عاشقة الثراء💸مكتملة💸

💸الجزء 157💸

عاشقة الثراء
"ليالي نسيم "
البارت 157
-ملِك قلبي-

- محسن .. احم. ..انا نويت نكمل نص ديني تا انا ..
- علي .." تشبح فوق الطاابلة بالضحك'' .. علااااه بديييتي النص لاااخر بعدا باااش تكل النص الثاني😂😂😂
- محسن .." هز مخدة صغيرة عطاها ليه لوجهو" .. تصحابني بحااالك الحلوووف ..
- علي .. هههههههه مرضيتييش .. " شرب من القهيوة ديالو" .. تقبل الأمر الواقع اعشيري ..
- محسن .. " .. انا خصني تقبل ديلمك بعدا .. تفوو ..
- علي .. هههههه شكون هي هاد المسخوطة لي غاتقبل عليك يا صبر ..
- محسن .. سوق مك!؟
- علي ..شفتي ملي نتا بااقي تتلبس دوك تيشورتات ديال الصبر .. ماكينة لي غاتديها فيك ..
. - محسن .. عرفتي علاش تنلبسهم؟؟ باش مانخرجش فمك ..
- علي .. " حط يدو على صدرو بطريقة مبنة" .. ويلي تخرج مفيي .. هءءء مي واجدة ليك غا نتا .. .. تزوج ولا كرب راسك انا مالي .. قالك نكمل نص ديني .. لي سمعو يقول هذا بداه بعدا باش يكملوو😂😂
- جلال .." هربو لقرفادتو" .. بارااكا. من الطنز .. " شاف فمحسن و غمزو" .. شكون هادي !
- محسن .. " حك راسو" .. احم .. ا.. ثورية الحاج ..
- جلال ... ههههه كنت عارف .." غمزو " .. حلال عليك !
- علي .. هيييييييء .. باااغي تزوج باخت الزامل ولد القحبة ديال مرتضى ..🤔
- محسن .." شاف فجلال و تنهد" يالله دوي نتا .. يالله ..
- جلال .. " شاف فعلي " .. الله يرحمو ..واخة مادار علاش يترحم كبر شوية اصاحبي
- علي .. اودي خليونا نضحكو ااش غانديرو بالعقل .. " شاف فمحسن " .. عشيري مبروك عليك ..الزواج زين غير زعم ..
....
بقاو على المناگرة و الهضرة مدوزيين نهار زوين مع بعضهم اما المى كانت فهاد الوقيته كملات الدوش ديالها يالله غاتنزل من الجاكوزي و هي تبااان ليها الأرض كااملة حمراا .. و الحموورية ديال الجيل ماشي الصبااغة .. نزلات تحنات و مدات يديها خذات منو شوية شمااتو لقاات فيه فعلا ريحة الجيل دووش .. معصوور نيييت فالأرض و القرعة محطوطة فووق اللافابو .. هنا دمااغها بداا يمشي و يجي حيت ميمكنش القرعة تخواا فالأرض و ترجع تحط فوق لافابو!!! .. و خصوصا انها فاليامات لي فاتو كانت غاتكربع فالدروج .. واخة حاولات تنسى و تقول ان داكشي غير صدفة ماشي بفعل فاعل ولكن هاد المرة تأكدات .. .. هزات الفوون لي كين فالحمام لي كيوصل للخدم .. طلبات وحدة منهم .. جاتها فالحاال ..
- المى .. نضفي هادشي عافاك ..
- الخدامة .. واخة لالة ..
بعد ما نضفات ليها الخدامة الارضية ديال الحمام .. طلبات منها تجيب ليها صنداالة و فعلا جابتها ليها .. و عاوناتها حتى نزلات من الجاكوزي لبساتها البينوار وعاد خرجات بطلب من المى .. كان باالها مشغووول بهادشي .. فالاول شكاات ولكن بعد ما شافت القرعة ديال الجيل دوش مسدوودة و محطووطة فوق لافابو تأكداات انها تخواات عن قصد و لي خواااها متعمد يخويها فديك المكان بالضبط .. لغرض انها طييح .. و اول حد مشاا ليه باالها هي ساندي و تريكتها و لا هي بنفسها نييت ..
نفضااات داكشي من بااالها مابغااتش تزيد تعمق فالتفكييير وااخة ماغاديش دوزها بالسااهل ولكن على الأقل اليووم .. كي خرجااات من الدوووش لقات الجنااح عااامر و مدكس بقااات غا حااالة فمها و تتشوووف .. مامصدقاااش عينيها صناادق فضية و ذهبية و طياافر تالزااتج مذهبيين .. الورد عالأشكاال .. البيت مافيه فين يتحطو الرجليين بالصناادق لي محطوطين فيه .. صايبات البينوااار مزيان و مشات هزاات تيليفونها دورات لحياة ..