ديالها و تكات على يدها" .. اممم .. ايه .. -خولة ..نااري .. بيتك كبر من بيتي .." حطات يديها على خصرها" .. جلال كيدير الفرزياات. . - المى ..هاها اوا نتي غا جاية معاايا اما انا راه هي لي عليا العمدة ..😊.. - خولة .. هاي هاي ..😑 اوا اختي تا انا عطاني بيت على مزيناتو موتي بالسم.. -المى .. ههههههههههه حمدي الله ماجمعناش انا وياك فلاكاف ..هاز من جهتي نييت .. - خولة .. ماغاتقوليش ليا مالك معاه؟؟ - المى ..يميل حالو كثر ماهو مايل .. حيدي عليا .. - خولة .." مشات حداها و جلسات" ..اممم ..المهمانافالطيارة لاحضتو شحال من خطرة كيشوف فيك بنظرات فشي شكل .. - المى .. ههههههههههه ااه كيقول مع راسو مكرهتش نجيفها .. - خولة .. لالا موحال .. - المى ...خلينا منو .. واش ماقالوش ليك غايطلعو لي فاليز!! يالله قالتها و دقو عليهم حطو ليهم لي فاليز خولة قالت لهم يديوها ليها لبيتها و تبعاتهم .. كل وحدة صيبات الحوايج ديالها فالبلاكار أما جلال دخل ديريكت للدوش كب عليه ما بارد كيف عادتو و خرج تيمسح شعرو ولاوي عليه فوطة .. مسح حالتو و لبس سورفيت فالگري ريدبوك.. و مشط شعرو للور .. مسح لحيتو و رش بارفاتو .. لبس تقاشر كحلين قصار يالله شادين ليه گدمو و لبس معاهم صندالة نايك بيضة ... تلاح فوق الكنابي ديالو و جبد كارو كيكمي و يفكر هز تيليفونو اول صورة بانت ليه كي حلو ديال رجوى هازة توليب .. حس بشي حاجة فداخلو ماحاملش هادشي وقع لختو .. رجع بالذاااكرة ديالو يومين قبل ... #فلاش_باك .. رجع بالذاااكرة ديالو يومين قبل ... #فلاش_باك .. رجع من عند المل نفسو مامنتضماش من كثرة الأعصاب .. دائما فاش كيتلاقى بيها كينتهي اللقاء بطريقة كااارثية ..كي دخل للقصر طلع ديريكت للبيت ديال رجوى .. لقاها ناعسة بوحدها فالبيت .. دخل عندها و جر كرسي جلس حدا اانموسية ..كيشووف فيها و تنهد .. عمرو كان متوقع ان ختو رجوى تضعف بهاد الطريقة و طيح على ود ما يسمى بالحب!! ختو الصغيرة لي ديما مدلعها ..و عمرو قال ليها لا ..و نهار قال ليها لا انهارت ... مافكرش ولا خمم شنو طبيعة العلاقة بين رجوى و عبد الجليل ..دائما كيعتمد على الصور ..و مكيخليش عقلو يفكر بطريقة هادئة .حط يدو على يديها و جرها عندو باسها و عاود رضها لبلاصتها .. يالله حنا راسو و هو يعاود يهزو على صوت جا من وراه ..كانت رؤيا هازة كاس ديال القهوة و واقفة قدام الباب.. - رؤيا ..ملي ختك عزيزة عليك حتال هاد الدرجة .. علاش درتي فيها هكذا؟؟ علاش دمرتيها بهاد الطريقة ..انا عارفة و متأكدة بلي نتااا لي قلتي لجدي خصها تزوج .. حيت هادي عاام جدي قال بلي رجوى مزالة ماغايزوجها غير حيت نتا قلتي ليه ماتزوجش ..!! -جلال .. " دور راسو عليها" ..ماتبقايش دخلي راسك فكولشي .. شي نهار نهرسو ليك .. - رؤيا ..'' مشات عندو بخطى مسرعة جرات كرسي لعندها و جلسات حداه .. حطات داك الكاس ديال القهوة فوق الكمودينو و خزرات فيه" .. لا اسيدي .. غاندخل راااسي ..انا بنت عمها .. و ماشي غير بنت عمها .. عرفتي شنو هاااادي بالنسبة ليا ..بحال ختيييي اجلال .. كاااع لي كيخصها كيخصني ..معرفتش شنو كيصحاب لك راسك .. لا نتا .. لا جدي ..واش العيالات سلعة تتعطيوها لمن ما بغييتو ولا شنو .. حتى واحد فهاد العائلة مامظلوم قد المراااا ..ماعندها حق فحتى حاجة .. لا خدمة .. لا الحب .. لا الزواج بلي بغات .. اشمن نوع من الناااس نتوما .. حياة ختي انا تذمرات بسباب هاد التخلف و الرجعية فالتفكير كانشوووفها عايشة و معايشاش كاتبين لينا راسها بلي راهي لاباس و عاجبها الحال .. و هي عايشة حياة تحت جناح واحد مكيبغيهاش و محسسها بالنقص ديما!! .. و دابا جات نوبة رجوى .. و غدا نوبتي .. ولكن انا اجلال كون اكيييد عمركم غاتمارسو عليا الطغيااان ديالكم .. حيت انا نهار يدق قلبي ماغانتلفت لحتى واااحد فيكم .. - جلال .." طلع راسو فيها مخنزر " نتي بووحدك نتي ..المعانات معاك مزال ما بدات ..بالحق نهار نجيب خبارك غاتشوفي وجه ااااخر .. - رؤيا .. ههههههههههه اوه خلعتيني .. عند بالك انا غاتهمني نتا اجلال نهار نبغي شي واحد؟؟؟؟ هااا انا مكانخافش منك ..خصك تعرف بلي نتا ماشي كوولشي لهاد العائلة .. انا كوولشي لرااسي تا حد مايغطي عليا و على رغبااتي .. انا لي نقرر فحياتي و مستقبلي و مع من نعيش .. راجع نفسك اجلال .. شوف واش نتا مكاتغلطش!! واش نتا مكاتعرفش بنااات من خارج هاد العائلة .. شوف راسك واش قديس ولا غير كتدعي المثالية .. شوف راسك واش كاتطبق ولو شوية من هاد القوانين لي مفروضة علينا حنا فهاد الدار .. عاد اجي طبق على هاد المسكينة لي طاااحت دابا.. من جهة نتا .. و من جهة العائلة .. و من جهة داك لي كاتبغي و هو اصلا ماعارفهاش تتحس بشي حاجة من جهتو .. فكر مزيان فهضرتب ... و الة كنتي بغيتي تكووون اخ ديال بصح ..هي لا جمعتيها بالإنسان لب كاتبغي .. هي لا حاولتي دير المستحيل باش ختك تعيش مرتاحة ..ماتقووولش مستواه الماادي و نسى عائلة الهلالي و قوانينها .. دير فبالك حاجة وحدة .. هي انها هي غاتكون سعيدة معاه ... اما بهاد الطريقة رااك غير كاتمثل بلي راك الأخ لي باغي مصلحة ختو و نتا فالأصل كاتمارس عليها غرورك .. - جلال .." بقى كيشوووف فيها بلا مينطق باس يد رجوى و ناض فحالو خىج ماتلفتش لرؤيا لي كانت تتغدد غا بوحدها .. .... حط راسو بين يديه و الصداع كان قااتلو هز تيليفونو و صيفط ميساج لمحسن ..( بغيت عندي معلومات داك حينا لي كان خدام عندنا .. عبد الجليل عاطف ..اي كبيرة و صغيرة نبغي نعرفها عليه ..) رمى التيليفون و رجع راسو لور جبد كارو ااخر كيكميه . في حين المى حتى هي كانت تتفكر اااخر رقاااء ليها مع مرتضى .... رمى التيليفون و رجع راسو لور جبد كارو ااخر كيكميه . في حين المى حتى هي كانت تتفكر اااخر رقاااء ليها مع مرتضى .... صباح اليوم الثاني بعد الليلة لي تلاقات فيها مع جلال جلسات ديك الليلة كاملة تتفكر فشنو غادير .. لكن الي كان فبالها و مقرراه كيف خرجات من عندو انها اكييد غادي تحط يدها فيد مرتضى ..مدام ماشي شي حاجة لي فيها خطورة عليها .. علاش لي كاتربحش موراه الفلوس .. واخة كانت عارفة انها حاجة غادي درو ولكن كانت معمية و غشاااء على عينيها كيبين ليها زوج حقائق .. ان الرجال فحال فحال .. و الفلوس لابد منهم ..ديك الليلة اتصلات مزال بمرتضى حيت كان عطاها كارت فيسيت ديالو .. - المى .. الو .. وي .. مسيو مرتضى .. معاك المى .. - مرتضى .." ابتسم ابتسامه واسعة" .. اهلا اهلا .. كيف راك مادموزيل .. -المى ..بيخير ... اتصلت بيك باش نقول ليك بلي انا موافقة على العرض ديالك .. -مرتضى .." زادت ابتسامتو وساعت و طلع صبعو بمعنى برافو لسمير. .".. اكيد ماغاتندميش امادموزيل .. اذا امتا غانشوفك باش نتفقو على كولشي !! - المى .." بدات تفكر مع راسها مدام جلال كيراقبها و هادشي عرفاتو حيت عرفها خرجاات .. " .. شوف .. خليني نفكر .. غدا غانتصل بيك .. و نقول ليك فين غانكون ولا فين نتلاقاو .. طفات عليه اليتيلفون و منعسات .. كي وصل الصباح مشات ديريكت لشي حوايج ديال عائشة فصلاتهم على ود شي نهار يقول ليها راسها دير النقاب .. لبسات العباية و الاسدال ديالها ..لبسات معاهم طالون اسود و هزات صاكها ..خرجات و شدات طاكسي دازت من حدا الفيدور بقى كيشوف فيها ملي خرجات من الباب و مادا ما جااب و هي عرفاتو غير من عينيه لي كانو تابعين الباب ..خذات طاكشي ديريكت للمقهى لي موالفة كاتريح فيه ..خذات تيليفونها و اتصلات بمرتضى عطاتو العنوان و حبراتو بلي لابسة اسدال و عباية .. حطات التيليفون ديالها و طلعات النقاب عرات وجهها.. طلبات مشروبها المفضل من عند داك المطعم .. "الموكاتشينتو''.. ما هي الا دقائق معدودة وصل مرتضى لكن هاد المرة مكانش معاه سمير ... - مرتضى .." جلس قدامها باستغراب بعد ما سلم عليها"..علاش ديرة هاد الحالة كاملة فراسك؟؟ - المى .. جلال مراقبني .. و درت هادشي باش ميعرفنيش ..الكارد لي مصيفطو يجيب ليهتبرگيگتي دزت من حداه ما دا ما جاب ... - مرتضى .." صفق عليها" ..فريمون برافو .. ههههههههههه تبارك الله عليك .. هلدشي علاش ختاريناك بالضبط .. - المى .. المهم دابا ندخلو فالمهم .. نتاقلتي ليا نقدر نحط العدد لي بغيت !! - مرتضى... لي بغيتي .. سبق دوينا فهادشي .. حنا مكيهموناش الفلوس قد ما كيهمووونا معلومات الهلالي .. -المى ..باش نكونو متفاهميين ..خدمتي معاك من الاول باينة .. غير نقلالاخبار ..عنداك يقول لك راسك شي مرة تقول لي جيبي لي شي حاجة من عندو و لا نسرق ليك شي حاجة .. كنكره هاد المواقف ... -مرتضى..كوني هلنية من هاد تلناحية .. نتي ماعليك غير كل ليلة تخليلي تقرير عليه.. -المى..اذا متفقين !! -مرتضى .. كيخصك تقربي منو بزاف و الى عرفتي كاع تغويه .. انا بغيتو يطيح فيك باش يتيق فيك و يخلي اوراقو كاملة مكشوفة ليك فهمتي!! - المى .. اممم.. - مرتضى .. حاولي تقربي منو ...غادي تنفعيزا و تنفعي حتى راسك😉.. - المى .. غانشوف كيف ندير ..اه .. متتصلش بيا انا لي غانتصل بيك .. باش ميشكش .. - مرتضى ..اممم واخة.." جبد دفتر الشكات ديالو و سينا فيه على بياض.." ..كتبي نض اارقم لي بغيتي .. غاتاخدي دابا النص و فاش نتأكد كن خدمتك نعطيك المص الثاني.. اكيد فاهماني ..؟؟ - المى .. امموي فهمتك .." خذات منو الشيك كتبات نص المبلغ لي بغان لي كان خياالي طبعا لكن مرتضى كاحكرش كيف قال ليها كيهموه معلومات جلال اكثر ما كيهموه الفلوس ..بعد هاد الموعد دازت ديريكت للبنك جبدات الفلوس حولاتهم لحسابها مباشرة و رجعات لدارخم متخفية كيف خرجات . مشات للبلاكار و خذات منو شوميز دو نزي اسود .. لاسق عليها واصل حد الفخض و الفوق ديالو طويل حتال التحت من الستان الحريري..لبسات معاهم كلاكيطة كحلة مبينة صبيعاتها لي مصبوغين فنفس اللون .. جمعات شعرها شينيون مبعترة و دارت كلوص لابع بدون لون فشفايفها .. و هي عندها اصلا بيبي سكين مكاتحتاجش للمكياج .. خرجات من الشومبر ديالها باش تقلب على الشومبر ديالو و هي تبان ليها الخدامة هازة بلاطو فيه القهوة و كاس تالما و فانيد الراس .. - المى ..عافاك .. لمن هادشي جلال!! - الخدامه .. وي مدام .. - المى .. امم .. عطيني انا نديه ليه .. سيري قابلي شغالك .. خذاتو من عندها و مشات داتو ليه .. دقات الشومبر سمعاتو قال دخل عاد دخلات بشوية كاتمشى على اطراف صبعها .. طلع راس فاش تحل الباب و تلاقات و عينيه مع عبنيها .. بقى مدة تيشووف فيهم .. عاد طلع و نزل فيها و حجبانو مقوسين .. - جلال ..ياك لاباس ..؟؟ - المى .." قربات ليه بدلع و حطات فوق الطابلة الدوا و القهوة" ..هاد السؤال انا خصني نسولو ..مالك شنو بيك؟؟ - جلال ..مابياش .. علاش؟! شفتك جايبة القهوة بنفسك .. - المى ..اه وي ..تلاقيت الخدامة جايباهم لك و قلت لها انا نديهم - جلال .. و اش هادشي لابسة؟!..معاك راجل فالدار يمكن!!٠ - المى .."جلسات حداه و حطات يدها على كتفو" .. امم و من بعد .. مالي !! هذا العادي ديالي اش غانلبس .. - جلال .." قاس لبها جبهتها" .. اش بيك .. !! قبيلة عاد كنتي تتنفخي و تصوطي غا بوحدك .. - المى .." كدوز صبعها على كتفو" .. غير ساعة غاضب .. ماعرفتش مالي وليت كانتعصب دغيا و على والو .. واقلة سطريس ديال الفيلم . - جلال .. " بشك" اممم سطريس ..واخة الالة .. ندوزوها سطريس .. -المى .." مبتسمة" .. يالله شرب دوا عاد القهوة .. " وقفات و عاودات تحنات تقابلات مع وجهوو هو عبنيه مشاو لصدرها لي نصو باين مبااشرة ..و باستو فحنكو" .. تصبح على خير .. خرجات كاتعوج فالمشية و جلال رجع لور بقى غا كيشوووف فهاد التغيير المفاجئ ديالها .. و شكو كيزيييد كل مرة من تصرفاتها ... #يتيع #آرائكم_حول_الأجزاء_الأولى_من_الفصل_٢❤️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
