عاشقة الثراء💸مكتملة💸

💸الجزء 40💸

عاشقة الثراء
"البارت 40"

-أهرب منك إليك -
#جليل_رجوى
فاق الصباح لبس السورفيت ديالو الباسكيط و خرج كيجري دار القب على راسو و الكيت فودنيه .. مادوى مع حد واخة كانت زهيرة فالكوزيزة كاتوجد الفطور .. علاقتو معاها بقات متوثرة من اخر مرة .. علاقتو مع الام ديالو لي بقات كيف ما هي حيت هو عويناتها لي فقداتهم شكال هادي و ميمكنش تتخلى عليه ولا تسخى بيه واخة يدير لي دار ..خرج تيجري حتى وصل كمل جراه و مشا ديريكت لكاافي فطر و رجع لدار .. مشا ديريكت لدوش ضربها بتدويشه و لبس تيشرت أبيضر مبين عضلات جسمو الملفثة ..و جينز ازرق غامق فيه تشراگ من رجلين ..مع سبادري نايك فالأبيض .. رش بارفانو و صايب شعرو بطريقة عشوائية .. لبس خاتمو لي فيدو ديما مكيفارقوش و الگورميط ديالو ..هز تيليفونو و مشا ديريكت عند لطيفة لبيتها ..
- عبد الجليل .." دخل عندها كانت جالسة تتسبح فوق النموسية ديالها و حتطة رجليها على طابية فالأرض .." .. صباح الورد على أجمل حبيبة ..
- لطيفة .." ابتسمات ليه" ..صباح النور اولدي الحبيب. .
-جلال .. ناض باس ليها راسها و يديها و جلس فوق الطابية لي ديرة عليها رجليها خذاها حطها فوق رجليه كيدير ليها الماساج" .. كي بقاو الرجيلات الالة لطيفة ..
- لطيفة ..ههه بيخير اولدي .. كيفاش بغيتيهم يكونو ويدين ولدي حبيبي كل صباح و كل عشية تيدوزو عليهم ..
- عبد الجليل .." ابتسم ليها" .. هههه الله يخليك لينا .. " طلع فيها عينيه و اطول فيها الشوفه" راضية عليا أيما !!
- لطيفة .." حطات يديها على راسو " .. الله يرضي عليك احبيبي ..
-جلال .. " باس ليهايديها و ناض " .. انا خارج دابا ..
- لطيفه .. الله يعرضك السلامه احبيبي ..
خرج من الدار و ركب الاوطو ديالو .. اتصل بحكيم صاحبو و دار معاه المكان لي يتلاقاو فيه .. لي هو الكافي لي ديما تيجلسو فيه. . منها يبرك مع صاحبو يتناقشو على المشروع ديالهم لي بداو فالتنفيذ ديالو منها يتسنى المكالمة ديال رؤيا ... كي وصل لقى حكيم ديجا بارك فالبلاصة ديالهم المعهودة .. مور الكافي فالتراس لي كيطل على البحر... مشا عندو و جلس جبد حكيم الاوراق ديال المشروع .. و العقد ديال البيع تاع الماگازات لي شراو .. خذاه من عندو كيدرس فالمشروع و كيشوف البلان ديال الماكازات باش يصاوب ليهم ديكور نقي يليق بيهم .. داكشي لي كان .. بقاو جالسين و نساو روسهم مع الخدمه فهاط الوقت كانت رجوى ياله حيدات الصيروم و خذات دوش خفيف... ديك الساعة جات عندها رؤيا لابسة كسيوة صيفية فالأبيض بالدرعين .. فيها وريدات فالكول بالاحمر و الصفر و الزرق .. لبوسات معاها صوندال بالستيور فنفس الشكل ديال الوريدات لي كانو فالكول .. خلات شعرها الذهبي على راحتو و دارت نضاراتها الشمسية فوق راسها .. هزات صاك طويل فالأحمر.. دخلات عندها لقاتها لاوية عليها فوطة و لاوية اخرة على شعرها ..
- رؤيا .. ويلي مزال كاع ما لبستي😳😳
- رجوى .." طلعات فيها عينيها متقلة" .. هاني غانلبس .." مشات للبلاكار جبدات السورفيت ديالها تلبسها .." ..
-رؤيا .." بالغوات" .. واااع اش كديري .. من نيتك غاتلبسي هادشي !!
- رجوى ..و شنو غانلبس .. الله يرحم بااك خليني نلبس لا بغيتي نخرج معاك ..
- رؤيا .. " حيداتهم ليها من يديها" .. خروووج بهاادشي ماااكو!!... " مشات للدريسينغ كاتقلب ليها شي حاجة زوينه تلبسها .. جبدات من الصاك لي جابت ليها البارح الحوايج .. خذات منو تيشرت اسود و صاية قصيرة صيفية ملونه.. عطاتهم ليها لبساتهم بزز ماحاملاش تلبس .. مشات لجهة المراية شعلات الشووار نشفات بيه شعرها .. و هي تجلسها رؤيا بعد صراااع طوييل عريييق على كرسي الكوافوز و دارت لها مكياج خفيف كيلائم اللبيسة ديالها .. لبسات صوندال ديال الطالون مسبكين فالأسود و هزات صاكها .. مشاو سلتو كيف العادة من الباب اللوراني بعد التضويرة مع الكارد كور طبعا ..
صيفطات رؤيا لها ميساج باش يصيفط ليها اللوكيشن و داكشي لي كان غير قرا الميساج صيفط ليها فين كين و اتجهات لعندو في ساع .. وصلو للمقهى لي كان على البحر .. دخلو و رؤيا كتقلب على عبد الجليل بعينيها حتى جاها ميساج كيقول ليها بلي شافهم و.. و طلب منها يخرجو لتيراس .. شدات فيها و طلبات منها يجلسو قدام البحر داكشي لي كين هي اصلا مخنوقة و باغية فين تنفس ....دخلو لاتيراس مع الضورة لي غاتضور على اليسار كيبان ليها عبد الجليل جالس و تيشوووف فيها.. حسات برجليها فشلو عليها و راسها شداتو الدوخة .. ولات تتشوف داك البحر كلو تيدور بيها .. شدات فرؤيا و زيرات عليها... و كي ناض وقف و ديك الابتسامه ديالو لي كاتسحرها على شفايفو ماتبدلات .. تعكلات بالطالون فحال داك الاحساس فاش تتكوني غااادية في امان الله تا كيتهرس ليك الطالون .. بحال هكذاك حسات .. و زيرات على رؤيا باش ماطيحش .. قرب ليها حتى وقف قدامها و هي فحال لا ضارباها اللقوة ..
- عبد الجليل .." مد يديه لرؤيا سلم عليها .. " نتوما هنا!!
- رؤيا ... اه خرجنا نتقهواو و نشمو الهوا .
- عبد الجليل.." عينيه على رجوى لي كتهرب في عينيها..." امم مزيان ..ختي واخة تمشي تىحي انا غاناخدها ليك شوية و نرضها ..
" رؤيا .." حيدات يديها بزز من رجوى لي كانت مزيرة عليها و تتقول ليها لا براسها" ..هي لي مااتعاودش ..
- عبد الجليل... " شير ليها على الطبلة" .. راهي الطبلة ديالي .. ريحي تم تا نجيو ..
قبط لرجوى فيدخا و جرها نزل بيها شي دريجات داها لورا الكافي فبلاصة كاملة عامرة غا شجر و ورد .. وبقى شادها من يديها حس بيها متوثرة كي وقفو هز ليها راسها بزوج صباع" .. توحشتك ...
- رجوى .." برقات فيه عينيها .." .. هااا ..
بدون سابق انذار جرها من خصرها لاسق شفايفو على ديالها كيستطعم مذاقهم لأول مرة .. كانت أول قبلة لرجوى .. حتى ماعرفات كيفاش تتجاوب معاه .. و اصلا كانت فحالة صدمة .. فصل القبلة و شاف فيها .. كانو عينيها غايدمعو.. شد ليها وجهها بين يديه و باس ليها نيفها ثم جبهتها...
- عبد الجليل ...شوووت .. البكاا لااا البكااا لا أميرتي ..
عنقها و خلا راسها يرتاح على صدرو .. ماتكلمات مانطقات حتى حرف .. خلات راسها على صدرو تتستمتع بديك اللحظة لي ممكن ماتعاودش ...!!!
فهلد الوقت كانت رؤيا جلسات فالطابلة و قالت السلام .. يالله طلع فيها راسو .. تقالت كلمة وحدة بيناتهم بزوج ...
- رؤيا .. نتاااااا ..
- حكيم .. نتيييييي
بانت شميسة يوم جديد مخبية ورا الجو المغيم ..مغيم على قلب شحال من واحد اولهم جلال لي جاه طعم الخيانه ديال المى مر و صدئ فلسانو .. و مغيم على قلب المى لي كان الخوف مصيطر عليها مع انها متتبغيش تبين ولكن الموقف لي راهي فيه لا تحسد عليه .. فاقت على نسمات البرد ليهبو عليها .. حلات عويناتها و بقات تتشوف فالبالكون .. هزات تيليفونها طلات فيه و ناضت تتكسل دخلتت للحمام قضات حاجتها و غسلات وجهها و سنياتها .. جمعات شعرها و دخلات لبسات حوايجها لي كانو عبارة عن لبيسة فالحمر سروال و بودي طالع على السرة .. فوق ظنهم جيلي على شكل مونطو فالگري و الأحمر و الغيرور ديالو فالغوز بيبي .. دارت مكياجها اليومي الخفيف و دارت ساعتها فيدها .. هزات صاكها دارت فيه داكشي لي بقى و البيجامة رداتها للفاليز .. جرات فاليزتها لقدام الباب تا يجيو يهزوها و مشات عند خولة .. دخلات عليها لقاتها لبسات و كاتماكي ..
- المى .. صباح الخير ..
- خولة .. صباح النوور .. ساليتي .. اول مرة تسبقيني ههههههههههه ..
- المى .. راسي وجعني عندك شي فنيدة!!
- خولة .. نو معديش .. شوفي جلال ..
خرجات من عندها نزلت لقات طبلة الفطور واجدة من كوولشي ..و جلال جالس فمقدمتها كيشرب قهوتو و تيتفحص فالطابليت ديالو جريدة ايليكتروتية يعرف بيها الاخبار ديال السوق ..
- المى .. " بتردد " .. صباح الخير ..
- جلال .." شرب من كاسو و طلع فيها عينيه" .. صباح الخير ..وجدتي .. مزيان باش ماتعطليناش ..
- المى .." سرطاتها بجغمة الما و جلسات" .. بغيت فنيدة تالراس ..
- جلال .. علاش؟؟
- المى .." حطات يديها على جبهتها" .. باينه علاش درني راسي ..
-جلال .." شير للخدامة " .. جيبي الدوا دالراس .." هز تيليفونو لقى المتصل علي .." .. وي ..!! اه .. غانزلو اليوم .. شي وية نكملو الفطو و نتحركو .. الاجتماه مع مكسيم فالمغرب ..ايه .. الى بغاني كيعرف ليا الطريق انا مكانمشي عند حد .. " شاف بنص عين فالمى لي كانت هازة تيليفونها كاتكتب و هو استنتج انها تتوصل ليه الخبيرة .. '' غايكون بالضبط بعد يومين .. عفالاوطيل ديالنا ..." ابتسم بالجنب فاش شافتها عاضة على شفتها و تتكتب بالزربة حط تيليفونو فوق الطابلة و رجع ضهرو للور تيشووف فيها " .. بان ليا مشا لك الراس ..؟!
- المى.." هزات رايهاب الزربة" ..ها!! كيفاش!؟
- جلال..لي كيدرو الراس تيبعد على التيليفون ..😉 ولا شنو!!
- المى .." طفاتو و حطاتو " .. اه غير تنشوف اخر الاخبار ..
- جلال " ضحك باستهزاء" .. فطري .. و شربي الدوا .. باش نتحركو
- المى .. واخة .. احم .." دارت شنيك ففمها عضاتو و دوزات بالقهوة و رجعات شافت فيه" .. احم بغيت نسولك .. !! الى كان ممكن!
- جلال .. " طلع ليها حاجبو زعما تكلمي!!
- المى .. الفيلم امتاش العرض الأول ديالو ..!!
- جلال.. العرض الاول غايكون فالمغرب بالضبط فمراكش ..
- المى .. اه .. و ايمتا!!
- جلال .. مزال ما حددتش..
- المى .." حطات لي فيديها و شربات الما" .. يا ريت يكون فأقرب فرصة ..
- جلال .. علاش " طلع فيها حواجبو" .. باغية تهماي مني ..ههه
-, المى ..بغيت نتخلص ..ولا ماشي من حقي ..
- جلال .." ابتسم باستهزاء و عطاها نظرة استخفاف" .. گولي نتي هامينك الفلوس ماشي الفيلم .. تهناي الالة من غدا غانحول ليك مستحقاتك و الدوبل ديالهم على الله غير يعمرو دوك العينين لي ما غتيعمرهم غا التراب ..
- المى .." خزرات فيه " اش كاتعني بهضرتك؟؟
- جلال .. مكانعنيشاي .. كولي انا كانتسنا على برا ..
ديك الساعة فاش خرج خلا افكارها متضااربة .. ديك الساعة نزلات خولةةانا هو مشا ديريكت للجردة مخسر سيفتو جبد كارو كيكمي بعصبية .. و كيفكر اش غايدير باش يسد ليها ديك الثقبة ديال الطمع و فنفس الوقت يلقنها درس عمرها تنساه .. جلس على الكنابي لي فالجردة كيهزهز فرجليه بعصبية و يكمي .. و دماغو خدام لكن فاخر المطاف وصل لحل انو خصو يغرقها بخيرو باش ماتلفتش لخير حد ثاني ..بمعنى اخر يوريها العز و الفلوس ديال بصح بلي ميجيو والو قدام داك لي شراها ... و خلاها تجسس عليه .. ناض اتجه لسيارتو فالگاراج فتحو ليه لي گارد الباب بعد ما خذا منهم السوارت .. و امرهم يجيبو لي فاليز ديال البنات هز تيليفونو غير طلع راسو و هي تبان ليه المى خارجة من الباب ديال الفيلا و تتلافت وراها ياك ما كين شي حد .. ديك الساع هز تيليفونو شعل جهة الكاميرا الأمامية ديال الباب و اذا بيه كيسمع اول جملة قالتها كي حطات التيليفون على ودنيها ...
- المى .. سميير !! فين مرتضى ..
هنا ضحك بعضبية و رمى التيليفون كان هاين عليه يخرج يجيبها من شعرها و يمرمد بيها الأرض من كثرة العصبية لي فيه ..ولكن هو مكانش هذفو المى كثر ما باغي يدمر مرتضى فديك اللحظة .. عاد يدوز ليها
بعد ساعات حطات الطائرة في المغرب .. تحديدات فالدار البيضاء من نفس المطار لي قلعات منو و نفس السيارات لي جابهم لتما رجعو باش يردوهم .. طلع جلال عبنيه فعلي و غمزو يخوي الساحة .. دا معاه خولة و امر المضيفاات كولشي ينزل و بقى شاد جلال فيد المى و قال لها بعينيه تتسنى هنا طلعات معاها الصهدة و قالت مع راسها هادي اللخرة ليا .. نزل كولشي و بقات غير هي وياه كانت تضور فعينيها يمين و شمال .. حسات بالخطر و هو لمح ديك النضرة فعيونها .. حسها باغية تهرب ولكن مع من .. حط يديه على ضهرها و تم طلع نازل بيها ..
- جلال .. اش بان ليك تمشي معايا !!
-, المى .. " بصدمه" فين؟؟
- جلال ..باختصار" داري .. !!
- المى .. " كاتحاول تتهرب منو" .. ااا .. لا انا خصني مشوف ماما توحشتها. .
- جلال .. اممم .. ماماك .. واخة الالة ماما .. "عض على شفتو التحتية و تحنا لعندها مقرب لوجهها" ... شنوما ماغاديش توحشيني انا ..!!
- المى .." ناضت قفزات و بعدات عليه فرمشة عين ..وقفات" .. هاد المدة الطويييلة لي كنت معاك فيها .. كنظن .. خاصها بريك .. لا ليا و لا ليك ..
- جلال .." شاف فيها و صغر عينيها" .. مكانضنش بالنسبة ليك خاصك بريك .. عاد غاتكون عندك الخدمه دابا ولا لا؟؟
- المى .." بعدم فهم" .. كيفاش؟؟ شمن خدمه!!
- جلال .." ضحك بالجنب" .. هه نساي .. " ناض وقف و قرب ليها حتر جرها من خصرها" .. عيني غايبقاو عليك .. ديريها فبالك .. ديري هاه ولا هاه .." دار حركة بصبعو على عنقو" .. من الوريد الى الوريد..
- المى .." طلعات على صباع رجليها باش توصل لوجهو و شافت فيه بنضرة فاتنه..و قربات فنها لفمو حتى كان هايبوسها و هي تبعد وجهها"اممم نهار تولي تقبل بعلاقة بمراا وحدة .. ديك الساعة اتصل بيا .." غمزاتوو عضات على شفتها" .. غانكون فالخدمة ..
-جلال .." ضحك بعصبية و زاد لسقها بالسرجم ديال الطيارة و طلع يدو كيدوز حناكها بصباعو" ..اممم .. هي خصنا بزاف تالوقت باش نتصل بيك .. و ممكن مانتصلش كاع ..
- المى .." داخلها كان تيترعد لكن جمدات قلبها و ابتسمات.." .. اوا .. خدمتي معاك و سالات .. تتصل ماتتصلش .. ماشي غير نتا لي كين على هاد الكرة الأرضية .. كينين رجال بزاااف يتمناو لي الرضى .. او .. نجيبو من غدا لا بغيتي ..
- جلال .." ابتسم باستهزاء .." .. ههه ت ت ت .. عارف هادشي .. ولكن الاشكال كين فيك نتي .. ماشي اي واحد غاتجيبييه .. نتي خاصك واحد فمواصفاتي .. يحقق ليك احلامك .. ولا لا!!
- المى ..اممم .. احلامي .. نقدر نحققهم بلا راجل .. احسن لي ما نحققهم براجل ماشي ليا .. حيت حتى المبدأ مهم .. على فكرة .. كين مليوون راجل يحقق ليا ما تمنيت .. هذا الى حطيتو فراسي ..
- جلال .. " طلع حواجبو فيها" .. انا مكانقبلش بالتحنات ..حيت ماشي بحال دوك البيادق لي غايحققو ليك احلامك ازين ..
حكمها قرب وجهو لوجهها حتى بدات كتحس بنفسو سخونة كضرب فوجهها طلعات عينيها فيه لقيتو كيشوف فيا بطريقة غريبة ..تبنبه فحال لا كانو سارحين فنقطة مافهماتهاش .. عنيه كانت فيهم شي حاجة ماشي هي هاديك .. ردات ليها البال بالطريقة لي حرق بيها راسو قبل لا يهرف على شفايفها بحال لا شداتها المصيدة فقنانفها ..حط يدو تحت عنقها و غمض عينيه و بدى كيبوس بحنية و بشوية .. كانت هاد القبلة فشي شكل بالنسبة ليها حسات بمعدتها فيها شي حاجة كاتحرك .. خلاتها تطلع يدها و تسد فجهة فين كينه باش تسكت داكشي لي كان كيدغدغ أوصالها .... بقبلة منو دوبها و خلاها دوق العز المعنوي .. مكانتش هادي قبلة بحال لي قبل منها .. بالعكس .. حانت فشي شكل .. قبلة رجل عاشق خلا قلبها فرمشة عين يدق .. دوبها و خلاها تنسجم معاه و تحرك شفايفها عكش شفايفو باش توصل للعمق ديال العم تاع ديك القبلة ..يديه كانو كيدوزو على كرشها و صفرها لي كانو عريانين بسبب اللبسة لي كانت لابسة ..و يدو لفعنقها كانت تتحرك بشوية و بطريقة زادت من الاثارة ديالها خلاها تقول اشنو درت و اشنو تندير .. كيفاش اتفقت ضد واحد عندو القدرة يحطم غروري و يخلي قلبي يدق في لحظة .. ابتسم وسط شفايفها فحال لا وصلاتو المعلومه و وصل لداكشي لي بغا..فاش فتحات ليه فمها باش يدخل لسانو و يتحد لعابهم اكثر و اكثر ..حتى هو استجاب لدعوتها و دخل لسان. كيلعب بلسانها و خلا شفاليهم كيرقصو على انغام الشهوة و الرغبة ..
#يتيع ..