عاشقة الثراء💸مكتملة💸

💸الجزء 36💸

عاشقة الثراء
"البارت 36"

-أهرب منك إليك -
كل ما كاتفيق غير تتحل عينيها كاتبدى تهرنن و تنطق اسم واحد .. "جليل .." .. و كاتجي الفرملية تضرب ليها برا ديال المهدئات فالصيروم باش ماتبقااش تطلع ليها السخانة و تهتهت و ترعد .. هادشي كان كيدوز على عيون رؤيا لي كاتبات معاها و ماتاتخليش حيات تبات باش ماتعذبش معاها.. كانت جالسة حداها حتى جاتها فكرة فراسها .. دورات راسها لجهة الكمودينو بان ليها تيليفون رجوى ..هزاتو و قلبات على نمرة عبد الجليل .. ..لقاتها و نقلاتها لتيليفونها و خرجات للبالكون ..ركبات نمرتو ...
- رؤيا .. اولو .. سلام عليكم..
- عبد الجليل .. عليكم السلام شكون معايا!!
- رؤيا .." بتردد" .. احم .. انا .. انا رؤيا بنت عم رجوى الهلالي ..
- عبد الجليل .." باستغراب .." متشرفين .. نقدر نعاونك فشي حاجة. . ؟؟
- رؤيا .. احم .. انا بغيت نشوفك الى كان ممكن .. عارفة طلبي غريب شوية ولكن الله يخليك ضروري نشوفك وندوي معاك و هضرتي كاملة غاتكون بخصوص رجوى ..
- عبد الجليل .. " تقبض عليه صدرو" ..بخصوص رجوى ..!! مالها ياك لاباس !
- رؤيا .. فاش نشوفك غانقول ليك كولشي ....
- عبد الجليل .. واخة نتلاقاو ف( xxxx) من هنا لساعة ..
- رؤيا .. واخة ..انا نلبس و مسافة السكة ..
خرجات لعند رجوى لقاتها ناعسة كيفما خلاتها. .. صوراتها و خرجات ..مشات ديريكت لبيت حياة خبراتها بلي عندها موعد مهم باش تمشي تجلس مع ىجوى على ما تجي .. و داكشي لي كان مشات رؤيا لبسات حوايجها .. هزات طنوبيلتها و خرجات من الباب اللوراني كيف العادة بعد ما عطات رشوة للحارس ديال الباب .. مشات ديريكت للكافي لي قال ليها عليه عبد الجليل .. و لي هو الكافي لي من ديما كيجلس فيه .. عيات تقلب على بلاصة فين تسطاسيوني بانت ليها بلاصة صغيرة و طونوبيل قدامها كاديماري .. يالله بغات ترجع اللور و هي تزيد للقدام و خرجات فالاوطو لي قدامها ...
- رؤيا .." شدات فمها" .. الله الله .. اش هاد النحس عالصباااح يااا ربي ..
خرج مول الاوطو فحال لا كان مصدوم .. حيد نضاضرو و شاف فيها .. حتى هي خرجات تتجري كتقلب فطنوبيلتها و نساات طنوبيلتو لي تقجنات ..
- اووه ياك ما نجيبو لي يصايبها .. مسكييينه كلااات الدق بزااف ..
- رؤيا ..." طلعات فيه راسها " .. شوف كي تخبشات .. اوووف ..
- اش غانقول ليك الله يعطينا وجهك .. واش نتي غبية .. صافا بااا!!
- رؤيا .." شافت فيه باستغراب" .. بوغكوا؟؟
-"عصبااتو ولا كيغوت كثر مل كيدوي" .. واااش نتي مصطية .. خراااك سلم على خرايااا!! ملي مكاتعرفوووش تسووگو لاااش كاتصوووكو لاااش ..
- رؤيا .. " خزرات فيه " .. حاشااااك ابناااادم ..." زيرات على فكها" كيفاش .!! كاتقول ليا انا هاد الهضرة .. انااااا رؤيا الهلالي واحد بحااالك يقول ليا هاد الهضرة .. اكيييد حماقيتي .. اكيييد ...
- اييه انااا حكيم الزرق كانقول ليك نتي هاد الهضرة .. سيري شوفي لك شي اوطو ايكول تعلي تصوكي ولا ديري النضاضر ..
- رؤيا .. لااااا نتااا زدتي فيييه ..
- حكيم .. انا لي زدت فيه!! ولا نتي ديراها قد مخك و جاية تفلسفي عليا ..ولكن ااش غانقول ليك بحالك هوما لب خرجو على البلاد .. بالحق ديفو ماشي ديالك .. ديال بااك لي شاري ليك هاد القجونه مفرحاك ..
-رؤيا .." حسات براسها كترعد بالأعصاب" .. دابا اش خصك ..قول لياغير اش خصك .. كاتسمعني هضرتك الخاوية باش نصيبها ليك انا نكتب ليك شيك دابا و سير صيبها مالنا على دمول الصحه ..
- حكيم .. فلوسك خليهم عندك .. الله الغني .. عطيني غا بالتيقار .. ضارباني و جاية تتغوتي .. زينه هادي..
- رؤيا ..شوف حتى نتاا واااقف وقفة عوجة شاد بيها زوج بلايص ..و حتى دابا ما طرى والو راني قلت ليك نصيبها ليك ..
- حكيم .. " طلعات ليه الدم .. شير ليها بيديه بمعنى غبري من قدامي" .. الله يعرضك السلامه الأخت...
- رؤيا .." طلع ليها الدم بالحق عضات على شفتها باش متنطق حتى كلمه " ..اوكي باي ..
هزات صاكها من الاوطو ديالها .. سداتها و مشات دخلات للكافي الدخاخن كيخرجو من ودنيها و راسها .. قلبات على عبد الجليل و لقاتو جالس فطبلة حدا الحيط و هي توقف عليك. . مدات ليه يديها..
- رؤيا .. انا رؤيا ..
- عبد الجليل .." حط التيليفون من يديها و سلم عليها" .. متشرفين مادموزيل .. ولا مدام؟؟
- رؤيا...لا مادموزيل ..سمح لي واحد الدقيقة نمشي نغسل وجهي .. عصبني واحد خينا على برا ..
- عبد الجليل .. ههه واخة خودي راحتك ..
هزات صاكها و دخلات لطواليط ..غسلات وجها بردات على راسها و خرجات ديريكت لعندو مبتسمة ..
- عبد الجليل... مزيان دابا!!
- رؤيا .." ضحكات ليه .. وي هههه ..
- عبد الجليل .." بوداعة" .. شنو وقع ليك برا واش شي حد تبسل عليك؟؟
- رؤيا .. نوو .. واحد الوقح .. ضربتو بالاوطو ديالي ماشفتوش و ناض كيفهم عليا. .ايني واي ..خلينا منو .. نتا صافا!!
- عبد الجليل ..." جابت ليه الضحك " ..هههه الحمد لله و نتي ..مزيانه؟!
- رؤيا .. " مبتسمه" .. الحمد لله ..امم .. سمحلي الى كنت شديتك على شي حاجة مي كاان ضروري ندوي معاك ..
- عبد ااجليل ..كلي آذان صاغية ..
- رؤيا .. عبد الجليل .. ممكن نعرف علاش مكنتيش تتجاوب رجوى فاش كانت تتصل بيك!!
- عبد الجليل .." باستغراب" !! انااا.. هههه كدوي من نيتك !! رجوى ماعمرها اتصلات بيا و مجوبتهاش ..!!
- رؤيا .. على حسب ما قالت لي .. حيت عاودات ليا كولشي .. و بلي جلال تهجم عليك و دخلتي لكلينيك كاع ..
-عبد الجليل .." ضحك بالجنب'' ..ههه عارفة هادشي كامل و ماتاصلات و ما جات تشوفني ..ماسولات حتى من بعيد ..هههه برافو ..
- رؤيا .. تصلات بيييك ..فاش كنتي فالكلينيك كنضن التيلي ديالك كان عند ختك هي لي دوات معاها و جرحاتها بزااف طلبات منها تبعد عليك .. و حويج ااخرين دمروووها بالبياان و من بعد اتصلات بيك لقات تيليفونك طافي.. ..انا عارفة هادشي ماخصنيش نتدخل فيه ولكن رجوى كضيع ..و منقدرش نشوفها هكدا ..
-عبد الجليل.." تزير عليه صدرو" ..رجوى مالها!!؟
- رؤيا ...مالها!! ههه بصح ماعرفتيش مالها .. رجوى كاتحمااق عليك.. كاتبغييك و مستحيل تفكر فشي واحد غيرك .. نهار تهجم عليك جلاا ضربها حتى هي .. و عايرها سبها حبسها فالدار ماتخايلش كمية المعانات لي كاتعانيها و هي كاتنطق بحبك و تحاول تقنعو انك نتااا ماعارفش واش هي كاتبغيييك اصلا .. كنأكد ليك فحال كي متأكدة واش نتا قدامي دابا بلي كاتبغيك و تقدر تدير اي حاجة على ودك .. يكفي انها وقفات قدااام جلال لي كيخافو منو الرجال ديال العائلة واااخة مكانتش قوية باااش تزييد توقف و تحاااربو على ودك ..
عبد الجليل كان كيتصنط و دنيه ولاو بحال لا كيصفرو اب كلمة سمعها من رؤيا كيوزنها مزيااان و يستوعبها عاد يدخلها لراسو .. ولكن اكثر كلمة خلاتو يوقف عندها و يفكر فيها مزيااان .." كاتبغيك" .. كانت فكرة مستبعدة تماما عن عقلو ..و كل ما كانت تتقول ليه الأم ديالو انها كاتلمح الحب من خلال كلامها علبه و صوتها كيف تيتبدل فاش تدوي عليه .. و كيفاش كاتحسن الاستماااع فاش تتكون هي ولا اختو تيدويو عليها .. تنهد و بلق عينيه فرؤيا مزياااان فحال لا مصدوم و طلب منها تعاود كلامها مرة اخرى باش ميكونش كيتوهم ..!!
- رؤيا .. اه كاتبغيك اعبد الجليل .. نتا ماعارف والو على هاد المدة لي بعدات فيها عليك .. نتا يمكن كنتي تتبني حياتك ولكن كانأكد ليه هي حياتها وقفات ..وقفات بمرة ..
- عبد الجليل .." كيحك لحيتو الذهبية و عاود شاف فيها" .. ههه .. ولكن ميمكنش .. كيفاااش ..لا يعقل بنت السلطان تبغيني ..! ههه هذا غير جات و شافت فين عايش .. و شحال عندي ..مانتقارنش نهااائيا بلي عندها ..
- رؤيا ..واش عند بالك هاكشي كيهمها .. غاتكون اكبر حمق الى ضنيتي فلحظة ان رجوى كيهموها الفلوس .. حكات ليا كوولشي عليك .. كيفاش دخلات لدارك و كيفاش جلسات مع الام ديالك و عائلتك ..و كيفاااش شافت ديك الدار الصغيييورة لي كلها دفء اجمل و اوسع من قصر الهيلالي ..رجوى كيهمها الحب فقط .. و هادي اكثر حاجة مفقودة فعائلتنا للأسف .. .. عندهم كووولشي ولكن القلب .. ماعندهمش .. خصوصا الذكور ..انا عارفة بلي نتا تتبغي وحدة اخرى ..و كاتبني حياتك معاها ولكن هاديك لي مرمية كاتعذب راها ختي .. و لي كيألمها كيألمني ..
-عبد الجليل .. كنبني حياتي مع وحدة اخرى !! هاد الهضرة تا هي منين جبتيها؟؟
-, رؤيا .." باستغراب " .. ختك لي قالتها ليها .. و هدداتها الى مابعداتش عليك غاتقولها لجلاا بنفسها ....
- عبد الجليل ..", حس بالدم ديالو كيغلي من زهيرة لي ولات ديرة عليه الحصار من كل خدة .. ضرب يدو بالطبلة بعصبية حتى قفزات رؤيا للور" .. هضرة ختي مامنهاشاي .. ماعندي علاقة بحتى وحدة ..
- رؤيا .." رجعات تصايبات فالجلسة" ..كيفاش ..!! زعمااا ختك كذبات على رجوى باش تبعد عليك .. و هي مسكينة تيقاتتا .. ولكن .. واحد النهار جينا انا وياها لهاد الكافي نيت ..!! و لقيناك مع وحدة ..!! كنت جايباها باش تخرج من حالتها ولكن كي شافتك زادت حالتها تدهورات اكثر ..
- عبد الجليل .. شفتوني مع بنت!! امتاا!!
-رؤيا .. كنتي كاتسلم عليها و معنقها .. مهم ماشي بزاف هادي و كانومعاكم شي حد اخر فالطابلة !!,
- عبد الجليل .." صفق بزوج صباع" .. اه .. هاديك راه اختو ديال صاحبي .. عندها تمنطاااش عام ..يعني لا مجال للمقارنه ما بيني و بينها والو..ههه .."حس براسو كيدوي بعفوية و كيبرر لرؤيا فحال لا قدامو رجوى كاتلومو ..".. احم .. " حك راسو ورجع شاف فيها" .. بغيت نشوفها .. ضروري نشوف رجوى ..