💕أنت قلبي٢💕

الحلقة ٥٩

#انت_قلبي٢
#بوسي_مصطفى
_________________
الحلقة ٥٩

في فيلا اسر...
في التليفون 📞
علي : يعني ايه ما يخصنيش
وأنا اللي يعرفني مش هيقول إنك أختي ولا هيقول ايه
يا ملك؟
ملك : هو دا اللي يهمك؟!
خلاص يا دكتور علي لما حد  يسألك ابقى قولوا
دي لأ اختي ولا اعرفها.
معرفش انا عملت ايه لكل دا
محسسني إني عن عملت حاجه وحشه.
أنا حره ألبس اللي يعجبني ومش انت اللي هتحاسبي اوك..
خلاص خلص الكلام.
علي :"عارفه يا ملك لو شوفتك بالمنظر دا في الجامعه متلومنيش بقى على اللي هيحصلك.
ملك : علشان همجي ومفكر إن دي الرجوله.
ابقى وريني هتعمل ايه يا دكتور.
وقفلت ملك التليفون.
مجدي : سيبك منها الحق مش عليها.
الحق على مامتك اللي شافتها خارجه بالمنظر دا ومنعتهاش.
علي : بتقولي أنا حره.
مجدي : اه حره في القرف اللي كانت عملاه في نفسها
الليلة.
علي : انا مندهش من رد فعل بابي ازاي مدهاش على دماغها.
مجدي : و بابي هيعمل ايه بس
يا علي.
متزعلش مني مامتك بتلعب بدماغها ودا مش كويس.
علي : عندك حق.
___________

في التليفون 📞
اسر : يعني ايه مش من حقي
هي دي مش بنتي ولا حضرتك ليكي رأي تاني؟
هايدي : بنتك حره تلبس اللي يعجبها وبعدين انا بنتي مش وحشه علشان تلبس حاجات مش مناسبه لسنها.
اسر : وهما كل اللي بيستروا نفسهم وحشين ايه التفكير العجيب ده؟!
هايدي : ايه اللي مش عاجبك في لبسها يعني دريس عادي
شبابي مش عواجيزي ولا عايز
تلبسها على مزاجك.
اسر : هو ايه اللي لبس عادي
بنت نص جسمها مكشوف وتقولي عادي هو دا اللي بتربي البنت عليه.
هايدي بلاش السكه دي علشان هتوديكي في داهيه.
متلعبيش ب دماغ البنت و تفهميها حاجات غلط وتبرري ليها
دا كله ب اسم الحرية.
واللي شوفته الليلة دا مش عايز اشوفه مرة تانية.
هايدي : لما تبقى في بيتك ابقى وقتها اتكلم.
اسر : اوك... وانا بقى هجيبها في بيتي يا هايدي
لإن واضح إني غلطت لما سيبتها براحتها فكرت انها كبيرة وعاقله وتعرف الصح من الغلط.
بس بعد ما تحولت ميه وتمانين درجة على ايدك ابقى معنديش عقل لو سيبتها في بيتك.
هايدي : ابقى شوف هتاخدها ازاي يا اسر..
اسر : سؤال بقى لما الهانم بتخرج باللبس ده.
في البيت بقى بتلبس ايه وجوزك موجود؟
هايدي : انت قليل الأدب وانا بنتي اعرف احافظ عليها ازاي.
اسر : انا ابقى قليل الادب فعلاً لو نزلت لمستواكي.
وقفل اسر التليفون..
سهر داخله ب كوب عصير فريش.
سهر : اشرب يا اسر وروق أعصابك.
اسر : اعصابي تعبت يا سهر.
هايدي دي عملي الاسود اللي مش عارف اتخلص منه.
سهر : مش عارفه اقولك ايه
انا بصراحه اندهشت لما شوفت ملك.. انت يا حبيبي لازم تقعد تتكلم معاها بهدوء وتعرفها مصلحتها وانك خايف عليها.
التحول الرهيب اللي بقيت فيه ملك دا خطر اوي عليها خصوصًا
وهي عند مامتها.
اسر : معاكي حق بس البنت مكبره دماغها ومستقويه ب الهانم امها.
ولما بحاول انا اكلمها هايدي بتفهمها اني وحش وهي اللي بتحبها وعايزة مصلحتها.
سهر : ادعيلها تفوق من اللي هي فيه قبل فوات الأوان.
نظر اسر ل سهر بقلق و حيره :
يعني ايه يا سهر؟
سهر : انا بدعيلها يا اسر ومقصدش حاجه.
اسر بحزن : طيب معلش اطفي النور علشان أنام.
سهر : حاضر.
_____________