💕أنت قلبي٢💕

الحلقة ١٠٢

#انت_قلبي٢
#بوسي_مصطفى
________________
(((الحلقة ١٠٢))) 

في شقة والدة فريدة..
ندى : أكيد ميقصدش الواحد لما بيكون موده مش كويس
و تعبان و قلقان مبيعرفش هو بيقول ايه و بعدين الواحد مبيحسبهاش كده
أكيد ليه رصيد كبير عندك من المواقف اللي كان فيها راجل بجد بلاش تنسي كل دا و تمسكي في كلمة تافهه زي دي..
فريدة بتبكي..
ندى : طب عارفه أنتِ لو كنتي استنيتي تحت كان جه و صالحك
كريم بيحبك و أكيد هيراجع نفسه في اللي قاله ليكي و هيجي يراضيكي بلاش تكبري الموضوع بقى.
فريدة : يعني هو بس اللي تعبان و أنا ايه مش إنسانه و بحس برضه و تعب طنط دا قلب عليه المواجع بس مبتكلمش علشان عارفه الظروف لكن يجي عليه كمان يا ندى أنا مستحمله بالعافيه و بقول بس اليومين دول يعدوا و طنط تبقى كويس
لإني مش قادرة على وجع القلب ده.
ندى : عارفه يا فريدة و جوزك أكيد مقدر ده بس معلش هو مضغوط اليومين دول انزلي بقى.
فريدة : مش نازله يا ندى عايزة تطلعي شقتك تنامي اتفضلي.
ندى : طيب تصبحي على خير.
فريدة : و أنتِ من أهل الخير.
بتفتح ندى باب الشقة كان كريم لسه هيرن الجرس.
ندى : دكتور كريم!
كريم : ازيك يا أستاذة؟
ندى : الحمد لله
كريم : فريدة جوه؟
ندى : اه جوه.. فريدة أنا طالعه بقى عايزة حاجه؟
فريدة التفتت و لمحت كريم و بصوت منخفض : لأ.. عايزة سلامتك.
خرجت ندى من الشقة و دخل كريم و قفل الباب استدارت فريدة الناحية التانية و بتحاول تتجاهل وجود كريم.
كريم : جميلة بتعيط يا فريدة مش هتنزللها؟
فريدة : قول لمحمد يجيبها.
كريم : ليه أنتِ هتباتي هنا؟
فريدة : ايوه.
قعد كريم بتنهيده : و ليه هتباتي هنا؟
فريدة : هو مينفعش انام هنا و لا ايه؟
كريم : سؤالي واضح يا فريدة و أكيد فهمتي اللي اقصده.
فريدة : هبات هنا و الصبح هنزل و هقعد اليوم كله تحت
و اطلع على قد النوم و بس.
كريم : يعني أنا المشكلة بقى!
فريدة : مش فاهمه!
كريم : يعني علشان مش عايزة تنامي تحت على العموم
أنا هنام على الكنبه في اوضة ماما تقدري تنامي براحتك.
فريدة : لأ أنا هنزل علشان حضرتك متقولش إني مش متحمله المسؤلية بس حوار نومي فين دا بقى ياريت
تسيبني فيه براحتي.
كريم : هو دا اللي مزعلك؟
فريدة : غريبه إنك بتسأل!
كريم : أنا عارف إن أسلوبي معاكي كان جاف شوية بس صدقيني غصب عني و على العموم حقك عليه.
و يقرب يُقبل رأسها.. فريدة تبعد.
فريدة : ملوش لزوم يا دكتور.
كريم : اه طالما اتكلمتي رسمي كده يبقى لسه زعلانه خلاص أنا آسف أنزلي لبنتك يلا.
فريدة : هو دا اللي جايبك؟!
كريم يقرب منها و المرادي فريدة متبعدش.
كريم : أنتِ عارفه اننا ملناش غير بعض يا فريدة معلش استحمليني شوية أنتِ عارفه الظروف اللي بنمر بيها.
فريدة : كل الخناقه دي علشان طلعت لطنط ميرفت امال لو كنت خرجت بره البيت كنت هتعمل ايه؟!
كريم : أنتِ عارفه إن مش دا السبب و بس يا فريدة أنا قولتلك مستني علاء علشان خارجين رايحين مشوار مهم
أنتِ بقى جه علاء قولتيلي طالعه فوق.
فريدة : ما أنت قعدت و طلبت قهوة.
كريم : ايوه كنا هنشربها و نخرج عادي ايه المشكلة لكن تطلعي فوق و تقعدي اكتر من ساعة و أنا منتظر تحت و عارفه كويس مقدرش اسيب ماما لوحدها و مينفعش اقعد الولاد معاها يبقى دا اسمه ايه يا فريدة؟!
فريدة : معلش غلطت ماخدتش بالي تكلمني بالراحه مش بالاسلوب ده.
كريم : خلاص ما انا بقولك حقك عليه امال لو مش مفهمك وضع ماما بالظبط كنتي عملتي ايه؟!
فريدة أنا عارف كويس اوي حالة ماما وصلت لفين مش عايز اتكلم كتير بس ياريت تكوني مقدره الموقف.
فريدة : عارفه و حاسه بيك علشان أنا كمان عايشه الاحساس ده من يوم وفاة ماما و رحمة
حاسه اني ضايعه و تايهه لوحدي في الدنيا دي.
كريم : لوحدك! و أنا روحت فين؟
فريدة : انت في شغلك و حازم كمان و كل واحد عايش لوحده.
كريم : ما انا جنبك أهو يا فراولة هروح فين بس؟!
فريدة : خلاص يا كريم أنزل علشان مامتك و قول للولاد يجوا يباتوا هنا.
كريم : مش عايزة تنزلي برضه؟
فريدة : لأ علشان كمان علاء عرفت انه عايز يبات تحت فخليني أنا هنا.
كريم : ملكيش دعوة أنتِ هتنامي في اوضتي.
فريدة : خليني هنا احسن يا كريم..
كريم : مينفعنيش الوضع دا يا فريدة.
فريدة : هنزل أعمل إيه يا كريم؟
الصبح هنزل حاضر.
كريم : اوك يا فريدة براحتك بس خليكي فاكره موقفك دا
و في الظروف اللي احنا فيها دي.
خرج كريم و هو غضبان.
فريدة : ممكن اكون زودتها شوية خصوصاً يعني بعد ما اعتذر بس علاء هيبات فين؟
طب و أنا مالي ما كريم قالي مليش دعوة ب الحكاية دي
كده هيفهم إني مش عايزة انزل لمامته و لو فعلاً دا اللي حاسه هتبقى مشكلة لا أنا أنزل و خلاص..طب ما هو كان بيتحايل عليكي و لا أنتِ بتحبي دايماً تحرجي نفسك كده!
_____________