عاشقة الثراء💸مكتملة💸

💸الجزء 118💸

عاشقة الثراء
"ليالي نسيم "
البارت 118
-ملِك قلبي-

- جلال ..لاش هاد الشووفااات ااش بغاااو هاد العوينات.. علاااش تيقلبووو همممم
نزل كيدغدغ عنقها بقبلاتو و نزل لصدرها ..مجا فين يطلع راسو حتى سمع تنفسها انتضم .. طلع حواجبو و شاف فيها لقاها نعسات و حلات فمها ..
- جلال .نعستي الخايبة .. هههه. .غا لي يكوي مك ناعسة ..
باسها في شفايفها و جبينها .. و خذا الشوميز ديالها لبسو ليها وغطاها .. تلاح تكى حداها .. طفا الأبجورة لي من جهتها باش ماتديرونجاش و كمل خدمتو على حاسوبه ..

.... يوم الحناء ....
نهار يفووت و نهاار يجي .. دازو اليومين لي بقااو لخولة للعرس .. وصلات ليلة الحنااء .. لي غايتكوون فدار عايشة .. هادشي أصرت عليه خولة .. الحناء فدارهم و العرس فالاوطيل .. تجمعو كاع بنااات الحي .. و كا وااحد دار شي حاجة و دااها معاااه .. هذا غير عايشة لي فرحاانة ببنتها و جايبة ليها أحسن الطيابات باش يحموو ليها وجهها فدام الجيراان .. ..
فاقت المى اليوم بكري كيف حققات التيلي بااش يفيقها .. لقات جلال مزال ناعس حداها .. ناضت ديريكت للدوش .. دوشات و توضات .. و خرجات صلات .. خلات شعرها تا نشف .. شمات ريحة القهوة وااصلة تال عندها طلبات قهوتها في ساع وصلوها ليها .. شرباتها على ما فاق جلال .. لقاها جالسة حداه تتشوووف فيه و تشرب فالقهوة ..
- جلال ..صباح الخير ..
- المى .. صبااح الورررد و الياسمين ..
- جلال...."شاف فيها و تينيه مصغرررهم مع النعااس م ال شاد فيه" .. اش كين ياك لباس .. ام ..
- المى ..مكين والو اش غايكون!؟
- جلال .. " قرب لعندها و حيد ليها القهوة من يدها .. شرب منها و حطها فوق الكومود ..'' .. جيتيني بحال لا ديرة شي فعلة ولا غاديريها .. لساان عندك كيحلا غير فالمصاايب و هاد كثرة الشووفان عندك مؤخرا ولا كيدخل ليا الشك فمخي .. اش كين!!
- المى .." حطات يدها على فمها .." ..والو .. هههه .. شنو غايكون .. غير قلت نشرب قهوتي و نتفرج فيك ..
- جلال .." ناض ريح قبالتها" .. تفرجي فيا فيلم انا. .
- المى .. ههههه .. ولا حيت اليوم غانمشيي النهاار كلووو لعند خولة رااك عااارف .. ههه ماغانشوفكش ..
- جلال .. امم .. راني ميك غير دير ليك الخاطر .. اما السيمانة كاملة ماتشاوفناش كيف الناس ..
- المى .. دابا يساالي العرس عطييه يومين ديالو و نرجعو كيف كنااا. .
- جلال.. هاحنا صاابرين الالة ..
- المى ..قربات ليه و جلسات فحجرو عنقاتو ..دوزات يديها على عنقو" .. تا انا توحشتك بزاااف .. مابطى عليا غير يمتا يسالي هاد العرس .. ديرونجاني ..
- جلال .." جرها من قنوفتها" ..ويتك ويتك " تيعييب فيهاا" ....ههه توحشتي اننن .. احح .. جلااللل .. بشويييه .. اننمننن
- المى .. "ضرباتو لكتفو" .. هههههههه متندييرش هكذا ..
- جلال ...لا حاشااا .. شبان لييك نوريك الدليل.. " بدا تيقرب لشفايفها .." .. اممم ..
- المى .." هربات من بين يديه تاااضحاااك" .. هههه متوريني مانوريييك خصني من دابا شوية نكون عند خولة ..
- جلال ..سيري لبسي باش نوصلك .." ناض كيتكسسسل .. لبس سروال لي كان حداه و هي تتشووف فيه عاضة على شفتها" .. واش غاتمشي ولا غانتكي ملتك دابا نيت !!
- المى ..هاني هاني ههههههه
هربات من قدامو للدريسينغ لبساتوحوايجها و هزات الحوايج لي فيهم داكشي لي
داكشي لي غاتلبس فليلة الحنااء ديال خولة .. خرجات لقاتو تا هو خرج من الدوش لاوي عليه الفوطة و الثانية على عنقو ..داز من حداها باسها فمها و كمل طريقو للدريسينغ لبس عليه و خرجو طرگو معاهم توليب لأنها كانت واخدة منو الاذن قبل انها تديها معاها .. اتجهو لدار عايشة مبااشرة .. وقف الاوطو قداام الباب .. يالله كانت غاتنزل و هو يجرها من دراعها رضها لبلاصتها و عقد فيها حواجبو ..
- جلال .. كيفاش زعما قضيتك نتي .. شيفور هذا لي موصلك نازلة بلا كلمه بلا زوج!!
-المى .... " ضحكات بدلع و شدات ليه وجهو بين يديها " .. نتاةحبيبي نتا .. شمن شيفور .. هههه ..
- جلال .." كيشمشم فيها .." .. شا هاد الريحة الزينه!!
- المى .." عضات على شفتها"... الگلوس لي حاطة ..
- جلال .." صغر فيها عينيه بمكر و نزلهم كيشووف فشفايفها .." .. و هذا مذاقو بحال ريحتو ولا !!!
- المى .. ههههههههههه دوق و حكم ..
جرها من عنقها و حكم شفايفها بين شفايفو .. كيتذوق طعمهم كيف قالت ليك .. و المصييبة هي انوو اذاا تذوق طعم النعيييم مستحييل يقدر يحبس .. ولكن للأسف هاد المرة مظطر انو يحبس .. لسببين .. توليب لي تتشوووف فيهم .. و المكان لي هوما فييه غير مناسب بتاااتا ..جر شفتها و طلقها غا بزز ..
- جلال .." كيتبنن" .. امم ..مابيهش .. طعم شفايفك احلى. . 😉
- المى .." ابتسمات و الفرااشاااات تيلعبو فمعدتها" .. نقدر نمشي دابا هههه ..
- جلال .." حاط يدو على لحيتو مبتسم بالجنب .." فاش تلبسي صوري راسك و صيفطي ليا تصاور .."شير ليها للباب".. دابا تقدري تنزلي ..
نزلات تضحك و فتحات لتوليب تا هي .. نول وراها هز ليها داكشي لي جابت حطو لها عند الباب .. تسنا عايشة تا فتحات عليهم الباب سلم عليها عاد مشا .. تما هي دخلات ديريكت عند خولة .. لقاتها ديرة ماسك لوجهها و الدار تتشعل كولشي فبلاصتو و كولشي واحد و الطياب ديال العشاا كيطييب .. بطبيعة الحال كولشي بسبب الناس لي استأجرات ليهم المى باش يديرو كولشي و هوما يرتاحو فقط ..
وصلات الوقييتة لي خصهم يوجدوو فبها .. جات المزينة و الناس لي جايبن ليها الحوايج و الناااس تا هوما بدااو كيجييو .... كل وحدة فيهم مشات تلبس... خولة لبسات قفطان أخضر ملكي عصري و خفيف..فيه شبكة فضية من اليديين .. مخيط بالفضي .. منبث بالأبيض و الفضي .. و بحجار تشاوسكي و الاستراس البراااق مبينو مخملي و جميل عليها .. مع مضيمة رقيقة ديال الذهب الأبيض ليةكانت هدية من المى .. داىت لها الكوافورة ميك اب كيووت و زويين ما غااامق ما خفييف لكن كان مبدل ليها ملامح وجهها نوعا و مزينها اكثر .. دارت لها مشيطة طالعة للفوق على شكل ظفيرة عشوائية مزينة بالبريو .. زوينة و خفيفة و زادت زيناتها بتااج خفيف تاوهو .. البسااطة كانت طاغية على طلتها بامتياز فاتت ساعتين من العمل الدؤوب بحرفية متناااهية خلاها تبااان زوينة بزاااف.. فهاد الوقت المى حكمها النعاااس و نعساات حواالي ساااعة عاد جااات عايشة فيقاتها باش دير الميك ااب و توجد تا هي كانت ديجا لبسات قفيطين فالگرونا ديال الموبرااا .. مخيط بلونو نييت و اللون الذهبي .. غادي على جسمها بشكل الحوتة لاسق عليها و كبرز ببذخ كاافة المنحنيات لي فجسمها ..دارت سميطة مزوقة بالكريسطالاات الرقيييقة ..تماما كيف الطالون لي لابسة ..
صففات شعرها لراسها و جعداتو بطريييقة خجرية ساااحرة .. .. و مع كان طويل عطاها منظر أكثر نضوووج و جماال ..لأنها جامي دارتو بوكلي ..خذات بعض الخصلات من القدات شداتهن بمشبك مرصع بالكريستال باش تثبتو برقة ..
دارت لي لونتي فالأخضر لعينيها ..وحدداتهم بكحل أسود زاد برز لون العدساات أكثر و عطاها طلة شرقية بامتياااز و مع الضلال لي اعتمدت فيهم اللون الأسود مع الفضي و الوردي الباهت خذماتهم باثقان حددات وجهها و بينات ملامحها فقط مازادتش فورصاات بزاف و ثقلات حيت دارت السموكي فعينيها مابغاتش تزيد تثقل عكرات بغوز باارد ماك و رشات متبث على وجهها .. دارت أكسيسواراتها من داكشي لي مغرقها بيه جلال و خرجاات هي و توليب لي لبساتها تا هي قفيطين نفس ديالها.. دارت ليها عكر بااارد لامع صوراتها و تصورات تا هي و صيفطاتهم لجلاا .. عاد مشاو لعند خولة لقاتها تا هي واجدة و ما هي الا دقائق دخلات بالصلاة و السلام على محمد وراها النكافات و حداها المى و توليب فرحانة بديك الأجزاء ..ووكي طلات عليهم ناضو طبالة و الغيااطة تيزمروو و يشطحو. مع النگافااا و النااس المعرووضيين لي كانو من بنات الحي و نساائو و العائلة كذلك .. كولشي حل فمو حيت كانو فحال شي لوحة فنية.. بهياااات الطلة و كيخطفو الأنفااس بجمالهم .. خذاوها لمااكانها المخصص لي غاتجلس فيه باش تحني .. و قدامها الطيافر ديال الحنااء مزينين و كولشي مقاد على حقو و طرييقوو تقليييديي بلدييي كيف ما بغاااتو .. بدا الشعبي و كولشي ولا يغني و يشطح .. عاد جات النقااشة تتنقش ليها و كيف طلبت منها تدير لها نقيشة خفيفة سواء فيديها ولا فرجليها .. شافت المى تا عيات و مشات عند عايشة ..
- المى .. ماما .. تا انا بغيت نقش يدي ..!!
- عايشة .." شوفت فيها باستغراب!!" .. كيفاش من ايمتا تتبغي نتي الحناا بعداا!! ماتاتحملي تشمي تا ريحتها!!
- المى .. ويلي راني شميت ريحتها عند خولة حمقاتني ..
- عايشة .." طلعات فبها حاجبها .." .. كدوي بصح!!
- المى .. من نيتي والله ..
-عايشة .. ههههههههههه اوا سيري نقشي اختي سيري...
اتجهات عند النقاشة و طلبات منها تنقش ليها يدها بعد ما تسالي لخولة تا خولة بقات غا تتشووف فيها و هي عاجبها الحال تدير الحنة و تشوف فيديها عاجباها مع جاية مع الصباااعة لي كانت ديرة فصباعها ..كي كملاتها صوراتها و صيفطاتها لجلال تا هي فينما ضور تصور و تصيفط ليه
"يقووودني العشق إليك .. و كل عشق دونك وهم ..