عاشقة الثراء💸مكتملة💸

💸الجزء 41💸

عاشقة الثراء
"البارت 41"

-أهرب منك إليك -

حتى هو استجاب لدعوتها و دخل لسان. كيلعب بلسانها و خلا شفاليهم كيرقصو على انغام الشهوة و الرغبة لي خلاتهم ينساو روسهم فديك البلاصة .. مد يديه بغا يجيد ليها الجيلي و غير وصلو يديه الباردين لعنقها و هي تقفز .. دفعاتو بيديها لصدرو و هي كاتنهج ...
- جلال .." ضرب السرجم بقبضة يدو بعصبية و ضار عندها" .. شتي البلاك كي دير ! جلال ماشي هو اي واحد ..
- المى .." هزات صاكها و قصدات الباب" .. حتى المى ماشي اي وحده .. نزلات فالدروج كاتجري للاوطو لي هادي توصلهم للدار خلات جلال المعلم ناض علبه و ااحل الوحيد عندو فديك القنت هي يخوي عليه الما .. نزل ديريكت للاوطو ماتسنى حتى وتحد تا لي كارد و اتجه للفندق .. اما المى وصلهم على حتال الدار و اطمأن انهم دخلو عاد تحرك .. دخلو كيتسحبو بعد ما فتحات ليهم نور و الباب و شيرو ليها باش تسكت مشات عند عايشة لي كانت مزالة ناعسة فبيتها دخلو عليها بشوية تا جلسو حداها و بداو كل وحدة تبوس فيها فحنك حتى فيقوها ..
- عايشة .." عنقاتهم" .. يا كبيداااتي توحشتكم ااخانزات ...
- خولة .." عنقاتها" .. تا حنا توحشناااك بزااف بزاااف ...
- عايشة ..اوا كي دوزتو يامكم بلا مكم عايشة ..باينة حيحتو الخانزات ..
- المى .. ههههههههههه و الله الى دوزناهم فشي شكل بلا بيك كون غا كتي معانا.
- خولة .. و الله اماما لا كنتي خاصانا غير نتي ..
- نورة .." دخلات عليهم" .. يا ختي الحلوووفات تخطاوني و جاو يجريو لعندك تا بالزهم خلاوهم ليا ندخلهم ..
- خولة .. ههههههههههه علاه ماشي مامانا و توحشناها .." عنقاتها" ..
- المى .."مشات عند نورة عنقاتها و سلمات عليها .." .. نتي راك الحب نتي. . هههه
- نورة .. امم احياني عليكم نتوما ...
دوزو وقتهم مع الام ديالهم و خالتهم ولا أروع كاع لي شافوه سردوه ليهم خصوصا خولة لي كانت متحمسة بزاف و هي كدوي على كاع البلايص لي زارو .. بعدها دخلو كل وحدة لبلاصتها يرتاحو طبعا بعد ما كلاو و شبعو كروشهم من عمايل ايدين عايشة ..
#بعد مرور أسبوع ..كان الجو عادي جلال اختفى عن انضار المى فخطرة ماتلاش بان فساحتها .. و فهاد الفترة كان مرتضى كيزن على دماغها و باغيها تجيب ليه معلومات .. عيات تقنعو بلي مكاتشوفش جلال و ماعمرو اتصل بيها لكن هو كان مصر انها تدير اي خطوة تعاود تقربو ليها .. ديك النهار كانت كاتلبس باش تمشي هي و نورة لنادي كانت تتمشي ليه من قبل تتصيد فيه المزاغيب لي تيصرفو عليها .. تحركو شدو طاكشي و كانت الوجهة نادي برج العرب .. هاد النادي عادتا تيكونو فيه الفنانين و كيدارو فيه حتى الاعراس .. المهم كيمشيو ليه الناس لي عندهم الحبه كيف كنقولو .. طبعا كيف عادتها .. لابسة و مأنتكة و الأناقة عنوانها .. هازة حواجبها لفوق و نيفها معلياه اكثر و اكثر .. جميع انواع العجرفة و التكبر باينين على وجهها ... مشات ديريكت لطابلة لي حجزاتها هي و نورة لي تا هي بدورها كانت لابسة من حوايج المى .. علاقتها بألمى كانت أقرب من خولة لأنها تا هي تيعجبها الضحك على الجنس الآخر و تخورو بهاد المعنى .. .. هزات تيليفونها تدير سيلفي و فنفس الوقت تتقلب على الفيكتيم لي غاطيح هاد الليلة حيت مدام خرجات تسهر الا و غاتجيب حصيصة فالجيب ماغاتخرجش و ترجع خاوية الوفاض..حطات التيليفون ديالهاو دارت رجل على رجل بطريقة مثيرة حتى نغزاتها نورة ..
-نورة .. '' كتشوف لجهة معينه" .. شوفي ليك هذاك لي لهيه اخخ شحال زوين 😍
- المى .." دورات راسها تتشوف فيه" .. امم هذا يا جاي بمطوور يا جايبينو بموطور ..
- نورة .." شافت فيها" .. و شكون قالها ليك اختي !!
- المى .." غمزاتها" .. الخبرة احبيبتي الخبرة .. شفتي داك الصباعيات لي لابس .. و ديك الجاكيط و داك الگاط كيلبسوهم صحاب الماطر .. واش غانديرو ببرهوش كيصوك موطور ...؟؟ هذاك يعجب بنات الليسي و المراهقات ..
- نورة .. ولكن زويين 😍😍
- المى .." بان ليها واحد داخل مع صحابو و باينه عليه الفلوس .." الدعوة ماشي فالزين .. "شافتهم تيشوفو لجهتهمو هي تطلع حاجبها و ابتسمات بخفة و ميوعة" .. اوا الحصيصة جات ..
- نورة .." شافت فيهم و شافت فألمى" .. ياختي كي كديري ليها مزال حتى ما حط ترمتو لرض ..
- المى .. "ضحكات بضحكة مقحبنة" .. اواا هاهو جاي يحطها عندنا .. ههههههههههه
- نورة " كاتشوف فصاحبو لي جاي معاه " .. و الله الى جايين ..
- ..."وصل عندها كان دير يديه فجيبو و كيشوف فألمى " .. مساء الجمال ..
- المى .." طلعات فيه عينيها" .. أهلا ...
- " مد ليها يدو صافحها" .. انا مهدي .. و نتي ..
- المى .." ابتسمات ليه .."المى ..
- المهدي... نقدرو نجلسو معكم الآنسات !!
- المى .. طبعا تفضلو ..
يالله جلسو .. المدعو المهدي جلس حدا ألمى كياخد النمرة ديالها و الثاني صاحبو جالس مع نورة كيتحتتو ..حتى سمعات الداااف فوق الطبلة ..مع طلعات راسها و تسعقات بان ليها جلال متكي بيديه على الطبلة و كيشوف فيها بعيون الصقر .. لو كان فيهم القرطاس كون الله يرحمك المى ..
- جلال .. اش تشربي الالة ويسكي ولا فودكاا؟؟ ولا نجيب ليك تيكيلا و الحشيش باش تقطعي .. !!
- المى ..جلال!! اش تدير هنا
- المهدي .." شاف فيها " ..تتعرفيه ؟؟ شكون هذا !
- المى .. هذاا .. هذا المهدي المنتظر لي غايخسف بيا و بيك غير شهد على روحك .. المهم راك تم ..
- المى .. هذاا .. هذا المهدي المنتظر لي غايخسف بيا و بيك غير شهد على روحك .. المهم راك تم ..
- جلال ..دابا اش ندير فديلمك!! "شير للمهدي" .. نوض قود من حداها ."..
-المهدي..."بغا يدير فيها واعر "مانسمحش ليك تدوي معايا بهاد الأسلوب .. شكون نتاا !!
- جلال .."التسم تا بانو نيابو و قرب ليه فطريقو بان ليه واحد الكرسي و ركلو برجليه لاحو بعيد و وقف قدام المهدي مصغر فيه عينيه" .. بغيتي تعرف شكون انا؟!! ههههه
- المى .." وقفات و كحازت عند نورة لي كانت مصدومه" .. جلال الله يخليك بلا شوهة ..
- جلال..."جر المهدي من الشوميز ديالو فحال لا تيصاوبها ليه" .. شمن شوهة صاحبك باغي يعرف شكون انا .." كان ضاير عند المى ساعة فاجأ المهدي بروصية عمرو حلم بيها .. " انا لي غايجبك لمك مصارنك لا باقي شفتك كضور بساحتها .. فهمتيي .. هادي.. "شير لألمى" .. ديال واحد .. شكون هو .. جلال الهلااااالي سمعتي وا نخشيها لمك فودنيييك ..
-, المهدي..." شاد فراسو و مع جات البلاصة مقنته وحدا الباب ناض داك لي مع نورة كيتسحب خرج من الباب نفذ بجلدو" .. طلق مني مكانعرفهاش هي لي جبداتني .. نتا لي طالقها تتلاوط على الرجال .. شافتني و بدات تضحك ..
- المى ..", هزات كاس تالعاصير خواتو عليه بالأعصاب لي فيها" .. يااااك اعيفة الرجااال .. الله ينعل حماربووك الشمااته ..
جلال كي سمع ديك الهضرة قلبو فوق الطبلة ماعرفش كي دار ليه المهم جا راسو التحت و رجليه الفوق مالقى غير المى جرها من يديها و زاد بلا كلمة بلا زوج و هي ساكتة ماباغاش الشوهة خصوصا ان كين لي تيعرفها فالنايت كلوب .. بغات تموض نورة تغوت و هي تقول ليها تسكت غير بالاشارة .. لاحها فالاوطو و تم غادي بأقصى سرعة الشيء لي خلاها تجفل و تحط يدها على صدرها ... بالخلعة بالحق كرامتها ماخلاتهاش تنطق تا كلمة ولا ترجاه يخفف السرعة .. حدها قالت ليه بتردد...
-, المى ..جلال كيكذب عليك .. ماشي انا لي جبدتو .. هو لي جا عندي .. شحال و هو تيترجاني باش نجلس معاه ..
- جلال .." ضرب الفولون حتى قفزات" .. حسك مانسمعوووش .. يتقطع كاتفهميييي ...
- المى .." بتمرد" اوا نزلني .. الى مبغيتيش تسمعني نزلني .. يالله ..
- جلال ..." دار راسو غايضربها لفنها و هي تغطي وجهها بيديها" .. سدي عليا درگومك ولا نهرسوووو ....
متلاتش عاودات معاه الهضرة خلتو منو لأعصابو تا تشوف اخرتها معاه فين هزات تيليفونها صيفطات ميساج لنورة باش تمشي لدار و ماتسناهاش و تقول للام ديالها بلي تلاقات مع شي صاحبتها و اصرت عليها تبقى معاها باش ماتقلقش عايشة ......
وصلو للفندق خرج من الوطو شكات واش قبل ماتوقف .. رما السوارت للكارديان و فتح ليها الباب جرها و زاد كانت ديرة فحال شي مونيكا جارها معاه و تفاديا لشوهة ماقداتش تنطق تا كلمه اما تعرق ليه و يقلبوها جد و طاسلة .. .. وصل للسويت VIP المخصص ليه فقط جررنا ورماها على النموسية ..
- جلال .." دير يديه على خصرو" .. اش كنتي كديري فداك بااار القحاااب !؟ هاااا
- المى .." ناضت جلسات" .. كنت تنفوج و نزيدك كنت مع خالتي ..و نتا ماالك !!
- جلال ..مااالي الالة .. ماالي و نص .. ياك دويت مع ملتك هااااا دويييت ولا لا .. ياك گلنااا النفس الى بغيتي تنفسيها طلبي مني الاذن ...
- المى .." دارت راسها ممهتماش" .. يااك نتا مراقبني .. و شنو فايدة نقول ولا منقولش .. فكلتا الحالات نتا عارف فين اتا ..
- جلال ..و تمشي لبار القحاااب !! تمشي تلاوطي ليا بين الزواامل ...هااا !!
- المى .." خزرات فيه و ناضت وقفات" . منشماااحش ليييك .. شكون نتاااا باش تحااسبني .. باااا !! لا رااجلي لاااا خويااا لااااا .. شكون تااا هاااا ..
- جلال .." جرها من شعرها و رماها على النموسية داك نص شرويطه لي كانت لابسة كاملة طلعات لفوق و بان الخير مدفگ قدامو .. " اش بان ليك دابا اااش ندييير فيييك !! نخلطك !! نشرشمك!! نوصان ماغاتقديش تنووضيه .. ياك بغيتي غا الفلووس .. كنتي غاتمشي مع زاامل على ود زوج فرانك .. نشريك انا و ندير فيك مابغيت .. نعطيك التريبل ديال ماغايعطيك هو هاااا ..اش بان ليك ..
- المى .."ناضت تهزات قدامو بعصبية و حمرات فيه عينيها" .. ولااا انااا ماشي قحبة ننعس مع اي واااحد بالفلوووك كتفهم ...
- جلال .. و شنووو كان يسحابليك باااغيك ..يحفضك القرآن!! كان غايديك من تك لشي وطيل و نتي وزهرك نقي ولا موووسخ .. يخوي فيك زبلو و يلوووح ليك زوج فرااانك .. " ناض و شاف فيها بطريقة خلاتها تبان لراسها بحال لا معرية من اي توب " ..نگول ليك كلمة ديريها فبالك .. حبل النجاة قصير .. و الى فلتي مرة ماغاتفلتيش مرة اخرى غاتلاقاي مع شي واحد لي خرج فمك طووول و عرض على التقحبين ديالك شااا داك لبلاصة القحاا ابنت دارهم هااا .. ملي نتي مكاتمشي مع حد دوييي" شدها من دراعها و زعزعها" .. لو كام ما جيتش و شد مك فشي قنت حواااك شكون غايفكك!! هااا و شكون غايفككم مني بزووزج .. كلمة غانگولها ليك" .. وجه ليها صبعو" ..يا تشدي الطريق.. يا غاتشوووفي وجه ثااني و نجبد لملتك القديم و الجديد.." عاود زعزعها" .. مفهوووووم ...راني معااااك داوي مفهوووووم
- المى .." عفسات على نفسها و حركات راسها بالايجاب" ..
- جلال .. يالله قودي لداركم ...
بقات مدة تتشوف فيه ...بقات فيها جملة قودي لداركم .. جمعات النفس فصدرها حسات بالدموع غاينزلو من عينيها ولكن مستحيل تخلي دمعة من عينها تنزل خصوصا قدامو ..يالله كانت غاتخرج و هي ترجع قربات ليه ..
- المى ..انا ماشي قحبة باش تقول ليا قودي .. سمعتك و سكتت .. خليتك قلتي لي بغيتي .. اوا سمع مني هاد الهضرة .. يمكن عمري قلتها لشي حد ولكن هاد المرة غانقولها .. انا عشت حياتي واحد المدة من حياتي فالميتم.. مكان تا حد كيحميني غير الله و راسي .. و فاش تبناتني ماما عايشة كااانت بلا راجل .. كنا تلاتة ديال العيالات فالدار و عشت على هاد الأساس .. و انا صغيرة فالسن كيخصني نعااون ماما نجيب فلوس من فم السبع ماعمري ثحبت بهااد المصطلح .. معمري هزيييت رجلي لشي واااحد ..باش نتا تجي تعايرني بيها دابا هاد المدة كاملة .. مكانتيش نتاااا باش تحميني .. داكشي علاااش كنت غانحمي راسي واخة نتا مكنتيش .. هادشي لي بغيت نقوب ليك .. اه .. و انا ماشي كانبغي الفلوس انا كنموووووت عليهم و نقدر ندير على ودهم شي حوايج ميطيحوش ليك على البال حيت لي عاش محروم عمرو يشبع .. ياك هادشي لي كيقولو !! مالك كتشوف بهاد الطريقة .. جاتك عجبب .. ههه عارفة ماشي اي واحد يقدر يعترف بلي كيبغي الفلوس .. و لكن انا ماشي اي واحد .. وراقي مكشوفين .. و حتى الفيلم راني مثلت فيه على ود الفلوس .. لا يصحاب ليك عشقا فالتمثيل .انا اي حاجة كنديرها كنديرها على الفلوس .. و ماشي غير انا كاااع البشر .. غير كلها و كيف كيسعى حيت مكين لي غايهزني لاما هزيت راسي براسي .. واخة بأي طريقة كانت .. .." صايبات حوايجها و هزات صاكها و ضربت الباب .. اما هو بقى غير كيشوف خلاها تا خرجات و هو يضرب بمزهرية كانت قدامو و مشا خرج فالمراية بيدو تا خلاها كاملة دمايات ... اما هي كي نزلات وقفات قدامها طموبيل ديال جلال و شي واحد صايقها فتح ليها الباب خبرها انها اولمل جلال باش يوصلها تال الدار ....
اما هي كي نزلات وقفات قدامها طموبيل ديال جلال و شي واحد صايقها فتح ليها الباب خبرها انها اولمل جلال باش يوصلها تال الدار .... ركبات و حطات راسها على داراعها لي كانت مسندة على الباب كل كلمة نطقها جلال مزالة فودنها .. كل حرف خرج من فمو كيرن فدماغها .. كيفاش المى تتعمل كسلعة رخيصة .. حسات براسها ماشي هي ديك لي دافعة كبر على كولشي .. حسسها بلي راها متسوى والو .. فطول داك المشاحنات لي كانت بناتهم هاد الليلة كانت كاتسناه غا يسد فمو .. كتقول يا ربي غا يسكت .. مبقيتش بغيت نسمع منو حتى حرف و خلااااص فاش عرض عليها فلوس مقابل ليلة .. هنا غسلات عليه يديها .. حسات بلي قلل من قيمتها لدرجة اخترفات ليه بلي هي كتموت على الفلوس .. و خلات صورتها واخة توسخ اكثر فعينيه بالطمع ولكن ماهمهاش .. انا كنبغي الفلوس .. حيت هوما لي غايحققو ليا كاااع ما تمنيت .. انا عاااشقة القراااء و من بعد .. اش غاندير !! شكون لي مكيبغيش الفلوس حتى واحد .. حسات بعينيها كيتجمعو فيهم الدموع لكن حلقات لا بكات و لا طيحات دمعة .. وعد و عطاتو لراسها قبل سنين انها عمرها ماتبكي ولو السيف تحط على رقبتها ستظل جااامدة و جبل ما يهزو ريح .. المى .. منبع الروح .. ألمى الظلام .. يستحيل تضعف .. يستحيل طيح دمعة على مجرد هضرة قالها واحد فحالو فحال اي واحد ... مافاقت حتى وقفات الاوطو دورات راسها لقاتها واقفة قدام الباب ديال دارهم .. هزات صاكها و خرجات ضربات بالباب فتحات الباب ديال الدار و طلعات ديريكت لبيتها لقات نورة مربعة فوق النموسية ..
- المى .. لاحت الطاك ديالها" .. سلااام ..
- نورة ... قفزات لعندها" .. نااااري شحال خلعتيني اصاااحبتي
- المى .." ببرود" .. علاش؟؟
- نورة .. كتسولي مزال .. اويلي غاندب حشوووني معااك تي شكون هداك لي جا جرك شكووون ..
- المى ..اه جلال .. غير خدام معايا .. يصحاب ليه لاخر مجلسني معاه صحه داكشي علاش دار ديك الروينه ..
- نورة .." صغرات فيها عيها" .. اوعدي على البنت الكذوب عندك عيني عينك .. ني حشمه ني حياااا .. باااز يا ختي باااز .. كين شي واحد غا خدام معاك يدير ديك الشوووهة من نيتك نتي ..
- المى ..نووورة حبي بغيت نعس .. سيري تا نتي ترتاحي راه الفجر قرب يأذن ..
- نورة .." ضربات ليها على صدرها بشوية" .. انا غانمشي دابا ولكن كلامنا غدااا حمدي الله لقيت ليك الحل لمك و نعساات اما كون راها سايرة دير لك لونكيط دابا ..
- المى .." تلاحت على النموسية" .. شوووكراا هههه
خرجات نورة و خلات المى بوحدها رجعو ليها الافكار السوداوية لدماغها نعلات الشيطان و ناضت للبلاكار ديالها جبدات بيجامة على شكل كسيوة قصيرة ديال هيلو كيتي لا تناسب شخصيتها نهائياااا و مشات ديماكيات وجهها و مشطات شعرها خلاتو على راحتو يالله غاتمشي تنعس ففراسها و هو يصوني لها التيليفون ...كي شافت النمرة كحلات بالعمى ..
- المى .. الوو ..
- مرتضى .. افين ازين .. صافاا ..
- المىمرتضى .. ياك قلت لك ماكويش معابا انا ندوي معااك تصور لو كان دابا كان معايا جلال فاااشمن موقف كنا غانتحطو هاااا؟؟
- مىتضى .. ههههههههههه .. لا ابب انا عارفك عاد جيتي من عندو واخة معلمتيناش .. ولكن معليش .. شفنا كووولشي .. شووهة ديال برج العرب و الاوطيل .. و الشيفور لي جابك تااال دارم .. كولشي شايفينو .. خصك تعرفي بلي عينينا جااامي تغفل عليك ازين ..
- المى .. دابا اش بغيتي فهاد الوقت ..؟؟
- مرتضى .. " ابتسم بالجنب" .. ماغانقول ليك لا اش بينك و بينو .. ولا لاش دار لك ديك الحالة فالبرج .. ولا اش دبتي نتي وياه فالاوطيل .. حيت هادشي كووولو مكيهمنيش .. سمعتي .. لي كيهمني هو المعلومات .. جبتي الجديد ولا لا ..
- المى .. واش حماقيتي .. اليوم كي شتو غا ضاربنا .. اشمن معلومات بااغي و زيدون ماكفاكش داكشي لي قلت لك .. اووو مكاتقاضاااش ..
- مرتضى. . تتي داك الخرااا لي خريتيه عليا دوك الايام غييير تفاتف .. الضربة القاضية مزااالة جاية فالطريق .. ولكن لي بغيت نعرف .. واش ديك الميتينغ مع ماكسيم متأكدة غايدار فالمغرب!!
- المى ..." بنفاذ صبر " .. اه متأكدة سمعتووو بودني كيف كنسمع فيك داباا .. لي داز على ودني كنقلو لك بالحرف ..
- مرتضى .. اممم .. المهم انا سولت نتأكد حيت هاد مكسيم كيهمني ..
- المى .."عصبها" .. شوف نقووول ليك عجبك ااحال بهادشي لي تتقول عليه تفاتف تبارك الله ماعجبكش الله يعاون اصلا علاقتي بجلال خسرات اليوم و ماغانعاودش نتاقاااا بيه ...
- مرتضى .." كيغوت عليها" .. اشوووفي نتي الالة .. علاقتك خسرااات غاتعاااودي تصلحيييها ولا غاتشوووفي وجه الزااامل بووويا الحقيقي كاااتفهميييي .. جمعي راسك شفتك بحالااا ضصرتي ..
- المى .." ضغطات على سنانها" .. شكووون نتااا بااش تهددني هاهااااي .. افيييق احنيني كلمة مني لجلال بربي تا يطيركم ..
- مرتضى .. ديريها نشوف و ترحمي على كل من هو من عزيز عليك ...
- المى .." ضحكات على كلامو" .. ههههههههههه من نيتك كاتخوفني دابا ولا شنو. . خهههه
- مرتضى .. مكانصحكش تستهني بهضرتي .. غانتسنى اتصالك فاش تلقاي الجديد .. و ياريت فأقرب فرصة ..
قطع عليها الاتصال و خلاها فحرب بين مشاعرها لي حسو بالخوف و بين قوتها لي مستحيل تتخلى عليها .. رمات التيليفون ديالها فوق الكانابي و تلاحت على النموسية تتفكر فهاد التخربيق لي ولا فحياتها ...
#يتبع ..