عاشقة الثراء💸مكتملة💸

💸الجزء 45💸

عاشقة الثراء
"البارت 45"

-أهرب منك إليك -

-جلال .." ضربها لراسها" .. هاد الراس غانهرسو لا مزال سمعت بحال هاد الخرا
- رجوى .. و شنو بغيتيني ندير .. !! هاا .. جاوبني .. نهار جيتي عندي و طرشتيني .. تتعقل .. هاديك اول مرة تحط عليا يدك اجلال .. و ماكنتي فاهم والو . مشيتي عند عبد الجليل ضربتيه .. و جيتي عندي كملتي لي بقى .. هادشي غير باش ترضي كبريائك لي حسيتي بيه تهان ..! جليل ديك الساعة ماعارفنيش حتى وااش كانبغيه .. !! و نتا مشيتي ليه بلا سبب .. ولكن كي عرفني كانبغيه .. حلف ليا غااانكون لييه و مهايتخلاش عليا حيت حس براااسو مسؤووول على هاد الحب لي كنكس بيه انااا ...شكون لي غايآديني .. واحد بهاد الأخلاق نتا كضن انو غادي يآديني .. الى كنتي تتشوووف بلي هو مااالايقش سمح ليا نقووول ليك راااك عماا ..!!
- جلال .. ايمتا عرفك كتبغيه و ايمتا حس براسو مسؤول .. امتا طرا هادشي بالسلامه ؟؟هاااااا .. دويييي" غوت عليها و زعزعها..تا بدات تترعد" .. ديييلمك مشيتي قلتي ليييه تتبغيه الحماارة .." جرها من شعرها ".. و هو غييير حااس بالمسؤووولية .. ماباااغيكش الحمااارة ..
- رجوى .."شادة فيه لي شادين فشعرها و تتجر راسها باغية تفكو من بين يديه" .. حيد عليييا .. هءههءهءه يصحاابك لك ماعارفاااكش اش كدييير .. نتااا تتخرج مع من مااا بغيتي و تحبسني اناااااا هءههءهءه ..
- جلال .. انااا رااااجل لديييلمك راااجا مااايدااارش ليااااا .. نتي الحمااارة مهااار يتقبووك ماغاتبقى ليييك تا قيييمه .. تا هووو ماغايبقاااش يشووف فكمااارتك الحماااره .. حيت مكيبغييكش .. غير حس بلي خصو يبين ليك بلي راهو راااجل .. لو كاان قلتي لياااا كيبغييك نقووول ممكن .. جااايز .. ولكن نتي باااغية تشوووهي كرك بكرك..
- رجوى ..'' فشلات مقاوماتها معاه و طلقات منو" .. جليل ماشي فيحال لي فبالك .. ميقدرش يقيسني ...
- جلال .." طلق منها " .. فااش كادوي نتي .. وااا ماتقووليش ليا ديك الهضرة الخاوية ديال الأفلام... اي راااجل فالعااالم كيضعف قدااام التقبة .. و خصووصاا لا كانت فرييش ..ضبري مخك و لي ضرب كرو كيبكيش.. هاودني منك ...
- رجوى .." صيبات شعرها و تقابلات معاه " .. دابا قول ليا .. واش تتشوف فيا انا مافياش الثقة لهاد الدرجة باش نفكر ندير معاه علاقة لمجرد أني كنبغيه!
- جلال ..شوفي .. نقول ليك و ديريها فبالك فاااش كاتكون الخلوة بين زوووج و خصوصا المرا كتكووت تتحب كوني اكييدة كاتفشل و طلق راسها بل ماتحس ..
- رجوى .." جاتها الضحكه" .. اه ما انتا خبرة ..
- جلال .. " خزر فيها " ..كندوي مع ملتك عطيني مخك ..
- رجوى ..هاهو مخي معاااك معاااك دابا غير قول ليا لاش بااغي توصل. .
- جلال .. " شد راسو بيديه" .. الصبر ... لي بغيت نقول ليك .. الى كنتي باغية تنساي جدك ..و تنساي العائلة تزوجي بواحد خارج ولاد عمك .. نتي لي تعرفي ..
- رجوى .. و نتا!!
- جلال .." طلع فيها حواجبو" ...مالي يانا ..
- رجوى .. شنو موقفك ..ياك ما غاتنبذني!!
- جلال .." تنهد كيحك لحيتو و يشوف فيها" .. نبذك؟؟ نتي راك بنتي الحمارة بنتي .." جرها عنقها بيد وحدة ..بنتي و بناتي كثار غير الله يحفض ..ههه ..
- رجوى ..." عنقاتو و زيرات عليه" .. نتا و ماما لي تتهموني و انا متأكدة غادعموووني واخة كاتقصح قلبك عارفاك حنين .. و با سيدي غايرطاب مع الوقت .. ماغاديش يسخى بيا ..
- جلال .." عاقد حواجبو" ..اوا قولي لداك ..
- رجوى ... طلعات عبنيها شافت فيه " .. ها؟
-, جلال .. لهذاك لي كتبغيه و حاس بالمسؤولية يكمل المسؤولية و يحدد نهار يخطبك هذا الى بغاك .. ماعنديش مع الدخول و الخروج ..
- رجوى .." بصدمة ..ناضت نقزات تتشوف فيه موسعة عينيها" .. اااااعععع .. بصح .. لالا اكيد تنحلم .. بصح تدوي ..واش نتا دابا وافقتي .. و .. و وداك مراد ..