عاشقة الثراء💸مكتملة💸

💸الجزء 37💸

عاشقة الثراء
"البارت 37"

-أهرب منك إليك -

- جلال .. ديالي نتي .. ديالي .. مفهوم .. دياالي و يا ويل ويلك نعرف عليك شي حاجة .. يا ويل ويلك تعبي بديلك ..
- المى .." وسعات فيه عينيها"..هااا😳😳😳
- جلال .." سد ليها فمو بصبعو و ابتسم" .. نتي ديالي .. ديال جلال ..
- المى ..حسات به بحال لا هزها السماء و خبطها فديك اللحضة جا ديريكت مرتضى فبالها ..و ضربات برتسها نفضاتو و رجعات شافت فيه" .. أنا .. انا خصني نمشي نشوف خولة .. غاتكون فاقت ..
-جلال .."طلقها دغيا ناضت هربات من بين يديه و ابتسم بالجنب .." ..المهم هاهي فراسك .. و وجدي راسك العشية كين تورناج ..
- المى .." مشات باتجاه الباب" .. واخة .."خرجات من عندو تدوي مع راسها" براافو المى برافو غير تيبوسك تتحلي .. ليه .. دابا شنو كيعني بديك نتي ديالي !! " وقفات و دارت يديها على خصرها" .. باااينة للعمى المكلخة .. هي العاهرة ديالو .. و شنو بغات تكون ..مرتو .. تف تف تف على دي حالة منك لله يا مرتضى الكلب لو كان ماشي نتا كون هزيت قشي و ضرت فيه ..
دورات راسها لجهة الباب و عضات على شفتها عاد زادت لبيتها..طرفات حالها بالزربة و دخلات بدلات حوايجها لبسات جينز قصير مشرگ و تريكو تالصوف فالأسود و فيها فم ديال الفيرور من القدام بالأحمر و لبسات معاه طالون اسود ديال الدان ..و مشات لبيت خولة .. دخلات لقاتها تتلبس حوايجها...
- المى ...صباح الورد و الياسمين جنم ..
- خولة.. صباااحو بيتانيم ..😍
- المى .. كي صبحتي ..!؟
- خولة .." جمعات شعرها" صافا احبي ..و نتي نعستي مزيان!!
- المى.. انتي عارفة لي فيها .. كنعس فحال لا ناعسة فعالم اخر ..
- خولة..دابا يفووت ..
-المى " جراتها من يدها " يالله نفطرو..
تمو نازلين مع الدروج مشاو ديريكت للسفرة لي كانت عااامرة من اولها لآخرها .. كان جالس فيها جلال و علي لي غا شافتو خولة قوسات حواجبها ..
- خولة .. " شافت فجلال" .. صباح الخير ..
- جلال .." بادلها الابتسامه و شاف بالجنب فعلي " .. صباح الجمال ..
- علي .." شطلع فيها حواجبوو رجع شاف فألمى" ..صباح الزين المى ..
- المى .." ابتسمات ليه بخفة و كبات لراسها قهوة" .. صباحك فل ..
كانت مشاحنه بين عيون علي المستمتعة و بين عيون خولة الخجولة و الغاضبة في نفس الوقت .. و كيجيها مشهد على مع شي وحدة و هي تتغوت كيف سمعات فالتيليفون ..اما جلال كان تياكل بهدوء و هاز القهوة ديالو تيشرب فيها ..و المل مرة مرة تاتشوف فيه بنص عين حتى نطق كيدوي مع علي الشيء لي خلى المى طرطق ودنيها..
- جلال .. اش بان ليك فالعرض الجدبد ديال كارلوس !!
-, علي .. " ضرب من العصير ديالو" .. مخييير .. عرفتي شحال ديال الباطويات اصاحبي .. مناقصة بوحدها ثرة ..
-جلال .." شرب قهوتو و تكى بدراعو على الطابلة" .. ولكن حضي مع صاحبونا .. غايكون كيحاول يدخل لينا من شي قنت ..
- علي .. ههه كاع التقابي تسدو يشد ديلمو فالبولة ديال تسعين .. محسن مكيخلي وراه تا دليل ..شكون لي حرق الله و اعلم .. و هوما لي بداو حنا غير جاوبناهم..
- جلال .. انا مافايقش لديلمو من النعاس ولكن يدور ليا من شي قنت نحر ديلمو .. حيت لدابا باقي موقرو ماشافش مني الوجه الثاني ..
- علي .. بلا ميشوفو حسن ليه .. هههه
- جلال .. سرور مزال ما جات" شاف فساعتو و ناض .. " .. غاتكون سبقاتنا للشركة .. يالله ..
- علي .. " شاف لجهة خولة لي كانت حانية راسها و تتاكل الحلوى في صمت.. الحلوى تتاكل الحلوى .." نطقها بدون شعور خلاها تلفت ليه لا هي لا ألمى .." ابتسم بالجنب و ناض هز الجاكيط ديالو لبسها..
- جلال .." تحنى على المى بغا يسلمعليها بالوجه و هي توسع عينيها.. " .. العشية كين تورناج .. عندي خدمه مهمة الى ماجيتش نديك غاتجيك طنوبيل تديك .. ماتخرجيش بوحدك واخة يتصلو بيك .. حتى يجي لي يديك مفهوم ..!!
-المى .." كاتشوف في عينيه و بلعات ريقها" اوكي ..
باسها جنب فمها و مشا بلا بلا ميتلفت .. اما ي حنيكاتها توردو بلا هواها .. صغرات فيها خولة عينيها ...
- خولة .. اش هادشي طرا قدامي دابا؟؟
- المى ..كاتسوليني على حتى حاجة .. عافاك ..انا براسي ماعارفاش اش هادشي
- خولة .. ياك ما تصاحبتو بلا خباري ...!
- المى .. مية مرة كنقول ليك هاد المصطلح ديال تصاحبتو مكانحملوش .. و زيدون مابيني و بينو والو غير هو هكذا قنانفو سابقينو..
- خولة .." خذات في فمها طرف تالحلوة" ..يا سبحان الله قنانفو تيسبقوه غير معاك انا تا سلام باليد مكيخسرو عليا ..😒..
- المى .. هزات تيليفونها و تمات خارجة للجردة" .. غاندير واحد المكالمه على ماتكملي فطورك ...
خرجات للجردة ديك الساع و مع كان عندها خط دولي اتصلات بمرتضى و خبرات بكاع داكشي لي سمعات من جلال فاش كان تيدوي مع علي ...
- مرتضى .. الله الله. . ههههههه كارلوس كاع .. واخة اسي جلال غانشوفوك اش غاتنيط منو ..
- المى .. هادشي لي سمعت
- مرتضى .. برافو عليك ..هاد القضية ديال كرلوس مكانتش فراسنا ..نبغيك تزيدي تحلي ودنيك و عبنيك و اي حاجة سمعتيها قوليها لي ديك الساع ..
- المى ..ماغانزيدش نكثف جهودي اسي .. داكشي لي داز على ودني غانقولو ليك .. يالله تشاو .
- المى ..ماغانزيدش نكثف جهودي اسي .. داكشي لي داز على ودني غانقولو ليك .. يالله تشاو ..
طفات عليه التيليفون و خشاتو فجيبها .. ماعرفات واش هادشي لي كدير غايوصلها للرصيد لي بغاتو فالبنك و لا غيوصلها لجحيم مع جلال ..مكانتش مرتاحة و هي كاتقول ليه على داكشي لي سمعات ..ماشي من عادتها تبقى توصل فالهضرة ولكن هاد المرة حبها للمال هو لي قادها .. هذا غير حقدها لي عامي عينيها على جلال لي كضنو باغيها تكون عاهرتو حيت شراها بلي كادو ..غمضات عينيها و تنفسات بالجهد ..شافت للفوق كان جو بارد و الدنيا مغممة .. غمضات عينيها حتى حسات بشي حاجة تحطات على كتافها .. كانت خولة غطاتها بالمونطو ديالها ..لبساتو و مشاو جلسو فالكنابي لي كان حدا النفورة لي وسط الجردة ..
- خولة .." كتسخن فيدها" .. يا ختي البرد عندهم بزاف ..
- المى .. ماتزيديش فيه .. الجو زين غير مغمم و صاف ..
- خولة .. المى .. عندي مانقول ليك ..
- المى .. " ربعات يديها" .. اش درتي عاوتاني؟؟
- خولة .. كاارثة و مصيبة ..
-المى .." طلعات فيها حاجبها" .. نطقي اش درتي !!
- خولة .. دابا انا قلت ليك كنحس بشي حاجة من ناحية جليل .. ياك..
- المى .."قلبات عينيها" .. ايه
- خولة .. " عاودات ليها داكشي لي وقع ليها مع علي .." من ديك الساع و هو كرمي عليا الهضرة و البارح غوت عليه و قلت ليه نتا والو بالنسبة ليا ..اوا و طلع ليه الدم علاش الله و اعلم ..
- المى .." حاطة يدها على خدها" .. كاتفلاي عليا ياك!!
- خولة .. و الله مكانتفلا بصح هادشي وقع ملي كنتي فمراكش ..
- المى .. " تحنات و حطات دراعها على ركابيها" .. و جاية كتقولي ليا هادشي عادي فحال لا ما طرا والو واش عرفتي راسك اش درتي .." كانت حداها وسادة ضرباتها بيها للوجه" ..عرفتي راااسك اااش درتي ولا اا كنتي غاتضيعي راااسك الحمارة ..و جية كاتسولي علاش معجبوش الحال بكل برود ..
- خولة .. نااري ماديريش ليا فيها الشيخ حسان مايجيش معاك الدور و نتي عاد قبيلة خليتي واحد يبوسك ..
- المى .." خزرات فيها .. " نتي راه كااان غاح**ك ولكن انا حسابي معاااه هو اللخر
- خولة...دابا خلينا من هادشي راني قلت ليك مكانش عارفني فيرجن .. و فاش عرف وقف و داني ديك الساعة للدار .
- المى .." تعصبات بالمعقول" .. لو كان تلاقيتي معاه مكيقدرش يوقف تا يقضي الغرض .. اش كنتي غاديري داك السااااع .. مالك حماره؟؟ واش تصطيتي .. شحال فعمرك نتي باش ديري هاد الفعايل البرهوشه!!
- خولة .. المى .. اولا انا كبيرة ماشي برهوشة .. ثانيا راه فعلا طلع ولد الناس لي مادار لي والو ولكن هاد التعامل ديالو كيعصبني بعد المرات ..
- المى .." حمرات فيها عينيها " ..ايااااك .. ثم ايااااك تفكري تبغيه حيت داك القلب عندك مؤخرا ولا رمانه .. هاودني منك ..
- خولة ..ويلي على نبغيه .. هاها .. من نيتك !!
قاطع كلامها دخول لي كانو كيدويو عليه النيت علي كان هو لي دخل عليهم مبتسم حتال ودنيه غير شافتو المى ابتسمات بعصبية و قالت فبالها .. جاااابك الله ..
- علي .. السلام ..
-المى .." حطات رجل على رجل .." ..اهلا بكزانوفا ..
- على .." طلع فيها حجبانو" .. عفوا!!
- المى .. تاعت الله ماحشمتيش و نتا قد هكذا باغي ضحك على درية صغيرة!!
- علي .." جلس نص جلسة فوق الريد ديال الكانابي" .. اش باغية تقولي جيني نيشان!!
- خولة .." كاتعض فضفارها و تقول انا لي درتها لراسي..!" ..اممم المى .
- المى .. " ماداتهاش فيها" .. هاد الدرية لي لقيتيها حمقة و ديتيها للاوطيل ..
- علي .." ضحك من قلبو" .. ههههههههههه وكاان ..يصحابلي شنو طرا ..
- المى .. " حمرات غيه عينيها" .. كيفااا اوكااان كيفاش .. من نيتك تعرف او كان تكرفصتي عليها اش ندير ليك؟؟ بربي تا نقتلك .. شفيت هادي عين .. و ماما عيني الثانية و لي قاصني فيهم نقتلو .. نهار تبغيييها .. غاتجي لعندي انااا و تخطبها مني قبل ماتخطبها من ماما ..هذا الى بغيتيها .. و بما انك باغي غير مع من دوز الوقت عطى الله بنات الزنقة .. لاتشوفنا هكذا يصحاب لك شايطات .. 😡😡
- علي .." ابتسم ليها" .. اللى ساليتي هضرتك .. انا جيت باش نديك .. جلال عندو اجتماع مهم ..غايلحق علينا ..
- المى.." قلبات فيه عينيها" .. غامطلع نبدل ،.،." شافت فخولة لي كون صابت تدفن راسها تحت التراب .." .. يالله تبدلي ..
- خولة .. انا لابسة .. غير سيري غانتسناك ..
- المى .." شافت فيها و فعلي لي ابتسم ليها و قال ليها بيديه سيري " .. امم واخة ..
دخلات المى للفيلا و خلات خولة حانية راسها قدام علي لي كان تيشوف فيها و مبتسم بالجنب و حواجبو مقوسين .. طلعات فيه عينيها و رجعات دغيا نزلاتهم ..
- خولة ..سمحلي عييت نشرح ليها بلي ماشي غلطك ولكن المى هكذا دايراا ..
- علي .." ابتسم بالجنب " .. واش نتي اي حاجة كاتعاوديها ليها !!
- خولة .." حركات راسها بالايجاب" ..كولشي ..
- علي .. امم ..مزيان .. انا كانتسناكم فالاوطو..
- خولة .." كي وقف وقفات" .. واش تقلقتي حيت عاودت ليها ؟؟
- علي .. " غمزها و بتسم و مشى للاوطو ديالو .." ..
- خولة .." جلسات بزعافة فوق الكنابي و جرات مخدة دارتها على رجليها" ..وا يتقلق و لا يطرطق كااع نتي مالك تتسوليه عبرااات على بووك هي لي تعرف ليك .. يخ ..😠..
- المى .." جال من وراها" .. الله يستر كدوي مع مخك فينو هذاك!!
- خولة .. فالطونوبيييل ..
مشاو لحقو عليه ركبات المى حداه و خولة فاللور. .. الطريق كاملة و هو تيشوف فيها من المراية .. كي كتشوف غيها تتلاقى بعينيه و تهرب في ساع عينيها و هاد الحركه تتخليه يبتسم و يجاك ها اكثر .. و هادشي كلو كان تحت مراقبة المى لي بقات مطلعة حواجبها الطريق كاملة حتى وصلو للمكان لي كان بعيد على لندن ببعض الكيلوميترات كان مكان كلو ثلج حتى من الشجر عامر بالثلج .. منضر رائع خلى المى و خولة عينيها يبرقو بقاو غاديين حتى وصلو للمكان لي غايصورو فيه .. كانو فيه الكرافانات و كولشي وجد الكاميرات الممثلين كولشي تيتسنى فألمى هي لي بقات .... وقف الاوطو و كي نزلو ضرب فيهم البرد و خصوصا خولة لي مكانتش لابسة مونطو غير جاكيط ديال الكوير اما المى كانت لابسة فيرور احمر مسخنها هو و البوط ديالو ..
- خولة .." كاتحك فيديها" .. احح
- خولة .." كاتحك فيديها" .. احح البرد
- المى .. راني قلت ليك اجي تبدلي و مكاتسمعيش ..
- علي .."خرج عندهم و حيد المونطو ديالو في صمت حطو ليها على كتافها " ..يالله راك تعطليت .." وجه كلامو لألمى .."
- المى .." مصغرة فيه عينيها" .. امم واخة ..
- علي .." ضور راسو لخولة لي ضارباها بسقلة .. لبسات المونطو ديالو و تكمشات فيه" .. زيدي نديك للكارافان ..
شد فيها و داها لجهة الكارافان فتح ليها حتى دخلات اما المى مشات عند المخرج لي كان معصب حيت تعطلات و ماغايقد يقول لبها والو حيت واخد اوامر من جلال شخصيا.. مد ليها الوراق ديال المشهد باش تراجعم قبل ..
- المخرج.. سيري بدلي ..غايجيو يعاونوك و يديرو ليك المكياج ..
- المى .." خذات من عندو الوراق" ..تمام ..
مشات مع البنات لي هايعاونوها فاللبس عطاوها اللباس لي غاتلبس و غاتصبر فيه على الموت تالبرد .. لبسات و دارو لها الميك اب و هي كاتراجع فالمشهد لي غاتلعب كملو لها الميك اب و داوها تمات جاية عندها وحدة اخرى عطاتها كوب ديال القهوة...
- المى .. ماطلبتش!!
- لا راه هادي فيها واحد المادة كاتخليك تسخني و ماتحسيش بالبرد ..و نتي دابا مالابساش مزيان .. شربيها ..
- المى .." خذاتها من عندها" .. اه شكرا ..
شربات القهوة لي عطاتها و مدات ليها الكاس مع اوراق المشهد و مشات تبدا التمثيل ديالها و داكشي لي كان كملات المشهد الاول لي غاتلعب و لي من موراه كين مشهد الجرئة... مشات لورا الكاميرا و مدو ليها كرسي علاياش تجلس .. جات حداها خولة تا هي جابو ليها الكرسي ...
- خولة .." بحماس" .. وااو ..الفرجة من وراء الكواليس احسم من التلفازة ..ههههه
- المى .. ههههه السر فيا انا احبي ماشي فالكواليس ..
- خولة .. ياه يااه عرفت هههه ..
-علي .." مد ليها من اللور كاس ديال القهوة لي عطاو منها لألمى " ..شربي هادي غاتسخنك ديرونجيتيني بهاد الرعدة لي فيك ..
- خولة .." شداتها من عندو " .. اوه شكرا بزاف
ابتسم ليها بالجنب و مشا جلس فالاوطو ديالو وصل وقت المشهد الثالي حيدات المى الشال ديالها لي كانت مغطية بيه راسها و مشات للكوخ لي غايتلعب فيه الدور ديال الجرئة ..حتى وقفوها ..
-المخرج .. المى نتي ماغاتلعبيش هاد الدور !!
- المى .." باستغراب" .. كيفاش !! علاش؟؟
- المخرج .. غاتلعبو الكومبارس..
- المى .." ضحكات باستهزاء " ..بس .. هذاااا ماشي دور ديال الأكشن .. هذاا..راه .. راه .. و زيدووون شجووون عطااك الحق تمنعني !!
جا صوت من وراها زعزع كيانها و خلاها تلفت ليه في ساع ..
- جلال .. " مطلع حجبانو " انا لي عطيتو الحق ..
- المى ..هاا ..😳..
- جلال .. اش قلت ليك فالدار .. اممم .." خذا خصلة من شعرها لفها على صبعو" .. نتي ديالي .. عند بالك غانسمح لشي ز*** يقيسك؟؟ امم
- المى... " خزرات فيه .. واش انا هنا خنشة تالبطاطة كاتاخد عليا قراراتي!!
- جلال .." جرها من خصرها و تكلم بجنب وذنها" .. قراراتك كاتهمني و لي شفتو ماهوااش غانبدلو .. اوكي!!
- المى ..." دفعاتو فاش شافت ختها وراهم كاتشوف فيها مستغربة" .. حيد عليا غايفهمونا غلط ..
- جلال .. "طلق منها" .. حسابنا من بعد .. دابا اجي تشوفي اش حبست عليك اغزلة ..
دخلو للكوخ لي كانت المرح ديالو كااملة فيها ناموسية كبيرة و جات بنت فنفس مواصفات المى لا من ناحية الشهر و لا الجسم و لا الطول .. دارو لها نف المكياج و هي اصلا ماغاتبانش فوجهها فديك اللقطة غير باش يحيدو الشك و صافي ... دخل البطل تا هو لي تصدم كي شاف الكومبارس كان متوقع المى لي غاتلعب معاه الدور ...وقفات فالجنب ورا المخرج و وقف حداها جلال خاشي يديه فجيب السروال و و رجع رايو للور مبتسم بالجنب .. بدا المشهد و هاتك يا بوس و احضان .. وصلو حتالالعرا و العلاقة الحميمية واخة كانت وهمية ولكن كانو عريانين و كاع مفاتنها بانو .. المى من كثرة الصدمة برقات عينيها فالمشهد و نطقات واااو بدوون شعور خلات جلال يطلق ضحكه مكتومه ..
- جلال .." تحنى على ودنها" .. ههههه عجبك المشهد .. نقدر نلعب معاك الدور لا بغيتي تجربي .. امم
- المى .." قفزات بلا مادور" لا شكرا على العرض ..
خلاتو تيضحك بالجنب و يحك لحيتو باستمتاع .. اما خولة غير بدا المشهد غطات عينيها و ضارت مع الدورة ديالها لسقات مع صدر علي لي كان واقف موراها ..
- علي ..ماغايغتصبكس غير ريحي هههههه
- خولة .." ضربات ليه صدرو" .. حيد حيد من قدااامي حيد .. البورنو هذا .. اويلي ..
حيد ليها من الطريق خلاها خرجات تتجري ديريكت للكارافان ماعاوداتش تلفتات فديك اللخظة تبعاتها المى تا هي ..شاف فجلال و كل واحد دور وجهو لجهة خام الضحكة ...
#يتبع ..