عاشقة الثراء💸مكتملة💸

💸الجزء 175💸

عاشقة الثراء
"ليالي نسيم "
البارت 175
-ملِك قلبي-

داكشي علاش قررات بااش تدوي مع جلال و تحاول تجس نبضو فهاد الموضووووع .. كان جالس فوق الكانابي و حااط مخدة فوق رجليه و شااد التيليفون فيديه ..قربات ليه و
جلسات حدااه ..
- -المى .. جلاال .. بغيت ندوي معاك فواحد الموضوع ..
- جلال .. "خاشي وجهو فالتيليفون" .. اام ااش بغيتي !!
- المى .." حيدااتو لو من يديه " .. حيد هذاا بعدااا و خليينا نتكلموو .. شووف فيااا يااه ..
- جلال .." شاف فيها" .. هاحنا الالة اااش كين!!
- المى .. امم ماتعصبش يااكاا!! ..
- جلال .. على حسااب .. اش درتي تااني!! ماغانسااليوش من مشااكلك حنا ..
- المى .." نفخات قنانفها بطفوولية " .. حراام هليك كاضلمني ديما ..اصلا الموضووع مكيخصنيش اناا !!
- جلال .. " تقاد فالجلسة .. طوا ركل و سرح رجل .." ..و شكون؟؟
- المى .. " صغرات عينيها" ..رؤيا!!!
- جلال .. مالها رؤيا!!
- المى .. البارح دوات معايا على شي واحد تتبغييه .. البنت تتبغييه بزااف و خايفة منك .. هادشي لي فهمت منها .. خايفة من ردة فعلك اذا عرفتي ..
-جلال .." بعدم اهتمام" .. و انا مالي .. مابقاات عندي علاقة بحد .. يديرو لي گال ليهم ىوسهم .. يضبرو مخاخهم ..
- المى .." طلعات فيه حاجب و نزلات حاجب" .. امم عليا انا!! .. احياني تا نكوون ماعارفااكش .. عارفااااك قاايد نااار من دااخلك و ماكرهتيش تنودض دگها عصا دابا هههه .. عارفاااك تتهتم بيهم و تتحمييهم بلا ماتتضاهر قداامي بالعكس ..
- جلال .. اودي .. خلينا هانيين اعبير ..ضبر مخها .. ماسوقيش .. بنت عمي على الراس و العين .. جاية تبقى معاك و تا تولي مزياانه لها الف شكر ..ولكن نتدخل فصحة بنادم مكين لاش ..
- المى .. دابا وااش بااغي تعصبني ولا شنوووو!!
- جلال .." تقاد فالجلسة .. دابا واش بغيتيني نووض نفرشخ ليك مها ولا كيفاش!!
- المى .." وسعات فيه عينيها" ..وا نااري نزل نزل .. انا بغيتك تجلس معاها و تنصحها تذكرها انك معاااها ..
- جلاا .. اييه و تا لا بغا يح*يها نقوول لبهم مبرووك يااك؛! نوضي قودي عليا يرحم بااك ..
- المى ... وا عاافاك دابا عافااك ..
- جلال .. عند بالك ماعارفهاش مع لورينزو!! ..
- المى .. " وسعات فيه عينيها" .. نتا عارف .. انا ري ..ماقلتي ليا والو .. المهم نتا تتعرفو ..انا وراتني تصويرتو فايته شايفااه فالعرس ديالنا. .
- جلال .."حرك راسو بالايجاب " .. كان حاضر ..
- المى. .المهم بما انك تتعرفو اذا مزياان .. ماغاديش تعاارض عليه ..انا عارفة كاع صحابك ضريفين .. و مزيانين ..
-جلال .. مزيانين .." ضحك بالجنب" .. هذااك امداام خدمتو كولها حرام ..اامافيا و القتيلة و المخدرات حياتو كااع سلااح ... فرأيك هي غاتقد على هادشي رؤيا!! .. انا كون جاتني فوقت اخرى كنت غانحبش ملتها تا تتعض .. ولكن دوماج ..لقااتني دخلت سوق مخي ..
- المى .. "ضربات فخاضها" .. اويلي على مصاحبة ليا مع مجرم !!
- جلال .. ايييه الالة ..
- المى .." حطات صبعها ففمها" .. اكييد ماعارفاش هادشي .. و الا مكانتش غاتغامر .. " شدات لبه فيدو .." .. حبيبيي ..نتا خصك تدوي معاها .. عافااك .." بغا يقاطعها و حبساتو" .. على ودي انا .. دوي معاها .. فهمها الوضع و خليها هي تختاار المهم دير لي علييك ..دوي معاها بالعقل .. بلييز بلا عصبية ..
- جلال.." تنهد و شاف فيها" .. وااخة الالة .. غاندوي معاها ..انا نازل التحت سيري گولي لها تجي عندي ..
- المى .." باستو جنب فمها'' .. يخليييك ليلي حبيبييي ..
ناضت كاتمشى بشوية في اتجااه غرفة رؤيا .. قالت لها بلي جلال كيتسناااها و مشات عند تووليب تجلس معاها ..
ناضت كاتمشى بشوية في اتجااه غرفة رؤيا .. قالت لها بلي جلال كيتسناااها و مشات عند تووليب تجلس معاها
اما رؤيا .. لبسات عليها و اتجهاات للجردة عند جلال .. لقااتو جالس تيكمي و مشات وقفات علييه ..كفى الكاارو ديالها ..
- جلال .. " طلع فيها راسو" ريحي .. !
- رؤيا ..." جلسات قدامو" .. قالت ليا عبير بغيتي دوي معايا!!
- جلال .. تماما .. " حك ليحتو" .. شوفي انا غانجيك من اللخر ماعنديش مع كثرة الهضرة ولكن حيت تنعتبر راسي خوووك غاندي معاك ..
- رؤيا .. خلعتيني شنو كاين!!
- جلال .. شنو بينك و بين فهد لورينزو!!