عاشقة الثراء
"البارت 42"
-أهرب منك إليك -
قطع عليها الاتصال و خلاها فحرب بين مشاعرها لي حسو بالخوف و بين قوتها لي مستحيل تتخلى عليها .. رمات التيليفون ديالها فوق الكانابي و تلاحت على النموسية تتفكر فهاد التخربيق لي ولا فحياتها ...حطات راسها على وسادتها و حاولات تنعس فاش ماقداتش ولقات دماغها خدام فحال الماكينه تالحساب شربات دواها ديال النعاس عاد قدلت تستسلم .. اما جلال كان فحال داك لي غادراتو روحو .. غادراتو و غدراتو .. طعناتو بصح لكن قلبو مغروسة فيه كلاميلا من الطفولة ميقدرش ينساها واخة دير لي دارت .. حتى ولو خانتو و طعناتو فضهرو .. لكن دابا عايق بيها و كاشفها .. هز تيليفونو و نكل من السويت ديالو مشا ديريكت لطنوبيلتو كان الشيفور رجعها .. ديمارا فاتجاه القصر ديريكت كي شافوه لب كارد لي فالباب ناض كولشي تيتجاراا .. حلو ليه الباب و تبعوه حتال الباركينغ ديال الطنوبيلات خذاو منو السوارت و زوج منهم رافقوه تال الباب ديال القصر .. عطاهم اشارة باش ينصرفو و رجعو كل واحد لمكانو انا هو تحرك لغرفتو ماقرب لحتى حد اصلا القصر من الوسط ديالو باين خاوي كل واحد مخشي فالسويت ديالو .. و قليل فاش كيتجمعو ..وحتى يدو ماداهاش فيها و مداواهاش .. داز على غرفة رجوى متلفتش ليها لكن هي شافتو و شافت يدو .. و طبعا عمرها ماغاتفوتو واخة يدير ليها لي دار .. قلبها قفز فاش شافتو يدو كتقطر بالدم .. خرجات لقدام بابها و بانو ليها قطرات ديال الديم.. تبعاتو و طلعات لسويت ديالو كي دخل دخلات وراه ..جرات ليه يدو و عينيها مصدومين..
- رجوى .. ااش هادشي .. مالك .. شنو درتي فرااسك ..
- جلال .." حواجبو معقودين .." .. اش كين ؟؟
- رجوى .. " شافت فيه" .. اش كين نتاااا .. واش غاتحمقني كنقول ليك شنو لي طرا تا درتي هاااكذا فيدك؟!
- جلال .." نطر منها يدو " .. حيد يدك ماشي شغلك .. روحي تنعسي. .
- رجوى .." شدات لو دراعوو داتو للناموسية جلساتو و مشات ديريكت للحمام خذات من الفارماس يالمعقمات و البونسمون" ... نتا اكيد ماشي بعقلك .. هادشي خصو يتغرز ..
- جلال ضحك بالجنب " .. من ايمتا وليتي طبيبة ..
- رجوى .. " خزرات فيه" .. واقلة نسيتي شكووون كان تيداويك فينما كنتي تتجي مشرط فاش كتروض الخيل ..
- جلال .." طول فيها الشوفة ..و هي هازة لقاط طبي كاتحيد ليه الزاج و تمسح بالقطن تنهد و هز يدو الثانية حطها فوق راسها " .. كبرتي ارجوى ..
- رجوى .." طلعات فيه عينها بألم" .. و ياريتني ماكبرت ...
- جلال ..." سكت مدة عاد نطق" .. علاش كادااوي واحد هرسك !!
- رجوى ..." شافت فيه و ابتسمات" .. حيت ببساطة .. خوويا ...
- جلال ..." فاش قالت هاد الضهرة فحال لا طعناتو بآخر سكين .. حيد يدو من فوق راسها و بقى كيشوف فيها" .. كي بقيتي ..
- رجوى .." ابتسمات بالجنب" .. بيخير .. كيف كتشوف ..
- جلال .. اه ..ديما كاتداويني .. بالحي ماعطيتكش نفس الدوا
-رجوى .." كملات لو التضميض ديال يدو " نتا ماحنيتي تا فيدك بقى عاتحن فيا انا ..
- جلال .." ابتسم بالجنب .. ولات تتبان ليه غير النموسية فديك اللحضة و مع متقل فالشراب خلاص .." كولشي غايتقاد ..تقي بيا .. " شاف فيها بنظرة عميقة
- رجوى .." ابتسمات ليه" .. تقاد فبلاصتك عينيك كيتسدو .. رتاح. .
خرجات و خلاتو كيشوف فالباب حتى تسد .. حيد عليه ديك التيشرت و تلاح على كرشو فوق النموسية ماتلاش عقل على رااسو ....
أنت تقرأ
عاشقة الثراء💸مكتملة💸
Romansa💎مكتملة💎 ❌حصرية على الواتباد❌ قراااو كووولشي👇👇. (مسموح النشر مع ذكر اسمي و الاحتفاض بالبوسط و الصورة ) لي عندخا شي مشكل مع السفااالة احب ابشرها تقلب ضورة و ماتقربش لهاد القصة بتااااتا لأنها غاتكون واااايد جريييئة يعني هادي خاصة بالسافلات المسف...
