عاشقة الثراء💸مكتملة💸

💸الجزء 14💸

" عاشقة الثراء "
"البارت 14

-ألمى-
بعد ما مشات سرور بعد شوية نيت تبعاتها المى تا هي مشات لشومبر ديالها تلاحت على الناموسية و حيدات السبادري برجليها .. حيدات التيشرت بقات غير بالسوتيامات و الشورط و ضرباتنها بنعسة .. فهاد الوقيتة كان جلال خارج من الدوش و التيفي مزالة خدامة طلع راسو كيمسح فشعرو و مضور على تحتو الفوطة .. بانت ليه السيدة نكسلة على كرشها لابسة غا سوتيامات و الشورط مع النعسة مفشكلة نص طرماحتها باين من الشورط لي طلع..
- جلال .."زفر بجهد بنفس سخونه" ..هادشي لي كان ناقصك اجلال ..براافو ..
هدا التيليكوموند و طفاها دخل ديريكت لبلاكار خدا منو سروال ديال السورفيت بالكري و صوفيطمة بالأبيض مع سبادري بيضااء .. لبسهم و صايب شعرو بطريقتو مرجعو للرر .. رش بارفانو و مشا جلس فالبالكون هاز كارو كيكمي ..كيحاول يتفكر تفاصير عبير الصغيورة لي تفرق عليها نهار كانت عندها اربع سنين و شحال تحرق على هاد الفراق .. كانت معاها اجمل اربع سنين فحياتو.. دخلات لحياتو ببرائتها فضروف صعييبة و بالرغم من صغر سنو الا انو كان متعلق بيها كثر من القياس .. و نهار خرج من الخيرية كانت المى كاتبكي وتغوت باسمو.. منضر باقي بين عينيه رغم مرور كاااع هاد السنوات .. و رغم الانو كان خصو يكون فرحان الانو ماقدرش يفرح حيت خلى بنت قلبو !! خلاا روحو لي ولف وجودها فحياتو طول ديك الأربع سنوات لي دوزها فالملجئ ..!! مزال منضرها و ضحكتها بين عينيه .. حط يدو على راسو كيحاول يتفكر شي حاجة فيها باش يقدر يعرف المى واش هي نفسها عبير ولا لا.. غمض عينيه كيحاول يسترخي لانو اعصابو ديما مكروزين و هادي ولات عادة مكتسبة من سنين عمرو لي فاتو ..تفكر زوج حوايج .. خالة كبيرة شوية فوق بوطها .. و خالة أخرة فدرها حدا راس بزولتها و يا مصييييبتاه كي غايدير يشوف الخالة الثانية 😂من لي كانت صغيورة كان هو لي كيلبسها حوايجيها داكشي عاش عارف كاع تفاصيلها ...قاطع افكارو صوت الدقات على بابو .. مشا فتح لقى فوجهو علي ..
- علي .." طلع فيه حجبانو" .. قلت ماغانلقاكش هنا ..!
- جلال .." دخل و خلاه" فين غانكون مثلا. .
- علي .." تبعو" .. قلت غاتكون كاتصيد الحمام لي فالبارتي التحت.. و لااا تكون عند المى .. مثلا!!
- جلال .." ضرب فيه بتخنزيرة .. لا هنا .. لا هنا ..غير برد على مخك ..
- على .. " جلس على الكنابي" .. ههههه وا العجاااب اخر مرة كنتي كاتقول هضرة اخرا ..
- جلال .." بعدم اهتمام" ماعنديش الكلمة اش غادير ..
- علي .. صافي بدا كيموت ليك الحوت العشير ..😕
- جلال .. " خزر فيه " .. مخي مشغول هاد الايام
- علي .. باش ؟؟
- جلال ..مايخصكش .." هز باكية تالكارو دارها فجيبو و خذا تيليفونو" .. نازل ولا مطول هنا!؟
بلى ميتسناه يجاوبو خرج و خلاه تا هو هز قشو و تبعو نزلو مشا علي جاب ليهم ما يشربو اما جلال هز تبليفونو طبعا يشوف لالاهم لمى شنو كدير لقاها يالله كانت تتقلب تقليبة الثانية تا سمعات تيليفونها كيصوني و الباب كيديق خزر و طلع حاجبو كيخمم شكون جاها فديك الوقت ..شافها هزات تليفونها طلات فيه و رجعات لاحتو حداها يالله غاتقلب لجهة الثانية تا بدا الباب تاني كيدق ..شافت لجهة الباب و ناضت كاتنفخ و تسوط حلااات الباب و هي لابسة غا السوتيامات حل عينيه تا وقلو لفمو يالله كان غاينوض تا بانت ليه سرور المساعدة ديالو سلمات عليها و دخلاتها عاد طفى التيليفون و خشاه فجيبو بالحق عصباتو حيت حذرها و كان عند بالو غادي تسمع منو ساعة هي مكادير غا لي قال ليها مخها ...
.....
كان طالع ليها الديم مشات حلات الباب لقاتها سرور حاطة يدها على صدرها و كاتسنى فيها تحل ..
- سرور .. يا ختي عاد كنت غانطلب شي حد يجي يهرس الباب
- المى .." خزرات فيها" هادشي كلو و ماهرستيهش؟؟
- سرور " دفعاتها للداخل" .. دخلي و نتي عريانة ..
- المى .." ابتسمات بالجنب" .. على اساس كنتي لابسة حسن من هادشي قبيلة فالبيسين. .
- سرور.. "جلسات فوق الكانابي" .. امممواش كنتي ناعسة!!
- المى .. " مشات للبلاكار خدات منو كسوة كحلة قد الفخض و الفوقي ديالها فيه وريدات بالألوان حطاتهم فوق الناموسية .." ااش بان ليك؟؟
- سرور. . يا ختي ديرة كي جلال تتجوبي سؤال بسؤال 😐
- المى .." خزرات فيها" .ماتقارنينيش بهذاك الزمر ..
- سرور..جاني فضووول نعرف علاش مكاتحمليهش !!
-المى .."نصلات الشورطو لبسلت حوايجها" .. اش فيه ميتحنل اساسا ..!!
- سرور .. ههههههههههه حشومة عليك كظلميه ..
- المى .. خليني من سيرتو الله يرحم باك ..
- سرور .. " شافت فرجل المى " .. هييييء .. ويلي اش هاد الطبعة فيك !!
-المى .." شافت فيها و شافت فرجلها فين كانت تتشوف كانت مضورة خماسية قد البالة فلحمها بالزرق و الاحمر الداكن .." .. ويلي .. لهاد الدرجة ..
- سرور .." ناضت عندها "شكون دار لك هادشي؟؟
- المى.." تفادات تجاوبها" اش غاندير دابا بففف .. لحمي ديغيا كيزراق ..
- سرور .. عندي فونديشن بخاخ ديال الجسن عايني نجيبو لك ..
- المى ..واخة شكرا..
خرجات سرور للغرفة ديالها و جلسات المى فوق النموسية كاتشوف فدقة لي كلات فرجليها و تندب حناكها ..
- المى .. الله يغرق لبوك الشقف ..😡😡😡
رجعات سرور فيساع عطاتو لها رشاتو تغطات بعدا الضربة و نزلات عليها شوية الكسوة .. و مشات صايبات مكياجها و شعرها ..
- المى .." وقفات قدام سرور لي كانت ملاهية فتيليفون" .. يالله هاني ساليت. .
- سرور .." طلعات فيها عينيها و ابتسمات" .. اوه طلعتي كاتحمقي ..
- المى .. " ابتسمات ليها " شكرا ..بالمناسبة تا نتي غزالة..
- سرور .. ههههههههههه شوية من ما عندكم ..
شدات فيها و خرجو ومع المى مكانتش متعودة على شي حد يتعامل معاها بهاد الطريقة من غير خولة .. لكن كاتحاول تأقلم مع الوضع مدام خولة مكيناش ..
شدات فيها و خرجو ومع المى مكانتش متعودة على شي حد يتعامل معاها بهاد الطريقة من غير خولة .. لكن كاتحاول تأقلم مع الوضع مدام خولة مكيناش ..
كي دخلو للحفلة لي كانت جهة البيسين و جاب الله لابسة صنيدلة ماغالياش كون واااجات على وجهها جراتها ديريكت للمكان لي كان جالس فيه بيتر كيشرب كاسو و مجمع مع شي وحدة ..و ماشافوش جلال لي فاش دخلو تبع ليهم العين و فاش شافهم جلسو مع
- سرور .. بيتوو .. صافااا ..
- بيتر .. " ناض وقف " ..اهلا .. قمرين مع بعضهم .. طغيتو على البارتي .." مد يدو لألمى"
- المى .. " مدات ليه يديها بابتسامة" .. شكراا
- سرور .." جلسات " اوا اش خبارك !! فين شادها و مع من .." شافت فالبنت لي كانت حداه" ..
- بيتر .." جلس حدا المى شير ليها بيديه " مكانعرفهاش .. جات جلسات حدايا و قالت لي واش نتا هو فلان .. و صافي. .
- سرور .. اممممعجبة يعني ..!!
- بيتر .. يس بيبي .. " قرب لألمى" .. ماتعرفتش عليك مزيان .. قاطعنا داك الكيدار ..
- المى ..اه وي .. كيجي فأوقات ماشي ديالو ..
- بيتر .. "ضحك بالجهد حتى قفزات"ههههههههههه هذا هو الهلالي .. دائما كيبغي ياخد لي مديالوش ..
-المى .. كيفاش!!
- بيتر ..لا والو نساي .. عاودي ليا على راك .. و كيفاش تا دخلتي لمجال التمثيل .... حيت كاتباني ليا وجه جديد
- المى ..امم انا كنت مودل .. كندير اعلانات لواحد الماركة ....
- بيتر ..من مودل للتمثيل .." طلع فيها حجبانو" ..
- المى .. نن انا ديجا قارية على التمثيل .. غاتخدم معايا و غاتحكم من بعد ..
- بيتر.. " زاد قرب .." متشوق بزاف للخدمة معاك ..
- المى .." ضحكات فوجهو و بعدات عليه بلباقة كحازت حدا سرور" .. سرور .. يالله نمشيو لشي بلاصة اخرة!!
- سرور .. علاش ..!! ناري مال هذا...
- المى ..شكون؟؟
-سرور .." مادورش غاتعيقي ..مستر جلال ملي جلسنا و هو كيخزر فينا .. ناااري ياكما يكون قال ليا شي حاجة و نسيتها!!
- المى .."دارت راسها تقادات فالجلسة و شافت لجهتو بلا ماتعيق" ..
-بيتر .."قرب لعندهم" المى .. اجي نشطحو !!
- المى .." ضورات راسها لعند سرور" .. ويني لسقة هادي .. يخ ..
- سرور .. ههههههههههه سسري تشطحي ابب ..السيد شوفك تلف على القبلة ..
- المى .. على اساس كيعرف ليها طريق ..
ناضت معاه و شد ليها فيديها خلاو كولشي كيتغامز .. البارتي كانت عامرة بالناس لي خدامين معاهم لي كانو جايين على ود الفيلم منهم الكاميرامان و المخرج و المساعدين ديال .. الممثله
ين تا هوما .. دخلو وسط الساحة و بداو يرقصو على اغاني صاخبة رقص عشوائي لكن هو كان كل شوية يحط يدو على بلاصة بحجة انو كين الزحام ..سي جلال عيا ميجمع ليها تيقول دابا تحشم دابا تحشم ..تا عبو و ناض علاين لاتقلب الطبلة فاش وقف مشا ديريكت قاصدهم يالله كان بيتر غاينزل يديه من ضهرها للمؤخرة ديالها حتى شدو جلال و زير عليه مزياااااان لواهت ليه بيد وحدة يا تعوج كلو
-, جلال .. " مفيكسي عينيه على عينين بيتر "دويت معاك!! و مكاتفهمش !!
-بيتر .." كيتوجع" طلااق. . اش كاتخور اصاحبي .. طلااق. .
- المى ..." شدات فدراع جلال .. " واش حماقتي .. طلق منو اويلي ..
- جلال .." نطر يدو منها" ..يديك شكانو كيديرو تما هااا!! نهرسهاااااا .." غوت تا زلزل المكان دار كولشي كيشووف فيهو ناضت سرور كاتجري شدات فألمى". .
- بيتر ... وا ..."مقدرش يتحمل من الوجع" .. ااااه .طلاااق اصااحبي هذا مااشي اسلوب ..
- جلال ...و التزلال اسلوووب اولد العبد ..هااااا. .😡😡
- المى .. مستر جلااال طلق منو الله يخليك ماعندكش الحق دير هكذا شوهتينااا قدااام الناس. .
- جلال .." ضار لعندها بشوااااية و طلق بيتر تا جا طايح" .. طلعي لبيتك .. يالله ..
- المى .." بتحدي " .. و شكووون نتااا لي تملي عليا شنو ندير شكووون 😡
- جلال .." غوات عليها تا قفزات" قااااودييييي لبيتك مانشووفكش قدامي...