عاشقة الثراء💸مكتملة💸

💸الجزء 108💸

عاشقة الثراء
"ليالي نسيم "
البارت 108
-ملِك قلبي-

- المى .." جبدات الخاتم و لبساتو .. " عاودها ليا ..الى كان ممكن!!
- حسن .. " تنهد .." .. شحال هادي .. زوج كيبغيو بعضهم .. تزوجو .. و حيت ضروفهم مكانتش ملائمة لا لزوااج ولا لعائلة .. لأن الراجل مكانش عندو باش .. ماعندو لا داار .. واا بااش يدير العرس .. ولا بااش يعيشها ... حتى الخااتم مادارتوش .. حيت ماعندو باش يجيبو ليها .. ياااامااااا حاولو عائلتها ينهيوها على داك الزوااج .. لكن راسها و الف سيف .. يا هو ..يا المووت ... وافقو ...و تزوج بييها و هو ميكسااب مايعلاام .. واخة كانت ديما تتقول غاتزوج بي واحد لبااس عليه و احلامها دبما كانو كبر منها ..و لكن كي حبات .. نساات كولشي .. لي كان تيهمهم بزووج فديك الوقت .. هي يتزوجو .. الى سولتيهم ااش غاديرو من بعد ..كيقولو ليك مولاهاا ربي .. تزوجو .. و جلسات معاه فدار واليديه .. و ماتسمعيش دار واليديه و تقولي فبالك دار نيت .. كانت خربة .. من داكشي لي شفتي على برا .. ولكن ماهمهاش .. حبها ليه كان كبيير لدرجة متهزش الهم حيت عارفاه ماغاديش يفرط فيها .. يحيدها من فمو و يعطيها ليها .. و داكشي لي كان .. ماخلى فاش خدم ... أجلو الولاد .. ماقدروش يولدو و يشحططوهم معاهم فالعيشة لي كانو عايشيين ... حتى فرجها ربي فوجهو .. و خدم بالشهادة .. كانت فديك الوقت الشهادة شي حاجة كبيييرة ماشي بحال دابا .. خدموخدمة مقاادة كيتخلص مزياان .. كانت مرتو ديك السااعة حااملة .. واخة بدات تتقدم فالسن لاكن ميئسوش .. تا قربات تفوت التلاتينيات .. ولدات الولد ديالها .. و شرا ليها دار باسمها .. هدية دالولادة .. و هدية ديال صبرها معاااه و اياام قضااتهم تا العشاا تتصبر فيه .. كانت صبااارة و هادي اكثر صفة خلاتو يعشقها .. صاحبنا بعد ما كان مفرش خصيرة .. ولا مفرش ليها اكسن فراش .. عيشها فالنعيم و ماخصصها من حتى حاجة .. كان باغي يدير ليها عرس .. من جديد كون ما عارضاتو و قالت ليه واش تصطييتي .. غايضحكو عليا النااس ..ههه .. ولكن مع ذلك مقبلش .. كيقوول مع رااسو مزاال ماوفيتهاش حقها .. مزاال ماعطييتها جزااء صبرها معايااا و كفااحها .. مزاال خصني نفرحها . تفكر انه مادارش ليها خاتم الزوااج .. و مالقى غيري قداامو حيت تيتيق فخدمتي .. جا عندي حط لبا كاع داكشي لي عندو ديال الفلوس قدامي .. قال ليا .. بغيت ااحسن خاتم .. بغيتو يكوون تيشبه ليها.. بدا كيوصف ليا كفااش بغا الخااتم يكوون و بأغلى المجوهرات .. و انا كنت تنسمعو و نسجل فمخي .. بديت تنصاايب الخاتم .. حتى قربت نكملو .. بقاات ليا ديك المااسة نحطها فمكاانها .. حتى جاني خبر وفاتهم فحاذث سير ...الطونوبيل ديالو انفجرات ..فاش نقلوهم للمشفى .. كان فاات الفووت .. ماتت هي قبل منو .. و هو بقى فالخطر .. لكن لحق بيها ..ماقدرش على فراقها .. فالأخير مشاات قبل ماتحط هاد الخاتم فيدها ..
المى .." طلعات فيه حاجبها" .. اووه .. زعما كين حب بهاد الطرييقة ..!!! ههه عيني دمعو وااخة مكانتأثرش بزاف ..

كي كمل حسن هضرتو ماسمعش تا شنو قالت المى .. ودنييه تغلفوو و عينيه قدااامهم غمامة بيضااااا .. ناض وقف و ضرب على الطبلة دالمكتب و خرج مكشكش .. نفسو تطلع و تنزل .. و عينيه حمريين كيف الجمر .. ماعرفهم وااش دموووع الحزن ولا الغضب .. بلع غصة فحلقو و حط يدو على راسو ..