عاشقة الثراء💸مكتملة💸

💸الجزء 183💸والأخير💸

عاشقة الثراء
"ليالي نسيم "
النهاية
-ملِك قلبي-
قصر الهيلالي ...القصر لي كاان مثاالي فنظر النااس .. حلم شحاال من وااحد يدخل ليه .. هاهو ذاا .. مجرد حييطان عاامرة حموووم .. و اثاااثو لي كان حلم كل فتاة فداارها ... هاهو ولاا رمااد .. القصر لي حلماات المى تدخل لييه كعرووسة لولد اغنى عائلة .. ولكن لقاات رااسها دااخلةولييه كإبنة لديييك العاائلة .. القصر لي كان شااهد على ظلم عبر الأجياال .. فيه البناات كالقطييع .. ماعندهمش حق يختاارو ولا يقوولو لاا .. عندهم حق فحااجة وحدة هي يقوولو سمعااا و طاعة .. نهاار بغاات الناار تنشب فييه .. تا حد ما قدر يطفييها .. حتى طفاات وحدهااا .. حتى حرقاات كااااع الحييطاان .. و ماخلاات تا جناااح صحييح ..يمكن حيت عيااا !!! يمكن حيت طااقة التحمل عندوو مابقااتش !! حتى القصر مكاانش رااضي على لي كيطراا وسطوو ......
بعد هاد المصيبة لي طاحت على الهيلالييين .. كل وااحد مشاا لداارو .. تفرق شملهم .. الشمل لي كاان كيحاارب عبد العظيم انو يبقى مجمووع .. لكن انت ترييد و تنا ارييد و الله يفعل ما يرييد .. ربي شاايف و عارف ان دووك النااس ملازمهمش يعييشو مع بعض عيشتهم مجمووعين غاتجييب غير الحقد و الكره لبعضيااتهم .. ماكانش عند الجد شي اعترااض .. بعد ما تساامح مع جلال و اقنعوو انو يبقى معااه لانو خاايف على صحتو مابقى هموو حد .. خصووصا ان المكاان لي كاان جامهم مابقاااش ..و العاائلة ديالو ولات الصغييرة .. حيااة لي مافاارقاااتوووش .. المى و ااسر و جلال .. اما عايشة فكاان اختياارها انها تمشي تعييش فالداار لي شراات ليها المى فمكاان راقي و نقي قرييبة لخولة ..
بعد داك اليوم ..كل وااحد غااش حيااتو كيف تمنااها قبل .. خيم الهدووء .. جلال رجع لخدمتو الأصلية ولي هيا انتاج الأفلام.. طبعا بااقي كيدير شركاات الهيلالي ولكن ركز على خدمتو لي دار بعرق كتاافو اكثر .. اما المى فولات انساانة ثاانية من عاشقة الثرااء لعاشقة العائلة الصغيرة ديالها .. داك الحنان و الدفئ لي كانت مفتقدااه لقااتو فديك اللمة ديال العائلة ..أما عايلتها الثاانية و لي هووما وليدااات الملجئ فاهادي حكااية ثاانية .. ولات مهمة بالنسبة ليهم لدرجة تتولي دوور علبهم كامليين وااش رابطيين سيوور السبابط ديالهم ..ادق التفااصييل تاتركز فييهم .. حاسبااهم وليدااتها لي ماولداتهمش .. داكشي علاش أصرت على رجوى انها تتبنى بيبي من الملجئ منها دير فييه خيير و تحسسو بالدفئ ديال العائلة منها تعيش تا هي ديك الاحساس ديال الاموومة وااخة يكوون نااقص .. و فعلا سمعاات بنصيحتها و جليل من عادتوو مكيعترضش على اي كلمة قاالتهاا كيبغي يرضيييها فكل مرة تطلب منو شي حااجة داكشي علاش قررو يتبنااو طفل صغيير و يربييوه كأنو ولدهم ..
جلال و المى .. حبهم كيزييد نهاار بعد نهااار و عاام بعد عااام .. كااع لي كانو تيتمنااوه حققوووه .. و اهم حااجة كانت عندهم هي يعييشو حيااتهم و يرضيو نفووسهم و النااس لي تيبغييهم .. الحب ديالهم تعدى صعاااب كثاار و مشااكل أكثر .. ولكن مع ذلك بقى كيكبر كل ما المشااكل تتزييد .. داك الحب ل تنمى من سنييين هو لي بااقي بعد ما مرت سنيين ثاانيين .. المى و جلال ماكانوش فالحياة مجرد عابري سبيل .. خذااو حقووقهم بيدييهم .. و ماسمحووش للسييئن انهم يتدخلو فيهم ..عاشو حياتهم و قررو يكوونوو عائلة مثاالية لولدهم و وليدااتهم لي جايين فالطرييق .. ....
كيف العادة في كل منااسبة تتجمع العائلة مع الأصحااب .... خصووصا ان المنااسبة هي لكل سيدة فديك الحفل .. بمناسبة عيد الأم قرراات المى هي و جلال ينضموو حفلة من لامهااتهم .... حضرووها فالجرييدة و جهزوو كولشي على ذوق عبيير طبعا .. موسيقى هادئة و بوفييه مملووء زينة غالب علبيها الأحمر و ياسر تيجري فالجردة مامخلي تا بلاصة ما قااسهااش و عبير وراااه تتنگر
- المى .. الله ياا ولدي الله من الصباااح و انا نصاايب لييك فدووك الحواايج .. تركن ..صاايب الشوووميز ديالك .. يالله
- اسر .." كيعوج فمو يدوي .." .. وليدة .. قزيتيييينييي ..
- جلال .." جا من وراه و هز حطو فوق كتافو" .. مال المشااغب ديالنا تاني .. !!
- اسر .." عاجبو الحال و تيضحك .. شاد فشعر جلال " .. عننننننن عننن ..
- المى .. تا شمن عنن عنن ساايق طياارة .. نزل نصاااايب ليك حوايجك دابا يجييو النااس
- جلال .. خليه على راحتو ..و دييهاا غير فدووك لي فكرشك ..
- المى .." شادة كرشها لي وااصلة فمها" .. وا راه ولدك طير ليا الفرييخ ..
- جلال .." قرب ليها و باسها فجنب شفتها" .. توحشتك الخايبة ..

المى .." ضرباتو لصدرو" ..الله يمسخك ولدك فووق كتافك .. " مزاال ما كملات هضرتها و سمعو الجرس ديال الباب ..." .. اوا شتيييي داباا هااااهوووما جاااو .. نزل البعلوووك صاايب ليه حوااجوو ووهو دير بحاال الصويري فياامااتو ..
-جلال .. ههههههههه .. السبع ديال باااااه .. " نزلو " .. اش هاد الحالة!! ااش هاد تبوگيصة!!
- المى .." جلسات فوق الكرسي و حطات يديها على حنكها" .. اويلي على فقاايصي اناا ..
- خولة .." دخلات مع الباب بعجاجتها .. جارة زووج وليداات فيدييها وااحد صغر من ااسر بشوية و واااحد يالله تيتعلم يمشي .. " هاحنا جيينا ولا تقوولو مااجيينا ههههه ..
- المى .. مرحباااا ..
- علي ..." حط داكشي لي كانووجايبين معاهم .." اهلا سي اااسر .."مشاا عندو ااسر تيجري عنقو" ..
دخلات رجوى كذلك مع الابن ديالها بالتبني و لي تا هو كبر ولا كيديير حقوو فالبسااالة .. اماا ثوورية فاا يالله فكاات الحصاار فااتو ست سنين على زوااجهم عااد بالكشاايف قبلااات تولد .. لسي محسن ولي العهد .. كانت حاملة فشهرها الساادس و عااطيااها غا للنگيير هي و يااه كيف العاادة
دخلوو كااع الضيوووف و جلسوو شدوو امااكنهم .... ضحكو و لعبوو و نشطوو دازت امسية زويينة خلقوو فيها السعاادة ينااتهم .. من ديما تيتجمعو فالمنااسباات داكشي علااش تتحرس المى انها ماتفلت تا لحظة ممكن تعييشها معاااهم ..
- جلال .. بما اننا مجمووعين .." تكحاز لعند الحاج" .. و بما انه ااحااج معانا الله يطول لينا فعمرو و يعطيه صحيحتو .." باس ليه يدو". .
- عبد العظيم .. الله يرضي عليك اولدي ..
- جلال .. رؤياا جاها واحد العرييس .. طلبها مني .. انا گلت لييه ماعندي علاقة .. شووف مع الحااج وااش يعطيها ليك ..!
- جلال .. رؤياا جاها واحد العرييس .. طلبها مني .. انا گلت لييه ماعندي علاقة .. شووف مع الحااج وااش يعطيها ليك ..!
- رؤيا .." غات تنوض .." ..ضرووري تعكر. عليا الجو .. قلت ليييكم مابغييتش نتزوح .. ماشي كل مرة غاديرها ليا اجلال ..
- عبد العظيم .."خنزر فبها" ..جلسي لرض ..
- جلال .. غا لي يملخ مك!! تا تعرفييه شكونوهو بعدا؟؟
- عبد العظيم ..شكون هذا اولدي!!
- جلال .. واحد صااحبي الحااج .. سمييتو فهد لورينزو .. كان عايش على برا .. " شااف فرؤيا" .. و دابا قرر يرجع للبلااد .. صغى خدمتو تماا" غمز رريا" .. و جا يبدا فالمغرب.. و اول مشروع ليه غاندخل معاه شريك ...
" رؤيا .." جلسات مصدومة" .. فهد فهد!!؟
- جلال ..فهد فهد ..اش گلتي!!
- رؤيا .. نتا مواافق؟؟
- جلال ..ايه الالة موافق .." قرب ليها" .. واش بااغة ديري ليا فيها ماعاارفااش ولا عند باالك ماعارفكش رجعتي ليه ولا كيفاش ..
- رؤيا .. " برقات عينيها" .. صافي .. صافي موافقة ..
- عبد العظيم .." بفرحة" .. اوا مبرووك ابنتي ..مبرووك علييك .. ملي جلال تيعرفو اكيد غانكون مطمئن ..
- رؤيا .. يخجل .. " .. ربي يخليك لينا الحاج .." باست ليه يدو" ..
تعالت الزغارييد من حيااة و عايشة لي كانو معلماات فالتزغرييت .. و بدااو المبااركاات من البناات .. صبراات ست سنييين كااملة و فالأخير نالت حبيبها لي بغااتو من قلبها و لي تا هو لقى رااسو رجوعو ليها .. كي صفى حساابااتو و لي كلفوووه بزاااف ..رجع ليييها و رجع معااه الام ديالو بعد ما توفى بااه.. كملات فرحتهم لي كانت نااقصة ..
و نااضت المى ااسر لي كاان دير ليهم لومبيوونص .. دااتو لجهة الطبلة لي كان فيها الورد و عطاتو مجموعة من الوروود ..
- المى .. هانتا ركز معايا ..هادي عطييها للميمة .."حياااة" و هذي عطييها لدادا كاروولينااا ... و هذااا لميمةة عايشة ..اوكي حبيبي
-اسر .." اوكي مامااا ..
اتجه ااسر لعند الميماات الثلااث و فرق علييهم الورد كيف طلباات منهم المى لي جلسات بعيد عليهم و حطات يدها على خدها .. هااادو هووما لي كانت بغاات فحيااتها .. فقط النااس لي كيبغييوها .. علاقتها معااهم فاقت الحدوود .. تنهداات و داز شرييط حيااتها قداام عينيها .. كيف كان ذاك العمر لي مضى و مابقااو منوو غيىر الذكريات ..
حمدات الله على نعموو علبيها .. طوات صفحاات المااضي لي كاانو واخديين منها الفرحة و مخليينها وحدة اخرى غير نفسها .. سنوااات من حيااتها ارهقت نبضات قلبها بكثرة المطباات و الصعااب لي واجهااتهم.. سنوات خذااو منها الكثييير لكن فالاخير عطاوها اجمل نعمة و هي العائلة ..ابتسماات بسعاادة كي حساات بيدين جلال على كتفها .." ..

- جلال الزين ديالي فين سارح؟؟
- المى ..." اوباتو و البرقي ساطع من عيونها" ...فيييكم .. الله يخليكم ليا ..
- جلال .. كانگوول لديلمك ديما ماتبقاايش تجمعيني. معاهم. .
- المى .. هههههههه نتاا راك الحتة الشماال ديالي.. جلال .." خذا يدها باسها" .. و نتي كولشي .. كون ماكنتيش نتي مكانش هادشي كلو غايكوون .. كون ما وقفتييش فضهري و ساندتيني و نهيتيني عن الخطأ .. كون ماكنتيش نتي لي رجعتيني للعائلة ماكنااش غانكونو مجموعين .. الله يخليك ليا يا نور العين ..
-المى .." ابتسماات ليه و حطات يدها على لحيتو .. " .. كانبغييك ... و غانبقى نبغييك لآخر نفس فيااا.
- جلال .. ... ن.." يالله بغا يرد عليها و هو يحس بسروالو تيتجبد .. نزل عينيه لقى ااسر تيجر فيه .. " .. اااش تم تااني نتا !!
- اسر .." مزير على رجليه" .. وا بغبييت نديير پيپييييي ..
- جلال .." شاف فألمى لقاها تضحاااك" .. ضحكي لمك نتي .. ههه ..
هزو من قرفاادتو و اتجه بييه لطوااليط اما المى رجعاات جلساات معااهم قدماات الهداباا لعاايشة و حيااة و كاروليينا لي مارتااحت و قدرات تاخد نفس حتى رجع كماال فحاالو لداارو و خواا البلااد .. من الأول عمرو حس بألمى ولا حسسها بأبوتوو .. و خلق لنفسو حيز بعييد علبيها .. داكشي علااش .. تا هي ما اهتمااتش لييه ولا لوجوودو ..
عيطاات المى على الخداامات يبداو ينزلو العشااا .. بينما رجع جلال و ااشر .. و فعلا ما هي الا دقاائق .. يالله تجمعو على المااكلة و هي تجي صبية فعمر الزهووور اااية فالجماال تحطات علييهم تا ضاارو كامليين خلعاتهم ..
- جلال .." خزر فيها" .. فين تعطلتي!؟
- توليب .. صووووري داااد .. راك عارف ..عندي درس ديال الموسيقى .. مامتيييي .." مشات عند المى عنقاتها و جبدات من جيبها سنسلة ذهبية منقووشة على شكل نغماات .." كل عاام و نتي اجمل ام ..
- المى .." خذاتها من عندها بفرحة .." الله يخلييك ليا حبيبتي .. " باستها و عنقاتها". . ا
-توليب .. و داااباا غانغنييي لييكم بهااد المنااسبة .. يالله تبعوو معايااا و غنييو معايااا .. ..
جرات كرسي جلسات عليه و خذات الگيتار ديالها و بداات فالعزف و الغنااء و طبعا بالمنااسبة لي مجمووعين علييها ختاارت أغنية عن الأم ..

أنتي الامان ...أنتي الحنان
من تحت قدميكي لنا الجنان
عندما تضحكين تضحك الحياه
تزهر الامال في طريقنا
نحس بالامان
أمي أمي أمي
نبض قلبي نبع الحنان
أنتي الامان أنتي الحنان
من تحت قدميكي لنا الجنان
من عطاكي تخجلين
أبدا لم تتمملي
يا شمعت دربي
يا بلسم الزمان
أمي أمي أمي

هاد الباارت اهداء الى تلك التي رأت في الحياة ما رأت ..و بقيت على كبريائها تقاوم .. اهدااء الى حبيبتي التي لم و لن تنكسر يوما ما .. الى التي أستمد منها قوتي.. الى التي لم تتخلى عني يوما و كانت أوفى صديقة .. الى التي تاتي قبل البدء .. قبل الكل .. قبل القلب و قبل القبل
أحبك أمي ⁦❤️⁩
الى جميع الامهات لي معانا هنا كل عيد أم و أنتن نبع الحنان 🌹🖤
#النهاية
#عاشقة_الثراء
#ليالي_نسيم

#تمت_بحمد_الله🌹⁦❤️⁩