عاشقة الثراء💸مكتملة💸

💸الجزء 69💸

عاشقة الثراء
"البارت 69"
...ليالي نسيم...
                   -أهرب منك إليك-

فبلاصتها تتقلب على النعااس لي حلف لا يزوورها .. و دقات قلبها حاااسة بيهم طااالعيين بزااف و دووخة مخلية غيمة على عينيها ...حاولتت تنعس .. و فالأخير قدرات تغمض عينيها بسته و ستيين كشيفة ..، اما جلال كان تيغلي و يفووور  من الطريقة بااش دوات معاه المى ..مكرهااش تكوون قداامو بالحق حس فصووتها رنه غرييبة علييه .. مبحوووحة و فحال لا حلقها مجروح .. نزل هو وعلي للبار و حواجبو معقووودين .. مشاو ريحو فكوان بعيد على البشاار .. تلاح بإهمال على الكنابي .. .. شير على السيرفور لي جا عندو تيجري .. خذا منو الطلبية لي كان الكوكتيل الخاص ديالو لي كيتكون من مجموعة ديال الانواع تالخمر بااش يقواا ..و خذا طلبية علي تا هو ..
      -علي .. غاتقب معايا الورق العشير ..
      - جلال .." كان تيخرب فتيليفونو و هو يطلع فيه حاجبو بعدم فهم" .. كيفاش؟؟
      - علي .. " كيحك راسو" .. ماشفتيش راسك كي دويتي ليا مع المداام .. تا حد ما يغوت عليها من غيري ..
      - جلال .." شاف فيه بديك الشوووفة ديال سكت ولا ترعف .." ..نوض قود عليا الله يرحم بااك ..
      - علي .. "باغي يخرجو من الموود" .. اودي دابا واش مالقيتيييهاش ..!! اوا مالنا!! كون تصلتي بدارهم من اللول ماتركبش فمخك العصااب!!
       - جلال .." كيحك لحيتو" ..مامرتاحش .. شي حاجة تم ..
      - علي .. " باستفهام" .. متعلقة بمرتضى زعما؟؟
     - جلال .." حرك رايو بالايجاب ..و شد الكاس ديالو من عند السيرفور" ..
       - علي .. وااا صاحبي انا مافهمت فيك تا وزه!! .. كيفااش مخليها ليه يدير فيها مابغى ..
      - جلال .. سمعت هضرتها معاه .. عارفها ندمات .. ولكن بربي مانخليها دوز ليها طريفه ..ماشي جلال لي يداار دمدوومه ..
      -علي .. دابا انا لي فهمت قلتي ندمات.."شرب من كاسو" .. و ملي ندمااات اصااحبي واجهها .. حطها قدامك و گول ليها افلانه ها اش درتي و اش درتي ..ضربها كااع لا كنتي غاترتاح .. دير فيها ما بغيتي كيبقى حقك .. غير هاد القضية ديال تخليها ليه مامريحانيش ..
       -جلال .." كيحك لحيتو" ..دابا هدفي ولا كبر .. ناوي نطيحو فالفخ لي نااصبو ليا .. و بيهاا
     - علي .." بعدم فهم" .. كيفاش زعما!! غاتستغلها تا نتا!!!
      - جلال .." حرك راسو بالايجاب " ..فالاول كنت كنگول غاتحس بلي كنديرو ليها و غاتخلي ولد القحبة يعووم بحرو .. ولكن هي عااد ما زاادت فبييه ..اذا ضبر راسها ..
      - علي ..مامتبقكش .. و عارفك ماغاتخليهاش ليك .. دكي الهضرة غا خليها عندك .. وجهك معاها شفتوو گبيلة فاش كنتي مخلوع عليها بلا ماتحاول تلعب عليا ..
       - جلال .." شرب كاسو دقة وحدة" .. بربي واااخة نكوون ميت عليها جازااتها غاتاخدو .. ماعنديش التساهل مع الخونه....
     - علي .. " صغر فيه عينيه" .. و نهار تعرف بزواجك!! ماحسبتيش ليه حساب .." كان جلال غايدوي و حبسو علي". . ماتقولش لياديك الهضرة ديال تدوز الوقت بحالها بحال خوتها .. رانييي عاارفك و حاافضك و من نهار بديتي دخل و تخرج معااها مااوليييتي حطييتيه فشي قح**. .. حافضك انا راه العشرة دالعمر ماشي نهار و لا يومين .. و هادي الدرية ديالك لي نتا حفيييتي تتقلب عليها نسيتي فااش هربتي فالاعداد و مشيتي تقلب عليها !! ماغانعاودش نفكرك فهاادشي وانا ديك السيده ماعنديش معاها ولكن عارف معدنها حر... داكشي علاش مضيعش الوقت فاللعب مع مرتضى بالدرية .. ماشي هو يلوح فيها من جيه و نتا تردها ليه من جيه .. لاعبين بيها الكرة .. " سكت شوية و عاود دوا" .. هادشي مكنتش باغي ندخل فيه ولكن مكنبغيش نشوووفك تتغلط مع درية نتا ميت عليها من الصغر .. و تزيدها مزوج الى عرفات غاتكفر عليك .. و اذاا عرفااتك كااع عاارف هادشي و تتلعب عليها ... واهيييليييي فين غاتفكها .." شاف  فيه تا عياا' هزيت يديع معاك اصااحبي..  تتقللب تا عييتي فاللخر ترميها للعدو ..وا العفوو اخوويا العفوو ..
  ماعاودش جاوبوو .. بقى تيشووف فيه مدة و دور وجهو .. كلامو كان صحيح .. مافكرش شنو غاتكون ردة فعلها لو عرفاتو مزوج .. و شنو غاتدييير لا عرفااات توليب لي تتحماق عليها بنتوو ..حط يدو على جبهتو تيحك فيها و مع ذلك ماباااغيش يتنازل على قرارو انو يقلب عليهم الطبلة بزووج و يعرفهم انهم مكيتعاملووش مع واحد سهل يضحكو عليه ...
   «على العمووم لم يكن قلبي خاليا من الأحزان ..
      انت فقط كنت القطرة التي أفاضت الكأس»