عاشقة الثراء💸مكتملة💸

💸الجزء 24💸

عاشقة الثراء "
"البارت 24"

-ألمى-
مر يوم كلو عااادي لا جديد فيه من غير ان المى مشى ليها الضحية لي كانت تتبروفيتي فيه و جلسات فالغرفة ديالها بملل النهار كلو و هي مقابلة وسائل التواصل الاجتماعي ..حتى عشاها طلباتو للغرفة .. و جات سرور دوزات معاها الليلة تعشات معاها عاد مشات للغرفة ديالها ....
#صباح جديد فاقت المى كاتكسل و حاسة فعضامها تقااال عليها بزز باش فاقت خصوصا ان احلامها الي ديما كيراودوها واخة نقصو مؤخرا ولكن البارح رجعو نفس الاحلام على غفلة .. ناضت معنكشة مم بلاصتها فتحات البالكون عاد مشات للحمام خذات دوش خفيف كيف كل صباح .. و حكات سنيناتها .. طلقات الفطور عاد مشات مسحات حالتها و لبسات حوايجها لي كانو عبارة عن ..شورط قصيور أود و بودي تا هو لاسق عليها في نفس اللون .. دارت مكياج خفيييف لي مغاسديعش ليها مع السخونية .. و سرحات شعرها .. دارت كاسكيط مقلوبة في راسها و لبسات سبادري أبيض .. رشات بارفانها يالله كملات و هوما يدقو عليها الروم سرفيس دخلو ليها الفطور .. حطوه ليها و خرجو .. كملات حالتها و ناضت جرات الكروسة ديال الفطور ديالها تال البالكون و جلسات تكات على الكرسي و حيدات السيغفييت لي كان مغطية بيه و هي تصدم ..
كانت الطبيلة الصغيرة فيها الفطور لي طلبات و حداها وريدة حمراء .. و طبيسلة فيها مربعات تالكراميل وسط منهم بواط صغيرة فالأسود ديال الجلد .. خذاتها و كي فتحاتها حلات فمها كانت عبارة عن اسوارة ذهبية فينها نجيمات و منقوشة بزخارق راقية .. بقات غا تتشوف فيها .. ماعرفاتها لا مناين جات و لاش شكون صيفطها .. هزاتها و ابتسمات .. لبساتها فيديها و هو يبان ليها فجنب الوردة ورقة حمراء .. هزاتها كاتقرا فيها ..كانت مكتوبة بالذهبي تا هي .." هاد البوم كيما هو محفور فذاكرتي .. بغيتو يتحفر فعقلك ..13 غشت .." .. كانت هاي هي الجملة المكتوبة ما فهمات فيها والو .. هزات الزرقة و نزلات تتجري للاستقبال ديال الفندق ..

#قبل_ساعات ...
كي فاق جلال من النعاس ناض من فوق النموسية طرطق عنو دخل للدوش متقااال بالنعاس .. خشا راسو فلافابو تحت الروبيني طلق عليه الما .. غزل زجهو و هو راسو حلى الما دايز من ضهرو و صدرو بلا ميمسح ...خرج لبس حوايجو لي كانو عبارة عن شورط فالأسود و تيشرت فالخزي .. لبس معاهم فانس فالأبيض و كاسكيط فالبيض تا هي .. دار ساعتو و هز تيليفونو كي شاف التاريخ ديال اليوم .. مشاليه عقلو دييركت لأول يوم عايشوف انجل ديالو .. اول مرة تحطات قدام الملجأ ..بالنسبة ليه كان داك النهار مميز لدرجة كبيرة .. حط تيليفونو فجيبو و هز بزطامو تا هو لجيبو و خدا السوارت تالطونوبيل من تما ديريكت خرج لگيليز مشى عند شي واحد تما معروف بالمجوهرات الثمينة .. كي دخل عندو طاحت عينو على اسوارة ذهبية تخايلها على يديها مع لون الكراميل ماغاتجييش مع حتى حد من غيرها .. طلب هاديك القطعة و لي كانت بوحدها ماعندهاش نسخة ثانية .. خلصها و زاد خلفة مع الطريق قبل ما يمشي للاوطيل داز لمكتبة ياخد الكارو ديالو .. حيت كانت مكتبةعلى شكل كيوسك ..بانو ليه زريقات حمرينمع ستوات فجنبهم .. خداهم تا هوما و تحرك ديريكت للفندق و طلع لبيتو كتب فالورقة و اتصل بخدمة الغرف ...
- جلال .. الانسة المى لي فالغرفة 302 طلبات الفطور ولا غاتنزل تفطر التحت .؟؟
- الموضف.. طلباتو امسيو .. راهم كيوجدوه ليها ..
- جلاا .. ام .. داكور .. " مد ليه البواطة " هادي غاتحطها وسط شي حاجة فيها مربعات ديال الكراميل .." مد ليه الوردة" .. و هادي غادي تحطها مع وردة .. نتا غاتعرف كيفتشاش تقاد داكشي .." جبد ميتين درهم دارها لو فالجيب و غمزو" .. يالله سير ..اه و الى سولاتكم ..قولو ماشفناش .. و لا شخص مجهول ..
شكرو و خرج دار لي قال لو اما جلال .. جلس حط رجل على رجل مقابلها من التلفازة ..لي شافها نازلة طفا التيفي و جبد كارو كيكمي فيه .. أما المى مشات ديريكت للستقبال معولة تسولهم فالاستقبال ..
- المى .. صباح الخير ..الله يخليك ممكن نسولك ..
- الموضف.. وي تفضلي لالة ..!!,
- المى .. عافاك الصباح طلبت الفطور و جاني معاه ان بتي كادو ..ممكن نعرف منين جا .. لان الاسم مامكتوبش ..
- الموضف... واخة تسناي واحد الدقيقة .." خذا التيليفون اتصل بصحاب خدمة الغرف سواهم جاوبوه بأن شخص مابغاش يفصح عن هويتو ليها هو لي صيفطو " .. لالة .. الشخص لي صيفط ليك الكادو مقيم بالاوطيل ..ولكن مابغاش يفصح عن هويتو ليك ..
- المى .." طلع ليها الدم .." .. ولكن انا من حقي نعرف شكون اولا؟.
-الموضف .. سمحي لي الآلة ماغانقدرش نعاونك ..
- المى .." جات فبالها ديريكت ناجي .. ولكن ناجي شنو علاقتو ب 13 غشت .. هي ماغدراتوش فهاد التاريخ بالضبط .. فكرات لا يكون كيعني ليها هي هاد التاريخ شي حاجة فحياتها ما لقات والو !! عقاها ماداهت لحتى جهة ..تأففات و شاف تالموضف لب كيتسناها اش عاتقول" .. صافي شكرا ..
- الموضف .." بابتسامة ودودة " مرحبا لالة..
عوجات غيه فمها و طلعات للبيتها و قبل ما توصل حسات بدين جروها لشي غرفة و تسط الباب ماحسات غير براسها لاسقة على الباب...
عوجات غيه فمها و طلعات للبيتها و قبل ما توصل حسات بدين جروها لشي غرفة و تسط الباب ماحسات غير براسها لاسقة على الباب...حلات عينيها و شافت فيه كان محني عليها و دير يديه حدا. وجها على الباب .. شاف فعينيها مباشرة و تا هي طولات فيه الشوفة .. حتى غمزها ... و بديك الغمزة فاقت و حاولات دفعو ولكن كان كي الصخرة مكيتعتعش ..
- المى .." كدفع فيه" واش حماقيتي لا!؟
- جلال ..من شحال هادي .. ملي كانت عندي تمن سنين دازت واحد النغزة فحياتي حمقاتني .. من داك الساع و انا تالف عليها ..
- المى ..وا حيد خنقتيني ..! ولا كنتي حمق سير داوا ..بنتي ليا زدتي فيه بزاااف واش كاتعرفني اسيدي كاتعرفني موالفه معاك المزاح!
- جلال .. " ابتسم بالجنب و يقى كيشووف فالخالة لي فوجهها". . رغيت نسولك .. واش نتي هكذا كلك منقطة ..!!
- المى .." وسعات فيه عينيها" ..كيفاش!!
- جلال .. " قرب ليها اكثر حتى ولا كيتنفس فعنقها" .. وجهك فيه و كرشك .. " طلعات فيه حاجبها" .. شفتها فالبيسين .. و حتى فخاضك ..😉..
- المى .. علاش و الى كانو!!
- جلال .." باس الخالة لي عندها فكتفها حتى حسات بالتبوريشة طالعة معاها" .. الشامات من علامات الجمال أكرميلا ..
- المى .."يالله كانت عاتحنى دخل ليه من تحت يديه ولكن لي فراس الجمل فراس الجمال حصرها بدراعو و شدها من خصرها لسق عليها و شاف فعينينا مباشرة" .. راه حشوومه هادشي لي كدير ..
- جلال .. " ابتسم و دوا حدا ودنها" .. علاش شنو كندير .. اممم ..
- المى .." كترطى ليه بين يديه" .. وا حيييد لاش لاسق عليا لاش ..
- جلال .." زاد حكمها و حط نيفو فعنقها كيشم ريحتها .." الريحة لي ديرة زوينة .. واخة ماشي الدوريجين ..
- المى .." عقدات حواجبها و ضرباتو لصدرو باش يبعد عليها" .. حيييد ..انا مكانديرش ريحة ماشي دوريجين. . لهلا يحييك ..
- جلال ." رجع اللور و شاف فعينيها قبل ما يتكرشخ بالضحك من حنوكها لي حمريين باااين عليها بلي تحرجات" .. ماغاديش تلقاي واحد كثر مني كيفهم فالعطور ازوينه .. 😉.. ههه
- المى .." جعرها و بدات تضرب ليه فصدرو " .. وا بعد علياا ازمر اش مشا ليك نتا .. تكون مزورة ولا دوريجين قلت لك ديرها ..
-جلال .." خش صباعو فخصرها حتى قصحها" .. باراكا من تعنطيز غانخرج فمك برااس ..
- المى .." وقفات التفركيل ديالها و شافت فعينيه" .. دابا قول ليا غير اش باغي .. هاني .." خذات نفس عميق " ..يالله قوول .. اش باغي مني ؟؟
- جلال .. " بقى مدة مدار حتى حركة غير كيشوف فينا " .. ماغاتمثليش ادوار الاغراء ..
- المى .." فحال لا كب عليها ما طايب " .. كيفاش .. واش استبعدتيني؟؟
- جلال .." زفر بنفاذ صبر و كيشوف فعينينا مباشرة" .. شنو عندك هنا " شير ليها بصبعو لراسها" .. خرية ولا عقل ؟؟
- المى .." خزرات فيه و ضربات ليه يديه" ... حاشاااك ..
- جلال ... عزك الله احبيبة ..
- المى .. بلااا ماتمرضني كيفاش ماغانمتلش ؟؟
- جلال .." شد راسو" ماغاتمتليش ادوار الاغراء فقط الباشار ..
- المى .." خزرات فيه" .. مافهمتش ..
- جلال .."جرها تال البيت الداخل و جلسها فوق الكنابي و جلس هو فوق الطبلة" . قريتي السيناريو ياك ؟؟
- المى .." " هزات كتافها " .. اه ..
- جلال .. " طلع فيها حاجب" .. اوكي جاك عادي !! " شافها تتشوف فيه بغباء" .. بفف .. غانشرح ليك اكثر .. دوك الادوار ديال الاغراء !! جاوك عاديين تقدري تمثليهم و نتي مرتاحة؟؟
- المى .." هزات كتافها و لوات شفتها بعدم اهتمام" .. هذاك كيبقى غير تمثيل ..
- جلال.." خزر فيها" داك البوس و التعباز كااامل غاتقبليه عادي!!
- المى .." بعدم اهتمام" .. اولا كيف قلت ليك هذا تمثيل .. تانيا واش ماشي هادشي لي سانية عليه فالعقد؟؟اوا صافي لاش انا غانعدب راسي فالتفكير واش نقبل ولا لا .. و زيدون انا تتهمني الشهرة .. و الفلوس لي غانقبط فالفيلم .. بغيت كوولشي يعرف المى ..و بغيت حتى حاجة ماتنقصني .
- جلال ." مكرهش ينوض يهرس راسها" .. دوك الادوار ماغاديش تمثليهم .. غاتجي درية كومبارص گاورية هي لي غاديرهم .. و حنا غانقادو داكشي ...و خلاصك تهناي .." ضحك بالجنب" .. غاتخلصيه بالدوبل كاع .. و الشهرة على حسب الاداء ديالك ..لي كيهمني حاليا هو الدور هذا ديال التقحبين .." قرص ليها حنكها بزوج صباع" .. مانبغيكش تمثليه ..باراكا غا داك الشطيح و العرا لي تعريتيه فاش ما كنتش هنا ..
- المى .."حسات بنغزة فقلبها .. ماعرفاتوش علاش مهمتم لخاد الدرجة و هي فبالها مكيعرفهاش ...دوات بدلع'' و نتا .. علاش مهتم .. نمثلهم ولا نخليهم .." دوزات صبعها على لحيتو".. اش مشا ليك؟؟
- جلال .." فاهمها اش بغات دير و خذا صبعها باسو بوسة خفيفة و ردو لجهة صدرها" هادشي ماتشغليش بيه راسك اكرميلا .. مزالة صغيرة عليه .. دابا غاتمشي لبيتك توجدي ىوحك غاتخرجي معايا ..
- المى .." عقدات حواجبها" .. عندي تصوري شي شوية ..
- جلال .. أجلتو ..😉..
- المى .. " ابتسمات ابتسامة مستفزة" .. سو ماغاديش نخرج معاك ..😉
- جلال .." ناض حيد التيشرت ديالو قدامها .." راك لابسة نيت .. غانبدل و نتحركو" ..
- المى ..." وسعات عينيها بغيض و وقفات قدامو .." لالا نتا عيقتي بزااف ..
- جلال .."جرها بعنف من يدها تا لسقات على صدرو العاري .." خلينا نعقدو هدنة اليوم .." دوز صبعى على وجهها حتى وصل لشفايفها و دور عليهم صبعو" .. بغيت اليوم بدون مشاكل .. حيت غدا تابعني بزاااف ..
- المى .." شافت تا عيات و طاوعاتو" .. واخة .. نعقدو هدنة اليوم .. اصلا انا ماعندي معاك والو غير نتا لي ماعرفت شنو عندك معايا مكاتحملنييش ..
- جلال .."يدو على ضرها كيدوزها عليها بشوية بشوية " .. اممم .. تجربي واش كانحملك و لا لا!!
- المى .." حسات بالخطر و بدات تتملص منو" .. اااا .. لا غير حيد عليا .. سير لبس .. انا عاد بدلت ..
-جلال .." ضحك ضحيكة خلاتها غا تتشوف ..و حك لحيتو بصبعو الكبير .. " .. هاهو غادي .." " مع غميزه" ..
و لأول مرة وجه المى يحماار من الخجل مع شي جنس ذكري .. خلاها غا تتشوف و اتباهها تشتت .. كاتكون مكاملااهش لدرجة تتبغي تهرس ليه راسو بأي حاجة قدامها ولكن غير كايبتسم كاتولي بحال المصدومة .. و هادي حاالة ناادرة او منعدمة عند المى ان شي حد يلخبط ليها المحاسيس ديالها😂 .. خرجها من أفكارها صوتو لي زعزع ليها الكيان و خلاها دور عندو و هي بااقة في صراع مع دوك الافكار ديالها ..
- جلال .." " بملامح عادية" .. مشينا ..
- المى .." حركات ليه راسها بلا ماتجاوبو .. اكتفت بالصمت حاليا تا يحن الله ..😂...اما سي جلال مستحييل يشوفها مكاليمية و يوقرها ضروري يجبد فيها لي ميتجبد ..
- جلال .."طلع و نزل فيها" .. شهادشي لابسة !!
- المى .." شافت فراسها" شنو!!؟
- جلال .. علاش لابساهم .. كون حيدتيهم حسن؟؟ لاش معدبة راسك؟؟
- المى .. مالي لابسة عادي .. و هذا هو لباسي .. ديما كنلبس هكذا و بيخير ..
- جلال .." ضربها لنيفها" .. اوا خصك تبدلي هاد الطريقة تاللبس ..
- المى .." خزرات فيه" ..و علاش بالسلامه؟؟ علاش غانبدل طريقتي فاللباس ..!! حيت نتا ماعجباتكش ..اووه .. ههههه زوينه هادي..
- جلال .."جرها من الحول ديال التريكو لي كانت لابسة" ..نتي ماديال هدنه .. غير ديال عصى .. و فأي بلاصة ..
- المى .. نطرات ليه يديه" .. شوف عافاك .. غانقول ليك واحد الحتجة ديرها حلقة فودنك .. !! لباسي هو اختياري انااا و اعدى حاجة عندي هي شي حد يولي يتحكم ليا فيه .. مانقبلهااش .. انا ماشي متحجبة حيدات الحجاب و تعرات .. اناااا من ديما هذا هو لباسي .. و اذا على هادوك لي كيشوفو فكيشوفو حتى في ديرات الحجاب و حتى الخماار ..يعني .. المشكل هناااا" شيرات لراسها" .. فالدماااغ الخامج ديال شي وحدين .. انا ماشي سوقي لي بغا يشوف يشوف حيت الشوف مكيبرد الجووف ..
- جلال .." شاف حتى عيااا لقى بلي قد ما بقات غايخلطها ولكن ماشي اليوم .. جرها من دراها .. حل الباب و خرجها .." .. زيدي قدامي زيدي ..
- المى .." نطرات يديه" .. كنعرف نزيد بوحدي غير طلق ..
كملو ديك الطريق كاملة و هوما كيتناقرو .. كلمة مني كلمة منك تا كيبغي يهز عليها يديه و كينعل الشيطان تا هي مكاتسكتتش و لسانها مبري منهل ولكن تتقتلو بديك الشخصية القوية ديالها واخة يضل يخلعها مكاتسكتش .. دازو من حدا سرور و ماشافوهاش من كثرة انشغالهم بالنغير .. تبعات ايهم العين حتى وصلو للباب و ماشافت اير اللقطة فاش غايجر جلال المى من دراعها خشاها فصدرو و عنقها من كتفها واخة كانت تتقاونو ولكن شرور مبانتش ليها هزات تيليفونها و صورات ديك اللقطة بالضبط و القطة فاش هزها بين يديه و لاحتا فالديكابوطابل ديالو و. صيفطاتهم لنمرة معينه لي وصلوها تصاور في ساع اتصلا ..
- سرور .. وي مدام .. اه .. هادي ممثلة ديال الفيلم ااجديد .. لا مكانوش كيخرجو .. علدي اول مرة .. اوكي .. غايوصلك كولشي اول بأول .. المهم ماتنساينيش حتى نتي ..!! كيما ديما .. شكرا ...
قطعات الاتصال و شافت جهة الباب و حطات تيليفون فوق فمها...
- سرور..هههه ماشي غير نتي لي غاتبروفيتي الالة المى ... و الفلوس كاااع كانبغيوهم ماشي بوحدك ...
ضحكات ضحكة ليها معنى و رجعات فحالها لبيتها ..
(المى بداو موازينها يختلو فنضركم غاتستسلم و لا غاتصارع داك الاحساس لي بدات تتحس بيه !؟و فنضركم مع من اتصلات سرور ⁦^_^⁩)