عاشقة الثراء💸مكتملة💸

💸الجزء 103💸

عاشقة الثراء
"ليالي نسيم "
البارت 103...
                       -ملِك قلبي-
اتجهو ديريكت للصالون .. طبعا بزز عليهم كاملين يحضرو عقد القران .. و طبعا المى كيف فاقت اتصلات بعايشة و خبراتها ان كتب كتابها مع جلال غايكون فالصبااح و استعجلاتها باش تجي فالوقت و حلفاااات ليهم لا تزوجات غا لا حضرااات عايشة و خولة فنهارها مستحييل مها ماتكوونش  بجنبها .. ماشي معاها فالقرح و فالفرح ماتكوونش .. و ما هي الا مدة قليلة و جات بجلابيتها فالبلونكاسي ديال الموبرة و مطرزة الكااطر فيل و العقيق و بلييغة فيها الطالون بالقهيوي و صااك تا هو فالمارون و الفولار .. كانت من الجلالب لي شرات ليها المى المهم الدخلة ديالها عليهم كلااس دو كلااس  .. اما عزري الدواار هيوديما ضاربة الجينز و السبرديلة لكن الميك اب مكتفرطش فيه كانت لابسة سروال جينز بويفريند مع سبادري و تيشرت فالبيض عليها جاكيط تالكويل .. و هازة غير تيليفونها ..كي شافهم وليد مشا عندهم سلم علبهم و فردوس تا هي طارت عليهم و المى تا هيومشات تسالمات معاهم و جلساتهم عاد ريحات تا هي  على الفوتوي حدا عبد العضيم لي جالس فالكرسي المتحرك ديااو و البسمة على وجهو اما جلال كان واقف زربان على رزقو😂 و هاز فيديه لاكارت ديالو و ديالها و كااع الوثائق جانزين قدام العدول .. بعد نا قراو الفاتحة .. طلبو الولي ديالها  الأب ..و بعد ما نطق بديك الكلمة ديال زوجتك ابنتي في ساع ماتسنااهش يكملها رد عليه ب و انا قبلت هذا الزواج. .بعد ما كملو مرااسم العقد و سناو لا هوما لا الشهود .. و بداو المباركاات لي فوووق الخااطر الا القلة القلييلة منهم .. كان احتفال بسيط للعرسلن من عبد العضيم لي فيه دخلات فورا فرقة موسيقية مكونة من خمسة أشخاص كل واحد جبد الآلة كيصاوبو فيهم و يبرونشيوهم مه الضو ولي باف بمساعدة الخدم .. تحت نضرات المى لي كيخرجو القلووبه لأنها عارفة ديك الفرقة مشهورة .. كيجيبها غا النيييت و النيت و تيعزفو غير الموسيقة الكلاسيكية و الهادئة ماعندهمش مع الصخب و زدح زدح .. اما جلال فا كان عاارف هادشي و قايلها ليه الحاج .. دخلو الشامبانيااا و العصير مع الحلوياات و بداو كيقدمو فيهم للحضوور فهاد الوقيتة يالله وصل علي .. تسالم مع جلال سلام رجولي و بارك ليه هو و عبير .. و اتجه لعند خوالة شد لها فيدها و سلم مع عايشة لي بادلاتو السلام من الفوق للفوق كي شافتو كحلات بالعما هي براسها ماعارفاش علاش متتحملوش🤣..
اعضاء الفرقة خذاو اماكنهم و لي غاتغني وقفات قدام الميكرو .. و بداات بعد ما بدا العزف على أغنية je t'aime ديال لارا فابيان ..و هود الأغنية كانت تتمووت عليها عبير و لي كثر انهكل حرف منها تيعبر عليهم او عليها هي بالأخص و لي فدااخلها ولي تتحس بيه .. ماكرهاتش تا هي فديك اللحضة تصرخ و تقوول ليه كنبغييييييك .. و أخيرا ولاااا عندها الحق فيه .. طلعات ليه عينيها مبتسمة لعيونو لي كانو تيراقبو وجهها و تغيراات ملامحو من الجموود للتأثر .. شابكات يديها بيديه و زيرات عليها باليد الثانية .. اما هو قادها للساحة لي قدامو المغنية لي كانت تتغني بصوتها العذب ..
خشاها فخضنو و بدااو فالرقص تحت عيوون الكل  ..اما ساندي فديك الوقيتة كانت خرجات و باادية السهرة ديالها مع شخص ااخر فبار مشهور .. عاطيااها للشرااب و الشيشة... باش تلف الوقت ..
      -المى .. " مبتسمه و تتشوف فعينيه" ..شكون دار هادشي نتا ..
      - جلال .. عارفه عليا هادشي انا!! الحاج هو مول البلان ..
      - المى .." ضرباتو بخفة على كتفو".. هههه كان عندي امل ..
      - جلال .. بالحق الأغنية انا لي ختاريتها ..
     - المى .." مبتسمة بفرحة حطات رايها على كتفو".. باش عرفتيها تتعجبني!!
       - جلال .." ابتسم بالجنب و يدو تيدوزها على ضهرها " ..ماشي حاجة صعيب نعرف على مرتي كولشي ...
     - المى ... " رجعات شافت فيه .. بنضرات كلها هيااام و عشق و تبعات مع الاغنية فالريتم ". .
je t'aime
Comme un fou comme un soldat
comme une star de cinéma
Je t'aime