عاشقة الثراء💸مكتملة💸

💸الجزء 57💸

عاشقة الثراء
"البارت 57"
...ليالي نسيم...
                   -أهرب منك إليك-

   - جلال .." حنا راسو و حس بقبضة اعتصرات قلبوو" .. الله يرحمو ..
    - عبد العظيم ..قبل ما يموت ..وصاني عليك .. قال ليا ربيه و ديرو ولدك ...
   -جلال .." باس ليه يدو" .. ماقصرتيش الحاج .. غايبقى خيرك فوق راسي ماحدي حي ..
    - عبد العظيم ... بااك خييرو كبييير عليااا ..الله يرحمو ..
     - جلال .. امين ..
     -عبد العظيم ..ههه .. وصاني زوج وصيات .. الأولى نتاا .. و الثانية كمال ولدي ..قال ليا ردووو .. و لكن تعطلت بزااف ..
     - جلال .. ماتعطلتي والو الحاج .. الله غفور رحيم ..
      -عبد العظيم .. شفتي هاد العادة لي ماشيين عليها .. ورثناها من جدودنا .. كل واحد خصو يتزوج من بنت عمو .. و لا بنت عمتو .. هادي عادة عندنا .." " مسح فمو" .. كولشي مشا عليها طمعا فالفلوس ..و الجاه .. و حتى بنات العم ماكانوش كيمانعو .. و حتى الى مانعو ماغايكونش عندهم الحق باش يرجعو للعائلة ..كيوليو منبوذين و تنتبراو منهم .ولكن فالأخير كيوصلهم حقهم كصدقة .
     - جلال .. سمح ليا اول مرة غانقولها ليك هذا راه ظلم ..
     - عبد العظيم .."تنهد بأسى" ظلم عبر الأجيال ..
     - جلال .. " طلع فيه عينيه" ..بيدك تغير كولشي ..
     -عبد العظيم .. مابيدييش اولدي مابيديش .. الى تسااهلت ولادي لي كتشووف فيهم غاياكلووني و ميحنووش فيا .. خلي داك الجمل راگد ..
       - جلال ..شكون يقد يوصل ليك الحااج و انا عاايش ..!!
      - عبد العظيم..هادي قبل ثلاتين عاام تسااهلت و خرقت قااانون ..بيه دخلتك لهاد العائلة و جبرت سليمان يتبناك ..ياك ما نسيتي شنو طرا فديك الوقت؟؟ نسيتي الياام لي دوزتي فالخيرية .. ولادي هوما لي كانو سباب فيها و نتا عارف هادشي مزيان ..ماقدرتش نعاقبهم .. حيت غاتقلبو ضدي .. عقابهم الوحيد هو يردووك .. و داكشي لي كان خليتهم يردووك ..ولكن دابا الى درت شي تصرف مخالف للقوانين غايطيحوني و يطيحوك معايا ..
      - جلال .." زير على قبضة يدو" .. مابقيتش داك الولد الصغير .. كبرت ولاو عندي نيااب و بربي و يقرب ليك شي حد تا نولي واحد ااخر ..
      - عبد العظيم .. خليك بعييد على هادشي خليك بعيد .. لي بيني و بين ولادي انا لي غانحلو .. و نتا غاتبقى كيف ما نتا .. قدام الناس و قداام العائلة كاملة .. جلال ولد سليمان .. و حفيدي ..
     - جلال .. اش غانقول ليك ..
      - عبد العظيم ...داكشي علاش حقك مني و من العائلة .. و داكشي لي خلا ليك باك كلو بيع و شرا كاتبو ليك و الوصية عند المحامي ..
      - جلال ..كيفااش؟؟ لا ميمكنش .. مكانش عليك دير هادشي ..
      - عبد العظيم .. نهار نموت غايتقلب كولشي .. انا عارف .. داكشي علاش درت هاد  التصرف .. تا حد مضامن عمرو ...
     - جلال.. الله يطول عمرك ماعرفنا شكون سابق ..
     - عبد العظيم .."شد ليه فيدو" .. بغيتك تبقى تتواصل مع كمال حتى يجي .. و اي جديد بغيتك تخبرني بيه الله رضي عليك ..
        - جلال .. .. اكييد الحاج بلا ماتوصيني ..
      - عبد العظيم ..ااا .. شفت واحد البرنامج فالتلفازة .. درتي شي فيلم جديد فالمغرب؟؟
      - جلال .." طلع فيه حجبانو" .. اه درتو .. مخلط .. مغربي اجنبي ..
      - عبد العظيم .. ديك الممثلة جديدة ماعمرها بانت!!
       - جلال .." باستغراب ..حيت عمرو اهتم بهاد المجال و لا سولو عليه".. يه الحاج .. الشركة ديالي لي كتشفاتها .. علاش؟؟
       - عبد العظيم .." حرك رايو " .. مديرش فبالك .. غير كنسول ...
      - جلال .." حرك كتافو" .. واخة .. الى ماكنتيش محتاج مني شي حاجة نقدر نمشي؟؟
       - عبد العظيم ..تقدر تفظل .. ..
خرج جلال مغير من عندو .. و هو ماباغيش يبين .. الحاجة الوحيدة لي مخلياااه يصبر على هبال المى هي انو حااس بيها .. و عارفها باش تتحس .. و يمكن هي تتحس بألم اكثر منو .. حيت هو راجل .. و يقدر يتحمل .. انا الأنثى .. مهمى تبغي تبين راسها قوية و جبل ما يهزو رييح كاتبقى أنثر مرهفة الأحاسيس و كدووز عليها وقيتة تتنهاار كل قوااها لي كانت تتدّعي بيها .. دخل لبيتو شاد أعصااابو على الآخر .. قلبو معصوور بقبضة حديدية ...قرب للبالكون و تكى عليه بدراعو كيراقب السماء الرماادية .. و الغيووم لي بدات تتراكم فيها كانت فحال قلبوو ... الحاجة لي كيدير راسو نساها .. و لي ماباغيش يتفكرها...
دخل لبيتو شاد أعصااابو على الآخر .. قلبو معصوور بقبضة حديدية ...قرب للبالكون و تكى عليه بدراعو كيراقب السماء الرماادية .. و الغيووم لي بدات تتراكم فيها كانت فحال قلبوو ... الحاجة لي كيدير راسو نساها .. و لي ماباغيش يتفكرها ..
هضر عليها اليوم عبد العظيم ..
مع انو عمرو شاف عائلتو .. و عمرو عرف باع غير فالصور .. ولكن بلاصتو فقلبز خاوية .. و تا حد ميحتلها .. مع انو ماعارفش شكون هي الام الحقيقية ديالو .. لكن حل عينيه على حياة ... كانت ونعم الأم .. حياة كان عندها مشكل فالولادة ..
و قدرات تولد رجوى بعد سنييين من زواجها بمشقة الأنفس ...داكشي علاش تعاملات مع جلال فحال ولدها تماما و عطاتو حنانها كااامل .. .. تلاح على الكانابي و جبد كارو شعلو كيتكيف مع رااسو .. حتى سمع الباب تحل عليه ..
      - أخيرا رجعتي.. اخيرا ..
     - جلال ..عرفها من صوتها مادورش راسو و مشافش لجهتها .. ساط الدخان للفوق" .. هاد الهضرة نقولها ليك نتي .. لي دايعة و فينما نجي ماكاتكونيش فالقصر ..
     - ههههههههههه على اساس مسوق ليا .." مشات جلسات قدامو" .. كي دير ..
       - جلال .. " كيجاوب ببرود" ..لبااس عليا اساندي .. و نتي ؟؟
       - ساندي ..نقولو الحمد لله ..." شافت فيه مدة عاد نطقات" .. شحال هادي ما شفتك .." ضحكات بالجنب". .أراجلي العزيز ..
       - جلال .. ساندي .. عندك ما يتقال!! الى معندكش خليني مهني ..
      - ساندي .." مشات جلسات حداه". . مالك .. بنتي ليا خارج من عند با سيدي ماشي هو هذاك؟؟ شنو وقع ؟؟
     - جلال ... ماشي سوقك .." هز تيليفونو " .. ساندي .. سيري خليني باغي ندوي فالتيليفون...
      - ساندي .." ضحكات باستهزاء" .. ههههه .. ياااك اسيدي .. هكذا غادي تقابل مرتك ام بنتك .. و الله الى عييب عليك اجلال .. عييب ..
      - جلال .." خزر فيها" سااانديييي ...
      - ساندي .." ناضت وقفات و حطات يديها على جبهتها" .. اوووففف .. جلاااال حرام عليك هادشي لي  كديير فيه .. عيييت نفسر و ندور فراااسي ملقيت ليه تا تفسيير .. من نهاااار تزوجنا ماعشتي معايا كف الناااس!! عاشرتيني مرة وحدة و تأكدتي اني غانحمل .. و كي ولدت مشيتي ..منااااش هاارب قوول لبا مغييير مناااش هاارب .. انا عيييت .. صاافي .. قربت نهبل .. ماعارفة راسي مزوجة ولا مطلقة ولا شنوو بالضبط .. واش متتفكرش فبنتك .. متتفكرش فتوووليب و شنو وضعها بيناتنا و حنا هكذا .. كل واااحد و فين هو .. !! ااه عارفاااك مكتبغينيش .. و تا انا مكنحس تااا حاجة من غير انك ولد عمي .. تداااه ماتشوفش فيا هكذااا .. انا عمري حسيت بيك كزوج .. حيت نتا عمرك عطيتيني هاد الاحساس .. عايش حياتك بأريحية كأنك ماااشي مزوج .. اوووف اجلال عيييت .. ماخليتي لا حاحة ولا ملاااحة شحال من عام و انا صااابرة كل مرة تنقول نزوة و تفوووت .. تال إيمتا .. حتى الفراااش مكانتشاااركوهش .. عرفتي شنووو هي اكثر حاجة تتقتل المرااااا .. هي راااجلها يهجرها فالفرااش .. و نتا فرااااشي نعستي فيه نهار العرس و من تم ماعاودت شفتك نااعس حدايا .. شنو هاد الكره كلوو اجلال ؟!
      - جلال .. " حط يدو تحت راسو تكى عليها و بقى تيتصنط ليها تاااا كملات و هو يضحك بالجنب " هادشي ماتفقناش عليه هادي ست سنين فاتت اساندي؟؟
      - ساندي .." دارت يدها على راسها" .. كل مرة .. كل مرة تاتقوول لي نفس الهضرة .. هادشي علاش تفقنااا ..
- جلال .." عصباااااتو بالبيااان ناض وقف تقابل معاها و عينيه تيرشووو شرار " .. واااش غاتحمقيييي ديلميييي .. هاااا! .. شنووو قلتي ليا بعد ليلة العرس؟؟ .. جلال .. انا و نتا كي غانديرو نتقبلو هاد الزواج؟؟؟ .. جلال انا درت الخاطر لبا سيدي .. جلال انا خصني الوقت باش نتقبلك كزوج .. جلال القلاااوي جلال الخرا .... و انا شكووون .. انا جلال ابنت عمي .. المرا لي تقلب عليا وجهها مازاال ماتزادتش .. تجي تقولي ليا انا ممتقبلاكي و باغياني نتقبلك؟؟ انا لي مكنتش حامل داك الزواج ماگلتش ليك ديك الهضرة ..
      - ساندي .." غطات على ودنيها" .. هاد الهضرة فاتت عليها كثر من خمس سنييين صاافي نساااها .. اجي نعيشو انا وياك كاي زوج و زوجة .. عافاك .. خلينا نرتاحو .. و نريحو توليب .. و نخرجو علاقتنا للصحافة و الاعلام .." قربات ليه و حطات يدها على صدرو" .. بغيييت كااع الناس يعرفووو جلال الهيلالي مزوج بساندي الهيلالي ..
      - جلال .. ههههههههههه" شد ليها يديها بزوج بيد وحدة و نطرها من فوق صدرو" .. جمعي عليا مكافشك .. و المرة الجاية غانهرسهم ابنت عمي .. اتفااق و درناه من هادي شحال .. و الى بغيتي غير تباني فالسوشل ميديا كيف عادتك .. و بغيتي ديري بيا البوووز انا مصاالحش ليك .. تعبي معايا بربي تا نحر حبك .. ضبري رااسك هاني حذرتك
      - ساندي .." حطات يدها على جبهتها" .. جلال .. انا مدمرة .. بصح ..انا معااارفااش راسي اش بااغية .. حياتي معمرها كان فيها استقرار .. جلال انا كنكبر ماشي العكس .. الى كنتي بصح .. كتعزني ولو غييير شوية .. شوفي ليا حل .. الله يخليك عيييت بصح عييت ..
       - جلال .." عطاتا بالضهر و ابتسم بالجنب .." .. شنو؟؟ ههههههههههه عيتي .. صافي مليتي من الضوران و الشوبينغ و الفاشن. و مكيااج .. عييتي من هادشي كامل !! و السهير .. مع الرجال و العيالات .. يصحاب ليك هادشي مفوتو ليك .. نهار غانحاسبك .. كوني اكيدة غاتحاسبي بحالك بحال رؤيا ختك الى دارت شي حاجة .. اما كمرتي .. ماعندك تا علاقة بهاد الكلمة .. حيت انا ممعترفش بيها اصلا .. " ضار عندها" .. الطيش ديالك .. ديه فين يسوا ليك شي حاجة ابنت الهيلالي .. انا منلييقش لبك تلعبي معايا ..
      - ساندي .." تنهدات و بلعات ريقها" .. تيق بيا كنحاول نتغير .. كنحاول .. " مشات لجهة الميني بار كبات ليها كاس من الويسكي و رجعات لعندو .. جبدات گارو من جيبها "بغات تخشيه فمها"
      - جلال .." لوى شفتو. للجنب" ..بشااخ .. مزالة كضربي السموم .. خليك هكذا راك غاتبدلي ..
      - ساندي .. جلال منقدرش نقطعووو .. منقدرش ..
       - جلال .." طلع و نزل فيها" .. قودي لبيتك .. قودي ..
      - ساندي .. "شربتت كاسها دفعة وحدة" .. جلال عافاك ..على قبل بنتنا ..
       - جلال .. ماتخلينيش نتعصب عليك اساندي .. قودي لبييييتك ...
     -ساندي .."شدات الكاس بدوج صبااع و بدات تتصفق عليه و تضحك" .. هههه برااافو .. جلال الهيلالي لقى لعبة جدييييدة و بغا ينكر مرتو .. هههههههه اناا ساندي الهيلالي .. ماتشوووفش فيااا و تديييها فديييك بنت الزنقة .. لي شبعووووها فالفيييلم تعباااز .. ههههههه لقيتي ممثلة جديدة .. برااافو عليييك .. برااافوو مكتشف المواااهب .. ههههههههه
       -جلال .." اندفع لعندها و زير ليها على فكها" ... جمعي دلقوووشك و الا بالرب العاااالي و تزيدي عليها كلمة غانگرضك طراااف و نرميك لبااك يجمعك .. و نتي عااارفه مزيااان شكووون هادي لشبعوو فيها تعبااااز و "غمزها" .. لي على باااالك .. و انااااا سترتهااا ..  نتي عااارفة مزيااان شكون هي ...بربيي لا على ود بنتي راني صابر عليك ابنت الهيلالي و لا كون راني درت فيييك يدي من زمااان هذااا .. جمعي كرك قبل لا نجمعك بنص. .
دفعها تا طاحت على الكنابي و طاح عليها الكاس تكب فوق حوايجها .. هز الكارو ديالو و سوارتوو و تيليفونو .. رمى عليها اااخر نظرة كون كانت تقتل كون قتلاتها ..عاد خرج ..اما هي بقااات تتنفس بالجهد و عينيها غايخرجو بالأعصاااب و لات كلها مفافية و تترعد .. هزات داك الكاس رماتو تا تهرس مع الحيط .. و عضاات على شفتها....ناضت وقفات و تمات غادية جااااية ..
      - ساندي .. انااااااا ساااندي اجلال .. انا دييير فياااا يديك .. اه مكانبغيكش .. و عمري غانبغيييك ولا غاااانسااا نتاااا سبااابي تا. .." وقفات غصة فحلقها و دمعو عينيها .. جلسات بالجهد على الكاناااابي و غمضات عينيها عصرااتهم من الدمووووع و سمحات ليهم ينزلووو " .. انااا عيييت .. عيييت .." هزات تيليفونها و دورات لرقم " .. سرووور .. سرووور غانقتلك الى موصلوونيش خبااار جداد على ديييك العاااهرة .. قلبي علييييها سيري عندهااا تصاااحبي معاها المهم نعرررررف اااش بينها و بين جلال .. و الا و الله تا تخسري كووولشي خدمتك و الفلووس لي تتاخدي من عندي كووولشي غايولي بااااح. .
طفات التيليفون و حطاتو فجيبها .. مسحات دمووعها و بلعات ريقها .. و ناضت مشات لبيتها. .
خرج غضباااان من الجناح ديالو كان غادي ديريكت للباب لكن فات على غرفة توليب .. كانت مفتوحة دخل يطل عليها لكن مكانتش فالبيت .. دخل للحمام فتحو مكانتش .. مشا للدريسينغ كذلك مكانتش .. يالله كان غايمشي يشوف عند رجوى و هو يتفكر البالكون .. كرج لبه ماكانتش فبه بالحق كي طل من الفوق بانت ليه فالجردة .. ابتسم و مشا نزل لعندها ..
كانت لابسة كسيوة فالبيض طوييلة  مبينة جمالها أكثر و زعوريتها لي طالعا لماماها .. واخدة نقس عيون ماماها و شعرها .. و لونها الأبيض كذلك .. كانت حاطة تاج ديال الورد فوق راسها و تدور فالجريدة بوحدها على نقطة وحدة .. حتا جا جلال من وراها هزها بلا ملتعيق ..
      - جلال .." كيبوووس ليها فعنقها و يهرها فكرشها" .. توتووز ديال باباهااا. .
     -توليب .. "ميتة بالضحك " .. هنهههههننهههن😋😁 اننن صااافي .. هنههنن صافي صااافي ..
      - جلال .." هزها مقادة طارت عليه بتعنيقة .." .. توحشتك الخايبة ..
      - توليب .. تا انا بزاااف .. بزاااف بزاااف هنهنهن .." باستو فحنكو" ..
      - جلال .. لالا انا توحشتك كثر منك ..
       - توليب .. لا لا .." دارت لو اشاارة لا بصبعها" .. انا توحشتك و طنبغيك بزاف و نتا ماي هيرو ديالي انا 😍😍
      - جلال.. هههههه" عضها فنيفها" .. واخة الخايبة غانلكلك شي نهاار ..
     - توليب .. تااكلني علااش انا حلوة ..😳؟
    - جلال .. نتي راك الكريييم شوونتي نتي .." باسها فحنكها".. علاش منعستيش الخايبة .. ؟؟
      - توليب  .."عوجات فمها و دارت اشارة بيديها" .. مزااااال الحال ..
     - جلال .. اممم.. تمشي معايا؟؟
      - توليب .. فين؟؟
       - جلال.. عند ااكريم كراميل!!
        -توليب .. ها ؟؟ فين ..
       - جلال .. " خزر فيها بلعاني" .. دابا واش تمشي ولا لا ...؟
      - توليب .." بالفرحة عليها تمشي مع جلال" .. نمشييي نمشيي ..
هزها و زاد بيها ديريكت للاوطو ديالو لي من نوع Jeep ركبها لور و ركب فمكان القيادة .. و كسيرا فاتجاه الفيلا ديال المى .. ناضتةوقفات وراه و شدات فالكوسان من اللور حتى وصلو .. كانت المى فديك الوقيتة كانت المى مزالة جالسة فالجردة فوق الكنابي لي قدام الباب .. بان ليها جاي هو و توليب غير شافتها ابتسمات ليها ووقفات ..
     - المى .. مكانش يصحابلي غاترجع اليوم ..
       -جلال ..." .. وصل لعندها و جرها من خصرها باسها حدا فمها" ..مارتاحيتش فبلاصة اخرى ..
      - المى .. ابتسمات ليه .. و سهات فيه للحظة بالحق دغيا نزلات راسها لتوليب و تحنات لعندها" ..اووووه شكوون جا عندي .. مادموزلي تولييب .." مدات لبها يديها بطريقة راقية .. مرحبا مرحبا ..
      -توليب ... "سلمات عليها بنفس الطريقة ..". شووكرااا ..
     - المى .." مدات ليها يديها باش تهزها" .. اجي عندي اجي ..
  كان جلال جلس و كيشوف فيهم حاط يدو تحت راسو و متكي بدراعو على ضهر الكنابي .. جلسات المى و جلسات توليب فوق رجليها .. بداو كينسجمو خصوصا ان توليب مكانتش مرتاحة لألمى فالأول ..
      -المى .." كتقيس ليها فالكسيوة ديالها" .. طا غوب زويينة ..
     - توليب .. هنهن .. تا نتي زوييينة .. بحال لي بخانسيس ديال ديزني ..
       - المى.. شداتها من فكها بشوية و باستها" .. ويينو راكي نتي لي برنسيسة .. تعرفي تا انا فاش كنت صغييرة .. كانو كيعجبوووني لي بكانسيس و كنت تا انا كنلبس بحالهم لي غوب ..
      - توليب .. بصصح ..😍😍 شنو تيعجبك انا تتعجبني ألزاا ..
     - المى ..انا كانت تتعجبني سندريلا .. وبلونش نييج .. لي كاتشبه ليك بزااف نتي الفنيونة .." باستها فخدها .." يقبر قلبي جماالك ..
سهااا فيهم جلال .. و مشا بيه باالو للنهار لي وقفو جدو فالساحة المعلوومة .. هو و ولاد و بنات العائلة كاملين ..كانت ساندي هي اكبر البنات .ديال العائلة .. و الجد جاب خبارها لي راهي تدور مع شي واحد و على علاقة معاه .. و هاد الشخص خارج نطاق العائلة بأكملها .. شاب كان عاد كيبني حياتو و مستقبلو ..تا هو كان ميسور .. و هي كانت طالبة فالجامعة .. زوينة .. و لطيفة .. كان وجهها كيشع بالحب و قلبها كينبض غير لهاد الشخص ..و نهار وقفها عبد العظيم قدام العائلة كااملة مكانش باش تختار عريسها .. لا .. كان باش هو يختارو ليها و هو لي يحدد مصيرها .. وقفها حدا جلال و عطاه المفاتيح ديال حياتهم لي غاتكون بزوج ..
      #يتبع ..
..
      (الهيلاليااات فيييقو معاناااا)