عاشقة الثراء💸مكتملة💸

💸الجزء 160💸

عاشقة الثراء
"ليالي نسيم "
البارت 160
-ملِك قلبي-

ضار عند عبير تيشووف فيها في انتضار انهم يشعلو الشااشة ...خذا يدها فيدو و عينيه فعينيهااا ..كي تطلقو الصور ديالها فالشاشة لي كانت قد الحيط كامل ..
- جلال .. " ضار شاف فالناس الحاضرين" ..مرحبا بكل من شرفنا بالحضور ديالو ..اكيد كولكم تتقوولو شنو سبب هاد الزواج المفاجئ و لي ماكانش فخباركم عليه حتى حاجة .. " شاف فالمى" ..انا غانعاود ليكم حكاية .. غانحاول نختصر .. .. غانعاود ليكم كيفااش تعرفت على هاد الفاتنه لي قدامكم .. ..اول تعارف لينا كان فميتم .. و كانت عاد مزيودة .. مزال ماتحسبو من عمرها السنواات .." بداو كيشووفو فبعضياتهم " ... كنت مخطوف فديك الوقيتة و هادشي معضمكم عارفو .. فالوقت لي كانو تيقلبو على العايلة ديالي .. داوني لخيرية .. ديك المدة لي قضيتها تما جابو بنوتة صغييورة عاد مزيودة .. ديك البنتة كانت هي حياتي فديك الوقيته .. اربع سنوات من حياتي دوزتهم معاها .. كنهتم بيها فحال بنتي مع العلم انني كنت صغير و خاص لي يهتم بيا انا بعدا ..ولكن بهاد المدة هي لي خرجاتني من العزلة لي كنت فيها .. من بعد اربع سنوات. تعلقات بيا كيف تعلقت بيها و جات الوقيته لي يفرقونا ... رجعت للعائلة .. و خليتها .. طبعا كنت صغير ديك الوقيته .. ماعندي كي ندير نديها .. بقات فبالي و رجعت نقلب عليها فنفس الخيرية .. و لكن مالقيتهاش .. مهم .. من هادشي كامل شائت الأقدار و تلاقيت معاها .. و حنا كبار .. كيف شفتها و حنا صغار سلباتني .. رجع تعاود السيناريو .. واخة طراو شوية دالمشاكل لي فارقونا .. لكن رجعات و شوفو كي رجعات .. بصفتها بنت عمي المفقودة .. هاد الدورة كااملة فالأخير صدقات كراميلا بنت عمي .. و بطبيعة الحال ماكانش يمكن نفلتها من يدي ..هادي قصتي معاها .. و اي واحد يگول ليه باالو و لا يصور ليه واش انا وياها شي نهار غايتخلق بيناتنا شي مشكل غايكون كذب عليه .. هادشي لي كنت باغي نقول .. ماكاعرفش لهادشي ديال الحب و داك تخربيق و ماعنديش مع التعبير .. خصوصا قدام الناس لي كانو كيشوفو مني غير الصرامة و العمل فقط .. لكن غادي نگوول ليكم بلي لقيت ملكة قلبي .. و غانگوول ليها قدامكم كاملين .. كانحمااق على ديلمك أبنت عايشة ..

كلامو كان مؤثر بالنسبة ليها كي ضار عندها لقاها كادمع .. عرفها تأثرات و كااع داكشي لي داز عليهم بزووج مزال مأثر عليها و بزااف .. جرها من قرفادتها و عنقها قدام الكل هنا بداو التسفييقااات الحاارة و التصفار .. ماشي من كولشي طبعا كانو نااس قااتلهم الحسد بحال ساندي و مها و كوثر لي دخلات فالوقت لي دخلو هوما نيييت .. و تسنطاات لقصتهم .. ماتنكرش انها كانت غاتقول عليها قصة زوينة لكن كون مكانش جلال هو لي حاكيها ...فهاد الوقييتة شافتها المى كيوكازت تتشووف فبهم و عي تاخد الميكرو من جلال و شافت فيها مبااشرة ..
#يتبع#تتمه
- المى ..اكيد القصة ديالنا اثرات فيكم بزاف .. تا انا بغيت نقول كلمة فحق الزوج ديالي .. .. لي ماشي فقط راجلي و حبيبي .. هو بالنسبة ليا الحياة.. جلال كيبغي فيا تفاصييل ماكيشوفووهاش الناس لاخرين .. يمكن كولشي تيتعامل معايا بسطحية .. مرا زوينة و صافي .. مكيقراوش الدااخل .. جلال هو الوحييد لي قدر يقرا الداااخل و قرااه بدقةةة دقيييقة .. جلال هو الوحييد لي تيقدر يرتب الفوضى لي فدااخلي .. و كيقدر يضيويي العتمة لي تنعيشها ..تيتحملني بزااف بكااع حاالاااتي ههه وااخة انا مرا غييوووورة بزااف .. و ماخصنيييش نغير حيت تايقة فيه ولكن لي كيحب تيغيير .. و انا ماشي غير كاتبغييه .. تنعشقو و أكثر .. و تنحمد الله حيت زرعو فطريقي ..
باس ليها جبهتها و خذا الميكرو من عندها ردو للديدجي .. رجع عندهم المغني غنى بجنبهم اغنية بالدبكة شطحو عليها الحضوور اما هوما كاان رقصهم غير باليديين و الأكتاف خصووصا ان المى ماشي من النوع لي تيعجبو التحياار تتمييل للرقص الثقيييل .. فاش حس بيها عياات مسك يدها و قادها للمكان المخصص ليهم فين يجلسوو و يتفرجو فالمغنيين ليكانو حاضرين ضمن الضيووف و ناضو يهديوهم اغااني طبعا اكراما ليهم و للدعوة ديالهم .. و الباقيين تيجيو يباركووهم ولي مزال ما تعرف على المى تيتعرف عليييها .. كانو غاديين مزيااان تا تمااتوجااية عندهم كووثر لي شدات.شدات غدايدها فقلبها و اتجهات لعندهم بعد ما جلسو فالبرزة لي كانت باللون الأبيض و مزينة بالجوري الأحمر و الشمووع حدااهم
- كوثر .." بابتسامه مزيفة" .. مبروك .." مدات يدها لجلال لي سلم عليها بالزربة و ضور راسو .. و مدات يدها لالمى حلاتها معلقة " ..
- المى .." شافت فيدها و رجعات شافت فيها .." .. شكرا .. العقوبة ليك ..
- كوثر .." رجعات يدها و طلعات حاجبها" .. انشااء الله .. علاش لا. .
- المى ..ر شيرات لجهة الضيووف" .. ضبري ليك على شي عريس .. يكون لباس عليه .. ولكن بعدي على الرجاال المزوجيين .. باش مديرييش ليا شي مشكل فعرسي ..
- كوثر "مغددة" .. اهاه .. شكرا على النصيحة ..
رجعات باللور و حجبانها طالعيين فالمى بغل مع غايطلع راسو جلال شافها دارت فيها ديك الشووفة و هو يخزر فيها ..كان غاينووض ليها غير نعل الشيطان و رجع مسك يد حبيبتو باسها ..تا هي ابتسمات و تنهدات بسعادة من الحركة ديالو لي جات فوقتها .. باش تغيض بيها كوثر.. لكن سرعان ما نفضاتها من دماغها كي جا عندهم علي و محسن ..