عاشقة الثراء💸مكتملة💸

💸الجزء 104💸

عاشقة الثراء
"ليالي نسيم "
البارت 104...
                       -ملِك قلبي-

  ---شركة الهيلالي----         -قبل ساعتين-

كي وصل للشركة  لي كانت هي الفرع الرئيسي .. حط الپورش ديالو قدام الباب و فالطريق جا واحد من الكارد ديالو داها للباركينغ الخاص بالموضفين ديال الشركة ..اما هو طلع ديريكت للمكتب ديالو ..و فينما يدوز من حدا شي حد كيوقف يلقي عليه التحية و هو تيحرك غير راسو .. .. ردخ الباب  و كيتوعد لمحسن لي جابو بهاد السرعة و هو لي كان معول يبقى مع المى النهار كامل ..
      - محسن .." شافو داخل للمكتب و دخل وراه و سد الباب .." العشير .. سمح لنا جبناك دابا ..
      - جلال .." طلع فيه راسو لي كان مزلو على الوراق " ..العشير لهيه فداركم .. هنا سميتي   جلال ..
      - محسن .." كيحك راسو" .. وا عارف قجرت عليك ولكن البلان ديال هاد الخوت مقوووود ..داكشي لي غايدفعووه جامي شديناه ..
     - جلال .." عينيه على الملفات ديال الاجتماع لي غايدخل ليه".. واش عينوك سكريتيرة ديالي ولا كيفاش!!
      - محسن .." كحز الستيلويات و ريح فوق المكتب" .. من نهار تريتي على ديك شرور و انا كنعاني معاك .. ماحيلتي للأمن ما حيلتي للكليان لي غايضيعو .. تا لونطريما و السيور نقصتهم و الكومبات شحال مدخلت فبهم .. المعانااات الساااط ..
      - جلال ..دوي معا الموارد البشرية يقلبو على شي سكريتيرة ..و دخل ليا الزمر لغرفة الاجتماعات .. نشرب قهوة ندوز بيها الفقصة و نتبعكم..
     -محسن ..كيضحك عليه" .. ههههههههههه كنتي عواال استغفر الله العظيم .. ههههههههههه ..
       - جلال ..شير عليه بملف" .. الله يعطي لبووك الغرااق
       -محسن .. اوووو كاالما اصاحبي .. ..
       - جلال .." متصنع الابتسامة .." .. قود لحگ مك ..
خرج محسن تيضحك دخل الناس لغرفة الاجتماعات و ريح معاهم .. لحق عليهم علي تا هو .. اما جلال .. طلب قهوتو .. و شعل كارو .. هز تيليفونو و اتصل بألمى ..
     - جلال .. اش كدير الخايبه ..
      - المى .." تدوي بالعبار محافضة على وجهها انها مقلقة و هي الفراشات تيلعبو ليها فالمعدة .."  شنو بغيتي!!
      - جلال .." طلع حجبانو و ضار بالكرسس لجهة السراجم الكبااار ديال الزاج حط رجل فوق رجل مفرقهم" ..هكذا تدوي المراا المرضية مع راجلها ..
      - المى .. '' ضحكات فنفسها لكن مابينااتش ليه " .. تنمات عندك روح الدعابة مؤخرا ..
     - جلال .." تيكمي و ينفخ للفوق " .. بنت ليك كنضحك !! .. مهم.. تصلت باش نگول ليك دواك متنسايهش .. و نعرفك ماكلتيش غاتاكلي عزاك ..
      - المى .." غوتات" ..وا كلييييت ..
      -جلال ... حسك قصريه راه دويناا ..
      - المى ..هادشي علاش مصوني عليا باش تبهدلني!!
    - جلال ..راني خيف على صحتك الحمارة ..
      - المى ..ماتقوولش حمارة
      - جلال .. المشيشة ديالي ..
      - المى .." عظات على شفتها .." .. ههه خليني نمشي نكما الدووش ديالي ..
      - جلال .. ناض وقف شد التيلي بكتفو كالاه بودنيه كيجمع الملفات و الباكية تالكارو " .. خكذاك نبغيك وجدي ليا راسك مزيااان و نعسي قد ما غايريحك .. عندك الخدمة بالليل ..
      - المى ..😳😳😳الدم لي فيها كلو طلع اوجهها كي تفكرات دوك اللحضات الحميمية  لي فاتو بيناتهم شحال هادي " ...اويلي شمن خدمة ..
      - جلال ..تا نجي و نوريها ليك ..
قطع عليها دار تيليفونو فجيبو و اتجه بهيبتو المعهودة للإجتماع ... كي دخل عليهم حرك راسو بمعنى اهلا .. جلس فمقدمة طاولة الاجتماعات حط يد فوق يد و شاف فيهم كاملين .
قطع عليها دار تيليفونو فجيبو و اتجه بهيبتو المعهودة للإجتماع ... كي دخل عليهم حرك راسو بمعنى اهلا .. جلس فمقدمة طاولة الاجتماعات حط يد فوق يد و شاف فيهم كاملين ..مكان عاجبهم حال لأنو تعطل عليهم تا هو ما ضارب حساب لتا خنشوش فيهم .. كان جالس على يمينو علي و على شمالو محسن ..
       - محسن .. مستر جلال .. الاخوان جايين على ود مناقصة .. مجموعة من اليخوت الصغيرة .. باغيينهم فمدة محددة ..
      - جلال .. "طلع فيهم حواجبو" .. منين جايين ..!!
      - محسن ..من الأرجنتين ..
      - جلال .. " كيحك لحيتو و يشوف فيهم " .. امم مرحبا .. باين البلان ديالمن ..
       - علي .." مد ليه ورقة من الملف لي قدامو" .. فالحقيقة تمن خيالي غايدفعوه ..منصحكش ترفض ..
      - جلال .." خذا من عندو الورقة " ..تبارك الله .. ههههه و هود البلان جاكم عادي!!" شاف فمحسن و علي...!!  
      - محسن .. ياك لي كيهمنا حنا هو نخدمو و مشدو فلوسنا باش نزيدو للقدام ..!!
      " جلال .." حط الورقة و رجع اللور تيلعب بستيلوازا تيهمني مع من غانخدم .. و لمن غانعطي بلاناتي .. و خدمتي لي كنسهر عليها الليالي .. راك فاهمني ..!! ماعنديش مع الخدمه لي تحت القانون و المبدأ ديالي ..
       - علي ..وا صاااحبي دابا نتا دغيااا رضيتيه ضد القانون و ضد المبادأ ديالك واا شووف فالثمن لي غايدفع ..
      -جلال .." بالغوت" .. و هاااد الثمن هو لي دخل ليا الشك ..هاد خونا هو مول بلانااات العام الفائت ..هو لي صيفط زحدين ااخرين على ود الكيران .. .. كل مرة خارج ليا ببلان ولد القحبة .... بغيت نعرف غا شكون هو هاد خينا !!
       - ...... " كيدوي بالاسبانية" ..مستر كين شي مشكل ..!!" وجه كلامو امحسن ..
      - محسن .. ااا ..نو نو مكين تا مشكل .. رتاح تبغي تشرب شي حاجة!!
       - ...... نو .. غير الى كان ممكن تعجلو .. بغينا نعرفو القرار ديال مستر الهيلالي .. ديجا حنا معطلين ..