عاشقة الثراء💸مكتملة💸

💸الجزء 16💸

" عاشقة الثراء "
"البارت 16"

-ألمى-

-سرور .." بعدم فهم " .. شكون هو!؟
- المى .." شيرات ليها عليه" .. هذاك ..لي معاه لي كارد ..!!
- سرور .." ركزات فيه " .. امم هذا .. هذا رجل أعمال لبناني .. بووكو لعاقة .. عندو شركات فلبنان و كيجي يستثمر فلوسو فالمغرب .. باينة غادي يكون جاي على ود شي مشرع عاوتاني ..
- المى .. " كتلوي خصلة على صبعها" .. اممم
- سرور .." قربات ليها .. " ولكن مزوج و عندو زوج ولاد .. ههههههههههه
- المى .." خزرات فيها " .. مالي انا غانتزوج بيه ..غا سولتك و صافي
- سرور .. اممم عينيك كيقولو العكس .. ياك ما عجبك ازغبية ..هو السراحة زيين .. و داك الشيب عاد ما زاد زينو ..
- المى .. " طلعات فيها حاجبها " .. و شنو مزال ..
- سرور .. " زفرات بالجهد" .. سعدات مرتو ..شتي كون ما كان بو بنات غايكون كامل الأوصاف .. ولكن هو واحد الزهواني مامنوش ..
- المى .. اممم و شنو سميتو ..!!
- سرور .. سميتو يا لالة ناجي عبد الله ....
- المى ..اممم .." غيرات ليها الموضوع باش ماتشكش فيها .." قولي ليا ايمتا غادي نبداو التصوير!!
- سرور ..على حسب ما قال ليا علي غدا مع الصباح غاتفيقي على النبوري..
- المى .. امم واخة ..
-سرور .. اش ناوية ديري اليوم؟؟
- المى ..ناوية نبقى جالسة هنا فلوطيل ..
- سرور .. ويييع .. مكنتش ضاناك بيتوتية .. انا شخصيا غانمشي نضور مع مخي .. جاية تال مراكش و نبقى فالاوطيل .. اصلا شحال مانزلت للمغرب .. كون ما جلال دار فيا خير ..
-المى ... بغيت نتكى .. حاسه براسي عيانه .. ..
- سرور... اوا سيري رتاحي احبيبة ..
هزات تيليفونها و جكيطها و شرات ليها بمعنى باي و مشات لبيتها و فطريقها تلاقات بالشخص لي داز و شافتو .. كان واقف و علطيها بالضهر .. و لي كارد ديالو واقفين قدامو .. كان شاد التيليفون و كيدوي تقلات المشية حداه حتى لقطات من هضرتو الجملة لي بغاتها. .(اي رح كون بمقهى كارما كثير بطلع عليه رح قضي هنيك يومي.. اي .. مابدي شوف حدآ الليلة ) .. دازت مبتسمة بالجنب ديريكت لبيتها دخلات لدوش جبدات مستحضرات ديال الاستحمام ديالها دوشات و ضورات عليها فوطة و مسحات شعرها بثانية و ضوراتها عليه و خرجات لبيتها مشات تتقلب فالفاليز لخذات سروال أبيض قصير مشرگ من الفخاض تال الركبة و تيشرت قصيورة فوق البوط بأحمر و عليها كتابة فالأسود .. لبسات معاها موكاسان فالأسود ..ومشات صايبات شعرها سرحاتو مزيان و شداتو كوتشوفال .. دارت مكياج خفيف برز جمالها و خلاها أحلى ..و هزات صاك طويل فالأسود دارتو على كتفها حطات فيه مكياجها و تيليفونها .. و خرجات ....
#عبد الجليل ..
دخل لخدمتو خذا كافي نواغ كيف العادة و مشا ديريكت للمكتب .. جبد وراقو يخدم عليهم .. فهاد اللحضة دخلات رجوى للبيرو ديالها و اول حاجة دارتها طلعات عينيها لجهة المكتب تاعو لقاتو محني على الوراق .. حطات صاكها و هزات وراق من فوق المكتب ديالها ماطلات علبهم حتى ديال اش..." خذات مراية من صاكها و طلات على راسها و رجعاتها لبلاصتها .. صايبات حوايجها و مشات لعندو دقات عليه المكتب عاد دخلات ..
-رجوى .." ابتسامة مشرقة على وجهها" صباح الخير ممكن ناخد شوية من وقتك !!
- عبد الجليل .." طلع راسو بانت ليه رجوى و هو يوقف" .. مرحبا .. تفضلي مادموزيل. .
- رجوى .."مدات ليه يدها سلمات عليه" .. مكين لاش توقف تفضل جلس ....
- عبد الجليل .."ابتسم ليها"...حشومة فحقنا رئيسة القسم كامل و مانوقفوش ليها !! ..
- رجوى .." جلسات و حطات رجل على رجل .. " .. ربي يخليك ..
- عبد الجليل ..تبغي تشربي شحاجة؟؟
- رجوى .. لا شكرا .." مدات ليه الاوراق " .. هو .. انا صرتحة مفاهماش شحال من حاجة فالشركة .. داكشي علاش .. الى عندك شي وقت ممكن تشرح ليا !!
-عبد الجليل .. " باستفهام" .. اش غانشرح ليك!؟
- رجوى ...." شافت فعينيه الخوضر و داخت .. سدات عينيها و عاودات حلاتهم بزز جمعات كلماتها باش تنطق .." .. هادشي لي فلوراق .. شرحو ليا ..
- عبد الجليل .." كيقلب الوراق باهتمام ",.. اممم .. واخة .." لقى الوراق نصهم خافي وراق بيضين .." نشرحو الالة علاش لا ..
- رجوى .." حطات يديها على خدها و شافت فيه" .. شكرااا ..

- رجوى .." حطات يديها على خدها و شافت فيه" .. شكرااا ..
بدى كيشرف ليها و يفسر و كلمة من هنا و كلمة من لهيه كيجخلط عليها باش يعرفها واش متبعة معاه نيت ولا لا و السيدة هي هايمة فعيونو ... من اول مرة شافتو و هي حالة فيه فمها .. يمكن قلت اختلاطها بالرجال و التزمت ديال العائلة لي مخليها تشوف غير ولاد عمامها هو لي كان السبب لكن هادشي ماحساتو مع حتى واحد من لي فالشركة كاملين من غيرو هو لي عجبها من اول نضرة و من اول كلمة قالها ليها .. حط الوراق قدامها و هي مزالة على نفس البوزيسيون حاطة يدها على خدها و حالة فيه فمها مىة تشوف فعينيه مرة تشوف ففمو .. ابتسم ليها و زااادت داخت ..
- عبد الجليل .." شير بيديه قدام عينيها" .. هيهوو .. نتمنى تكوني استفدتي مني شي حاجة !! ...
- رجوى .." "حالة فمها بشوية" "" .. هاا !!فهمت. فهمت .. و استفدت..
- عبد الجليل .." ابتسم بالجنب " .. مبانت ليا معاك لا استفادة ولا فهامة على وجهك ..!!!
-رجوى ..''حيدات يديها على وجها عرفاتو قشعها .. و ناضت وقفات" .. انا .. انا غانمشي لخدمتي .. شكرااا .." هزات الاوراق و مشات كتجري لمكتبها" ..
- عبد الجليل .." كيضحك و يدوي بالجهد" .. فوقتاش ما حتاجيتي شي شرح انا موجود .. ههههههههههه ..
خرجات تتعكل فحوايجها و خلاتو ميت علبها بالضحك وصلات لمكتبها و شحال سبات و لعنات فراسها على غبائها المفاجئ ..
- رجوى .." قلزات لراسها" .. هاااكي يا انا .. كون غا قمعك باس تدي ماتعاودي .. ثفوو .." جبدات دوك الوراق تتقلب فيهم لقات زوج ورقات بالحساب هوما لي مكتولين و كيتسناو السنياتور ديالها داكشي لي فيهم مفهوم و ميحتاجش شرح. . و الباقي كلو خاااوي .." .. اويلي على غدايدي ..تشوهتي يا رجوى يا بنت الهلالي .. تشوهتييي ..😨
كمل عبد الجليل قهوتو و هز تيليفونو طل فيه لقى اتصال من عند خولة .. ! طلع حاجبو باتعجب و عاوداتصل بيها تاني مرة عاد حاوباتو ..
- عبد الجليل .. وي خولة ياك لباس؟؟
- خولة .."بتردد"لا والو غير كنت بغيت نسول فيك !! صباح مابنتيش ليا تسنيتك و ماخرجتيش و قلت ياك ما مريض ..ولا شي حاجة ..
- عبد الجليل .." تكى على الكرسي .." .لا يا خولة يا صغيرة .. مامالي والو .. هههه غير تعطلت و صافي .. داتني عيني الصباح ..
- خولة ..امم واخة .. اوا كي دير .. !!
- عبد الجليل .. الحمد للّٰه .. و نتي لباس عليك دروسك كولشي هو هذاك ماحتاجاش شي حاجة ..!!
- خولة .. لا مامحتاجة والو ربي يخيليك ..
- عبد الجليل ..واخة .. الة ماعندكش شي حاجة مهمة انا مضطر نمشي دابا عندي خدمة ندويو من بعد واخة !! ..
- خولة .. اهاه .. واخة .. خليت ليك الراحة
- عبد الجليل ... وليك حتى نتي ..
قطع معاها و رجع رايو للور .. جات فبالو ديريكت المى .. يا ترى شنو غاتكون كدير دابا .. و كيفاش بلان الفيلم .. نفض رايو من هاد الافكار و شد خدمتو يتلاها فيها و كل مرة يطلع راسو للبيرو ديال رجوى كي يلقاها كاتشوف فجيهتو كادور وجها فيساع .. خلات نهارو مازاروش الملل بتصرفاتها ..
دخلات لريسطو "karma" بكبريائها المعهود .. رجل قدام رجل .. عينيها فالسما .. و و كل شوية كاضرب بشعرها للور .. لفتات انتباه عدة اشخاص .. جمالها طبيعي عادي لكنها كاتلعب عليه .. كينين ناس كاتشوف فيهم كيجيوك زوينين واخة هوما فالجمال ديالهم مكينينش بزاف تالحوايج لي مختلفين .. ولكن ديك الشوفة فعينيهم و الثقة لي كاتكون نابعة منهم كاتولي تحسسك بلي هوما أجمال الناس .. حطات صاكها بطريقة راقية و جلسات حاطى رجل على رجل و معوجة رجليها باش ميوصلوش للطبلة .. .. شيرات للكارسون فيساع جا عندها طلبات موكاتشينو و هزات المجلة لي جايبة معاها كاتقلب فصفحاتها بصبيعاتها .. جلسات مباشرة قدامو و داكشي لي بغات وصلات ليه .. لفتات انتباهو .. و حط عينو غير عليها كي سمع تقرقيب طالونها .. كان شاد كتاب كيقرة فيه .. سدو و حطو فوق الطابلة و بقى كيتأمل فيها .. مدة عاد نزل عينيه خذا كتابو و كمل على قرايتو واخة شوشات ليه راسو .... كانت حاسة بيه مراقبها .. ابتسمات فنفسها بثقة و حطات المجلة بينما جاب لها السيرفور الطلب ديالها بدات تتشرب بشوية و مرة مرة تتطل عليه بنص عين طبعا بلا ميعيق عليها و لا كدوز عينيه و كاتلقاه كيشوف فيها تا هو بلا ميبين ..كانو لي كارد ديالو واقفين على برا هوما اول حاجة شافت .. بقات جالسة مدة .. شوية ناضت لطوليط دازت من حداه ماشافتش فبه طلع فبها عينيه و بقى متبع ليها العين حتى وصلات .. حط الكتاب ديالو ناض صايب حوايجو قبل ما يلحق عليها .. دار راسو تا هو غادي لطواليط .. تسناها تا قربات تخرج .. و كي خرجات دار باش يدخل لي طواليط ديال الرجال دار راسو مشافهاش حتى تزادح معاها كانت غاطيح و شدها من خصرها طلعها لعندو تا وقفات و شدات فراسها ..
- ناجي .. عفوا .. لا تواخذيني ..
- المى .." ابتسمات ليه" .. لا ولا يهمك ..
-ناجي .." طلع فيها حجبانو" .. الأخت مو مغربية!!!
- المى .." وسعات ابتسامتها" .. لا مغربية .. لكن بحكي كل اللغات ..
- ناجي .. هذا شغل ولا شو!!
- المى .. "ابتسمات بغرور " ..ثقافة عامة..
- ناجي ..هههههه .. ما تعرفنا شو اسم الحلو؟!
- المى .. المى. .
- ناجي .. اسم اجنبي .. اممم.." مد ليها يديه" .. ناجي عبد الله ..رجل اعمال لبناني..
- المى .." مدات ليه يديها خذاها باسها بلباقة" ..اهلا ..
-ناجي .."التسم ليها" كثير متشرف بحضرتك ..
- المى .."بدلع" الشرف ليلي..
-ناجي ..ايه لكان تسمحيلي اعزمك على فنجان قهوة .. او نتغدى .. شو ما بدك!!
- المى .. اي .. ليش لاء .
-ناجي .." نحنى بلباقة و مد يديه" .. انساء اولا ..
ابتسمات بانتصار و هزات حاجبها عاد زادت قدامو جلسو فالطابلة لي كانت جالسة فيها و طلبو غداء ليهم ..
- ناجي .. ما قلتيلي بشو بتشتغلي!؟
-المى .." حطات الفورشيط من يديها" .. انا مودل .. و ممثلة ..
-ناجي .. ممثلة ..اي بشو مثلتي لكان!!
- المى ..هذا اول فيلم ليا .. مشان هيك انا هون ..
- ناجي. . " بابتسامة ساحرة" .. اي وجك لابق كثيير لا الشاشة. .
- المى .. " ابتسمات بدلال".. ثانكيو .. هذا لطف منك.
-ناجي .. تقبر قلبي هالضحكة ..
- المى .. ههههههههههه. .
تغداو فجو ديال التعارف .. لا هي سولاتو على عائلتو لانها ديما كاتبغي تخلي الحوتجز .. واا لا هو زاد قال ليها بلي مزوج ولا عندو وليدات ..تغداو و كملو غداهم بعد جماعة لي من خلالها تعارفو على بعض و عرف بلي تا هي فنفس الاوطيل لي بارك فيه. .
-المى .. انا لازم روح ..
- ناجي .."خزر فبها" .. و الله مو قادر سيبك تروحي ..
- المى .. ههههه مش لهي الدرجة ..
-ناجي .. تكى على الكرسي و دار صبعو فمو " .. دخيلك و أكثر و الله.. اي .. اكيد بتقبلي دعوتي على العشا !!
- المى .. للأسف ما بقدر .. لازم نام بكير لأصحى بكير ..
- ناجي .. بوعديك مارح أخرك .. اساسا احنا بأوتيل واحد .. بنتلاقى هنيك .. و نتعشى كمان هنيك..
#يتبع ..