عاشقة الثراء💸مكتملة💸

💸الجزء 15💸

" عاشقة الثراء "
"البارت 15"

-ألمى-
#في_اليوم_التالي .. خرجات المى من الدار لابسة جينو و تيشرت قصيرة مبينة فخضها .. ديرة كوتشوفال و على ضهرها ساك أدو فالغوز بيبي و هازة دفاترها بين يديها معنقاهم بطريقة مبيناها طفلة .. مع سدات الباب مع خرج عبد الجليل من الدار ديالهم شافها و ابتسم ..
- عبد الجليل.. صباح الخير الفنيكيشة ..
- خولة .." بابتسامة عرييضة" .. صياح النوور .. لباس عليك ..
- عبد الجليل .." قرصها فحنكها" .. لاباس عليا ازوينه .. غادية لافاك!!
- خولة .. ااه لافاك ..
- عبد الجليل .." شد لها فيدها" .. اجي نوصلك فطريقي. .
- خولة ..ولكن لافاك ماشي طريقك .. غير سير اجليل غادي نعطلك على خدمتك ..
- عبد الجليل .. يا لالة ماشي سوقك ..انا باغي نتعطل .. مالك نتي !!
- خولة .. انا غير مابغيتش ليك المشاكل فالخدمة و صافي .. و مابغيتش نعدبك ..
- عبد الجليل .. الالة انا رئيس على المجموعة ديالي تا حد مايقدر يقول ليا علاش تعطلتي .. حاگراني دابا نتي !!
- خولة .." حسات بيدها عرقات فيديه و جاوبلتو بخجل" .. لا حااشى .. الله يرفعك اكثر و اكثر ..😍..
- عبد الجليل .." فتح ليها الباب تالاوطو" .. يالله ركبي ..
ركبات خولة معاه و شا تا هو لبلاصتو و ديمارا الاوطو فاتجاه الجامعة ديالها ..
-عبد الجليل .." مركز مع الطريق" .. اول كيف غادية مع الدراسة مزيان؟؟
- خولة .. ااه الحمد لله .. شوية وصافي .. ههههه راك عارف
- عبد الجليل .." خزر فيها" .. عارفك ممدخلاهاش لراسك .. و شنو باغية ديري الى ماقريتيش .. تزوجي !!؟ " بمزاح" .. الى كنتي باغية تزوجي انا واجد من غدا .. هههه واخة كنت تنلعب بيك فاش كنتي صغيرة ولكن ماشي مشكل ..
- خولة .." حمارو حنيكاتها تزننننگو .." اا ..
- عبد الجليل .." ضحك بخفة و رجع زوا مبدل الموضوع" .. كيف ديرة ختك؟؟
- خولة .. " حنات عينيها" .. المى ..!!
- عبد الجليل .. ههه عندك شي ختك اخرى !!
-خولة .. " تزهدات" .. لباس عليك .. توحشتها .. مشات البارح لمراكش ..
- عبد الجليل .." " بصدمة" .. علاش مشات!!
- خولة... خدمتها .. عندهم التصوير فمراكش ..
- عبد الجليل ..شمن خدمة هادي!!
- خولة .. واش ماقالت لبك والو .. اسيدي المى غاتمثر بطولة فواحد الفيلم ..
- عبد الجليل .." عينيه وساعو بالصدمة و وقف فجأة" .. وصلنا ..
- خولة .." حسات بيه ماعجبوش الحال" .. جليل .. نقول ليك واحد الهضرة و خليها فبالك.. المى .. بعيدة بزااف .. بلى ماتبقى كل ساع تلحق عليها .. حيت بعيدة بزااف .. متصورش عينيها فين .. و انا متأكدة غاتوصل للي بغات ..
-عبد الجليل .." ابتسم ليها بالجنب " .. تا انا متأكد ..
- خولة .." هزات كتوباتها من لور " .. اوكي .. انا غانمشي دابا .. خليت ليك الراحة .. .." سلمات عليه بالوجه" ..
- جلال .." عنكش ليها شعرها" ..ردي البال لدروسك .. ملتبقايش غا مدفگة ..
- خولة .." ضحكات بمرح" .. ههههههههههه واخة ..
خرجات من الاوطو و وقفات تتشير ليه .. بقات واقفة كاتشوف فيه حتى مشى عاد دخلات للمحاضرات ديالها .. اما عبد الجليل مشا ديريكت لخدمتو .. كان معصب من المى .. و حتى من راسو .. ندم على الطريقة باش تعامل معاها المرة الاولى .. و لكن واعد راسو انو يبعد عليها مادام واجه الرفض المرة الأولى ماغاديش يعاود يحاول مىة اخرى حيت اقتنع ان داكشي لي باغية هي ماعندوش و واخة يظل يخدم و يردم تا يعيا .. وصل للشركة ولي داز من حداه كيسلم عليه و على وجهو ابتسامة كاتخلي نفس لي قدامو ترتاح.. دخل للمصعد يالله غايبرك على البوطونة ديالو و هي تبات ليه شابة في مقتبل العمر بلباس كلاص تنورة فالاسود شومز فالبيض بلا درعين .. مع طالون فلانتينو و صاك كلاص ..كانت كاتشير ليه باش يوقف المصعد و فعلا داكشي لي دار وقف المصعد حتى وصلات قابلاتو بابتسامة مرحة ..
- اوووف .. شكرا بزاف .. نفسي تقطعات ..
- عبد الجليل .." ابتسم ليها بعد ما طول فيها الشوفة حتى تزنگات" على الرحب و السعه..😉
ما هي الا دقيقتين و وصل المصعد للطابق لي نزلو فيه بزوج و بدا كيشوف فيها بنص عين و هي كذلك .. لكن في ساع هزات راسها و مشات ديريكت لمكتب رئيس القسم .. بقى كيشوف فيها باستغراب .. و هو يمشي للمكتب ديالو .. بدى خدمتو تا جات عندو السكرتيرة قالت لو بلي عندهم اجتماع عند رئيس القسم .. حط الخدمة و تبعها هو و الزملاء ديالو لي هو مشرف عليهم .. دخلو للقاعة و هو يتسعق بانت لو البنت لي لقى فالمصعد .. لكن هاد المرة بملامح صارمة .. مكاضحكش فحال اول ما شافها .. كل واحد شد بلاصتو فطابل ديال الاجتماع و هو بقى غا تيشوف فيها .. تا قشعاتو تيحنزز و هي تبتسم ليه ..
- السلام عليكم نتمنى تكونو بخير .. المهم للناس لي ماحضروش الاجتماع تاع البارح" شافت فعبد الجليل" ..نعرفكم براسي .. انا رجوى الهلالي .. الرئسة الجديدة ديال هاد القسم .. تعينت البارح ..
- الكل .. مرحبا ..
- عبد الجليل.." بصدمة" ..كيفاش
- رجوى .. المهم انا ماغانكدبش عليكم و نقول ليكم عندي تجارب و يمكن بزاف منكم يستحق هاد المكان و الكرسي لي جالسة عليه انا دابا .." بداو كيشوفو فعبد الجليل لي كانو ملامح الصدمة باااينين على وجهو ..و باين عليه كان تيتسنى شي ترقية. ." .. على العموم انا كانآمن بالحض .. كل واحد و حضو كيف دير فهاد الحياة .. و انا كتاب لي نكون من عائلة الهلالي ..و ناخد فرع من فروع شركاتهم ..و نبغي نقول ليكم اني انا اول هلالية كاتخرج لسوق العمل .. عندنا حنا البنات مكيخدموش .. فقط الرجال لي عندهم هاد الحق .. و خصكم تعرفو اني قارية و عارفة مزيان كيفاش غانسير المكان ..
- عبد الجليل .." ضحك بالجنب .. ماعجيوش الحال انهم جابو من العائلة وحدة ماعندهاش خبرة تخدم فالخدمة لي عيااا ميخدم عليها و يسهر الليالي باش يوصل لداك المنصب لي هي فاقت واحد النهار و قالت ليهم بغيت نخدم و جابوها حطوها تما فحال دمية و صافي" ..
- رجوى .. " توثرات من نضراتو .. كان جالس متكي على الكرسي لي قدامها مباشرة و حاط يدو على لحيتو كيحك فيها .." و .. كانتمنى تعاونو معايا باش نتأقلم و نتعاونو گاع گاع على الخدمة .. لانو بالانسجام كولشي كيتسير ..
بدات الهضرة على الخدمة لي مصها كان غالط و غا ما زيدين كيدوزو ليها و عبد الجليل كيتحصر على الشركة لي غاتسير ادارتها وحدة ماعارفة عليها والو غير معلومات صطحية يقدر اي واحد يبحث عليها غير باش يتعامل معاهم ماشي باش يسيرها .... بعد ما كملات الاجتماع ديالها خرج كولشي و بقى عبد الجليل هو اللخر .. مشى وقف قدامها شاف فيها مزيان تا بداو ملامحها كيتوثرو..ابتسم بالجنب و مد ليها يديه ..
- عبد الجليل ..انا عبد الجليل .
- رجوى .. " ابتسمات باهتزاز و مكات ليه يديها" .. متشرفين .. رجوى. .
- عبد الجلبل .. مدام .. مادموزيل؟!
- رجوى .." عقدات حواجبها" .. نعام؟؟
- عبد الجليل .. باش نعرف باش نلقبك؟؟
- رجوى .. ههه اه مدموزيل ..
- عبد الجليل .." كان تيشوف فيها بفراغ .. و بدون ما يبتسم .. " .. نقول ليك واحد الهضرة ..واخة ماخصنيش نتجرأ على الرئيسة ديالي .. لكن مانقدرش نكتب .. بالنسبة ليا نتي هنا .. مجرد بنت مدللة جابوها واليديها تخدم و عطاوهامنصب كبير هي ماتستحقوش ..!! منصب كينين لي خدمو و خدمو عليه .. و نتي جيتي ببساطة ضربتي ليهم كولشي فالزيرو ..
- رجوى .. " بأسف" الى كنتي كاتسمى الترقية .. سمح لي بزاف عرقلت ليك المسيرة ديالك ولكن تا انا من حقي نجرب حضي .. " ربعات يديها" .. ولكن نتا كاتبان ليا فحال كاتقر بفشلي و انا مزال كاع ما بديت ..مزاا ماعرفتي خدمتي كيف ديرة ..!! من حقي نسير الشركة ديالي ..
- عبد الجليل .." ابتسم بالجنب" .. اوكي .. سمحي لي على هاد التدخل .. " ابتسم لها بمودة .. الى خصاتك شي حاجة .. مافهمتيش شي حاجة مرحبا بيك ..خبرتي هنا كبيرة .. تقدري تعتمدي عليا ..
- رجوى .. ابتسمات ليه .." اكيد..شكرا بزاف ..
انسحب عبد ااجليل بدون اي كامعارضة .. كان كيتسنى الترقية بفارغ الصبر .. لانو كان ناجح فعملو و اي انجاز كيحصل عليه الا وكان فعلا تيتعب عليه .. و هاد المرة حس بالشمتة .. كي جلس فمكتبو .. حط يدو بين عينيه و عصرهم .. كيحاول يتجاوز الأمر بكاس تالقهوة لكن كي طلع راسو ..شافها كانت كاطل عليه من الزاج دالبيرو ديالها كي شافتو شاف فيه و هي تنزلو و ضارت مرتبكة .. اما هو هز وراق ديال الخدمة و بعدم اهتمام و بداا خدمتو
كي فاق جلال .. وصلوه اخبار عاجلة من لندن على الخدمة و اجتماعات كان مأجلهم مهمين خاصو يحضرهم .. هو فالأصل جا يختار غير الممثلين و يمشي حيت ميمكنش ليه يرافقهم فالفيلم كامل صدق جالس حاضي ألمى ..
-جلال .. سرور .. نتي غاتبقاي هنا .. غاتبعي كاع الخطوات ديال هاد الفيلم بينما ساليت و تعلميني بأي حاجة اول بأول .. كيف ما كانت .. بغيت نعرف الاخبار اول بأول . مفهوم ؟؟
- سرور .." حركات راسها بالايجاب .." .. اااه واخة مستر جلال ..
- جلال .. " تكى على الكنابي و حط رجل فوق الاخرى مباعدين " .. لاحضت وليتي نتي وديك خيتي الممثلة صحابات ..
- سرور ..اااه .. ههه هي صراحة صعيبة شوية ولكن كدخل الخاطر ..
-جلال ..", خزر فيها" ... امم واخة خليك معاها اكثر وقت ممكن و خلي عليها عينك مانبغيش سمعة ديالنا تمشي بسبب اي واحد مفهووم ..
- سرور .." بتفهم " .. اوكي مستر جلال ..بغيتي مني شي حاجة مزال؟؟
- جلال .. " شير ليها بيديه "" غير خرجي ..
- سرور .." بابتسامة ودودة " طريق السلامة ..
خرجات سرور و دار جلال لجهة علي لي كان منغمس فالتيليفون و ماهناش .. فرمشة عين طيرو لبه بزوج صباع و شاف فبه .. لقاه خاشي وجهو فالانستغرام ديال خولة
- على .. وااا يلي اصاحبي .. و هادي هي الضصارة ..."مد يديه خدا تيليفونو" ..
-جلال .. " عاقد حواجبو .." هادي ماشي هي ديك لي كانت مع المى !!!
- علي .."كيشوف فتصاورها" .. ايه ..
- جلال .." قرفدو" .. و اش لداك للبراهش ؟؟
- علي .." كيحك فقرفادتو" .. نهار شفتها لسعاتني ..
- جلال .. ياكما طحتي على راسك ..!!
- علي .." شاف فيه بصدمة" .. معروفة عليا ؟؟
- جلال .." ضحك بالجهد" .. ههههههههههه لا حاااشى
- على .. و علاش تتهيني علاش ..
- جلال .." ضرب ليه على كتفو و ناض" ..نوض غانقودو ..
ناضو مشاو لان الطيارة ديالو كانت تتسنى شي حاجة مكانتش باغية تخليه يمشي .. ولكن تفكر تصرفاتو مع المى مؤخرا مكانوش عاجبونو .. كان عارف ان حنينو ليها غايبدل فيه شحال من حاجة و هادشي هو لي ماغايسمحش بيه وقف قدام الغرفة ديالها للحظة لكن في ساع كمل طريقو بلا ميتلفتو ماعطاش للموضوع اهمية اصلا
..فاقت المى على الهاتف ديالها هزاتو معنكشة طلعات ليها سمية مروان ..
- المى .. ألو ..وي ..
- مروان ..حشوومة عليك مالك قامعاني ..من البارح و انا كانتصل بيك و نتي مكاتجاوبيش ..
- المى .." زفرات بجهد" .. كنت عيانة ..
- مروان .. " حس بيها كدوي بزز".. بنتي ليا ماباغياش تدوي معايا و لا كيفاش!! ..
- المى ..اووووه مروان .. راك مفيقني من النعاس الى كاعندك ماتقول باي .. فاش كانوض كانولي وحدة اخرى ..
-مروان ...كنت باغي غانسول فيك و تا داا ما طرى والو .."قطع عليها و خلاها كاترمش"
- المى ..ولد الكلبة قطع عليا .. لا مزيااان انا لي ضسرتك😨
لاحت التيليفون و مشات لدوش قضات حاجتها و غسلات وجها .. رجعات للبسلت مايو ديال العومان مع جاكيط ديال الجينز طويلة .. دارت نضاضرها فوق راسها و خرجات للبيسين ..كانت دنيا خاوية شوية .. مزال الصباح و اغلب النزلاء مزال ناعسين حيت كولشي كيسهر بالليل ..طلبات فطورها حدى البيسين .. فطرات بوحدها وفاش كملات حيدات الجاكيط ديالها و تلاحت للماء كاتعوم .. مرة على ضهرها مرة على كرشها .. و مرة تخلي راسها للماء هو لي هزها .. حسات بروحها كاديفولا و عمدا مابغات تفكر فحتى حاجة فاطع استرخائها شي حد تسوطا حداها رشها بالما ..
- سرور.. نعستي ولااا ههههه
- المى .." خزرات فيها" .. بقرة طاحت حدايا .. السلامة ..
- سرور .. ههههههههههه سكتي ماتخصريش ليا فرحتي راني كونجي ..
- المى .." طلعات فيها حاجبها .." .. كونجي!؟؟
- سرور .. "كاتعوم و تدوي" .. ايه يا لالة .. كونجي .. جلال سافر لبرا على ود خدمة مهمة عندو .. و انا خلاني هنا زعمة كامشرفة على هادشي لي كاديرو و صافي ...
- المى .."زفرات بارتياح" .. يمشي ما يولي يا ربي .. هوووف تهنيت منو ..
- سرور .." طلعات فيها حجبانها بزوج" .. هاي هاي هاي .. انا لك بالمرصاد عزيزتي .. نتي بالذات وصاني عليك باش نحضيك .. هههه
- المى ..هههه اجي نقول ليك ..
- سرور .." قربات ليها " .. هانيي.
- المى .." قلزات ليها" .. هذا ليك .." فالزات ليها باليد الثامية" و هذا لجلال لي عزيز عليك. .
- سرور .." رشاتها بالما' .. الله يمسخك .. و اناي لي كنت بغيت نقول ليك خوذي راحتك ماحدو مكينش .. خسااارة..
- المى .." بغرور.." روحي ..انا بيك و لا بيه واخدة راحتي واخداها ..
طلعات من المسيع و تبعاتها سرور حتى هي .. مشات لرولاكس تكات عليه و خذات كاسها تالكولا و نضاضر على عبنيها ..
- سرور .. رجلك .. شوية دابا !!
- المى .. "شافت ف فخضها لي كانت الزروقية ديالو بدات تتخف بعد ما دارت لها الثلج و الخيار.." ..مزياانه ..
طلعات راسها.. و هو يبان لها من بعييد جاي رجل غايكون فالأربعينيات .. تابعينو زوج ديال لي گارد طويل و مگضر و شعرو يغزوه بعض الشيب .. باينة عليه بوكو حبة .. لابس سروال اسود مع تيشرت أسود غاطرطق على جسمو الرياضي .. وحيت كانت الدخلة ديال الاوطيل عبر المسبح هو الأول دلكشي علاش داز قبالتها .. بقات ساهية فيه ..
- المى .." تحنات لجهة سرور .." ..كاتعرفيه؟؟
#يتبع -