عاشقة الثراء💸مكتملة💸

💸الجزء 39💸

عاشقة الثراء
"البارت 39

-أهرب منك إليك -
-المى ..منك لله يا مرتضى الكلب غاتخرج عليا منك لله 😭
دخلات لبيتها تتحرت فيه غادية جاية و تعض فضفارها .. مشات لبلاكار هزات الفاليز تتجمع و تفكر و تقول معوراسها واش زعماااا عاق بيا ولا ماعاقش ..؟! عمرات الفاليز ديالها و الفاليز ديال المجوهرات و الميك اب .. حطات كولشي حدا البلاكار و خرجات لعند خولة لقاتها جالسة فالبالكون ديال بيتها و تتصور..
- المى .." حاولات تحيد عليها التوثر" .. الماس فالناس و القرعة فالسيلفي .. انوضي جمعي حوايجك غنمشيو غدا ..
- خولة .." بخيبة أمل" .. صاافي دغيا ..!!
- المى .. فوتنا العشر ايام و باركه تقولي ليا دغيا .. بااز ..
- خولة .. " حنات رايها" .. ماسخيتش ..انا غانجمع حوايجي ..
دازت من حداها حانية راسها و تتقلب على اي حاجة وهمية تشغل بيها يديها ..حتى شداتها المى من دراها
- المى .. " شداتها و طلعت ليها وجهها " شوفي فيا .. كأنه لم يكن .. مجرد صديق .. ماتسمحييش لراسك تعلقي بيه .. سمعتي !!
-خولة .." ابتسمات ليها" .. تصوري .. هاد المدة لي جيت معاك .. اليومين الاولين .. جاوني صعاب شوية .. مكانش جليل لي نشوفو كل صباح .. و يوصلني للافاك .. ولكن من بعد .. حسيت براسي خفيفة .. خصوصا فاش تشغلت معاك فالتصوير .. و فاش كيخرجنا علي .. هه .. تصوري ماتفكرتوووش نهاييا فهاد المدة .. ولكن لي خايفة منو .. هو نرجع نشوفو و نرجع كيف كنت من قبل .. حيت هاد المدة بصح رتاحيت بزااف و حسيت براسي كيفحال لا عمري بغيتو ..
- المى .." تنهدات و جلسات فوق النموسية حطات رجل على رجل" .. شوفي .. مدامك مابقيتيش تتفكريه .. عرفي راسك عمرك بغيتيه ..راني قلت لك هذاك غير ولف .. وفاش لقيتي البديل .. ولقيتي مايدار بهاد المعنى ..!! و هذا يا روحي .. ماسميتوش حب .. الحب ماغاديش تنسايه .. الحب غايبقى هنااا" شيرات لقلبها" قبل هنااا" شيرات لعقلها" .. و حتى لو رجعتي .. غاترجعي و تلقاي راسك عادي .. بحالو بحال اي واحد .. و دابا تشووفي ..
- خولة .." "سدات فاليزتها" .. اوا داكشي لي بغيت .. بغيت نشوفو يجيني فحال اي واحد .. صراحة انا الغالطة .. و هاو تا هو غالط .. من ديما كيعطي اهتمامو لكوولشي .. و هادشي كيضر الطرف الثاني .. ماشي هو ..على العموم .. ماغاديش نبقى هاربة من وجهو ديما .. غانشوف حياتي .. و نشوف لي يقدرني .. و يعطيني قيمتي .. و يبغيني و هاد المرة .. غانتأكد انو يبغيني قبل لا انا نبغيه ..
- المى .. ههههههههههه تربييتي .. يالله بونوي .. انا غانمشي نرتاح .. باش غدا مانتكرفصش ..
باستها و اتجهات لبيتها ديريكت حلات الباب و دخلات ديريكت للحمام بلا ماتلفت للبيت .. مشات غسلات و جها و ديماكيات .. دارت كريم ليلي .. و تمات غادية لدريسينغ .. خلات فيه شورط قصير حريري فالأحمر و ديباردور ديالو فنفس اللون .. حيدات السوتيانات و لبسات داكشي .. هزات شعرها للفوق و تمات غادية حفيانه يالله وصلات للباب تاع الدريسينغ و هو يبان ليها جلال متكي فوق النموسية لابس غير سروال و الفوق عريان مليوح علىضهرو هاز رجل و لايح رجل .. و يدو تحت راسو ..
-جلال .." مد يدو بتعب شاف فالساعه ديالو " .. ستة و ثلاتين دقيقة فالدوش!!
- المى .." ربعات يديها و قربات ليه " ..شنو كدير هنا!!
- جلال .." ضار على كرشو و شير بصبعو على ضهرو" ..عيان .. ديري ليا ماساج ..
- المى .." حطات يدها على فمها" .. هااااا .. من نيتك ؟؟ اناااا !!
- جلال .." ببرود" .. ايه نتي .. سربي ..
- المى .. لا واش تتفلا عليا .. ههههههههههه انا ندير ليك مساج .. باشمن صفة بالسلامه؟؟ سير عند ميريندينا دير ليك ماسااج ....
- جلال .." ضور راسو لعندها حال عين و ساد عين ..'' مادلين ..هي مامسالياش لهادشي .. خليها للمهمات الصعبه " غمزها" ..
- المى .." زيرات على سنلنها" .. اهاااه .. نيت سلعة القحاب يديوها القحاب .."طبعا هادي قالتها فخاطرها كون هرس ليها فمها" .. اوا اسيدي انا مكانديرش ماساااج ..
- جلال .." جمر فيها عينيه و ضرب الكمودينو بيدو تا تزلع داكشي لي فوق منو". . مكانبغيييش نعاود هضرتي .. العصااب لي فديلمي كانحاول نكبتوو ماتخلينيش ننفجر على ملتك ..
- المى .." سمعاتو فوت و هي تقفز .. رجعات جمدات اعصابها و تمشات تا وصلات لعندو" .. ماكانعرفش للمساج ..
- جلال .." حط جبهتو على دراعو" .. عندك الرجلين .. اواةطلعي فوق ضهري و ديري و ماشي بيهم ..
- المى .." وسعات عينيها" .. باغيني نعفس عليك؟؟؟
- جلال .. تمامااا... و شد فالحيط باش ماطيحيش ..
عوجات فمها و طلعات فوق النموسية .. مدات رجليها و حطاتها فوق وسط ضهرو. . طلعات بالرجل الثانية و شدات فالحيط كيف قال ليها .. بدات تتمشى فوق ضهرو من التحت حتال كتافو ... بقات غادية تتماصي و تتقول ليه واش هكذا و هو متيجاوبهاش .. عقلو كيقول علاش كاتخوني!! فقط .. حيا داكشي لي دارت فنضرو خيانه .. ز خيانة عظمى .. فكر دابا يشدها و يخبطها مع الحيط يعلمها بشحال كيتقام الغدر .. و لكن فضل يكبح غضبو فديك اللحضة .. و يسايسها .. زعزع ضهرو و هي تميل فديك اللحضة مكانتش شادة فالحيط .. رجعات لور و كانت غاتجي على راسها .. كالاها برجليه و جرها بيديه تقلب في ساع و حطها على كرشو و شد ففخاضها بزوج. .
- جلال .." عاقد حواجبو". .قلت ليك شدي فالحيط .. علاش مكاتسمعيش ..!!
- المى ..كنت شاده .. غير .. " بداو يديه تيتحسسو فخاضها" ..نتا تزعزعتي .." شدات فيديه حيداتهم ليه" .. حيد يدك ..
- جلال .." ابتسم بالجنب .." ..تتربي فالفخاض غاديين و كيعمرو فين غادية بهادشي ..!!
- المى .." رجعات حيدات ليه يديه و بغات تنوض و هو يحكمها بيديه مع البرود لي مغطي وجهو" ..بعاااد عليا يدك و نوض خليني بغيت نعس .. خصك تعرف بلي انا ماشي لعبة بين دوك تلمونيكات لي عندك .. و بما انك نتا ماشي رجل لمرااا وحدة .. خصك تعرف بأنني انا مااااشي مرا لرجل مشروووك ..!!
- جلال .. " ضحك بالجنب" .. ههه تت .. الحلاوه معايا انا .. واخة نكون مشروك اكراميلا ..
- المى .." من عصبيتها نطقات بدون شعور" ..مالك تا بوحدك لي عندك زنطيط .. " شدات فمها بيديها ..
- جلال .." هزهزها فاش حرك كرشو" .. هههه لا انا عندي الزب الذهبي ..
خزرات فيه و ضرباتو لصدرو .. هزها ولاحها فوق النموسية .. طلع فوق منها و شاف فيها بطريقة خلاتها ترجع للور" .. مامخبية والو!!
- المى .." تحكمات فعينيها" شي حاجة بحال اش؟؟؟
- جلال .." صغر فيها عينيه" .. لي كان .. سوا مااضي سوا حاضر ...!!
- المى .." حركات راسها بنفي" .. لا .. لا والو ..
- جلال .. اممم .. حيت لا عرفت عليك شي حتجة هوك ولا هوك غان .." دار صبعو على عنقو من الوريد للوريد" .. نذبحك .. تقي بيا منحنش فيك ..
غمزهاو ناض من فوق منها .. اتجه ديريكت للباب خلاها مصدومه و كاتقول فراسها .. غايكووون قشعني .. الشك كان كيااكل فيها و عينيها كانو كيمشيو ويجيو بالأعصاب .. حطات يديها على صدرها و حاولات تكى بلاصتها فين كان متكي .. لكن النعااس