عاشقة الثراء💸مكتملة💸

💸الجزء 48💸

عاشقة الثراء
"البارت 48"
...ليالي نسيم...
-أهرب منك إليك
- جلال .." اجرى اتصال" .. وي . شوف ليا شي طيارة .. لونها كحل و مجهزة من كولشي رسل ليا تصاور ... مانبغيش فيها شي حاااجة ناقصة ..و راك عارف لا نقصات شي حاجة .. غدا بغيتها واجدة ..
طلعات المى للدار فديك الوقت كان كولشي مجموع على الغدا ...سلمات علبهم كاملين ..
- المى .. البيتزا بلا بيا الخونة .." تلاحت على السداري" .. خوخة نوضي جيبي ليا الفورشيط و الموس ..
- خولة ... اوا الله يخليها قعيدة و صافي ..
- عايشة ..اوا كي دازت الحفلة ..؟؟
- المى .. مانعاودش لبك اماما.. اخخخ على حياة .. و على ناااس .. اووف ..
- عايشة .. " تنهدات حيت عارفة بنتها عينيها خااوية ". .مايغروووكش المضاهر ديالهم أبنتي .. مايغرووكش ..الداخل ديال ديورهم ربي لي عالم بيه ..
- المى ..يوووه .. شمن داخل .. شفتي الفلوووس اماما هوما الحل لكل شي ..
- عايشة .. دابا تجربي .. و تعرفي .. غير هو حضييي راسك ...
-المى .. امم ..
بعد ما كلاو طلعات المى لبيتها ترتاح ...دخلات للدوش تغسل يديها و وجها حتى سمعات الصداع جاي من التحت .. دارت ودنها على الباب و سمعات صوت خالها العزيز خو عائشة الكبير فيساع ميزات صوتو حيت تتعرفو فاش كيكون معصب كيرقاق صوتو بحال الشيخه حربوشة .. المختار اكثر واحد مكيحملش المى فديك العائلة ..فتحات الباب ديال الحمام و نزلات مع الدرووج و سمعاتو تيقول ...
- المختار ... فينهيا ديك الكافرة بالله .. فيييينهااااا ..فيييننيااا لي حطااات رووسنا فالتراااب ...
ابتسمات بالجنب كي سمعات هضرتو و نزلات تتمختر فالدروج حتى وصلات للباب كانت عايشة تتهدي فيه هي و خولة و هو عاد مازايد فيه و كيطلع
- المى .. هاهي اخالي ...
كي شافها فحال لا صرفقتيه .. بغا ينقض عليها و مد يدو يجرها من شعرها و هي تشد ليه يديه ..
-المى ... هاد اليد فااااين ماشية اخاالو .
- المختار .. خرجتي علييينا العاااهرة ..خرجتي على سمعة العائلة ديالنا...خرجتي عليناا الفاااجرة .." نطر يدو منها" ..
- عايشة .. واااا خووويا .. وا المختاار اش دااارت ليك البنت الله يهديك ..
- المختار .. كووولشي هادشي منك نتي لي دخلتيها علينا .. وربطتينا بالحرااام ...
نزلات على المى هاد الكلمة ديال الحرام بحال السم ..حسات بقلبها كيتعصر .. بغات طيح الدموع لكن ماعاش ولا كان لي يطيح دمة من عويناتها .. شافت فيها عايشة و حطات يديها على فمها ...
-عايشة .. الله ؤهديك المختار راه عيييب هادشي لي كدير فيه ..
- المختار ..اناااا نهار قلتي لياااا غاتمثل عرفتهااا غادير شي موووصيبة.. راااه الدم كيجريييي .. دم مهااا كيجري فعروووقها اختي عايشة راااك ميتة على ودنيك .. الله يهديييك
- المى .." وقفات قدامو" ..دم مي كيجري فعروووقي اااااه و شمن دم بغيتيه يجري دمك !! سمح ليا ولكن ميشرفنيش اخالي العزيز .. واش يصحاب لك هاد اللحية الكذابة لي دير هي لي غاتغطي على فعااالك .. فزنقة مليكة .. حدا دار جداا الله يرحمها .. فين القيم و المباديء .. راك ماعارفنيييش اش عارفة عليك اخالو الحبيب حسن ليك تسكت ..
- المختار .. لعنة الله و عليك ابنت الحرااام ..
- المى .. و اللعنة غاتنزل عليك بالدوووبل المناافق لااخر تتنافق الرب مااشي غا العبااد الله يمسخك و جاي تحاسب معايا قالك ههههااااي .. نهار كنااا صغااار عمرك طلبتي على هاد المرا!! لي مااات رتجلها و بقات مقطوعة من شجرة هربتو منها بحال لا فيها الجدااام .. شكون لي خصو يتنعل انا ولا نتااا ..
- المختار .." عينيه ولاو اا كيدورو" ..
- المى .. قبل ماتشوف الفيلم ديالي سير شوف فيلم حياتك عااااد حاسبني .. و دابا الباب وسع من كتافك يخرج منو جمل و يدخل حمار ...
دورات وجهها و طلعت لبيتها خلاتو كيكشكش و يغوت .. مشات ديريكت للدوش كاتخوي الماا على وجهها فحال لا كانت فكابوس و باغية تفيق منو ..ديك الساعة نصلات حوايجها و تخشات فالبينوار تالما دافي تتحاول تسترخي و تحبد ديك الافكار السوداوية من بالها ..كانت مقررة تتصل من بعد بجلال و تخبرو بلي ماغاتقدرش تسافر معاه ..لكن بهاد الحالة لي هي فيها ..ماباغية تشوف تا حد من غيرو ..لا عايشة لا خولة .. حتى راسها مالغاتش تشوفو فالمراية ..بغات تشوف فقط جلال هو لي مكتسح ليها الدماغ و ماعرفاتش علاش .. حتى ماحاولاتش تسول راسها علاش ..شللات لحمها و دورات عليها فوطة و ثانية على شعرها .. دخلات ديريكت لبيتهاه هزات تيليفونها صيفطات لو مساج بلي موافقة و ديك الساعة اتصل بيها.
- جلال .. رتاحيتي!!!
- المى .. شوية .. ايمتا غانمشيو!!
- جلال .." حس بيها من صوتها عندها شي حاجة" ..مال صوتك!! شنو عندك!!
- المى .. "حسات بالدمووع بغاو يخرجو ليها كي نطق بكلمة مالك ..ماكرهاتش تبكي عليه و تشكي من لي ضارها لكن ماشي المى لي تخلي دموعها دايزين .." ..والو ..ماشي شي حاجة .. غير قول ليا ايمتا غاديين .. بغيت نمشي لبلاصة نرتاااح فيها ..
- جلال ...انا جاي عندك دابا ..
- المى .. " بصدمة" غانمشيو دابا!!!
- جلال .. غانجيبك نباتو فالاوطيل و غدا نمشيو ..
- المى .. ولكن .. صافي غير خلينا تال غدا ..!!
-جلال .. راني دويت معاك .. هزي شي حاجة قليلة و مهمة غاتحتاجيها الباقي موجود ..
- المى ..وو .. واخة .. اوكي ..
- جلال .." ساعة هاني عندك ..
قطعات الاتصال و بقات غا تتشوف فهاد الرجل السريع .. يالله حطيها غايرجع ليها من ثاني ..حطات يدها على معدتها لي بدات تتسمع فيها نبض قلبها كي سمعات صوتو .
- المى .. ههههههههههه لالالا مستحيييل .. واخة يدير لي دااار ماتنسااايش راااسك و طيحي فيييه اعبير ..ماتنساايش راسك .. " ناضت وقفات تتشوف فالمراية .. حيدات الفوطة و بدات تتمشط شعرها" ..ماتنسايش شنو هدفك .. ماتنسايش شنو بغيتي منو .. ماتنساايش .. شنووو درتي لبه و باااقة كاديري ..ماطيحييش فيييه حيت نهاار يعرف فعايلك غايسوسك و ميتلفتش وراه .. ..هذا الى خلاك عايشة .. و الى مشيتي تا خدمتي العاطفة كوني أكييييدة غادي يتكشفو وراقك قدامو ..اكيييد...تنهدات و رجعات تلاحت على النموسية كاتشوف فالسقف .. هزات رايها للساعة و ناضت جبدات صاك ديال الجلد دارت فيه كسيوات قلال و جاكيط مع ملابس داخلية لاتروس دارت فيها الميك اب و كريماتها ..صنيدلات صيفية ديالها مشات هزات من البلاكار جينز أزرق غامق لبسات معاه ديباردور قصير فالگري مبين البوط ديالها .. مع سبادري فالكري دارت ميك اب خفيف و جمعات شعرها للور خلات خصلات خارجة ..بانت كيوت و زويونه .. هزات صاكها و الصاك لي فيه الحوايج و نزلات للتحت لقات عايشة جالسة فالصالون و شادة رايها .. حداها خولة
- عايشة .." طلعلت فيها عينيها" .. فاااين بالسلامه!!!
- المى ..غانمشي نهنيكم مني شوية ..
- عايشة .. ضربات فخاضها" ..بااااغية تحمقيييني .. ابنتي ..بااااغية تخرجي ليا العقل ..
- المى .. ماما .. " قربات ليها" .. انا مابغيتش نجلس حياتي بين هاد الحيوووط ..هنا فهاد الدرب ..بغيت نعيييش .. مابغيتش نجلس تحت أمر خالي المختار. .
- عايشة ..حيدات زيفها" .. مالهم هاد ااحيوووط .. تاتعيييبي فيهم داباا!! حيت ستروووك هاااااا !! مااالهم هاد الحيوووووط ماااشي خير من حيوووط الخيرية .. هااا .. دابااا جاية تعاايريني بالدرب .. هااا .." ناضت لعندها " ..اااش بغييتي .. دوي ..اااش بغيييتي .. ماخليييت ماجبت ليييك .. حياااتي عطيتها ليك نتي و ختك .. ودابا جاية تقووولي ليااا ماباااغااتش تعيشي فهاااد الدرب .. هاااا ..
- المى .." فحال لا خوات عليها الما بااارد بهضرتها" . ان.. انا بغيت نحسن الوضية ديالنا كاملين .. بغيت نسكنو فبلاصة حسن من هادي.. كاملين ماشي بوحدي اماما ..!!
- عايشة .. شكيييينا عليييك اختي .. جبدتي ليااا المشاااكيل مع خووووتي ..و الجيييراااان ولاااو كيدويو فينااا واااش مابقيييتش فيييك .. مااابقاااش فيييك راسك و الهضرة طاالعة عليك عيييت نسكت اعبير .. عيييت نسكت ..
- المى .." الدمووع نزلو من عينيها".... باااراكا اماما .. صافي .. هاني غانمشي .. مابقيتيش غاتشوووفي وجهي فخطرة .. ماغاديش نجبد لك المشاااكل مع خوووتك و هاد الجيييرااان ديال الخراااامابقاااوش غايشوفوووني .. صااافي .. هكذااا غاتهناااي و تهناااو كاملييين .. " جبدات من صاكها كمشة تالفلوس كانت تيراتهم باش تعطيهم ليها ..حطاتهم فوق الطابلة" ..هاهو مصروف الشهر .. خليت ليكم الراحة .. " هزات صاكها و مشات جهة الباب ..
خولة .."تبعاتها خولة تتبكي" ..المى .. فين مااشية .. واش غاتديييها فماما .. غاتخلينا .. ؟؟
- المى .." مسحات ليها وجهها" ..شووت .. واش انا غانخليكم .. ماغانقدرش نخليكم .." شدات ليها وجهها بين يديها" .. نتوووما لي عندي .. مانقدرش نخليكم .. سيري .. دخلي ماتخليش ماماك بووحدها.. دخلي...
-, خولة .."شداتها من دراعها" راها غير معصبة .. غير معصبة داكشي علاش قالت ديك الهضرة .. فووق قلبها ..
-المى .. اساسا ..ماقالت تا كلمة تالعييب .. فيها الخير لي جابتني من الزنقة و رباتني .. و هاد الخير عمري غانسااه و غانعيش حياتي كاملة نردو ليها و مانوفيهاش حقها .." مسحات دموعها" ..يلا يلا دخلي ..جلال تيتسناني برا .."شافت فتيليفونها و الرسالة لي جاتها فيه"..يالاا ..
- خولة .. حلفي تا هاترجعي ..
-المى .. تا نلجع و ندوي معاك تجي عندي ..
- خولة .." زادو دموعها كينزلو" ..لالا حرام عليك ..خلي كولشي يفووت و دوزيها بجغييمة تالمااا .. عافاك ..
- المى .. سيري دخلي قلت ليك.."عنقاتها"..باي باي .
خرجات و سدات وراها الباب ..خلات خولة وراها منهارة بالبكااا .. دخلات لقات مها منزلة راسها و تتبكي ..
- عايشة .. مشاات!!
- خولة .." مسحات دموعها بزعافة" ..مشااات امامااا مشااات و ماهاديش ترجع .. مشاات..
طلعات لبيتها تتجري خلات عايشة تاتشووف فالباب و تقوول مع راسها اش درت .. !!
طلعات لبيتها تتجري خلات عايشة تاتشووف فالباب و تقوول مع راسها اش درت .. !!!
اما المى خرجات هازة الصاك ديالها .. دارت مرة وحدة شافت فالدار لي تربات و عاشت فيها و لي عمرها ما عمرات ليها العين ..تنهدات و رجعات شافت قدامها .. كان جلال وقف بالاوطو ديالو كي شافها فتح الباب و خرج وقف قدامها ..خذات نفس عميق و ابتسمات .. بالحق عينينا الحمر كانو عكس ديك الابتسامة تمااااما ..
-المى .." وصلات عندو" ..هاني جيت ..
- جلال .." خذا من عندها الصاك و شاف فعويناتها مباشرة" ..امم مرحبا ..فتح ليها الباب دخلات و لاح الصاك فالمقعد اللوراني تا هو و مشا ركب فالمكان المخصص ليه "...اوا مالنا ..
- المى .. "تنهدات بشوية باش ميحش عليها" .. مالنا مالنا!!
- جلال ..شفتك ماهيااش ..ماشي على حالك..
- المى .. " بتردد" لا والو ..علاش
- جلال ..نتي لي غاتقولي ليا علاش ...ملي دويت معاك صوتك مكانش هو هذاك ..و دابا خارجة لبا عينيك منفوخين بالبكااا ..اش واقع .. شكون خصر نهارك نخصروو!!
- المى ..واالو واالو تا حد .. عادي الساعاتوولاااه. .
- جلال .." دور وجهو للسرجم" .. واخة الالة على خاطرك.
بقاو ساكتين حتى وصلو للاوطيل .. خذا الكارت من الاستقبال ديال السويت vip ديالو .. و طلع هز ليها الصاك ماخلاهاش تهزو .. و يدو الثانية شادة فيها .. شحال من عين شافتهم و صوراتهم .. و هو مامهتم لحتى واحد .. طلعو للسويت فتح الباب و دخلو ..
- المى .. فين بيتي !!
- جلال .." جرها من دراعها لسقها عليه و نزل يدو لخصرها" ... بيتك هي بيتي .. و اي بلاصة نكون فيها ديالك ..
- المى .. ها 😳.. هادشي ماتفناش عليه ..
- جلال .. نتفقو عليه أبب من دابا ..
- المى ..😳😳 شووف ليا شي بيت عافاك بغيت غير نرتاح .. حاسة براسي على حاافة الانهيار ..
- جلال .." حط يدو على وجهها كيدوز عليها بصبعو فوق حنكها" .. مالك .. گولي غانعرف غانعرف ..
- المى .." حسات براسها بصح بغات تقول ليه كولشي .. بغات تحط راسها على صدرو الواسع .." .. خالي شاف الفيلم .. و جا بهدلني!! ..ماعمرو بغاني .. ولكن دابا زاد فيه .. عايرني بكلام قبيح .. و قال ليا حطيت راسهم فالطين .. ماكيهمنيش هو .. ماما لي كتهمني و ختي .. هو عاىفاه مكيحملنيش حيت ماشي من صلب ماما عايشة .. ولكن كوميم عشت تحت جناحها و و هي لي رباتني ...
- جلال ... هي شنو موقفها ..
- المى .." طلعات فيه عينيها لي كانو عامرين بالدموووع لكن راافضة طيحهم قدامو لا يتشتت كبريائها" .. موقفها .. قالت ليا شوهتها .. و جبدت ليها الصداع مع خوتها .. و هضرة كثيييرة ..ماشي بمعنى انا ماشي من صلبها .. اني ماكانحسش .. كنحس و كانشوف بعيني .. بغيت نطلع للفووق اااه ولكن بااغية نطلعها قبل ما نطلع .. خيرها ماغانساهش .. ولكن هضرتها ضراتني بزااف ..
- جلال ..اجي لهنا .." فتح ليها يديه و جرها بجهدتا تزدحات على صدرو بهوة و خشات وجهها فعنقو عنقاتو و زير عليها بدورو تا هو باسها على راسها خشى وجهو فشعرها " . طلقيهم لا بغيتي .. ماتخليهمش يحرقوك فعينيك. .
- المى .. صعييب نخليهم يدوزو .. صعييب ..
- جلال .." مزالو معنقها" كاتعدبي راسك ..
- المى .. ميهمش .." حطاات راسها على صدرو" .. ميهمش ..
داها للنموسية جلسها و شاف فعينيها لقاهم تا الحمورية مابقااتش فيهم ..ها هذا النوع من النساااء يا الله .. عهدو بالبنات تيبكيو على اتفه و ابسط الاشياء .. و هادي لي قدامو صخرة مكاتقبلش تزعزع .. ابتسم فاش تفكرها كي كانت صغيرة .. عمرها بكات غير الى مالقاتوش .. حك لحيتو ووقف هز تيليفونو ..
- جلال .. غانطلب ليك العشا... غانمشي نشوف علي و نجي ..الى تعشيتي نعسي .. غدا تابعانا 12 ساعة ديال الطريق .. فالسما ..😉 بغيتك تنعسي مزيااان و ترتاحي مع راسك .
- المى .." حركات راسها بالايجاب "..
خرج مشا عند عالي و ما هي الا دقايق وصل العشااء المميز حتاال عندها .. تعشات و لبسات بيجامتها و دارت كيف قال لها جلال لأنها فعلا كانت محتاجة تنعس ... اما جلال مشا ديريكت عندعلي للبرطمة ديالو لقاه صح شوية مابقاش كيف كان ..
- جلال .. بعدا وليتي مزيان .. صيفطت ليك الطبيب .. قال ليا لقاك ماتحتاجش .. شكون كان هنا؟؟؟
- على .." كيشرب كاسو" .. خولة ..
- جلال .." طلع فيه حجبانو" .. خولة خت المى .. ههههههههههه
- علي ..اي نعم..
- جلال ..هي عطاتك الدوا ملي بريتي بهاد السرعة و تدررردك ..
- علي .." خزر فيه" ..ماشي داك الدوا لي على بالك .. هداك كون عطاتو ليا كون درت الجناح. .
- جلال .. ههههههههههه " عينيه على تيليفونو" .. بالمزمول لاخر هههه
- علي .. اش درتي مع ختنا ..!!
- جلال... شريت طيارة بسميتها ..😌
- علي .." خل عنيه و ودنيه و فمو بالصدمة كان غاينوش يجدب" .. شنااااااااوااااا .. من نيتك؟؟
- جلال .. من نيت مت نيتي. . .
- علي... وعلااش .. واش زمب عليك الضمير ولا شنووو
- جلال .. ايواا .. ماتنساش رايك عاوتاني ..
- علي .. شمن راسي ولا كري ..واش كتقووول ليا طياارة كي بغيتي الطنطوون ديال رااااي ديلمو مانساااهش .. علااش تشري ليها وهي ..
- جلال .. حيييت باااغي نحيد منها ديك هي ..... و الباقي ماعندك ما دير بيه .." ناض هز سوارتو و الكارو ديالو" .. غدا غانسافر .. 😉..
غمزو و مشا خلاه حال فمو غا كيشووف ...
#يتبع ...