عاشقة الثراء💸مكتملة💸

💸الجزء 123💸

عاشقة الثراء
"ليالي نسيم "
البارت 123
-ملِك قلبي-

- خولة .. ياااه غانولييي خاالة .. ههههههههههه
- المى .. مابغيتش فردوس تعرف .. متفقة انا وجلال تا حد من ديك الداار ميعرف .. اه انا عارفة فردوس ضريفة و ختي و كولشي .. ولكن راها فمها كياكلها بعد المراات و مزعووطة فمؤمن .. تمشي تزلق ليها الهضرة قداامو ولا قدامهم الاحتياط واجب يعني ..
- خولة .. اييه مزياان لي فكرتو هكذا .. ديك العاائلة مافبها الثقة اصلا. .
- عايشة .. شنو يقدو يديرو!! ربي لي كيحرس .. و زيدوون .. غايعرفو غايعرفو ..
- المى .. غادي نسكنو فشي فلا بينما ولدت .. و نتي غاتريحي معايا اماما ..مستحيل نخليك بووحدك .. بعد هاد الفصعوونة ماتمشي!!
- عايشة .." حطات يد على يد " ..من تما لتما ربي تما ..
- المى .. غير وجدي شاانطتك من غدااا ..
- عايشة ..انشااء الله ..
دوزو وقييتة زويينة و اهتموو برااسهم مزياان .... رجعو مشاااو لغرفهم و المى طلعات للسويت ديال جلال .. قلبات تيليفونها لقاتو متصلش عرفاتو مشغول مع علي ... و لا فالشركة .. تكاات رتااحت شوية حتى صلو ليها القفطان لي غاتلبس فالعرس ديال خولة ... دخلوه لبيتها و علقووه قداامها ..جات مصففة الشعر و المسااعداات لي غادي يعاونو المى فاللبااس ..
..
- المصففة..."وقفات عليها واخة ما انتبهااتش ليها لأنها كانت مشغووولة بجمال القفطاان لي قداامها" ..مدام باش تحبي تبدااي.. تلبسي بعدا!!!
- المى .." حااالة فمها فالقفطان" ..واااو ..مكنتش ضانااه غايكون هكذا ..واخة شفتو من قبل لكن فحال لا وااحد ااخر ..
- مساعدة المصففة" ..سمعت بلي سي الهيلالي طلب من المطممة تبد الحجيرات لي كانو فيه .. بأحجاار غاليية و كريمة ..!
- المى .." حطات يدها على فمها'' .. بصح!! ..ههه اي حااجة كاتبرق و زوييية فحياااتي كيكوون جلال سبابها ..
- المصففة .." ابتسمات ليها .." .. الله يخليكم البعض أمداام و نصايب ليك فعرسك انشااء الله ..
- المى .." جاها الضحك فاش سمعات عرسك كانت غاتقوول ليها قوولي السبووع بعداا ...." .. انشااء الله ..امم ..انا غانلبس ..

عاونووها حتى لبساات و كيف طلب جلال .. مايخليوها تدير تا ايفووور .. والو .. حدها تهد يديها و تحطهم .. لبسووها القفطاان لي كاان فالبلونكاسي ..على شكل غووب صوااغي .. من الفوووق مزييير و فالخصر معقوود بصمطة من الذهب الخااالص .. لي تا هي بدلها جلال و من التحت كلوووش و مفتوووحة حتااال فووق الركبة .. مخيطة بخيوووط الذهب الأصفر ..)الصم الحر).. و عليها طرييزات ذهبية مزيننني بالأحجاار الكريييمة و الثمييينة و كل حجييرة تتعطييي شحاال من لوون .. مع تغير الضوء فالمكااان ..
جاتها هي هااديك على فصاالتها .. باانت فيها انيييقة أكثر .." تحنات وحدة من المساعدات و حطات ليها الصنيدلة الذهبية المشبكة .. و طبعا بدوون كعب عااالي بزااف .. .. مع انها كانت حااطة صنداالة بالطااالون لكن جلال حيدها .. و حط بلاصتها صنيدلة اخرى .. راقية أكثر دومي طالون ..جلسات قدام المراية و بدات تتصاايب ليها الزياانة الميك اب .. و المصصفة دالشعر تتصاايب ليها فالشعر لي دارتو ليها بوكلي من التحت ..خذات خصلات من القداام رجعااتهم للور جمعاتهم بطريقة سامبل ببرووش على شكل تاج صغييور .. ... الما الميك ااب تا هو مكانش ثقييل اعتمدااات فطلتها الرقييي كهدف أساااسي .. الوحييد لي دارت فيه لون غاامق هو فمها ..لي دارتو ليها بگلووص گروونا غامق ..
- الزياانة ..تبااارك الاه ماااشااء الرحمااان شفتك بعييين ماااعمرهااا ضرررك ..طالعة قمر .. جا عليك القفيطييين تماما .... و الميك ااب بين ليك ملامحك الغزاالة ..

- المى .." تتشووف راسها فالمراااية ." ..شكرا .. 😊😊
ما حسو غير بالباااب تحل .. ضارو كاامليين لقااو جلال و هوما يخرجو تسرسبوو وحدة موور لووخرا .. سد موراهم الباب و انجه لعندها .. كانت وااقفة مبتسمة .. و هو بهييبتو و وساامتو وقف قداامها .. لابس كلااس سرواال و شوومييز و فييست و صباااط كوولشي اسود في اسود .. ضرباتها ريحتو من الباااب ووكل ما كيقررب ليهاا كتزييد تشمها و تغلغل ليها فالأعماااق .. وصل عندها جرها لعبدو من خصرها و لحيتو على حنكها منزل ليها راااسو تيتأمل فوجهها" .
- جلال .. اش هاد الزين كامل!!
- المى .." عضات على شفتها" .. عجبتك؟
.- جلال .." طلع راسو خزر فيها" .. سولي واش حمقتيني ولا مزال!؟
- المى .."ضحكات بميوووعة" .. ههههه ... توحشتك ..
- جلال .." عيوونو مركزيين على شفايفها لي كاتعض فيهم مىة مرة باغراااء" .. كيفاش زعما مانقدرش نبوس !!
- المى .." كتلعب ليه بالصداايف الشووميز " .. توتو ..متقدرش ...من صبااح و هوما تيديرو ليا الميك ااب ..
ذ- جلال .. " عاقد حواجبو"... و كي غاندير نصبر!!
- المى .." باستو فحنكو" .. غاتصبر احبيبي حتى يسالي العرس و بووس براحتك ههه ..
- جلال .." باسها جنب فمهااا و طوووول فالبوووسة تا حساات براسها غاتنهاار بين يديه اصلا هي على كف عفريت .." .. اخخ يا المهبلاني ..
- المى .." حلات عينيها و طلعات يديها تنحسس لحيتووو" .. يا مجنني ..
- جلال ..", نزل وجهو باسها فعنقها و طووول البوووسة و استنشق ريييحتها" .. كيف دير السبع ديال باباه ..!!
- المى ..هههه لباس عليه " عضات على شفايفها" ..
- جلال ..تت ..ماتبقاااايش تاكلي فدوو الشناااايف راااك كاتشعلي فيااا نااار الدااخل .. تت ..
يالله نزلو! حيت مانضمنش ليك نبقى صاابر ..
- المى .." حركات لييه رااسها و هي مبتسمة الفرحة كدغدغها فكرشها" ..يالله بديتي تتخرج عن السيطرة هههه
جراتو و نزلو كيكركروو .... فدي الوقييتة كانت خولة تا هي لبسااات اللبيسة الاولى لي غاتبرز بيها و لي كان لونتا غووز بااارد غادي للبيوووضة ..و علي جنبها لابس كوسطاار فأسود كرافتت و شووميز بيضيين .. و ماسااايعاااه فرحة .. نزلو رقصوو على انغاام اغااني شعبية .. كانت القااااعة المخصصة للأعراس فالاوطيل مزينة على اكمل وجه المعازييم مكاانت خااصااهم تااوحااجة .. ناااس الدرب حلوو فاامهم و نزلو عيينيهم لرض حيت عمرهم ماحضروو لعرس بهاد الشكل موالفين دوك القااعات المتنقلة و فينما يمشييو لشي عرس يخرجو فيه مياااةةعييب و عييب بتبرگيگهم .. اما داباا تسدو ليهم الفااام عياااو يقلبوو و وااالو .. كان جلال مريح فالطبلة مع المى .. حاكمها لا تنووض تشطح شااد لبها فيديها و مرة مرة يخطف ليها بوووسات فعنقها و يديها .... و وليد حداهااا هو مؤمن لي كان مجمع مع فردوس ... اما محسن كان حداا جلال مرة مرة تيجمع معااه و يشيرووو لعلي لي تيشطح مع خولة و ماهنااش ..حتى وقفات علييهم بنت في غاااية الجمااال و الرقييي .. لابسة قفطان ديال الموبرا فالگرونة لااسق علبها مخييط بالصم الحررر و دايرة مييك ااب غزاال مبينها فنة ..
- المى ..ثووورية ..اهلا .. مرحبا.."نلضت سلمات علبها ..
- ثورية ..ترحب بيك الحنة حبيبة ..
سلمات على الرقية كاااملييين تا وصلات عند محسن و وحلات لبها ..مدات ديها تترجججف ماعرفااات تا مناااش .. واااخة كانت ساالخااه ولكن هاد المرة جاتها فشكل.. طلع فيها حطباانو و مد ليها يديييه سلم عليها و زير على يديها تا غوتات بشوية ..غمزخا و نطق بكلام مستفز خلاها تعض على شفتها من الغيض.
- محسن .. رطااابيتي و ولييتيي أنثرى.. هه ..😏😏
في سااع كشرااات كانت متأملة فبيه يقوولها زيينه ولكن مع ميييت .. محسن ديما هكذا ..دبش ..
- محسن .." شير ليها للكرسي لي قدامو" .. ريحي ..
- ثورية .." جرات منو يديها بالجهد" .. غانجلس .. ماحتاجااش منك تقولها لي ..
رجعات للور و مشات جلسات قدام وليد لي كان الكرسي حداه خاوي .. خلات محسن تيخنزر مكرهش يااكلها بعينيييه .. و هيومجمعة مع المى .. و مرة مرة تتهضر مع وليد لي منزلش عينو عليها اصلا هو يعشق الزين و نسونجي بامتياااز لي شافها تعجبو😂 ... فهاد الوقيتة محسن حااااضبها بتخنزيييرة غييير طلعات راسها التقطوووو عينيه عينيييها لي كااانو مصااوبييين باحتراافية لدرجة يأسرو اي وااحد شااف فييهم ... شافت فين بعجرفة و دورات وجهها في سااع لعند ولييد .. خلاتو يزييير على يديه تا خرجو عرووقهم الشيء لي خلااا جلال ينتبه و ابتسم بالجنب كي شاف النضرات بيناتهم و الشرار لي خارج من عينيهم بزوج ..

-جلال. .ياك لباس !! اش تم. .!!
- محسن .." حنحن .." .. احم. .والو .. علاه؛!
- جلال .. الى بقيتي تتشوف فيها من البعيييد .. غايطيير ليك بيها تلنسيب .. و شووف ديك الساااع باش غاينفعك التخنزير ..
- محسن .. غانووض نهرس لمو دوك سنادر لي عاجبينو .. تفووو عنيبه ..
- جلال .. ههههههههههه العوود لي تحگرو يعمييك العشير ..
- محسن... بزااااف هادددشي و.. "وقف و خبط الطبلة وبيديه و هو مخنزر فتووورية كي سمعها تضحك بالجهد و وليد يضرب ليها على يديها" ..
كولشي ضار كؤشووف مالو😂 اما تورية حلاات فمها من الوقفة .. و الشوووميز لي غاطرطق على دراعو اول مرة تشووفو بالكلاااس .. فبضع المرااات لي شاافتو فلاساال ديما يا الشورط يا السورفييين .. لكن دابا بااان كثر فالكلاااس ..
ما حسااات بييه غير واقف عند راسها .. تحنى على ودنيها وودوااا بشويييية .. واااخة صوصتو مكانش مسمووع مع الصدااع تالموسيقى ..لكن هي سمعاتو ..
- محسن .." غاتنوووضي قداامي ولا هاد القوااد غايحسب سناانو فوق البسطيله ..
- ثورية. .." ضارت خزرات فيه لقات وجهو قرييييب"" ..وو و. واش حماقيتي!!!
- محسن .. " شد لها فيدها و زير عليها .." .. بغيتي نوريك شوية من حمااقي!!! غانجرك قدامهم كي النعجة ..
- ثورية .." تتحاول تفك يدها من يدو'' .. لالالا رسمي حماااقيتييي .. رسمييي ..حيد يديييك اززززممممر .." كدوي من بين سنانها. . " ..
- محسن .. يالله نوضي قدامي ي..." تيشووف فوليد لي مخنزر فيهم" ..ياك لبااس اخونا!!
-, وليد .. معايا!!
- محسن .." حط يديه على الطبلة مخنزر " .شوف نتا ..
- جلال ..'' غمز محسن". .. اووو .. كالما ..محسن .. وليد ..
- محسن. ." وقف " .. هاهو مكالمي .. يوضي نتي تگعدي ..
ناضت على وعدها و سعدها كان فيييييها ميشد معاه الضد و تعااندووو و لكن الشوووهة قداام الناااس لي كانو تيشووفو فيهم مابغاااتهااش .. و خافت لا تكوون السبب ان داك العرس يتقلب مضاارباا لأنو عينين وليد و عينيه كانو كيطلقو القرطااس ..كون ما جلال لي وقفهم ..تبعها تا هو رجليها غاديين ماعرفات فين غادية .. تا جرخا من يديها و دخلها لمكان بعيد على العرس و الهراااج مقنت و معزووول و بما انو حاافض القصر عارف مزياان البلايص لي متيكون فين حد ..
- محسن .." خبطها مع الحيط" .. شكون عرض عليك؟؟؟
- ثورية .." حطات يديها على جنابها" ..سووووقك ااااش مشاااا ليك مالكودير لينااا فيها صعصع .. ماتنسااااااش ديك السلخة ماتنساااهاااش ااايوااا ايييوااا ..
- محسن .." ضرب بيدسه على الحيط ..و خزر فيها" .. بغيتي نعاودو الكومبا بسم الله .. باش تشوفي شكون غايسلخ لاخر... مكانبغيش نضرب الجنس اللطيف .. ولكن نتي .." ضحك بالجنب و قرب لشفايفها هضر قدااامهم" .. نتي جنسك يااا لطيييف منو .. لا تمثييين للأنووثة بأي صلة ..
- ثورية .." دفعاتو من صدرو" ..لهلا يحيييك و يطووول زمااان علييك .. يخخ هادشي لاش جايبني .. فرقني عافاااك .." بغات دوز" ..ندمت كااع لاش حضرت .." متعجباتهااش هضرتووو حسسسااااتو حگرها" .. لو كنت عاارفة غانلقااك هنا مكنتش نجي .. ..
#يتبع ..