💕أنت قلبي٢💕

الحلقة ١١

#انت_قلبي٢
#بوسي_مصطفي

______الحلقة ١١_______

في الاوتيل... في الاقصر
امل : أنا بسألك ياهشام كنت فين امبارح بالليل
انت واخوك
هشام : مامي انا مش عيل صغير علشان اعطي
لحضرتك تقرير روحت فين وكنت مع مين وقعدت
قد ايه ورجعت امتى
كل دا انتهى.. انا كبرت خلاص
امل : كبرت!
وايه علاقة السن بالسؤال اللي سألتهولك
هو مش من حقي ك أم اعرف ابني كان سهران فين
وراجعلي الصبح كمان ياهشام
عارف لو بابي اخد خبر ب اللي حصل دا هيعمل ايه
هشام : هيقطع عني المصروف ولا
هيسحب مني العربية
ولا يمكن يمنعني من السفر !
امل : انت بتتكلم على بابي بالاسلوب دا ازاي
هشام : كويس انه مش بابي علشان ميتحكمش
فيه اكتر من كده
امل نظرت لهشام بغضب
قام شادي خرج من الغرفة
امل مسكت دراع هشام وبغضب
امل :"انت بتقول ايه
هشام : انا نازل القاهرة الليلة
امل : انت بتقول ايه بقولك
هشام : هنزل اجهز شنطتي قبل ميعاد السفر
حضرتك عارفه اني مسافر أمريكا بعد بكره
امل : م كلنا راجعين القاهرة بعد بكره وهيبقي
عندك حوالي تمن ساعات قبل ميعاد الطياره
هتلحق تجهز فيهم شنطتك
ايه لازمة إنك تسافر الليلة بقى
هشام : انا حابب كده
امل : يعني ايه حابب كده
هو انا كل م أسألك على حاجه تتوهني بالشكل دا
هشام : مامي انا نازل اشتري شوية حاجات
من هنا علشان صحابي هناك موصيني
اشتريلهم اي تذكار يفكرهم بمصر
امل : قبل م تراضي صحابك فكر تراضي مامتك
هشام : حضرتك زعلانه مني؟؟!
امل : علشان الكلام اللي قولته من شوية
هشام : على إن بابي مش بابي يعني؟
هو انا غلطت م حضرتك عارفه الكلام دا كويس
امل : بس بابي بيحبك ياهشام وانت عارف دا كويس
هشام : عارف ومقدر دا كويس
بس لما يجي الصبح ويقعد يزعق وعايز يعرف بالعافيه انا كنت فين
يبقى من حقي م جاوبتش ودي حياتي الشخصيه اللي انا حر فيها
زي م حضرته له حياته الشخصية اللي انا واخواتي ملناش دخل بيها برضو
امل : هو مين مسؤل على مين ياابني
يعني انا لما اتصرف وحش هيقولوا اه اصل دي تربية ابنها !!
معقوله الكلام دا ؟؟!
ولا لما الابن بيتصرف وحش بيتقال دا نتاج تربية الأهل
هشام : يعني كل مشكلتكم الناس
امل : لا طبعاً
انا بعطيك مثال بس
لكن احنا بنقوم ب دورنا لإن دي مسؤليتنا وهنتحاسب
عليها
هشام : تمام اوي انا بقى عايز اعرف عملت ايه غلط
امل : انا مقولتش صح ولا غلط انا بسأل كنت فين
وحضرتك مش عايز تجاوب.. اوكيه ياهشام اعمل
اللي تعمله
بس خليك فاكر انك هتتحمل نتيجة أفعالك
دي لوحدك
هشام : حضرتك ليه يامامي محسساني اني
كنت في مكان مشبوه مثلا ولا حاجه
امل : ما هو انا بسأل اهو وانت مش عايز تقولي
كنت فين
هشام : ممكن تسألي شادي عادي
امل : اوكيه... ياهشام طالما دي رغبتك هسأله
حاضر
وفتحت امل باب الغرفة وخرجت
___________

في مطعم الاوتيل
مليكه : مجدي متزودش سكر على الشاي
علشان هتشربه انت
مجدي : هههههههه اشرب انت ياعلي
مليكه : شوفت انا عارفه إنك مش هتبطل مقالبك دي
على : على فكرة دا ملح مش سكر
مليكه : كمان !
يخبط مجدي رجله في رجل على
على : ااااه
مليكه : في ايه مالك
على : يااخي اوعي بقى
مش ههزر معاك تاني
مليكه : هزارك رخم ومحدش بيتحمله
مجدي : هقول لمامي
مليكه : اتفضل
ملك تقرب من الطاوله وتاخد كوباية الشاي
وبعدها 🤢
على : ههههههههههههه
ملك : بتضحك على ايه انت كمان
الشاي دا طعمه غريب اوي
على : هههههههه علشان بالملح
ملك : ومشربتوش ليه مش بتاعك
على : دا مجدي كان عامله لمليكه وهي كشفته
مليكه : تقصد انت اللي كشفته