عاشقة الثراء💸مكتملة💸

💸الجزء 47💸

عاشقة الثراء
"البارت 47"
...ليالي نسيم...
-أهرب منك إليك -
#المى ...
هاد النهار غير كل الأيام .. الدخول الى عالم الشهرة احساس زوين .. خصوصا لوحدة تهوى الأضواء .. تعشق الثراء .. طبعا الشهرة .. مهما كانت تتجيب لصاحبها الثراء .. الفلوس و هذا هو هدفها و حلفات حتى توصل ليه .. فاقت على صوت التيليفون ديالها .. هزاتو طلع ليها اسم جلال ..
- المى .. "بدلع" .. صباح الخيير ..
- جلال .." صوتو مبحوح عاد فايق" .. صباح الجمال ....
- المى .. مال صوتك!!
- جلال .. فايق من نعاس .. بغيتي صوتي يكون بحال ديالك الى كان غا تقيام راه قيمنا!!
- المى .. ههههههههههه الله يمسخك ..
- جلال .. بغيتي مزال تدوزي فالبرنامج!! ديال داك خونا !!
- المى .." ناضت نقزات ربعات" ...بالفرحة عليا بصحح
- جلال .. وجدي راسك .. الفطور هاهو جايك .. نص ساعة نلقاك التحت ولا نساي ..
طفا عليخا التيلي خلاها غير تتشوف ..ناضت نقزات حلات على الروم سيرفس دخلو ليها الفطوور و مشات غسلات وجهها .. جمعاتش شعرها و مشات فطرات لبسات حوايجها لي كانو عبارة عن كسوة صيفية لاسقة على جسمها و طالون فالبيج نفس لون الكسوة .. خلات شعرها كيف ما هو مدارت لا ميك اب لا والو .. نضارات شمسية و دارت تيليفونها فصاكها نزلات لقات جلاال جالس فالكافي ديال الاوطيل .. مشات عندو و هو يهز سوارتو و تيليفونو .. جرخا بيد وحدة باسها فحنكها .. و صبح عليها بطريقتو كيف العادة .. حط يدو على خصرها و تجهوو للاوطو فتح ليها الباب طلتات و اتجهو ديييريكت لمقر القناة ... كان متصل قبل بالمخرج و وجدو كولشي .. استقبلهم فالباب هو الصحفي لي غادي يكون هو المقدم ديال البرنامج .. و لي ركب بيها بحفاااوة .. عجبها الحال من اهتمام الكل و قدمو ليها بويك ديال الورد عطاوها الاسئلة تقراهم لاكن هي فضلات ان الحوار يكون عفوي و كانت هادي اكبر غلطة دارت .. اما جلال خرج كيكمي و كيتسناها على برا تا تسالي لي داز من حداها تبدا تحنزز و ضحك ليه و هو فيين كيبقى يعبر فيهم و فاللخر تا وحدة ما قد يقارنها مع المى لي ملآت الفراااق و عباااتو عالآخر ...
- الصحبي .." كيشوف فلامى و مبتسم ليها" .. الانسة .. واجدة ؟؟؟
- المى .. "مطلعة خنافرها و ابتسامة صفراء شعلات الصحفي" .. اه ..بدا ..
- الصحفي .." قلب فيها عينو ماعاجبوش الحال و حلف فيها يخرج منها زيت اركان" ...السلام عليكم أعزائي المشاهدين .. اليوم معانا فنانة جديدة من الفنانات الصاعدات لي كيطلعو على يدين مخرجين أجانب .. الممثلة ديالنا اكيد ماشي كوولشي غايعرفها .. ولكن معضم الناس لي تفرجو على الفيلم من خلال قنولت غربية تم اذاعته عليهم .. او من خلال مواقع اجنبية طبعا فالأنترنيت .. لأنو ماداش فالقنوات المغربية .. معانا عبير .. الملقبة بألمى... مرحبا بيك عبير ..
- المى .. " مبتسمة ببشاشة" .. شكرا و كنفضل تعيط لي المى ..
- الصحفي ..علاش ألمى!!
- المى .. هه والو غير كنفضل المى على عبير ..
- الصحفي ..ماراضياش باسمك أعبير؟؟
- المى .. نونو ماش يمراضياش باسمي غير هو المى من اختياري .. و عبير ماشي من اختياري داكشي علاش كنفضل المى على عبير لي هي اسمي الحقيقي و اكيد مامحشمينيش لأنو تا هو اسم زوين ..
- الصحفي ...امم .. عرفينا على راسك شحال فعمرك ..!! و كيفاش دخلتي للتمثيل ..!
- المى ..فعمري خمسة و عشرين سنه .. و كيفاش دخلت للتمثيل .. انا خريجة المعهد العالي ديال التمثيل .. و كانت بلاصتي فالحقيقة هي المسرح ولكن انتقلت ديريكت للتمثيل لأني كنت مطلوبة ..
-الصحفي .. اهاه .. أول ضهور ليك على الشاشة مكانش هو الفيلم ديالك لي دار بوم فالدول الغربية مؤخرا ..
- المى .. اه ماكانش اول ضهور ليا على الشاشة هو الفيلم .. كنت مودل لماركة ديال الميك اب و الشومبوان .. و مجموعة من المنتجات تجميلية .. .. و صراحة هوما لي كانو سبب اني ندخل لمجال التمثيل
- الصحفي ..اذا مجال الاعلانات هو لي شد بيديك ووصلك للعالمية ..
- المى .. ههه ماتقولش العالمية مزال ماوصلتش ليها لديك الدرجة .. غاتخلرني انحس براسي صافي وصلت و نتكاسل .. و انا عاد باغية نبداا ..لكن كجواب على سؤالك .. لا ماشي الاعلانات هوما لي وصلوني الاعلانات كانو غير سكة انا بخدمتي و اجتهادي و تنيتي فالتمثيل و كيفاش طنتقن الأدوار هي لي وصلاتني .. يعني الاصرار و الاجتهاد باش وصلت ..
-الصحفي ... ولكن كينين ناس تيقولو انك وصلتي بطرق هكذا و هكذا ..
- المى .." طلعات فيه حاجبها" .. كيفاش طرق هكذا و هكذا مفهمتش.؟؟
-الصحفي ... يعني ..علاقات مع المخرج .. و أخرى مع المنتج .. خصوصا المنتج عندي معلومات خاصة انك كنتي تقيمين عندو فالمنزل ديالو هذا غير الخروج و الدخول ديالكم مع بعض .. اش تقولي فهادشي !!
- المى .." تشوكات بهضرتو و طلع ليها الدم" ..انا منسمح لأي واااحد يقول عليا هاد الكلام و هاد الهضرة الى غايتحاسب عليها لي قالها ولا خرجها عليا واخة تكون نتا ..
- الصحفي ...ههههههههههه انا ماقلت والو بحالي بحال اي صحفي كيلقط خبيرات قبل ما يجي يدوي ..
- المى .. " بغصبية" .. ولكن قبل ما تلقط خبيرات اسي الصحفي الكبير .. كان عليك تتأكد منهم ..
-الصحفي ... الاشكال فين كين الآنسه عبير .. او المى .. هو ان المصدر لي جاتني المنو الأخبار .. غير قابل اني نكذبو ..
- المى ..اهاه .. نقدر نعرف شكون هاد المصدر ..!!
- الصحفي ...مصادر خاصة .. .. المى .. بغيت نسولك شنو موقفك من فيلم الزين لي فيك .. للمخرج نبيل عيوش و الممثلة المغربية لبنى أبيضار ..
- المى .. ماشتوش ..
-الصحفي .. ولكن غاتكوني سمعتي عليه .. حيت تا هو دار بوووم فسنة 2015 على ما اضن ..
- المى .. سمعت عليه هضرة لي خلاتتني مانتشجعش و نشوفو هذا غير مقاطع كانو جاوني فالواتساب دسال العفن لي مستحيل نزل من مستوايا و نشوفو ..
- الصحفي ..العفن!؟
- المى .. باااوي العفن .. عندك شي كلمة اخرى لي توصف المستوى المنحط ديال الفيلم؟؟
-الصحفي .. " كيحاول يستفزها" .. ولكن الفيلم لي خدمتي فيه يا فنانة الى جينا نشوفوو غانلقاو فيه مشاهد سااخنة .. و لي مثلثيهم نتي يا مغربية يا مسلمة .. !!علاش كتقولي العفن على الزين لي فيك؟
-الصحفي .. " كيحاول يستفزها" .. ولكن الفيلم لي خدمتي فيه يا فنانة الى جينا نشوفوو غانلقاو فيه مشاهد سااخنة .. و لي مثلثيهم نتي يا مغربية يا مسلمة .. !!علاش كتقولي العفن على الزين لي فيك؟
- المى .. شوف .. هذاك الفيلم ماعندو تا فايدة تا سيناريو غير ... راك عارف .. اما الفيلم ديالنا السيناريست ديالو تبارك الله انسان محترف و كيخرج من صبيعاتو الذهب .. و المخرج كذلك مشهور و معرووف واصل هوليوود بعينيه مغمضين .. و الفيلم عندو قصة من عهد الاستعمار .. و باش انك تخدم فمسلسل من داك العهد و نتا ماعشتيش فيه صدقني صعييب اضرينا نجيبو لباس فحالهم و لدرجة الناس بدلناهم فالطريق منعنا الناس يديوزو يو الأماكن لي صورنا فيهم سواء فورزازات سواء فمراكش و التصوير كان باحترافية .. يعني ماشي زوج كاميرات واحد المخرج و الممثلين جايين من وكور الدعارة و لا منعرف اشنو .. انا هنا كندوي على فيلم مع نااس تقاال .. مع ممثلين محترفين .. خصك تعرف بلي انا الوحيدة لي كنت تما مبتدئة .. البااقي كوولهم محترفين و دخلوني معاهم فقط لأني فيا المواصفات و عجباتهم طريقتي فالتمثيل بالمعنى مالقاوش معايا مشكل ..
-الصحفي .. دابا نتي تتحاولي تغطي الشمس بالغربال و تزيني صورة فيلمك .. ولكن كيبقى هذاك فيلم مغربي .. يعني داكشي ماشي من قيمنا ..
- المى .. هذاك اسيدي ماااشي فيلم مغربي .. ههه باش تعرف راسك ماعندكش معلومات كافية .. هذيك كتااابة اجنبية .. ماااشي مغربي ..
- الصحفي .. اهاه .. ولكن نتي مغربية .. و متلثي ادوار مشينه
- المى .." بعصبية " .. اولا اسي الصحفي المحترم .. المشاهد الساخنة مثللاتهم الكومبارص و أصلا كان مشهد واحد لي جريء .. و الله يخليك دوي بطريقة افضل من هادي حيت تتحطني فموقع كأني متهمة ..
- الصحفي ..ههههه لا حنا كندردشو و نعرفو عليك الناس أكثر ..
- المى .. الناس يتعرفو عليا بطريقة زوينة و تعرفهم على الفيلم ديالي بطريقة افضل ماشي تهاجمني و نتا اصلا ماعندكش معلومات كافية ..،"طلعات فيه حجبانها" ..
-الصحفي ..اعزائي المشاهدين نمشيو فاصل و نرجعو ليكم تسناونا..." حيد الميكرو حدو فوق الطبلة و ناض شاف فيها مخنزر" .. دابا انا ماعنديش معلومات كافية ..!!
- المى .." حطات رجل على رجل " .. لو كانت عندك معلومات كافية كنتي غاتعرف اني ماشي انا لي مثلث داك المشهد .. و انمااا الكومبارص .. و انا لو كنت صحفية .. و محترفة فخدمتي .. ماغاديش نجري ولا لي فيو و لي بوووز .. و نخلي بااش ممكن ننجح بطريقة زويينه و لبقة...
-الصحفي .. غانكملو هاد الزمر دغيا بقات لينا عشرة تالدقايق يا ريت نتحملو بعض .. حيت بدا يطلع ليا دم ..
- المى .. لا طلع ليك الدم شرب المحيط .. ماتجيش تنقز عليا هنا .. من خلال معرفتي القليلة بيك .. قلت ممكن هذا انشان محترم و برنامجو محترم .. مافيها باش نحضر .. ولكن نتا طلعتي الله الله ..دلكشي علاش انا مهانكمل معاك لا عشرة و لا زوج دقايق .. " كتشير لواحد من فرقة الاعداد" .. اجي حيد عليا هاد الميكرو الله يخليك ..
بقى المذيع غير كيشووف مابغاش يزيد يعطيها شي هضرة لي يسكتها بيها حيت جاه تحذير من المخرج لي جا كيجري لعندها باش يهدأها ..
- الصحفي ..المخرج .. لالة .. ماتقلقيش .. كولشي غايدوز هو هذااك و المونتاج غادي نحدفو فيه لي ماعجبكش ..غير بقاي لينا على خاطرك ..
- المى .." كتجر فالميكرو" .. وا السيد جايبني لهنا كيهااجمني .. صافا بااا!! قلت مع راسي غايكون بلنامج عفوي يعني ماقريتش الاسئلة ولا الاجوبة بغيت كووولشي يدوز نووغمال و منكدبوش على الشعب .. و ديرو فيا هاد الحالة؛؛؟ ماشي حشوومه!! اش يصحاب لو رايو باش يتهمني فعرضي!! .. مستحيل نقبل بهاد الاهانة .. و الى كلفني الأمر غادي ندعيييه .. واش يصحاب ليه رايو الاعراض ديال الناس لعبة يتهمني وصلتي بالعلاقات و المنتج و المخرج و منعرف اااش و يجي يقارني اااانا ااالمى بالزين لي فيك اوا لهلا يحيييك و يوصل يديك لرجليك .. شووف انا مكانبغيش نتعصب و متانتعصبش فاسيلموون ولكن هاد النيفو لي وصل ليه الصحفي الجميل ديالكم رااه طااايح و بزاااف
- المخرج .. الالة حنا مابغيناش نعصبوك غير رتاحي لينا. .
- المى .." ولكن سمح ليا مايسولنيش هاد الاسئلة هكذا ديرة .. حشومة .. مضيعة وقتي و جاية باش نتعاير !!
- المخرج .. قولي لينا غا سؤال واحد ماعجبكش حنا نحيدوه يالله بقاي لينا غا على خاطرك..
- المى .." بالقطع"..حتى سؤال ما عجبني .. ملي دخلت و هو قابط فيا تلطيش ..!! احقا المى علاش ماشي عبير حشمانه من سميتك اسيدي سميتي هاديك نتا اش دخلك !!اووف .. فريموون تعصبت .. حيدو عليا هاد الميكرو نمشي فحالي .. اصلا انا لي مسطية جايكم .. حذروووني من هاد البرنامج ولكن انا لي مسطية ..
- الصحفي ..الالة .. ااااالحااجة بشوية عليك شفتك طاالعة
- المى .. الحاااجة هي جداااك كتسمع ..لالاك المى هاادي و فاش تبغي دوي دوي باحترام ..الحاجة مالي مجوجة بيك .. مزيان التبارك الله ..
- المخرج...نبيل .. شوية تالصبر الله يخليك خليونا نكملو هادشي لي بقى بلا صداع ..
#يتبع- المى ..ااش غانكملو .. انا اانمشي فحاالي .. هو فااشل و برنامجو فااشل و بغا يعلق عليا فشلو ..!! نهار يولي بحال الصحافيين الكباار يقلب و يبحث على المعلومات الصحيحة ماشي الاشاعات داك الساع دوي معايا نجي ندير معاه انترفيو ..
- الصحفي .. دابا انا برنمااجي فااشل الفااشلة ديال بصح .. ياكما يصحاب لك راسك مثلثي واحد الفيلم وليتي شي حاااجة حسيتي برااسك ولقلة .. كلمة مني طفيك .. جمعي راسك حسن ليك ...
- المى ... " خرجات فيه عينيها" .. و الى ماجمعتووش اش غادير ..!؟
- الصحفي" شير ليها بصبعو" .. شتي ديم الهضرةيالك الخااوية غاتحيد فالمونتاج ..
جاتو دقة من حيت لا يحتسب لعنقو جا مجبد فوق الكنابي ..لزماتو دقيقة كاملة باش يقدر يدور عنقو و يشوف شكون لهطو لقرفادتو .. بان ليه جلال واقف و دير يديه فجيبو .. و بجنبو بنية صغيرة ولي لازماتو هاد المرة كاملة من كثرة اشتياقها ليه ..
- الصحفي.. شهاااد العبث .. شكون نتااا .. شكون هذاا .." ناض وقف بغا يهجم على جلال و هو يشدو المخرج و جاو ناس اخرين من الاعداد تا هوما شدوه باش ميوصلش ليه و هو غا محيح و طلقوووني علييه ماتشدوونيشبقى جلال غا تيشوووف فيه
- جلال ..طلقوه لاش شادينو !!
- الصحفي .. أبربييي تاااا نفسخك شكووون نتا لي تحط عليا يديك شكووون عطاك الحق. .
-جلال .." قرب لعندو و فديك اللحظة طلقو منو دوك لي شادينو..جرو من الكول تالشوميز خصوصا انو كان قصير عليه تحدو ليه يالله بغا يضب و هو يبلوكيه جلال غا بصبع واحد بين عينيه ..".. لي عطاني الحق هوما فلووسي بااش مزالة هاد القناات ديال زب وااقفة على رجليها ..
- المخرج .. سي جلال الهيلالي هذا هو المنتج تالفيلم .. ..
قبل ميكمل هضرتو تقاد الصحفي دزوح تريال لي قالت عليه المى و قاد حوايجو ..
- الصحفي .. يه ياك لاباس اش درت ليك ملي جاي قاصدني؟؟فين كنعرفك ..
جلال .. غاتكمل معاها الحوار و ماغاتحيد فالمونتاج تا قلوة .. من غير داكشي لي بغات هي ..
-الصحفي .. صااافي وكان .. لي بغاتها الانسة هي لي تكون ..
- المى ..طلعات فيه عينيها " .. شوف ليك الخانز ..
- المى ..طلعات فيه عينيها " .. شوف ليك الخانز ..
رجع جلال للور .. كيشوف فيهم و كي يضور عندو المذبع يحمر فيه عبنيه كيتجمع و يتطوااا ..كملات المقابلة كيف ما بغات المى .. حتى سؤال ما عاود قلقها .. و عينيها كانو غير على جلال لي واقف مرة جالس و تيشو فيها من ورا البلاطو .. .. فديك اللحضة شي حاجة داخلها تحركات ماعرفاتش شنو هي .. و ماحاولاتش حتى تكبتها كيف العادة ...خلات عينيها يبرقو فشووفتها الجلال ماحبياتهمش .. ما أكثر مواقف شهامتو معاها .. و ما أكثر مواقف ندالتها و خياتها معاه ... بعد ما ملات المقابلة ديالها .. خزرات فالصحفي لي كان قدامها و ماتكلماتش معاه تا هو ماهزش فيها العين خيف على عضيماتو ..هزات راسها جا المخرج تيشكر فيهم و يعاود ... اما هي مشات وقفات حدا جلال لي جرخا من يدها و خرجو ديريكت ركبو فالاوطو و تحركوو للوطيل .. دوزو ما تبقى من نهارهم تما و لأول مرة كانت اامدنى بيناتهم .. بالليل رجع خداها من غرفتها و مشاو للبيسين عام هو اما هي بقات غير تتشوف فيه و خاضياه هايمة فالطريقة باش كيعوم .. كانت تتشوف فيه و فينما يبتسم ليها تتسرح فسحر ابتسامتو النااااذرة .. و تبقي غير تتشوف فيه .. اما هو عايش مع الما و راد ليهاا البال فنفس الوقت ... دوزو عشية زوينه .فالبيسين و من بعد طلعو وصلها للغرفة ديالها وصاها تجمع حوايجها و مشا حتا هو لسويت ديالو .. دتكشي لي كين .. جمع ليها حوايجها و كاع لي غوب لي خذا ليها جمعات كولشي حطاتو و لبسات بيجامتها حيت الغد ليه غايتحركوو فعلا صبحو النهار الثاني شدو الطريق .. كانو بزوج جالسين فالكرسي لوراني و الشيفور هو لي صايگ .. تكات عليه الطريق كاملة .. دارت الكيت فودنيها ..و تتسنط لأغنية سعد المجرد الجديدة كازابلانكا ... جر ليها الصناطة من ودنها و حطها فودنو...
- جلال .. لاش تتسمعي ..
- المى .." طلعات فيه رايها و هو معنقها " .. سعد ...
بقى كيتصنط معاها و الاغنية تبدى و تطفى و ترجعها من الاول ماملاتش حتى وصلها للدار .. خرجات و خرج معاهت شد ليها فيدها
- جلال .. اش بان ليك فشي تسافيرة ..!!
- المى .." كتشوف فيه باستغراب" كيفاش تسافيرة .. لفين؟؟
- جلال ..لأي بلاصة .. " قرب ليها و خدا خصلة لواهت على صبعو" .. انا .. و نتي .. بوحدنا .." دار يدو على شكل طيارة .. نطييرو لأي بلاصة بعيدة ..
- المى ... " ابتسمات". . و علاش باغي تساافر معايا ..!!!؟
- جلال .."رجعها لوراء ودنها" .. بغيت .. ماشي ن حقي ولا .. بغيت نريح دماغي .. وبغيتك تكوني معايا .." "جرهت من خصرها" .. امم
- المى ..اممم .. خليني نفكر !! واخة ..
- جلال .."بغا يلوسها و هي تحبسو ليدها .."سكاين؟!
-المى ... امم الجيران .."بدلع" .. حشووومه ..
-جلال .. واخة الالة .."بعد عليها بالسيف..طلع و نزل فيها" تتلبسي الكحل بزاف ..'' كانت لابسة شورط و ضوني و سبادري فالأسود .." ..
- المى... لوني المفضل ..
-جلال .. اممم... قاسم مشترك ..المهم .. نخليوك تفكري .. و فكري ماضيعيش الفرصة كيتسناوك مفاجآت كثار ..
- المى .. " شافت فالكارد" .. خود ليا حوايجي لدار عافاك.."رجعات شافت فجلال" ..القضية فيها المفاجآت .. اععع .. ههه ..غانحاول مع ماما ..
- جلال .."كيعيب فيها" ..وينو على ماما ..ههه
- المى .. و شنو يصحاب لك ..." صيفطات ليه بوسة فالهواء " ..تشااو ..
مشات و هو بقى تيشوف فيها تا دخلات و سدات الباب عاد باش عطاهم أمر يتحركو ديريكت للقصر ..و فالطريييق ...
- جلال .." اجرى اتصال" .. وي . شوف ليا شي طيارة .. لونها كحل و مجهزة من كولشي رسل ليا تصاور ... مانبغيش فيها شي حاااجة ناقصة ..و راك عارف لا نقصات شي حاجة .. غدا بغيتها واجدة ..
#يتبع