💕أنت قلبي٢💕

الحلقة ١٠٠

#انت_قلبي٢
#بوسي_مصطفى
________________
الحلقة ١٠٠
هشام بيفتح الباب و يدخل يبتسم اول ما يلمح أمل.
هشام : سلام عليكم.
أمل تبادله نفس الابتسامة : و عليكم السلام.
نورهان : احم احم نحن هنا.
هشام ببتسامة : ايه دا فيه ايه
ازيك يا نور أنتِ لسه صاحيه؟!
نورهان : و كنت عايز تيجي تلاقيني نايمه ليه؟!
على العموم أنا كنت طالعه أنام مراتك اللي عطلتني.
هشام بخجل : ايه دا أنتِ بتقولي ايه؟؟
أمل : اطلعي نامي يا نور و الصباح رباح.
نورهان : هههههههههههه
ايه هتضربيني الصبح و لا ايه؟!
أمل : اطلعي نامي بقولك.
هشام : فيه ايه مالكوا؟
نورهان : أنا عارفه اسألها شوفها متزرزره ليه؟
أمل : متزرزره!! الكلمة دي تقريبا انقرضت.
نورهان : معلش من فات قديمة تاه يا اموله تصبحوا على خير.
هشام : ايه هتنامي من غير عشا؟
نورهان : لا ما مراتك عشتنا.
أمل : طب أطلعي نامي يا اختي.
نورهان : سلام
ههههههههههههه
هشام لـ أمل : هو فيه ايه؟؟
أمل : هتاكل؟؟
هشام : لا عايز....
أمل تقاطعه : عايز تنام طبعاً.
هشام و يحاوطها بدراعاته : هههههههههههه عايز اتكلم معاكي شوية.
أمل : مبتعرفش تكدب يا هشام
على العموم أطلع نام و الصباح رباح أنت و اختك.
هشام : هههههههههههه
ايه دا أنتِ شايله من الكل بقى.
أمل : امتى اخر مرة بصيت في وشي يا هشام؟؟
هشام : الصبح.. بس ليه بتسألي السؤال ده؟
أمل : لأ أنا أقصد أتأملت في ملامحي كويس.
هشام : هههههههههههه
ملامحك زي البيبي ايه تاني.
أمل : دا أنت لو بتختصر في شغلك بالشكل دا هتخلصه في البيت قبل ما توصل الشركة.
هشام : هههههههههههه طب تعالي نتكلم فوق.
أمل : شيلني يا حبيبي.
هشام بيتلفت حواليه : اشيلك؟؟
أمل : ايوه و لا صعبه عليك؟؟
هشام بكل ثقه : لا مفيش حاجه تصعب على اتش.
أمل : طب شيل يا حبيبي بس أوعى توقعني.
هشام : طب خليها الصبح أكون فايق جايه و أنا و طاقتي بتخلص عايزانى اشيلك.
أمل : ما كنت دلوقت اتش اللي مفيش حاجه صعبه عليه
و لا رجعت في كلامك؟؟
هشام بتنهيده : بتحرجيني يعني؟!
اوك يا أمل..
و ياخد نفس عميق و يحمل امل بين ذراعيه.
أمل : هههههههههههه
هشام و هو طالع السلم : بتضحكي على ايه؟؟
أمل : بسرعه قبل ما حد من الولاد يشوفنا.
هشام : اشيلك قولنا ماشي أما اجري بيكي كمان دي اعملها ازاي؟ وبس بقى متتكلميش علشان مضطرش ارد عليكي خليني أعرف اخد نفسي.
أمل : هههههههههههه.
في غرفة هشام و يحدف أمل على السرير و يقعد ياخد نفسه.
أمل : ايه يا اتش مالك؟؟ دا انت حتى لسه شباب يا حبيبي.
هشام : شباب ايه بس و انا بقيت جد خلاص أنتِ مالك بقى الليلة طلباتك غريبه ليه؟
أمل : كل دا علشان قولتلك شيلني؟؟خلاص آخر مرة.
هشام يمسك ايدها : رايحه فين؟؟
أمل : هغير هدومي علشان أنام.
هشام : جميلة اوي الليلة يا أمل.
أمل : الليلة بس؟!
هشام : و كل ليلة يا حبيبتي.
أمل : طيب مش ملاحظ حاجه تانية؟؟
هشام : لأ أنتِ زي ما أنتِ قمر يا حبيبتي.
أمل : مفيش حاجه فيه متغيره يعني؟؟
هشام : لأ.. لون بشرتك زي ما هو
اوعي تكوني عملتي أسنانك من ورايا.
أمل : يعني دماغك فكرت في اسناني و ماشفتش ده و بعدين فيها ايه لما أعملهم يعني ما قولتلك مضايقني.
هشام : ايوه صح لون شعرك اتغير هههههههههههه
بس حلو و قبل كده كان حلو برضه.
أمل : قولت اغير.
هشام بيتتأب : جميل يا حبيبتي.
أمل تضمه ليها.
هشام ببتسامة : بحبك يا اموله.
_____________