عاشقة الثراء💸مكتملة💸

💸الجزء 163💸

عاشقة الثراء
"ليالي نسيم "
البارت 163
-ملِك قلبي-

ابتسمات ليه ابتسامتها لي تتخليه يبتسم تلقائيا .. عنقها و اتجهو لسياارتو لي توجه بيها ديييريكت للطيارة لي كان عاطيهم الأمر يوجدووها ليه .. كي وقف الاوطو نزلات المى هي الاولى غير شافت الطيارة و هي تشتت بالضحك ..
- المى .. نو واااي ..هههههه ماتقوولهااااااش ..
- جلال .." نزل من الاوطو و دار نضاضرو تالشمس ..و اتجه لعندها عنقها من كتفها" ..ههه .. نگولها ابنت عايشة ..
- المى .. هههه .. توحشتها!!
- جلال .. تا هي توحشاتك ..!! .. و تا انا !! توحشتكم بزوج!!" طلع نضاضرو و غمزها" ..
- المى .." ضرباتو لصدرو" ..الله يمسخك هههه
-جلال .." شد ليها يدها باش طلع فالدروج" ..مالنا .. دوزت فيها احسن نهار فحياتي ..ههه ..
- المى ..زيد زيد و سكت الى كنتي معول تدوز فيها نهار ااخر غاتكوون غالط .. غاتسولني علاش و انا غانجاوبك حيت ببسااااطة احبيبي انا يومين ماناعسااش النعاس لي يكفيني و النهار كلو و انا على رجل وحدة .. الموووت دالعياا لي فيا ماغاتقدرش تحس بييه ..
- جلال .. " هز فيها حجبانو و ربع يديه" ..زعما تتسديها فوجهي ولا كيفاش!!
- المى .." تعلات على صباع رجليها و دورات يديها على عنقو" .. امم ولدك لي بغا يرتاح .. معييني بزااف !! و الدوخة شادااني من عرفت بلان ساندي ..
- جلال .." زير عليها من خصرها و تم غادي بيها للغرفة ديال الطياارة لي شهدات على اول لياليهم " .." .. ماشكرتيش كارولينا!!
- المى .. " هزات كتافها" .. نو .. غير مشات ساندي تا هي مشات .. و اصلا انا كنت مرفووعه .. راك شفتيني ..
- جلال .." وقفها و دور يديه على خصرها" ... خصك تشكريها!! هي لي حاولات تحمي ولدنا .. ماتنسايش ..و زيد عليها تدير لي فجهدها باش تكسبك .. كارولينا واحد المرا لي مزيانه بزااف ..خصك تعرفي هادشي .انا تعاملت معاها و تعاشرت معاها مدة طويلة .. عارفها مزياان .. خصك تقربيها منك .. هذا رأيي ..القرار تيرجع ليك نتي ..
- المى .." تنهدات" ..الله يسهل ..
- جلال .. عيانة ..!!؟" شدها من يديها و توجه بيها للفراش" ..اجي ترتاحي ..
حيد ليها الشال و تكاها على النموسية .. حيد ليها السبادري و تلاح حداها ..
- جلال .. بغيتي تاكلي شي حاجة!!
- المى .." عنقاتو و تمخششات فيه" ..بغيتك غير نتا تبقا حداايا و ديما معايا .. بغيتك بوووحدك ..فبدااية يومي و نهايتو ..
- جلال .." باسها من شعرها" ..لأخر نهار فحياتي ماغانفوتكش .. ديريها فبالك ..
- المى .." تنهداات" ..عاارفة .. و انا كون كاان عندي الف قلب كنت غانبغيك بيهم كاملين .. " طلعات فيه عينيها .." لقيت راسي مستقرة فقلبك من زمااااان .. و رووحي ماغاتلقاااش الأماان غير بين يديك!؟
- جلال .." حك راسو" ..شوفي ..فبحال هاد الهضرة مكانلقااش مانگول .. المهم راك عارفة اش كين ..ماتحتاجيش ندوي و نگوول!!
- المى .." ابتسمات و حطات يدها على لحيتو تتحسسها" .. عارفة لي كااين .. عارفة احبيبي ..
- جلال .." نزل باس شفافها بنهم شدييييد " ..زعما ماتنعليش الشيطان و تخلينا نديرو شي زوج خفاف فالجو بالحلال!؟
- المى .. الله ينعلو و يخزيه .. ههههههه .. ولكن انا عيااانه ووماغانقدرش احبيبو .. وعد مني غير نوصلو " عضات عل شفتها" .. غانبرعك ..!! ولكن اذا خليتيني نعس شوية بينما وصلنا!!
- جلال .. "زير عليها" ..نعسي نعسي .. مابغيتيش تدي الحسنات!!
- المى .. الحسنات!! هههههههههههههه .
ماهي الا سااعات وصلوو لليونان و حطات الطائرة على مطااار أتينا الدولي .... فهاد الوقيتة كانت عبير نااعسة. و كاتشخر .. ماقدرش يفيقها بقاات فييه .. بقات متكية على كتفو مانعس ما شافو طول الوقت كان مراقبها و كيفكر فداكشي ليوطرا .. جلال من الناس لي ديما بالهم خدام .. تا و هو نااعس كيبقى كيفكر .. ديما هاز الهم فوق راسووو ..
مكينزهااش منين خفافت و اي حاجة تتبقى تحط فيين ..بقى تيفكر فالمشكلةديال ساندي و داكشي لي دارت .. فجاانب منو تيحس بالذنب من جهتها .. حيت كان سبب انها تفارق مع الشخص لي كانت معاه و فاش اعترفات ليه ما تقبلش و حتى كلامها كان السبب انها ماتخليش بلاصة نقية فقلبو .. ولكن مع دلك التقاليد و احكام عبد العظيم لي كان تيصدرهم بحجة عادات العائلة ضلمووها .. هذا مكيعنيش انو غايسامحها على محاولة قتل ولدو لكن غايحاول يقنع الحاج يعاقبها بطريقة اخرى من غير الحبس .. خصوصا ان العائلة كاملة غاتأثر ماشي غير هي .. و خصوصااا انه مابااغيش توقف بنتو قدامهم فيوم من الاياام تقوول ليهم حبستو ماما .. او شي حاجة لي غاضرها فخاطرها من بعد .. واخة عارف ان عادشي ماغايعجبش المى ولكن عندو مصلحة توليب مهمة بزاف ..
كي وصلو مابغاش يفيقها .. هزها و خرج بيها ديريكت للاطوو و تا هي مع الوحم و مدة مانعسات فخاطرها ولات ميته على النعااس .. تقدر تنعس وااقفة ..اتجه بيها دييرييكت لاوطيل .. خذا الكارت و طلع بيها للجناح ديالهم .. حطها على الناموسية و غطاها .. دخل خذا دووش باش يصحصح....من بعد خرج للشومبر خذات حوايجوو لبسهم و هز سوارتو و التيليفون ديالو و نزل خذا الاوطو و اتجه ديرييكت يشرف على المفاجئة لي دير لحبيبتوو ..
........
...
مروساعااات ..كانت المى مزالها ناعسة حتى سمعات تيليفونها تيصووني. . فاقت معنكش ..هزاتو و لقاتو جلال و هي تجاوب ..
- المى .." بصوت ناااعس .." ..الووو ..
- جلال ..ماتگوليش لياا مزالة ناعسة!!!!!
- المى .." تتكسل .." ..اااه مزالة ناعسة .. نتا فيقتيني داباا" .. دورات راسها فالغرفة و شافت فالتيليفون باستغراب!! .. رجعاتو مرة اخرى لودنيها " ..اويلي فين انا ...!! و فينك نتاااا!! ..
- جلال .. كون خليتك فشي قنت كاع ماتعيقي لراسك" .. نتي الالة فالاوطيل ..غادي تفيقي و تدخلي تاخدي دوش تفيقي مزيان و نزلي تغداي .. محجوزة ليك طابلة باسمي .. بينما جيت..نلقاك مغدية..
- المى .." كاتفووه " .. واااخه ..
قطعات معاه و رجاات تكااات .. بزز قداات تفييق ..رمات عليها الغطاااو اتجهات للدووش ..نصلات كاع جوايجها و عمرات الجاكوزي .. دارت فيه زييوووت تسترخي بيهم من هاد المدة لي دازت عليها صعبة .. كي كملات الدوش لوات عليها البينواار و خرجات لقلت بااش تصاايب ليها كوفي .. خذاتها و مشات للبالكوون تاتستنشق هوااء اليوونان لي ماعارفااش راسها فيه اصلا😁 هي غا ركباات الطياارة و زادت خلفه .. بقات مدة فيه تا مشا منها النعااس عاد مشات لبسات حوايجها لي كانو عبارة عن سورفيت فالمووف باارد .. و شبادري موف غامق.. دارت الميك اب ديالها خفيف و جمعات شعرها على شكل كعكة مهملة .. و كذلك الشال لاحتو عليها بدون ما تقاااادو كيف العاادة ... هزات ساكاادوو فيه تيليفوونها و الفلووس .. اتجهاات للريسطو .. سولات على الطابلة اامحجوزة باسم جلال .. وصلووها ليها و جابو ليها المووني طلبات غداها لي تشهااات خذات تيليفوونها بعدا عرفتت فين كاينة و ضرباات تصيورات فالسنااب بعد ما تغداات نااضت تدوور فالموول ديال الاوطيل ..خذات شحال من حااجة بااغيااها .. كاانت وااقفة قداام المحل ديال سباابط تتشووف ااخر اصدااراات فلانتينوو تا حسات براسها مهزوزة عينيها مغمضيين ..

كاانت وااقفة قداام المحل ديال سباابط تتشووف ااخر اصدااراات فلانتينوو تا حسات براسها مهزوزة وعينيها مغمضيين ..كانت غاتغووت كوونها رييحتوو لي شمااتها عااد رتااحت و دورات ليه راسها" ..
-المى ...هووف خلعتينييي ..
- جلال .. " حطها للأرض و جرها من خصرها" اش گلت لييك اناا امم ..؟؟
- المى ..." عينيها فعينيه لي كاتركز الشووفه فييهم" .. شنووو!!!
- جلال ..." شااد معاها الخااطر بحال لا شاادوو مع توليب😁" .. گلت لييك تسنايني فالريسطوو !! ..
- المى .. هههه ." حطات يديها على شعرو و خلات اصابعها تتخللو" .. دابا انا ملييت و طفشت .. داكشي علاش جييت نضرب دويرة ..
- جلال ..طفشت!؟؟
- المى .. ههههه زعماا مليييت
- جلال ..امممم" تيشووف فالكيس لي هازة " ..متقديش تضووري فشي قنت بلا ماتهزي فيديك ..!!
- المى .." قربات لحدا وذنييه " .. دخلت لمحل بااان لياا شوومييز كحل حمممقنييي و شرييتو نلبسو لحبيبي فين المشكل!!" شافت فيه و غمزاتلو" ..
- جلال .." حك على صدرو" .. كحل كحل؟؟
- المى .. ااييه نااصع الكحال هععععع
- جلال . "زير على خصرها .. يالله الالة انا دير ليك مفاجئة هاد النهار ..
- المى .. مفااجئة!!! .. من غيير هادي هههه .. ماقلتيييش لياا غانجيييو لليوونااان ..
- جلال .. " دخل ليها الشعر تحت الشال" شفتك هاد اليااماات تتحطي تصااور سانتوريني و گلت نجيبك ليه ..
- المى ..." تنهداات و حطات يدها على قلبها" .. اللله الله عرفتييي بحاال لا كانتوحم علييها فينما نشووف تصااورها ريوووگي يسيلووو😢
- جلال .. ههههه .." عنقها من كتفها" .. يالله نمشيو ..
- المى .." طلعات رايها فيه" .. لفيين ها ها!؟
- جلال ..زيدي بااش تعرفي .. ...
اتجهو ديريكت لسياارتو لي كان موقفها قدام الاوطيل .. ركبو و اتجه بييها للطياارةو توجهوو من أتيناا لسانتووريني حطو مبااشرة بمطاار سانتوورينيي "ثيرا" و اتجهووو من جديييد للمفاجئة لي عامل ليها جلال و للمكان لي كانت متمنية تزووورو و ميته علييه مؤخرااا .. ...الطرييق كاملة و هي تتحل و تسد في عينيها ولات مدمنه نوووم .. لكن بعد ما وصلو لساانتووريني مابقااا بو نعااس عينيها ولاو كي البوولات ديال السكانياا مبرقيين تتشووف و ريووگها سايليين على دووك المنااضر ديال الجزيرة ..و لي كاتعتبر من بين أجمل الجزر ....لدرجة ان الشعرااء تغنااو بيها و بجماالها و سحرها من عهد أفلاطوون ..و فووق المليوون و نص ساائح تيزوورووها كل عاام حيت فيها كل ما يحتاجه السيااح .. خصوصا عشااق الرومانسية و الكاالم ..
شاد فيديها و غاديين في اتجااه الفيلا .. خصوصا انو ازقة سانتوريني كاتحس بجماالهم مشيا على الأقدااام ..
#يتبع ..