عاشقة الثراء💸مكتملة💸

💸الجزء 90💸

عاشقة الثراء
"ليالي نسيم "
البارت 90
                       -الدم الملكي-

"المواجهة الحتمية"

بعد ليلة مرييييحة لألمى فالجناح الملكي ديال الأميرة المفقودة .. لي خصصو ليها عبد العضيم .. فاقت تتكسل ولأول مرة تتنعس بدون مهدئات ولا منومات ..هزات راسها فالغرفة و فأرجائها كأنها ممتيقاش راسها انعا ناعسة فقصر و عندها جناح على قدو ..خذاتها رحلة أفكارها من جديد لجلال .. و هي تتقوول مع رااسها يا ترى هو ناعس بحضنها الليلة.. لمسها !! نظرة عينو كانت من نصيبها .. لمسة يدو حرقات جسدها كيف ما كانت تتحرق جسدي !! همسااتو دوبووها كيف ما كيخلووني نغرق فهواه..!!
حركات رايها يميين و شمال تتنفضو من دووك الأفكاار لي كيحرقووووها من الداخل ..
      - المى .. و انااا مالي .. انااا مااشي سووقي فيه. .."ناضت وقفات و دارت رجليها فالبانطوفة" .. طبيعي يبات عندها .. و يقييسها و ينعس معاهاااا.. الي مشي طبييعي الغبية هو يكوون فعلاقة معاك .. بفف ...نصلات الشوميز دو نوي ديالها و خرجات للجهة الثانية من الجناح لي كان فيها بيسين ..بقات بالدو بياس ديالها و تلاحت فيه تتعوووم لعل وعسى يبرد دمااغها من كثرة التفكيير فجلال و مرتو ....بقات فكمام السبااحة تتعوم ما يقارب الساااعة حتى حسات روحها حيات و هي تطلع منو .. جرات الفوطة لي كانت معلقة قدامها مسحات بيها و مشات ديريكت للتيليكوموند لي عطاتها صوفيا دغطات عليها حتى سمعات الجرس من عندها رن و جاوباتها صوفي ...
     - صوفي .. نعام لالة ..صباح الخير ..
      - المى .. جيبي ليا الفطور لسويت ديالي ...
      - صوفي .. هي لي ماتعاودش لالة .. شي حاجة اخرى!!
      - المى .. نو ..شكرا ..
حطاتها و اتجهات للحمام خذاتوش خفيف  و صاوبات شعرها بالسوشواى ..دارت ميك اب خفييف بانت طبيعية و حنيكاتها لي موردين زيادة .. خلات شعرها على راحتو و مشات لجهة ثانية ديال الجناح لي فيها البيسين .. لقاتهم حطو لها فوق الطبيلة  الفطوور.. جميع انوااع البتي بان .. و  و الطوسط المحمص  . هذا غير انواع العصائر و الفرامج و لانشون .. بقات غير تتشوف .. جلسات فطرات على خواطر خاطرها    تا حسات براسها شبعات عاد ناضت للحمام ..غسلات  سنيناتها و اتجهات للدريسينغ .. وقفات تتقلب ااش غاتلبس و مع الكثرة حااارت لكن...خذات منها شوميز فالاخضر ملكي عليها وريدات .. و شكلها موديغن .. لبساتها مع سروال كحل لاسق عليها و قصير من الرجلين .. لبسات معاه صندالة عالية بالسيور فالأسود ..كانت كلاس و من الوقفة و النظرة زاادت شموووخا ..مشات وقفات قدام بلاكار كلو عامر روايح .. ها شانيل ها ديور .. ها العوود جمييع الأنوااع متواجدة .. ختارت جادوور ديور لي زادتها ثقة و غرووور و شجاعة .. رشاتو على عنقها و دارتو فيديها من الداخل .. رداتو لبلاصتو و رجعات شافت فراسها .. ابتسمات لانعكاس المرآة على وجهها بثقة..و تمشات بخطى واثقة .. يالله ناوية تخرج من الجناح حتى سمعات عليه الدقان ..فتحات الباب بانت لها صوفيا... شافت فيها باستفسار تتسناها ااش غاتقول ليها لكن صووفياا تبهرات من جمالها لي زادت برزاتو على البارح و مع هي طويلة و الطالون زاد طولها بانت قدامها كي العملاق ..
      - المى .. شنو عندك اصوفيا؟؟
      - صوفيا .. اا احم .. الحاج عبد العظيم .. داير اجتماع فالمكتب ديالو .. و طلبك بالاسم .. تفضلي معايا نوليك منين ..
     - المى ..امم اوكي ..
خرجات معاها و هي غادية فالطرييق توحاول تحفض الاماكن و الطرقان فهاد القصر لي خاصو حنطور باش ضور فيه😂... رطبو فالمصعد و نزلو للطبقة التحتية .. وثلاتها للمكتب ديال كبير العائلة عبد العظيم ....
     - صوفيا .. تفضلي لالة .. هاهو المكتب ..
      - المى .."شافت فيها و حطات يدها على البواني .. " .. شكرا .. و غانحتاجك معايا !!
        -صوفيا. ."مبتسمة" .. في أي وقت الالة ..مرحبا ..
      انصرفات صوفيا و بقات المى قدام داك الباب حاطة يدها على البواني .. غمضات عينيها و دقات زوج خطرات حتى سمعات الاذن بالدخول من عند عبد العظيم عاد دخلات .. هازة راسها