💕أنت قلبي٢💕

الحلقة ٩٧

#انت_قلبي٢
#بوسي_مصطفى
______________
الحلقة ٩٧

في الصباح...في فيلا آسر.
مليكة : صباح الخير.
سهر : يا صباح الفل.
ملك : ايه يا حبيبتي كل دا نوم!!
مليكة : محدش قالي إني عندي مشوار مهم الصبح بدري يعني و لا حاجه!!
سهر : هههههههههههه
نامي يا حبيبتي براحتك اختك بتهزر معاكي.
ملك : ايه دا انتِ زعلتي و لا ايه؟!
اقولك احسن برضه علشان ترجعي بيتك.
مليكة : سامعه يا مامي؟
ملك : هههههههههههه
عارفه أنا متوغوشه بس على قعاد جوزك لوحده في الشقة ترجعي تلاقيه اتجوز واحدة عليكي و لا حاجه.
مليكة : لا يا حبيبتي اطمني سيف بيحبني مستحيل يعمل كده.
ملك : اوك بس خدي بالك الأمر ميسلمش برضه.
مليكة : انتِ عايزة تقلقيني بالعافيه!
ملك : الحق عليه أنا قلبي عليكي يا بنتي.
سهر : هههههههههههه
مليكة : خير يا ست ملك مالك النهاردة كلامك غريب كده ليه؟!
ملك : يا حبيبتي أنتِ حره.. سلام.
مليكة : رايحه النادي؟
ملك : اه.. تيجي معايا؟
مليكة : مش قادرة أجري.
ملك : و مين قالك إنك هتجري احنا هنتمشى شوية و نتغدا هناك اهو نفُك عن نفسنا شوية.
مليكة : لأ بلاش اصل سيف نزل الشغل و لازم اكلمه و اقوله
و هلاقيه مشغول دلوقت و بعدين بقى ما يركز اصلا إني اتصلت بيه
هيكون فات وقت و أنا مش عايزة اعطلك اتفضلي انتِ.
ملك : اوك.. سلام
مامي محتاجه حاجه مني؟
سهر : لا يا حبيبتي خدي بالك من نفسك.
ملك : حاضر.
سهر : احضرلك فطار بقى..
مليكة : لا يا مامي بلاش.
سهر : ليه يا حبيبتي؟
مليكة : مليش نفس.. شوية كده لما اصحصح
هخرج اتمشى شوية في الجنينه.
___________
بعد شوية.. في محلات نادين.
فيروز : مالك كده في حاجه و لا ايه؟
هدى : موضوع كده مضايقني قوي.
فيروز : هوني على نفسك كله بيعدي.
هدى : هو مش سر يعني و مش عارفه اقولك و لا لأ بس حاسه إني لو متكلمتش و فضفضت هطق و اموت.
فيروز : بعيد الشر عنك متقوليش كده.
هدى : مليكة مرات اخوكي.
فيروز : مالها.. تعبت تاني و لا ايه؟
هدى : لأ راحت تقعد في بيت باباها.
فيروز : ليه زعلانه مع سيف و لا ايه؟
هدى : لأ.. بس زهقانه و قالت تروح تقعد هناك كام يوم على الرغم يعني إن مامتها بتقعد معاها لحد ما سيف يرجع من الشغل و بتجيلها الصبح بدري بعد نزول سيف على طول.
فيروز : مش هو موافق احنا مالنا.
هدى : لا هو سايبها براحتها بس من جواه هيطق اخويا و أنا عارفاه.
فيروز : اسمعي يا هدى دي حياتهم يا حبيبتي و ملناش نتدخل فيها غير بالخير.
هدى : و أنا كده بعمل شر يا فيروز؟
فيروز : لا يا حبيبتي مقصدش بس كتر الكلام في الموضوع دا هيجيب مشاكل يمكن هو عذرها علشان الظروف اللي بتمر بيها و محبش يزعلها معلش دول يومين يعني مش هيعملوا حاجه.
هدى : يا حبيبتي الراجل عايز يرجع بيته بعد يوم طويل في الشغل يلاقي مراته في البيت تقوله كلمتين حلوين يهونوا عليه تعب اليوم مش يرجع يقعد لوحده كإنه متجوزش سيف متعودش على كده حتى بعد وفاة ماما كان بابا معاه على طول و بعدين هي لو تعبانه هما يبقوا جنب بعض يهونوا على بعض مش كده و لا تاخد بعضها و تقعد في بيت باباها كإن الراجل كمان مش زعلان و لا اللي في بطنها دا كان ابنه و حاسس بنفس وجعها و لا ايه؟
فيروز : كل اللي بتقوليه دا صح و أنا معاكي فيه بس احنا ملناش نتكلم و لا نتدخل في حياتهم لو اشتكى و اتكلم هنتدخل بس علشان نصلح الأمور ما بينهم و هو كويس على فكرة كلمني الصبح و قالي..
اهو جه اهو..
يخبط سيف على باب المكتب و يدخل..
سيف : انا شايفكم من بره على فكرة.. سلام عليكم.
يرددوا : و عليكم السلام..
سيف :ايه يا هدى مالك مين مزعلك؟
هدى : محدش يقدر يزعلني.
سيف : هههههههههههه
ما أنا عارفك برضه ممكن تعملي ايه لو دكتور معتز اتنفس بس معاكي ههههههههههههه
المهم أنا جيبت الغدا و جيت علشان ناكل مع بعض شيلي الورق دا.
هدى : لا أنا مليش نفس.
و بعدين كنت اخدت الأكل دا وروحت عند مليكة اتغديتوا
مع بعض.
سيف : هههههههههههه
ياريت ينفع بس انتِ عارفه علشان اروح دلوقت يبقى مش هروح المستشفى ضيق الوقت  اللي منعني.
هدى : هطلب شاي هتشربوا معايا؟
فيروز : لا متعمليش حسابي.
سيف : ياريت لو شاي مظبوط..
هدى : حاضر.
سيف : اهو بابا جه.
كمال ببتسامة : السلام عليكم.
يرددوا : و عليكم السلام.
كمال : أنت هنا بتعمل ايه يا سيف؟
سيف : هههههههههههه ايه يا بابا مكونتش عايز تشوفني و لا ايه؟
كمال : لا يا ابني مقصدش بس مش عندك شغل برضه و لا ايه؟
سيف : عندي بريك نص ساعة كده و هخرج بس جيت اتغدا معاكو..
كمال : طب و جايب أكلك معاك ليه؟!
فيروز : هههههههههههه
خايف لنكون بخله و منأكلوش.
سيف : ثواني بقى اشوف مين بيتصل..
ينظر سيف لشاشة الموبايل..
فيروز ببتسامة : الجو مش كده؟
سيف نظر لوالده : بعد اذنك يا بابا دقيقة و جاي.
فيروز : و دقيقة ليه خد راحتك يا حبيبي ادينا قاعدين.
سيف : هههههههههههه
أصل الأكل هيبرد و أنا جعان.
كمال : اتفضل يا ابني.
سيف : ايوه يا مليكة اخبارك ايه يا حبيبتي؟
مليكة : مكلمتنيش يعني النهاردة!!
سيف : لسه مخلص شغل و روحت اشتري اكل بس كنت هكلمك.
مليكة : اوك.. اخبارك ايه؟
سيف : الحمد لله
ايه مالك؟
مليكة : أكلت بقى و لا لسه؟
سيف : لسه عديت على اخواتي علشان نتغدا مع بعض.
مليكة : انت هناك دلوقت؟
سيف : اه.
مليكة : طيب مش هتيجي الليلة؟
سيف : على حسب الظروف.
مليكة : يعني ايه؟
سيف : أنتِ عارفه إني برجع متأخر من المستشفى و عقبال ما اوصل عندك فيها ساعة كمان هروح امتى و أنام امتى يا مليكة؟!
مليكة : خلاص يا سيف براحتك.
سيف : خليها يوم الجُمعة دا لو فضلتي قاعدة عندك يعني.
مليكة : بتهرج صح؟!
يوم الجمعة اللي هو كان امبارح مش كده يعني اقعد اسبوع مشوفكش!!
سيف : مش انتِ اللي صممتي تقعدي عندك و قبل ما تقولي أي حاجه أنا مش معترض و براحتك خالص بس متلومنيش إني مش هقدر اجيلك لإنك عارفه الظروف كويس اوي.
مليكة : اوك يا سيف.. سلام.
سيف : على فكرة انا مبحبش الزعل اللي من غير اسباب ده
أنا بعمل اللي اقدر عليه بس صعب إني....
اقولك حاضر هاجي الليلة بعد الشغل اطمن عليكي و اخرج على طول و اوعي تقولي اقعد علشان مفيش وقت.
مليكة : أنا كرهت الشغل ده.
سيف : هههههههههههه
و ناكل منين يا حبيبتي و لا أقول لبابا اكلني و شربني أنا و مراتي معلش اصل الشغل متعب و بيأخرني عن البيت و انا قررت اقعد من غير شغل.
مليكة : بتتريق!!
سيف : هههههههههههه
اقولك ايه بس اهو وقت البريك بتاعي قرب ينتهي و مأكلتش و جيت المشوار دا على فشوش
ألحق بقى اخرج اشغل العربية و اشوف شغلي.
مليكة : اجي عندك لحد المستشفى اجيبلك الأكل يا حبيبي.
سيف : هههههههههههه
المشكلة مش في الأكل المشكلة في الوقت.. هتسبيني خمسه أكل و لا ايه النظام ؟!
مليكة : اوك.. سلام.
سيف : مش عايزك تبقى زعلانه.
مليكة : لا مش زعلانه يا حبيبي
أنا عارفه قد ايه بتتعب في الشغل و بتبقى عايز ترجع تستريح متجيش خلاص.
سيف : ايه دا انتو بخله بقى و خايفين اجي اشرب حاجه عندكو و لا ايه؟!
ههههههههههههه بهزر على فكرة.
مليكة ببتسامة : ما أنا عارفه.
_________