عاشقة الثراء💸مكتملة💸

💸الجزء 80💸

عاشقة الثراء
"البارت 80"
...ليالي نسيم...
                   -أهرب منك إليك-

هز تيليفونو و اتصل بالخدامة باش تعطي لكمال خبر يجي عند عبد العظيم ...داكشي لي كان ما هي الا دقائق و وصل للغرفة ديالو .. دق قبل ما يدخل .. بقى واقف مدة كيشوف فالأب ديالو .. الراجل لي جرا عليه قبل خمسة و عشرين سنة ... قبل ما يمد رجلو و دخل ..

     - عبد العظيم .." طبطب على مكان حداه فالفوتوي" ..زيد حدابا اولدي ..
     - جلال .. احم .. نخليكم انا دااباا ..." ناض وقف من حدااا عبد العظيم" ..شي شوية نجي نشوفك الحاج ...
     - عبد العظيم .." شد لبه فيدو" .. نتا جلس ..ماكاتخبا عليك حتى حاجة ..
     - جلال .." حرك راسو بالايجاب و جلس فوق يد الفوتوي بجنب جدو" ..تفضل اسي كمال ..
     - كمال .." مشا عند عبد العظيم باش ليه راسو و يدو ".. كي بقيتي الحااج!!
     - عبد العظيم .. ملي شفتك اولدي وليت بيخير .. ملي شفتك ..
     - كمال .." طبطب على يدو" ..انشااء الله تبقى بصحيحتك الحااج ..
     - عبد العظيم ..جييب ولادك و مراتك و ااجي جللس عنا .. فدااارك .. ماغانخلييكش ترجع تبعد على عايلتك ..
      - كمال .. حنا راسو " ..زاينة ماتت اباا .. الله يرحمها ..
     - عبد العظيم ..." بصدمة" .. كيفاش ماتت!! ايمتا ماتت!! ميمكنش !!! " شاف فجلال" .. علاش تا حد ما جاب لخبار !!
     - كمال .. هادي اربع ايام بااش ماتت الحاج .كانت مريضة بالمرض الخايب .. و ملي تحولنا و هي تاتعافر معاه عاشت معاه سنييين و سنين ولكن القدر ..
     - عبد العظيم .." طبطب على كتفو" ..كان عليك تعلمني ديك الساااع اولدي كفما كان الحال راها بنت خويا .. " تنهد .." الله يرحمها ..
      - كمال .. المووت علينا حق ..الحاج ..
      - عبد العظيم..." تنهد و رجع لور بعد ما مد عكازو لجلااال يشدو" .. المووت عليينا حق .. و انا قريييبة وقت حقي ..
      - جلال ..الله يحفظك الحاج ديما كنقول ليك ديك العضرة ماتبقاش تنطق بيها ..
     - عبد العظيم .. مامنهااش هرووب..." شاف فكمال" .. داكشي علاش قررت نجيبك اولدي .. تعبش معاياا تا يدي مول الأمانة امانتو .. بغيتك تكوون مع خوتك .. بغييت نجمع ولااادي قبل مانمشي عند لي خلقني ..
     - كمال ..الله يحفضك لينا الوليد ...
     - عبد العظيم .." حط يد على يد" .. عارف لي درت شحال هادي ذنب كبير .. و لو كان عندي عقل شحال هادي كنت نعاقبك بطريقة اخرى غير هادي .. مكنتش غانبعدك عليا و على داادرك ..

بلع كماال طعم الصدااااء ففمو ..و ذاكرتو تترجع بييه خمسة و عشرين سنة لور ... نهار عرف بحمل عشيقتو ..لي كانت عندو علاقة معاها .. كمال كان كأي راجل من ال الهيلالي .. تزوج بنت عمو عن غير حب.. تزوجها و هو ما حاملش الحياة معاها لكن مع العشرة كتولي عادية مااشي كيبغيها انما معاشر معاها.. .. و بعد ما قرر يستسلم للأمر الواقع .. جاب معاها ولد سماه فريد .. و بنت صغر منو بسنة واحدة ..سماها رفيف و بحكم المرض لي جاها بعد الولادة الثانية ديالها اضطرت انها تستأصل الرحم ..
كان فريد قد جلال فاش حكيم تعرف على عشيقتو .. بعد ما سافر فيوم من الأيام لطنجة ..  يريح دماغو و يستجم .. تلاقى بيها .. كانت بنت فعمر الزهور سبعة عشر سنة مزاالة مرهقة ..صغيرة و مفعمة بالحيوية و النشااط غا كتنبز من هنا للهيه ماشي فحال زاينة مراتو لي لايحة راسها على النموسية و تاتبكي من نهار عرفات بالمرض ديالها ....
كانت دايزة قدامو بلباسها القصير و كاضحك مع اصدقائها لب جات معاهم للمغرب .. شعرها الأسود القااااتم واصل حد خصرها ..و طايتها لي كاتحمق كل من شاافها .. و عيوونها السوود لي أسرووه من اول نضرة .. سرح فيها و سمح لنفسو يتبعها و كيف جلسات فمطعم هي و صحابها خدا طبلة قداامهم ...كيشووف فبها و عبنيه كيدووزو على جسمها كامل ..حس بنشوى غريبة و هو تيشووف فيها و تابعها من مكان المكان و كيقول لرااسو .." ااش كدير اكمال .. هادشي مااشي صح اكمال ... لكن فجأة جرا على ضميرو لي مبرزطو .. و خلى رااسو تابعها حتى حساات بيه ..و هي بنفسها مشات عندو .. كلامها بالدارجة مكسر .. تما عرفها بلي اجنبية .. حيت ملامححها مكانوش زعرين .. واخة كانت بيضاا بالحق حروفها كحلين ....بالنسبة ليها كان هذا هو الراجل ..هكذا هوما الأجنبيات تيبغيو الراجل لي صوتو غليض و مگلضم ..الرجل الشرقي او العربي بصفة عامة كيشدهم ..و خصوصا وحدة فسن المراهقة في ساع تعرقات بيه و ولات خارجة داخلة معاه حتاال الليلة لي غاتسلمو راسها .. كانت من عائلة عريقة حتى هي .. و العائلة ديالها كان يستحيل تقبل بواحد مغربي .. لأن شخص افريقي بالنسبة ليهم .. اذا عبد ..من قديييم العصوور فالعائلة ديالهم .. مكيشوفو لا فرق بين مغربي و سينيغالي ولا اي دولة اخرى مدام هو افريقي .. بقات معاه العطلة كاملة بلا خبار العائلة ديالها ..و تا هو لي كان عوال على يومين رجعهم عشر اياام .. من بعد ما رجعات لبلادها بقات على تواصل معاه و رجعات فمدة قصيرة لقاتو خذا ليها فيلا فين يجلسو هو ويااها ..كبرات العلاقة كثر و اكثر .. و لي نتج عليها حمل عرفات بيه و هي خارج المغرب .. و فاش اتصلات بيه باش تعلمو بالحمل ديالها ..بعدها تفاجآت بكلامو لي طعنها .. "نتي لازم تنزليه "..عارضاتو و قاالت لو بلي " نتا طرف فهاد العلاقة و خصك تتحمل المسؤولية ديالك .." .. ...
بعدها تفاجآت بكلامو لي طعنها .. "نتي لازم تنزليه "..عارضاتو و قاالت لو بلي " نتا طرف فهاد العلاقة و خصك تتحمل المسؤولية ديالك .." .. ...