عاشقة الثراء💸مكتملة💸

💸الجزء 55💸

عاشقة الثراء
"البارت 55"
...ليالي نسيم...
-أهرب منك إليك-

- علي .. " شد فيدها كيلعب ليها فصباعها و حاط يد اخرى على كتفها ضمها .." .. اش طرا من ااخر مرة شفتك فيها ..
- خولة .. " تنهدات و دورات راسها تقابلات مع وجهو" ..طرااا بزاف ..😔..
- علي .." طلع يدها باسها من الداخل خلاها غا تتبحلق" ..قولي ليا شوية من هاد بزاف
- خولة... عبير خرجات من الدار ..
- علي .. " عوج سيفتو'' .. لي فبالي سافرات مع جلال ..
- خولة .." حطات يديها على عينيها و حماتها للبكا .. فحال لا كانت حابسة راسها تا تبكي على كتفو " هءهءه😭😭 .. عمرها ماغاترجع عندنا لدار .. تا حد مكيعرفها كي كنعرفها انا .. هي كاتبان فشكل ولكن نفسها حااارة .. حااارة بزااف ..
- علي .. " خلعاتو فاش بدات تتبكي " ..ياك لاباس .. شنو وقع لهادشي كلو؟؟
- خولة .. هي و ماما ترادو فالهضرة و قاالت ليها هضرة جرحاتها بزااف انا عارفاها جرحااتها كثر من القياس .. و مشاات من داار محرووقة ..و ماغاتعاودش ترجع ..و حتى ماما كثر منها ندمات على لي قاالت ..
- علي .." عنقها و كيطبطب عليها" .. ديك ختك مكنرتاحش ليها ..ولكن خصها تعرف رايها بلي الواليدين واخة يقولو لي يقولو كيبقاو واليدين ..
- خولة ..ماشي ديما .. 😔..." نزلات راسها تتمسح دموعها "..
- علي .."عنكش ليها شعرها" .. صافي مابغيتكش تبكي ..مجيبكش هنا باش تبكي جايبك تفوجي ..!!
-خولة .."ابتسمات ليه" .. اوكي .. هه .. قول ليا كي بقيتي بعدا؟؟
- علي .." حط يدو على حنكها .. هو هداك .. جلسات حداايا حبيبتي حتى تشافيت كي غانكون؟؟
- خولة .." تزنگات" .. ماتبقااش تقول ديك الهضرة .. حبيبتي ما حبيبتي .. ويلي ..
- علي .." باس ليها يدها" .. حبيبتي .. راني قلت لك بغيتي .. مابغيتيش .. حبيبتي .. و ديالي و الزامل بوه هذا لي يقول العكس يجي يوريني راسو ..
- خولة .." خزرا فيه" .. بااز باااااز ..
- على .." هرها فجنبها" ..اش قلتي ليا قبيلة فالتيليفون؟؟ امم .. غرتي ولا كيفاش ..
- خولة ..غرت؟؟ من شنو بالسلامة!!! على فكرة انا لو كان بغيت ندير معاك علاقة غير شرعية غانديرها .. ماعنديش لاش نغير .. لكن انا مباادئي مكتسمحش ليا ..!! اوكي .. ماعندي من ااش نغير من علاقة خااارج نطاااق الشرعية درتيها مع وحدة ..
- علي .. ههههههههههه ولكن غرتي .. ماشي العلاقة لي خلاتك تغيري .. انك تعرفيني مع وحدة غير .. هادشي لي خلاك تغيري ..
- خولة .." غضبات و بغات تنوض" ..حراام الجلسة معاك اصلا.. حيد عليا بغيت نبعد خنقتيني ..
- علي .." جرها بالجهد و زير على دراعها" ..دابا واش باغية تفجي فيك الناس ولا شنو!! ريحي باراكا من الضسارة .. ..
- خولة .." ربعات يديها و دلات شفايفها بطفوولية " .اووووف ..
- علي .." حابساه الضحكة" .. دابا قوولي ليا غرتي ياك ..
- خولة .." زمات شفايفها و بغات تنووض" ..خريييت ..
- علي .. ههههههههههه ...حاشاك البرهووشة. .
هكذا بقاو مناگرين حتى جاب ليهم السيرفور داكشي لي طلبو ... فديك الوقيتة .. و ملي دخلو و كيف دخلو لقطوووهم زوووج عينين بسم و غل و حقد .. طبعا هوما ماشافو ولا قشعو حتى حاااجة .. بقات حاضيااهم بعينيها و مخبية رااسها باش ميشوفهاش علي ..حتى بانت ليها خولة غادية لجهة الطواليطات .. عاد ناضت تبعاتها من الجهة الثااانية باش ميشووفخاش علي ....
دخلات و سدات الباب ديال الطواليط .. كانت خولة تتغسل يديها فالافابو .. وقفات قدامها و لاحت الصاك بطريقة مستفزة حدا المراية ..
- خولة .." شافت فيها كانت واقفة ديرة يدها على خصرها و تضرب برجليها ناهيك عن عينيها لي كانو طالعين نازلين عليها" ... كين شي مشكل؟؟
- سرور ..معقلتيش عليا ازوينه؟؟
- خولة .." نشفات يدها" .. علاش فايت تلاقينا؟؟
- سرور .. شوفي فيا مزيان؟؟
- خولة .. نو معرفتكش .. يمكن انا لي تشابهت ليك سمحي لي .." بغات تخطاها"...
-سرور .." رجعاتها من دراعها" .. لالالا احبيبة اجي هنا فاين ماشية ..انا متانغلطشااي الحبيبة .. انا عارفااك مزيااان ..ياك نتي خولة خت المى ..ههههاوا انا راني متنغلطش ..فايت ليا حذرت ختك من علي .. و قلت لها تقول لك بعدي عليه ..يمكن ماوصلاتش ليك الميساج فلندن؟؟
- خولة .." نطرات يديها منها" ..اه .. نتي هي .. اوكي ههههه" ربعات يديها" .. اوا ابب ياك ما داروك واصي عليا و انا مافخباريش؟؟ هاا؟؟ نتي شكون تا تقولي لختي تقول ليا نبعد على علي .. عند باالك انا غانخاف منها ولا كيفاش .. و نتي اصلا شنو مشا ليك نبقى معاه و لا لا؟؟
- سرور .." ضحكات بغل" .. هذااك كيخسني .. دياااالي قبل ماااتجي نتي البرهوووشة ديال البااارح .. لحستي ليه الدماااغ ..
- خولة .." حطات صبعها لين عينيها" .. حداااك تم .. لا تشوفينب هكذا يصحاب لك كنحشم و لا كنسكت ..!! لا يا روووحي لي مزال ما شتيه انا نقدر نورييه ليييك جمعي كرك لا يضرك ...😡😡
-سرور .. هاي هاي هاي على القحبة تحل ليها الفم .. شفتي اكبيدة هاد الطبوون لي عندي و عيااا منووو كان يحووف علييه و مصييرك ازوينة يرميك رمية الكلاااب..
- خولة .." عصباتها" .. كيف مااا رماااك نتي أطاطاا .. نووو منضنش .. حيت ماااش يانا لي تنجري وراااه و تابعاااه هو لي تيطري وراااياا .. هاااد الطبووون لي عندي .. ماغانعطيه ليييه تا يكووون يستااهلو ..شرعاا و قانونا ... يالله رووول .. رووول من قدااامي .. أشكاال كي ديرة .. ديرو العز شوية لرووسكم .. طيحتو علينا الدل .. يخ تفوو ..
دفعاتها و خرجات مكشكشة .. بان ليها علي جالس فالطبلة كيف ما خلاتو .. ابتسمات باش تحيد عليها التوثر و مشات عندو مامبيناااش ليه حتى حاااجة نهائيا .. و ناوية تعاند سرور ...
امااا سرور .. وقفات قدام المراية تتشوف و تشوووف .. عينيها عمرو بالدموووع قهراتها بهضرتها ..
- سرور. . الى بقاات فيييك مانطووونش انااا سرور .. ترييكة كي ديرة .. الكبيرة دور بمول شي .. و الصغيرة دوور بصاااحبو .. هههه .. لقييتو دجاجتت بكاموونهم القحااب .. مانكووونش انااا سرور الى خليتهم لييكم ...
فات أسبوع أكثر من الحلم بالنسبة لألمى .. عينيها ولاو كيخرجو القلووبة كي كتشوفو سي جلال .. كل نهار كيدييها تستكشف مكان جديد ..و مغرقها فكوولشي هداياا .. حب .. جنووون .. اي حاجة محتاجاها الأنثى ..صعيب على بزااااف تالرجال يفهمو حوااء .. لكن جلال .. دارسها مزيااان و عارف احتياجاتها .. من عينيها كيعرفها شنو تتبغي و شنو تتكره اااش غاتحتااج اي امرءة كيف ما كانت تكووون غير حضن يضمها ..غير وااحد يغمرها بحبووو ..و يقضي معاها وقت مميز تحس براسها ليست كسائر النساااء بتلبيسة طلباتها .. و اي حاااجة خاطرها مشاات ليها ....شنو محتاجة اكثر من واحد يحسسها بالإعجااب فكل تفاصيلها ..ولو ميقوولش بالكلاام .. مجرد نضرة منو تفي بالغرض .. اشنووو غاتحتاااجي اي وحدة من غير انها تشووف الطرف الثاني مدمن عليييها و يقدر يبقى معاها اطول وقت فحياااتو و بلا ميفتح تيليفونو ولا يتوااصل مع اي كااان حتى عائلتو ...فقط هي .. ثم هي ثم هي .. و هادشي لي جلال تيدير فيه معاها طول هاد الاسبوووع .. و فنفس الوقت رااد معاها باال .. حييت عاارفها اش تتسوا .. عاطيها الحب ..لكن ماعاطيهاش الأمان ..