عاشقة الثراء💸مكتملة💸

💸الجزء 27💸

عاشقة الثراء "
"البارت 27"

-المى -

ابتسمات و فاقت من افكارها كي وقف السيارة فمكان بعييد على المدينه .. .. طلعات راسها بان ليها بانو مرشوم عليه حصان!! بانو علانات الاستفهات على وجهها ..دورات راسهت و شافت فجلال لي كان تيهز تيليفونو و الكارو باش يخرج!
- المى ..مستر جلال شنو غانديرو هنا؟؟
- جلال .." دار عندها" ..سمي جلال .. و جايين هنا نركبو الخيل ..
- المى .. ها؟؟ .. اوعدي على الخيل .." كان السيد وصل للباب ديالها فتحو و مد ليها يديه .. " ..
- جلاال ..مالك مدهشرة .." ابتسم بالجنب " .. مدي ديك ..
- المى .." شدات لو فيديه و ناضت لعندو جرها بالجهد حتى طاحت على صدرو" ..اووبس ..
- جلاال .." قهقه بخشونه" .. رطبه كثر من القياس .. هه
- المى .." بدلع ..نتا لي حرش كثر من القيااس ..
- جلال .." طلع فيها حاجبو" .. هادشي لي بغات الوقت .. يالله مشينا ..
رمى السوارت للكارديان يبلاصي الاوطو و دخل هو و المى لي كانت هلدي اول مرة كدخل فيها لنادي الفروسية .. طبعا جلال الهلالي عضو مهم فالنادي داكشي علاش ميقدر ش يسولوه على الناس لي كيدخل معاه واخة النادي برايفت .. دخلو ديريكت للاسطبل ديال الخيول و لي تلاقاهم فالطريق يوقف يسلم على جلال و هو كيبتسم ابتسامة ماكاملاش و كيدوز شاد لألمى فيديها و هادشي لي ثار انتباه شحال من واحد .. من الناس الموجودين فالنادي ..و لي ديجا تيعرفوه .. .. المى كانت مبهورة بداكشي لي كاتشوف .. كان فضااء قدو قداذ كلو خضورة و كينين ساحات كيجري فيهم الخير .. و طريق كبيييرة تا هي على شكل غابة .. كيجري فيها الخيل تا هي .. الناس كانو قلال تما غير النيت و نيت لي كيمشيو يديرو الفروسية .. خذاها للإسطبل ديريكت وكي وصلات ليه زيرات ليه على يديه ..
- جلال .. '' حيد لها يدها من يدو و دوزها على خصرها و جرها لصدرو" ..ششت .. ماتخافيش ..!!
- المى .." لاسقه فيه كي ااجرانه هي غا شافت الخيل و جاتها الدوخة .. كل واحد كيدير صوت فشكل و صوت ديك قراب قراب ديال رجليهم جاتها فشكل .. لأنها كانت من النوع لي كيخاف من الحيوانات .. " .. اووف ريحتهم خيبه ..
- جلال .." جرها " ..زيدي باراكا من التبعكيك ...
بقى كيدوز ليها على ضهرها حتى حس بيها ترخات عاد كملو طريقهم للحصان المفضل عندو .. .. جلال كان عندو النص فدوك الاحصنه .. كل مرة كيشري حصان لولعو بيهم .. و الاحصنه عندو خصهم يتعاملو معاملة خاصة .. كان فينما يجي للمغرب واخة يكون غير نهار ضروي يجي يشوفهم .. وكان بعد المرات كيروضخح و يخرج كلو مدغدغ .. وصلو لقدام واحد الحصان لي كان كلو أسود ..و عينيه هوما لي صغرين .. حتى الصمطة و الشرج ديالو فالأسود .. غير شاف جلاا و حس بيه حداه صدر هوت من فمو معلن انو فرحان لحضورو .. او توحشو .. تا جلال قرب ليها و بدا كيمس ليه على راسو و باسو فوق نيفو .. و بدا العود كيتح ليه مع راسو فرحان بيه ..
.- جلال .. بركان يا بركان .. توحشتيني .. ههههه ... تا انا توحشتك احبيبي ..
رجعات المى للور و بقلت غا تتشوف فيه .. و كيفاش تيقيسو بلا ميخاف منو ... دار لعندها لقاها بعدات و كاتشوف فيه بنضرة فشكااال ..
- جلال .. ههههه قربي .. قربي ماغايعضكش...
- المى ..." لوات شفتها" .. لالا خيفه منو .. شو كيف دير .. عينيه كيخلعو بين عليهم الشر ..
- جلال .." ابتسم بالجنب" .. الحيوانا ماتخافيش منهم مافيهمش الشر .. هذاك خليه لبنادم كيعرف ليه كثر ..اجي قربي لهنا قلت لك ..
- المى .." كتغبن" .. وا مابغيتش هنهننهننن
- جلال .." حمر فيها عينيه" .. زيدي لهنا ..
- المى .." هزات فيه راسها و قربات لعندو مغبنه و خيفة " .. هااني .. ماتغوتش ..
- جلال .." جرها حتى ترمات على صدرو .. عنقها و باسها فراسها" .. تخافي و انا معاك الخايبة.. اممم .." عاود باسها فراسها" .. اش كندير لا خليتو يآديك ..
- المى .."مصعوقة منو ... غا كاتضور فدوك العينين .." .. ها ..
- جلال .. " شد ليها يديها حطها على راس بالعود .."..هذا بركان .. ملي كانت عندي 15 عام شراه ليا جدي ..كان فكازا ديك الساع .. و فينما كانت تديق بيا تنركب عليه ..ربحت بيه بزاف تالمباىيات .. كنت بطل تالفروسية و شاد ميدالياات
- المى .. " باهتمام".. و دابا ..؟؟ مابقيتيش كاتشارك فالمسابقات" ..
- جلال .. تت .. عندي حوايج اهم .. و بركان بدا كيكبر .. دابا غير كانراهن عليهم و صافي ..
- المى ...اممم .." استحلاتها كاتقيش ليه فوق راسو" علاش سميتيه بركان!!
- جلال .. " معنقها من اللور " .اولا حيت هذا لي قدامك مكيعياش .. لايقهر.. و بفضلو فزت فكاع الامسابقات لي دخلت فيهم واخة كانو مع الگور ..و ثانيا لانو هذا هو الوحيد لي ميقدر تا حد من غيري يركب عليه او يروضو .. كيكون ديك الساع فحال البركان .. يسحق كولشي .. و تا حد مكيقد عليه ..
- المى ..امممم..
- جلال ..اش بان لبك نجيبو به ضويرة ؟؟
- المى ..ااا .. لاء ماخصنيش ..
- جلال .." دورها بالخفو زدحها على الحيط ديال الاسطبل بخفة و قرب ليها مزيان .. خشى رجلو بين رجليها باعد بينهم شوية و يديه حط وحدة على الحيط و حدة مدورة على خصرها و شادها مزيان" ..ياك قلت لملتك ماتخافيش و انا معاك؟؟
- المى .." تاتشوف فيه يالله فتحات فمها باش تنطق" ..ها ...
و هي تحس بشفايف فازگين على شفايفها .. باسها فالأول بويات مفرقة على شفتها .. ماحسش براسو فديك اللحضة .. و حتى هي حسات بالتبوريشة طلعات معاها .. عنيها غمضاتهم عكسو هو لي كان فاتح عينيه ك شوف فملامحها ..نزل يديو على وجهها حطها فحنك ديالها بدا تيدوز بصبعو عليه..اما شفايفو كانو خدامين .. استقر على شفتها التحتية لي كانت اكبر من الفوقية و بدى كيمص فيهاو يتلذذ.. مذاق شفايفها بالنسبة ليه كان طعمو غير .. الشيء لي خلاه كيديوز من شفة لشفة حتى خلاهم طايبين و جرحها من شفتها التحتية لي بقى كيمصمص فيها ..اما هي كانت كاتقنع راسها تخليه يتمادا باش يزيد يتشعبط فيها و تطيحو بأقصى سرعة .. ولكن هذا مكيعنيش انها ما استمتعاتش بالقبلة بالعكس .. هز راسو و فصل القبلة .. حط جبهتو على ديالها و صدرو كيطلع و ينزل..
- جلال ..اااخ كراميلا اااخ ..
- المى .. " نحنات و نزلات عينيها هاد الحركة خلاتو يبتسم من الاعماق حيت شفايفها كانو مبتسمين ...
- جلال .." فتح لبركان و خرجو من المكان ديالو و جرها لعندو من خصرها هزها بين يديه حتى طلعات و طلع موراخا شد فيها مزيان حيت كانت خايفة و عطى الاشارة لبركان انو يتمشى بشوية .. كان شاد لها فكرشها و كيدوز عليها بشوية بشوية .. خلاها تخدر عندو لي تيكنيك فالتعامل مع النساء خطيرين ..واخة تكون المى لي قلبها صخرة. غادوب بين يديه .. حط راشو فعنها و تكلم بنبرة شوكات لبها لحمها" ..
- جلال كرميلا مزالة خايفه؟؟ هممم..
- المى .." تلوات بين يديه" .. ههه لا .. و ماتبقاش تقول لي كراميلا ..
- جلال .. كراميلا سايحة .. " شحطها بشوية لفخضها" .. ماشي غا سايحة و مهبرة ..
- المى .." ضحكات بخفة و دلع خلاتو مستغرب و طلع حجبانو على هاد التغير لي تغيراتو !! و كيفاش عاد كانت قبيلة كاتغاوت وتخرج فعينيها و دابا كاضحك و تسيح بين يديه ..!!! لهاد الدرجة الفلوس كيلعبو ليها على المشاعر!! ابتسم بالجنب و هز يديه شحط فخض بركان لي تلقى الضربة و طلقها بجرية على اثرها غوتات المى و تسمع صدى الغوتة ديالها فكاع الارجاء .. شد فيها و زير عليها اكثر و أكثر حتر حسات بيه مغطيها و حاميها لا طيح و هو غير افكارو و داكشي لي فهم من عينيها و تصرفاتها لي تحكمو فيه فديك اللحظة ... حس بيها سكنات و كابقاتش كاتركل و تغوت باسمو .. و هو يضور بركان باش يرجع لجهة الاسطبل ..رجع كيجري بالجهد حتى جاتها الدوخة و حسات بعينيها كيشوفو الضبابة ..عاد وقف .. نزل و مد لها يديه طاحت فحضنو كاتنهج و قلبها يضرب فالستين ..
- جلال .. اوا .. كي جاتك الركبة على بركان ..!!
- المى .." كاتبلع ريقها" .. زوينه ولكن دخت .. مجهد بزااف ..
- جلال .. اوا شنو يصحابك .. كيشرب الماء المعدني. و كياكل غا الشغير و الحاجة النقية لي تنفعو .. هذا غا شوةي من قوتو ..
- المى .. غا شوية .. انا لي شوية و نرض فوق منو ..
- جلال ..هههه" شدها من يديها و داها لصف لي كان فيه بركان بعد ما دخلو لبلاصتو و سد عليه ..
- جلال .. ختاري واحد!!
- المى .." وسعات فيه عينيها" .. واحد ليا ؟؟
- جلال .. "بملامح ممحية" .. اه ..
- المى ..طلقات منو و بلى ماترفض ماتعترض مشات تتشوف فداك الصف حتى طاحت عبنيها على فرس بيضاء .. كانت اجمل وحدة فيهم .." .. جلال .. هادي شنو سميتها ..
- جلال .. هاذي لي عجباتك!؟
- المى .." ومات ليه براسها مبتسمه" ..
- جلال .. نتي سميها ...
-المى .. اممم.. " قربات لبها بحدر و مساتها فوق نيفها بحذر .. و كي زفرات الفرس و هي تنقز المى رجعات اللور" .. غانسميها eva ..
- جلال ..اممم.. مزيان .. هادي من اليوم ديالك ..هقلي عليهت مزيان ..
المى راحت فخبر كلن .. عينيها كيرميز الفلوبى على جلال بهاد السخاء ديالو .. كيفاش و علاش مايولاتش لي هامها هي تجبد الى لقات ما تجبد .. اتجهو للكافي لي كانت فالنادي و ماشايفينش عيوم كانو مراقبينهم من اول ما دخلو للنادي حتى وصلو لاكافي...
اتجهو للكافي لي كانت فالنادي و ماشايفينش العيون لي كانت مراقباهم من اول ما دخلو للنادي حتى وصلو للكافي ..
- جلال ..اش تبغي تاكلي ..!!
- المى .." كاتشوف فالموني " .. امم اغلب ماكلاتهم بيتزا ..
- جلال ..الى مكاتعجبدش نمشيو لبلاصة اخرى ..!!
- المى .." رجعات لور و شافت فيه" .. كانمووت عليها ،..😍 بغيتها بفخوي دميغ ..
- جلال .." جمع لحيتو بيدو و عطى الطلبية ديالهم للكارصون .. و تكى على الفوتوي مد يدو تحت عنقها كيماصيه لبها بطريقة خلاتها ترخىىىىى و لاحت رسها للور" .. استحليتيها ههههه
- المى .. ههههه ..😁😁
-جلال ..ماعاودتيش ليا على راسك!!
-المى .. اش بغيتي تعرف؟؟
- جلال ..امم .. كولشي .." مستمر فالحركة ديالو" .. مثلا ..حياتك .. عائلتكم .. واليديك .." على كلمه واليديك حس بيها تشنجات و لكن في ساع رخات راسها" ..
- المى ..انا .. حياتي عادية ..قريت فمعهد التمثيل .. و تخرجت بقيت مدة عاد جاني عرض ندير اعلانات و وافقت .. من تما بديت التمثيل معاكم ..
- جلال .. انمم و عائلتك ..
- المى .. " حمات راسها كاتلعب بصبعها" ..عندي ختي .. سميتها خولة .. و ماما .. عايشة معاهم ..و بابا توفى الله يرحمو ..
- جلال..."صغر فيها عيه بلا ماتشوفو" .. اهاااه ..
- المى ..المهم ماما و ختي هوما حياتي حاليا .. و لي قاسهم ليا عينيه نجبدهم ليه ..
- جلال ..اووه .. لهاد الدرجة !!
- المى .. و أكثر .. ماتخايلش شنو هي ماما عايشة بالنسبة ليا .." بانت ليه لمحة حزن فعينيها لكن في ساع قدرات تحكم فعينيها لكن كان شاافها و كان كاان" ..و ختي خولة تا هي ... واخة مزالة صغيرة بعد المرات تنحسها كبر مني ..غير بعد المرات ههه ..وارثه جينات الحنية على ماما عايشة ..
- جلال .." تيشوف فيها و عزات علبه حيت عارف ضروفها و عارفها غير بنت متبنات و عارفها باش حاسة " .. واخة الالة .. مزيان .. ايه و كيفاش تا قررتي تدخلي لمجال التمثيل !!
- المى .. امم من صغري تيعجبوني الأميرات ديال ديزني .. ههه " حطات يدها على وجهها .. كنت تنتفرج فالرسوم و كانبقى نتثل داكشي لي تيديرو .. بالحق دائما كان ناقصني الأمير .. هههههه و حتى فاش كنت تنقرى .. الى درت شي زبلة ولا تغيبت .. كانبدى نمثل على ماما حتى تيقني .. هكذا تنمات عندي ديك الفكرة ديال التمثيل فاش لقيت راسي مقنعة .. و درت المعهد و هادي دابا غادي نلعب بطولة ففيلم ديال ناس كباار .." حطات يديها على يدو لي كانت فوق صدرو" .. بحالك ..و بحال جو ..
- جلال .." شد فيديها" ..لاش باغية توصلي ..!!
- المى .." جاوبات على سؤالو فصيغة اخرى .. كيف فهماتها هي واخة مكانش هذا هو قصدو"..باغية نوصل للعالمية .. نمشي بعيييد .. نولي نمثل فهوليوود ..مع كباار الأباطرة .. اححخخ ..
- جلال ..فسسسس تفشي شوية امدموزيل ..درجة بدرجة و ماتنسايش العقد ديالينا معاك ..😉
- المى .. امم ماناسيااهش ..
-جلال .. مزيان ..لاش مغيرة اسمك اعبير..!؟
- المى.. دورات ليه راسها و عاقدة حواجبها " .. مكيعجبنييش ..!
- جلال .. " طلع فيها حاجبو" .. غير مكيعجبكش و صافي!!
- المى .."باختصار .." .. اه ..
قاطعهم اتصال جاه خذا تيليفونو لقاه رقم ماشي ديال المغرب .. و هو يجاوب ..
- جلال .." مطلع يديه و شادو بزوج صباع" .. وي شكون معايا؟؟
- حبيبتك دغيا نسيتيني ..ها ..حتى رقمي مامسجلوش اجلال .. !! علاش كدير معايا هكذا!!
- جلال ..ماادلين .. مامساليش لديلمك ..قودي ..
طفا عليهاو رجع دار تكى على الكنابي كانت المى خذات طرف من البيتزا ديالها كاتاكل فيه ..جر ديالو تا هو .. و هاد اللحظات كاملين صورهم الشخص لي كان قبالتهم و هوما ماشايفينوش ...

- وي مرتضى ..ماغاتبقش شكون لقيت هنا .. فالنادي ديال الخيل ..
- شكون ؟؟
- ههه صاحبونا.. جايب معاه واحد الصاروخ من الصباح و هو يتحاك معاها كون راه جابو ..
- شكون ..؟؟ علامن راك داوي .. ؟؟
-وايلي اصاااحبي تا نتا على شكوون .. وا الهلالي اصاحبي .. مالك تكولختي !! شوف الواتساب ديالك .. راين صيفطت ليك تصيورات ..
- ههههههههههه واخة واخة .. عنداك يقشعك و الاه تا يخلط إناك تما ..
- علاه حنا دراري صغار!! انا غانوض دابا كأي مهذب نسلم عليه و على الزين لي معاه ..
- ههههههههههه ميقد عليك غير لي خلقك ..
- سمير هذا و أجرك على الله ماشي حيت خوك الصغير تستصغرني .. هههه
- ههههههههههه سير اخويا الصغير سير ...
قطع معاه و الضحكة على فمو .. حط تيليفونو فجيبو .. و ناض صايب الكول ديال الشوميز ديالو.. و اتجه لجهة جلال و المى