عاشقة الثراء💸مكتملة💸

💸الجزء 19💸

" عاشقة الثراء "
"البارت 19"

-ألمى-
ابتسمات ليهم خولة و مشات كاتجري طلعات لدارهم دخلات للدوش غسلات وجهها و خلاتو كيعرض عليها الدخل لأن عائلتو الصغيرة كانو كيتسناوهم ...حطات رجلها ليمنية فالدار و كاطلع و تنزل فحيوطها .. كانت أبسط من البساطة .. رجوى الهلالي بنت العائلة العريقة لي عاشت حياتها فقصر ال الهلالي لي شاد مسااحة كبييييرة غير فالطردة ديالو كيتحركو بالطنوبيل عاد يوصلو للباب و عمرها حتى ما دخلات للملحق ديالو لي كانو فيه الخدم و كان عبارة عن بتي فيلا اليود دخلات لدار فحي شعبي .. و طبعا تعجباات بزااااف لديك الدار واخة كانت راقية نوعا ما ولكن كانت اقل من عادية .. بسيطة لكن نقية .. عيون عبد الجليل كانو حاضيينها .. كايشوف لي تقاسيم وجها كيفاش كيتغيرو لكن مابينات حتى حاجة .. من غير عينيها لي كانو كيوساعو و مالاحضهمش .. بقى مدة كيشوف فيها حتى دخلو للصالون كانت الأم ديالو كاتسنى فيهم جالسة وسط الصالون و شادة السبحة فيديها .. كانت لابسة بدعية فالموف و زيف ديالها .. بيضة و زوينة عويناتها خوضر فحال عبد الجليل واخة تقاسيم وجهها داز عليهم الزمان .. و باان عليها التعب من السنين لي فاتو .. لكن كانت زوينة .. كي دخل عبد الجليل مشا عندها جلس على ركابيه و شد يديها باسهم بزوج..
- عبد الجليل .. حبيبتي .. كي بقييتي
- لطيفة (الأم) .. " طلعات يديها تتحسس وجهو" .. الحمد لله وليدي
-عبد الجليل .." بحب " .. شربتي دواك ؟؟
- لطيفة..."حركات رايها بالايجاب" .. و علاش ختك الاه يهديها كاطلق مني تا تشربو ليا بالعافية ..
-عبد الجليل .. ههههههههههه مزيان .. الاه يخليها ليا هي لي كاتعرف كيفاش تفاهم معاك فالدار ..حيت بعد اامرات تتولي بحال الدراري الصغار ..هههه
- لطيفة .." ضرباتو لراسو بخفة" .. ياك الخانز يصحابلك راسك كبرتي على العصى ..
-عبد الجليل .. هههههه " باس ليها يدها" .. لب جات من هاد اليديدات مرحبا بيها سمن وعسل على قلبي ..
-لطيفة .." طبطبات على راسو" .. الله يرضي عليك اودي ..
بقات مبلقة عينيها فيهم فحال لا مصدومة .. كمية الحب لي نبعات فجأة من هاد الراجل كي شاف مو مستحيل تصدقها لو شي حد عاود ليها من برا .. كان كيبان ليها عبد الجليل صلب واخة ضبيف .. لكن فاش شافتو محني على ركابيه و كيبوس و يتغزل فجمال الأم ديالو حسات بقلبها غايخرج من بلاصتو .. و عينيها كيخرجو القلوبة .. فجأة حسات بحبو نبع فقلبها .. كانت أول مرة يعجبها شي حد .. و اول مرة تهتم او تعطي فرصة لشي حد انو يدخل قلبها ببساطة حيت حيطان القصر كيدخلوهم غير العائلة .. و هاد الحب لي كيكنو عبد الجليل للأم ديالو الطريقة باش كيشوف فيها و يسمعها و يديوي معاها عمرخا شافتها فالقصر الكبييير ديالهم .. كانت تتحس فيه فقط بالبرد .. خصوصا بعد ما قرر جلال يخرج منو .. لأنو هو الوحيد لي كان كيحن فيهم .. هي و الام ديالها .. ابتسمات كي سمعاتو قال للأم ديالو جملة خلاتها تتورد و حناكها يحمارو
- عبد الجليل .." باس ليها يديها" .. اااخخ من جمالك هبلتي الواليد الله يرحمو و دابا مهبلاني انا بجمالك يا أم جليل ..
- لطيفة .." عنكشات لبه شعرو" ..!باراكا عليا اهاد الدري دابا يعجبني راسي ..
- عبد الجليل .." بثقة" .. الى معجبكش نتي راسك شكون بغا يعجب هاا. .!!
- لطيفة .. ههههههههههه باراكا علبا من الهضرة و قول لضيفتك تقرب .. شميت رحة زويينة دخلات كي دخلتي و هادي ماااشي ريحتك ..
- عبد الجليل .. ههههههههههه زعمة ريحتي خانزة ولا كيفاش الواليدة .. !!
- لطيفة .. ههههههههههه ريحتك ريحة المسك و العنبر اكبيدتي ..
- عبد الجليل .. الله ..الله يخليك ليا الحبيبة. .
ضار عند رجوى لقاها واقفة عند الباب كاتشوف فيه و مبتسمة .. لكن عبنيها قرا فيهم حزن غرييب ماعرفش شنو سببو .. وقف و مشا لعندها ..
- عبد الجليل ..مدموزيل رجوى .. اجي الواليدة بغات تتعرف عليك ..
- رجوى .." دوات بشوية" .. قول لبا غير رجوى عفاك .. مكانرتاحش. .
- عبد الجليل .. ابتسم ليها" .. واخة الالة رجوى .. هههه
مشات معاه وقفو قدام الام ديالها لي مدات يديها لجهة معاكسة لفين كينة رجوى .. و ابتسمات ..
- لطيفة.." بمودة .." اجي قربي ليا ابنتي ..!
شاف جليل رجوى كاتشوف فيها باستغراب فحال لا تكلخات فهاد اللحضة و هو يشير ليها لعينيه .. بمعنى انها ضريرة عاد فهمات و تفكو حواجبها ديك الساعة ..قربات ليها و جلسات نفس الجلسة لي كان دير عبد الجليلي بلا متفكر و شدات لها فيدها باستها كيف ما دار عبد الجليل .. و ابتسمات ليها .. عاد قربات اكتر و شافت ملامح وجها و شحال كانت تتبعث الراحة فالنفس .. كان عندها جمال سبحان من خلقها .. واخة كبرات باقي داك النور كيسطع من عدعويناتها لي كيشوفو غير السواد ..بقات ساهية فيها فحال لا سحراها ..فيقاتها غير بكلماتها و اصابعها الحنونة لي كيدوزو على وجهها بحنان و مودة .. نيفها حنيكاتها .. فمها .. شعرها كاع دوزات عليهم بصبيعاتها ..
- لطيفة ..بسم الله ماشاءالله .. تبارك الرحمان .. شنو اسمك احبيبة ..
- رجوى .." ابتسمات ليها بحب " .. رجوى ..
- لطيفة ..حتى اسمك زوين بحالك .. اممم هي نتي لي خديتي لولدي بلاصتو فالخدمة .. صراحة تستاهلي بهاد الجماال
- رجوى .." حلات عينيها بصدمة و شافت فيه كان مبتسم غير شافها دورات راسها و هو يصغر عينيه و طلع حواجبو" ..انا مدام مكنتش عارفة عبد الجليل هو لي كان غاياخد البوسط .. راني اعتذرت منو ..😔😔😔😔
- لطيفة ... " ملسات ليها على شعرها " علاش تعتذري منو .. خصو يحمد الله كون ما هكذاك ماكانش غايتلقى بقمر فحالك ...
- رجوى .." حنيكاتها حمارو .. و ابتسمات بخجل .." .
-عبد الجليل .. الواليدة .. فين زهيرة و شيماء !؟
-لطيفة .. شيماء مشات تسخر و ..
زهيرة .." الاخت الكبيرة .. دخلات عليهم من الباب ديرة طابلية ديال شقى و هازة سربيته فيدها كاتمسح بيها" .. و زهيرة ملهية فالكوزينة .. " وقفات رجوى مبتسمة كاتشوف فيها .." ..مرحبا بيك اختي .."تقدمات لعندها و مدات ليها يدها سلمات عليها" .. رجوى .. تفضلي جلسي .. لاش واقفة .. العشاء دابا غايوجد
- عبد الجليل .." كيطلع و ينزل فختو " اش هاد الحالة يا دكتورة يا محترمة ..
- عبد الجليل .." كيطلع و ينزل فختو " اش هاد الحالة يا دكتورة يا محترمة ..!
- زهيرة .." كاتشوف فراسها" .. و مالي كي جيتك ..
- عبد الجليل .. .. " تحنى جهة رجوى ..ماتشوفيهااش هكذا و تخلعك راه طبيبة للأسف ..
- زهيرة .." شيرت عليه بالسربيتة" .. خلينا مزيانين لا نشوهك قدام الضياف ديالك ..
- عبد الجليل .." ردها ليها" .. سيري لكوزينتك سيري ..
قلبو الجو ضحك ولاو الخوت شد فيا نشد فيك حتى دخلات عليهم شيماء قالبة سيفتها ..
- عبد الجليل .. عليكم السلام الاخت شيماء ...
-شيماء .." كاتشوف فرجوى بنص عين .." سلام .." مدات لزهيرة بلاستيكة فيها السخرة " .. هادي .." جلسات فوق السداري بقاو غا كيشوفو فيها ..
- عبد الجليل .." خزر فيها" .. اش هاد قلة الاحترام اشماء!!
- شيماء .." طلعات فيه حجبانها" نعام؟؟
- عبد الجليل .. ماسلمتيش على رجوى ..
- رجوى..." ابتسمات ليه" .. لا غير خليها ماعليش ..
- شيماء .." ناضت جمعات الوقفة.. و شافت فعبد الجليل'' انا غانبات مع خولة اليوم .. قانطة من نهار مشات المى ..
- عبد الجليل .." مشافش لجهتها .."
- لطيفة ... علاه بناتي ولاو يباتو فالزنقة من ايمتا؟؟
- شيماء .. ماشي فالزنقة اماما عند خولة ..
-زهيرة ..ماغاتعشايش معانا؟؟
- شيماء .. لا غانتعشى مع خولة ..
-زهيرة .. ولكن ..
- عبد الجليل...زهيرة .. خليها تمشي و حطي لنا لا كان شي عشاء ..
شافت فيه شيماء كي تجاهلها و مشات ديك الساعة نزلات مع الدروج كاتجري لعند خولة .. اما هوما كملو ليلتهم عادية ..جو زوين ماليه الضحك و رجوى كانت منسجمة معاهم و متفاهمة سواء مع زهيرة ولا مع الأم ديال عبد الجليل الشيء لي خلاه يبقى الليلة كاملة مبتسم .. اما هي كل شوية طاع عينيها و تشوف فيه و خصوصا فاش كان تيوكل الأم ديالو كانت تتسهى .. غير كيقشعها كاتنزلهم فيساع على الماكلة و بدى يضحك عليها ..هادشي لي لاحضاتو زهيرة تا هي .. بعد العشاء مباشرة وقڤات رجوى كي شافت الساعة ولقات راسها تعطلات ..
- رجوى تعطلت خصني نمشي ..
-لطيفة .. باقي الحال ازوينة ..
- رجوى .." تحنات عليها سلمات عليها بالوجه" .. ماخصنيش نتعطل كثر امدام ..
- لطيفة .. قولي لي خالتي .. ولا ماما لطيفة ..
-رجوى .." ابتسمات ليها" واخة اماما لطيفة ..
- لطيفة .. يرضي عليك ...
-عبد الجليل .. " نغز زهيرة" .. الحاجة لطيفة شتها نكرات ولادها .
- زهيرة .. بالسيف اخويا شافت الزين .. كون كنت منها كون تبريت منك ..
- عبد الجليل ..بحال الى نتي زينه تحمري الكمارة ..تي راه غا عبد الجليل و دارو ليه الشعر 😂
- لطيفة ...هاهوما بداو عاوتاني اجا ما سكتهم .
-رجوى .."شدات لها فيدها" الله يخليهم لك و يخليك ليهم .. هههه الجو عندكم فالدار زوين بزاف ماسخيتش بيكم ..
- لطيفة .. تا انا ماسخيتش بيك ..عودي زورينا احبيبة ..
-رجوى .. انشاء الله اكييد غانجي .. دابا ملي عرفت الدار كل مرة غانولي مبرزطاكم ..
-زهيرة ..و سجلي نمرتي عندك وقت لي حتاجيتي شي حاجة من الكلينيك ولا كذا مرحبا ..
- لطيفة .. الله يحفضها اش بغات بشي صبيطارات ..
- زهيرة .. ههههههههههه اوا ماقلناشاي غا بغينا نفتحو ليها المجال ماتبقاش تحشم مني .. حيت بانت ليا حشومية بزااف ..
- عبد الجليل ..سبقها" .. يالله نوصلك غاتعطلي على داركم ..
سلمات علبهم و تبعاتو وصلها تال الشركة باش تاخد السيارة ديالها كيف اسرت عليه مابغاتش يديها للقصر ... و رجع للدار لقى الأم ديالو جالسة فالصالون فبلاصتها و كاتسبح ..
- عبد الجليل .. مازال مانعسات الحبيبة ديالي ..
- لطيفة .. علاش فين عمري نعست و ولدي ماداخلش لدار ..
- عبد الجليل .. كيناااا ..ههههه" جلس حداها بحط راسو على رجليها و تنهد بتعب " ..
- لطيفة .. مالك اولدي .." كادوز يديها بين خصلات شعرو" ..هاد التنهيدة ماعاجبانيش ..مدة هادي و نتا مغير ..
- عبد الجليل .. والو الحبيبة غير العياء ديال الخدمة و صافي ..
- لطيفة .. لالا ماشي غير الخدمة ..فاش كاتفكر اجليل
- عبد الجليل ..غير الترقية لي مشات لي الواليدة .. هي لي كانت شاغلاني
- لطيفة .. امم مشات ترقية و جات بلاصتها بنية شهوة منها ..
- عبد الجليل .." جاتو الضحكة فاش تفكر رجوى " ..ههه عجباتك ..
- لطيفة .. وصفها لي ..
- عبد الجليل .." جاتو صورتها بين عينيه " ..هي زوينة ..
- لطيفة .." ضرباتو لراسو بخفة" ..عرفناها زوينة .. وصفها لي ..
- عبد الجليل ..اممم .. طويلة .. و رقيقة .. مهم متوسطة بحال شيماء تقريبا .. عينيها كحلين ولدن اليوم كانت ديرة عدسات خضرين .. ولاو بحال عويناتك " باس ليها يديها" ..وريحتها كيف ريحة المسك و الياسمين و الزهر ..
- لطيفة .." كاتستمع بكل حب" .. و شعرها كيف عامل ..؟
- عبد الجليل ..ااااخخ .. شعرها يا لالة قصير حد كتافها و اسود فحال عويناتها .. نيفها مكور شوية .. و شفايفها منفخيين مطبزيين و حمريين ..
- لطيفة .." ضرباتو لراسو" .. كون تحشم اداك الولد ..
- جليل .." طلع فيها عينيه" ياك نتي لي قلتي ليا نوصفها .... هههههه هادشي كون دويت على الفورمة كون هزيتي عليا الصندالة ..
- لطيفة .." ابتسمات ليه" .. باينة ليا ماشي غا انا و زهيرة لي عجباتنا تااا نتاا عجباتك ..
- عبد الجليل .." وسع فيها عينيه" .. ماتفكريش الواليدة ماتفكريييش لا مجال للمقارنه .
- لطيفة .. " حنات راسها بحزن" واش انا مامنحقيش نفرح بيك و نهز وليداتك قبل ما نموت. .
- عبد الجليل .." جمع يديها بين يديه و باسهم من الفوت و من الوسط. . " الله ينجيك احبيبتي مزال تهزي ولاد ولادي ولكن رجوى خليها بعيدة ماتنسايش المكيرة ديالي هاديك ماشي العكس ..
- لطيفة .. و شنو فيها .. البنت قالت ليا زهيرة باينة عليها عاجبها ..
- عبد الجليل .." عقد حواجبو " .. ديك زهيرة ماتبقايش تديها فيها .. رجوى غير جاتها عجب حياتنا .. اما هي حياتهم فشكااال الوليد. علينا .. بعاك بزااف .. غير نسايها ..
- لطيفة .." حركات راسخا بتفهم ولكن الحزن كان باين على عويناتها" .. واخة اولدي لي بغيتي .. ديني لبيتي ..
خذاها لبيتها و قادها فنموسيتها غطاها و باس لها راسها كيف معود كل ليلة عاد مشا لبيتو .. سد عليه و طلع راسو فالمراية ..
- عبد الجليل .. ماقبلات بياا تا بنت الدرب بقات غا بنت الهلالي الواليدة مكبرة بولدك بزاااف ههههههه..

#يتبع ..
#اش_باان_ليكم_فعبد_الجليل_البراءة_و_النضرة_لي_ولات_عندو_للحياة 🤔