عاشقة الثراء💸مكتملة💸

💸الجزء 81💸

عاشقة الثراء
"البارت 81 "
...ليالي نسيم...
                   -أهرب منك إليك-

     - خولة .. لالا مكين تا اعتراض ..اا .. احم .. بغيت نقول زعما .. هو خصك دوي مع المى هي الاولى .." غمزاتها" ..
     - علي .. مالي انا غاناخد المى ولا ناخدك نتي ..!!
     - خولة .. ولااا  ههههههههههه دابا هي خصها توافق باش تا انا نوافق ..
       - علي ..زوين هاد البلان عاود .. كيفاش توافق هي ااش كاتخراي !! اذا ماوافقاتش زعما ماغاتقبليش عليا نتي!!
      - خولة .. هااااك دوي معاها ...." مداتو لعبير و حطاتهم أمام الأمر الواقع بزوج"
     - المى .."تتحلف فيها بعينيها" ..الو ..وي ..
     - علي. . وي المى ..كي بقيتي شوية مزيان !!
      - المى .. الحمد لله...
      -علي ...نفسيتك هي هذك كولشي مزيان ..؟؟
      المى .. لالا مكتئبة و حاالتي حاالة مقطعة رااسي بالبكااا و الحزن ..على حد ميستااهل ..
     - علي ..كااطنزي ياااك؟؟؟
     - المى .. لا كندوي بصح ..بيان سووغ كانطنز ااش بيتيني ندير .. خصك تعرف ان نااقص وااحد نااقص مشكل ااانا ااسر شخص ممكن ينسى يلوووح ورا ضهرو... شي حاجة اخرى؟؟؟؟
     - علي .. بغيت نخطب ختك .. و بغيناك زعما دعمي الفريق بالموافقة اذا كان ممكن ..حيت الانسة العرووس مابغاتش تعطينا الموافقة تا توافقوو سعادتكم ..
    - المى ..  " شافت فخولة .." ..اش جاك نتا بالسلامه بااغي تزوج بيها بين ليلة و ضحاها ..؟؟
     - علي .. كيفاش بين ليلة و ضحاها .انا بااغي نتزوج بيها من شحال هتدي بالحق فعايلك هوما لي خلاوني نزرب!!
     - المى .. ديك الهضرة خليها عندك اشريف .. انا ختي مانبغيهاش تعذب ولا تجرجر ..
     - علي .. و انا اكثر وااحد يخاف عليها..
     - المى..." شافت فخولة لي عينيها كانو تيبرقو" ..امم اذا واافقات هي ماعلياا غير نقول ليكم مبروك .. ولكن اذااا مشيتي حتى ضريتيييها غاتلقااني انا فوجهك غانوقف ليك وقفة لي عمرك شفتي بحالها ..
     -علي .."بهدوء .. انا اخر واحد يضرها المى ...
      - المى ..تا تجي ماما و نعيطو عليك .. على الاقل نتا دخلتي الدار من بابها ..
     - علي ..يحفظااااااك ..
عطاتها تيليفون و طلعات لبيتها خلاتها غارقة معاه فالحب و الغرام و مشلت تلبس حوايجها .. دارت ميك ااب ديالها و هي مقررة لا رجووع و لا استسلام .. هزات وراقها و نزلات لقات خولة كتلبس سبادري ديالها .. خرجو بزوجات و اتجهو اول حاجة للبنك .. شافت شحال عندها شحال تتملك لقات مانضة داخلة لبها على قدها بثمن خيالي .. فاش سولات على التاريخ عطاوها التفاصيل كاملة .. لي هي ان الفلوس دخلو اها من وقت بعيد .. قبل لا تمشي لبونتا كانا .. و دخلوها من جلال الهلالي .. على اساس انهم  من عائدات ديال الفيلم بالحق كانو التريبل ديال كانت متوقعة ..
     - خولة .. ناري مدكسااهم يا ختي ..
     - المى .." خمسات فوجهها" .. خمسة و خميييس ماالك غاتحسديييني ..
     - خولة .. ويلي على نحسدك .. ولكن تخلتي فالفيلم مزيااان ..
     - المى .." مطلعة حجبانها" .. فلوسو خير من وجهو ..بقات وااحلة ليا غا الطياارة و الفيلا لي معنديش وراقهم .. اما كون راني دكستهم ديال بصح ..😒..
     - خولة .." بعدم فهم" ..!!!! شمن طيارة و شمن فيلا !!
      - المى .." مشات للكيشي تيري الفلوس لي محتاجة" ..ولا ديري فباالك ..