عاشقة الثراء💸مكتملة💸

💸الجزء 116💸

عاشقة الثراء
"ليالي نسيم "
البارت 116
-ملِك قلبي-

^^تركيا - انقرة 5/12/2018^^

بعد اسبووع من التفكيير و الضنووون لي قااتليينها .. .. اخيرا قررات تخطي الخطوة لي جات مصرة اننا تخطيها و تنقد جلاا و مراد .. جلسات فالتيراس ديال الاوطيل .. هزات الكارت سيم ديال مراد فيديها تتشوف فيها .. من داخلها مامرتاحاش و خايفة .. حاسة براسها غاتوقع شي حاجة ماشي هي هاديك .. لكن العرق لي فييها فضولي .. و فاش وصلات القضيييية للتآمر بين الخووت و ولاد العم ماعرفات ما دير .. تشجعات و دارت الكارت سيم فيتيليفون قديم عندها جايبااه معاها .. .. قلبات على نمرة مرتضى حتى لقاتها دخلاتها فتيليفونها و اتصلات بالرقم .. ما هي الا ثواني و جاوبها ...

- مرتضى .. شكون معايا !!
- رؤيا ..احم .. ممكن نشوفك ضروري .. على ود مراد ..
- مرتضى.. "بعدم فهم .. شاف فالتيليفون تأكد من الرقم و عاود حط التيليفون على ودنيه .." .. شكون نتي!!
-رؤيا .. رؤيا الهيلالي ..عرفت من مراد انك فتركيا ..شوف انا غانتكلم معاك و اذا ماعجباتكش هضرتي دير لي فبالك ..
- مرتضى .." ناض وقف و شد راسو بحال لا ضربتيه ببىوطة للراس .." .. نتي شكون قلتي رؤيا!! ..!! .. ككك.. كيفاش جبتي نمرتي ..
- رؤيا .." بلعات ريقها من صوتو الخشن لي زعزع طبلة أذنها .." .. اناا .. احم .. خذيتهااا منوو ..
- مرتضى .." تلاح على الكانابي ...اش بغبتي ابنت الهيلالي .. !؟
-رؤيا .. بغيت نشوفك .. نتلاقاو و نهضرو اذا كان ممكن !!
- مرتضى .. ههههههههههه .. گاااع .. واخة الالة .. مطلبتي الا الموجووود .. نتلاقاو .. قلتي ليا كاينة فتركيا ياك .. اشمن بلاصة كينة بالضبط؟؟
- رؤيا .. انا في انقرة ..
- مرتضى .. بوورفكت ..من هنا لساعتين .. اجي للعنوان لي غانصيفط ليك .. تمام .. غاتلقاي ناس تيتسنااوك يجيبوك تال عندي .. اوكي ..
- رؤيا .. ولااش ماتعطينيش عنوانك نجيك انا بلا تخربيق و ضياع وقت. .
- مرتضى .. بنت ليك راضع من بزولة الحمارة؟؟! غادي ي لي قلت ليك مفهوووم ..الى بغيتي تشوفيني ..!!
- رؤيا ..اوكي
قطعات معاه الاتصال و اتجهات ديريكت للشومبر ديالها فالجناح لي شادة هي و ساندي ..بدلات عليها بالحف لبسات تيشرت و سروال ..مع سبادري كولشي نور .. خلااات شعرها الأشقر طايح على كتافها .. هزات صاكها و اتجهات ديريكت عند ساندي للغرفة ديالها لقاتها تتجمع الفاليز ديالها ..
- رؤيا .." مربعة يديها" .. واش متأكدة من قرارك؟؟؟
-ساندي .." ضارت عندها .. شافت فيها مطولة و تنهدات .. اتجهات لعندها و شدات ليها فكتافها" .. طيارتي بعد ساعة ..
- رؤيا .. قرارك ماشي فمحلو اساندي .. الهرووب مااشي هو الحل .. و هذااك القصر .. راه ديال العائلة .. ماشي ديالهم .. ديريها فبالك .. بلاصتك كاينة فيه وااخة تمشي فينما مشيتي..
- رؤيا .. قرارك ماشي فمحلو اساندي .. الهرووب مااشي هو الحل .. و هذااك القصر .. راه ديال العائلة .. ماشي ديالهم .. ديريها فبالك .. بلاصتك كاينة فيه وااخة تمشي فينما مشيتي..
- ساندي .." ضحكات باستهزاء " .. بعد ما ديك القحبة .. مابقاتليش بلاصة .. هههه انا حتى جدي لي هو جدي .. ميزها عليا ..بنت زنى .. بنت غير شرعية قرر يسلمها اداارة القصر .. و انا لي مزوجة بحفيدو قرن و زمارة هادي مادارهاش .. و بلا ماندويو على جلال .. هذاك مرفوووع عليه القلم .. تصوري على ديك الدقة لي عطيتها مشات تتجري تشكي لبه و تحرشو عليا .. ههههههههههه مهددني يقتلني لا وقعات لبها شي حاجة انا بغييييت ليهااا الموووووووت .. و عمرهم مايعييشو هانيين .." وجهها حمااار بالغدااايد ..
- رؤيا .." دارت فيها شووفة فشكل" .. مالك وليتي هكذا .. فين عمرك اهتميتي بجلال كراجاك .. انا راين عارفة كووولشي .. هي ماخداتوش منك .. نتي لي ماتقبلتيهش نتي لي ضيعتيه من اول ليلة .. نتي .. و بااقية عايشة لي على ذكرى داك ..
-ساندي " حبساتها بيديها" ..ماتكمليش عافاك .. هادبك منطقة محضورة .. و هذااك شخص مقدس بالنسبة ليا .. مابغيتكش تدوي عليه .. كفياا انووو مات و هو شاب ..
- رؤيا .. واباااز .. ساندي .. خصط تعالجي وحق الرب ..
- ساندي .."ابتسمات ليها باستهزاء" .. فعلا خصني نشووف شي طبيب نفسي .. الضغط لي تحملتو .. من نهار تزوجت بجلال ..خلاني فعلااا مريضة نفسية .. و كي نرجع لباريس .. اول حاجة غانديرها غانشوف شي طبيب .. اذا كاانو النااس لي قراب ليا ماقادينش يتحملوني ..سوو. .. غانشووف طبيب .. لي نعطيه فلووس و يتحملني .. و تحمل كلامي .. لي اانحكيييه ليه فكل جلسة .." ضرباتها بصبعها لنيفها".. سي يو بيبي ..