💕أنت قلبي٢💕

الحلقة ١٣

#انت_قلبي٢
#بوسي_مصطفى

______الحلقة ١٣______

خرج سيف بسرعه كانت مليكه لسه هتتكلم معاه وتسأله.
هدى : هو في ايه بره
نظرت خارج المحل ومليكه كمان كانت مراقبه الموقف.

سيف مسك نادين من ايدها
نادين ب تتألم : أي سيب
انت اتجننت
سيف : لا انا لسه مورتكيش الجنان اللي ع أصوله
ادخلي دلوقت بقولك
حمزة : سيف انت مش فاهم
انا هشرحلك
سيف : هتشرحلي ايه..
وبغضب يزعق في نادين : ادخلي جوه بقولك.
دخلت نادين المحل واخد سيف حمزة على جنب
حمزة : اسمع قبل م تتكلم
انا كنت معدي عادي من قدام المحل وبعدين
يقاطعه سيف : اديتها ميعاد ولا لأ
حمزة : لأ
سيف بغضب : حمزة
حمزة : بصراحه الموضوع جه صدفه في الأول
يعني كنت بتصل بيك من شوية
وسمعت صوت نادين معرفش كانت بتقولك ايه
بس انا فهمت انها معاك في المحل
سيف : قولت تديها ميعاد وتقابلها هنا
حمزة : ازاي وانا اصلا معييش رقم تليفونها
انا مريت عادي من قدام المحل وبعدين
يقاطعه سيف : تقصد إن هي اللي خرجت لوحدها
حمزة : لأ
وبعدها سكت
سيف بتنهيده : واخرتها ياحمزة
حمزة : معرفش.. ياريت لو عندك حل قولي عليه.
سيف : نعم ياحبيبي
انا اللي هشوفلك حل
حمزة : خلاص ياسيف بس علشان خاطري متعملش حاجه ل نادين
واعتبرها غلطه ومش هتتكرر تاني
وتركه حمزة ومشى.

مليكه خارجه من المحل وسيف لسه هيدخل يتقابلوا في نفس المكان
مليكه عايزة تعدي تروح يمين يجي يمين تروح شمال يجي شمال
مليكه بتنهيده : لو سمحت بقى
سيف : انا اسف
مليكه : على ايه
سيف : يعني علشان مش عارفه تعدي.. اتفضلي
ويبعد شويه يعديها وبعدها ينادي عليها
مليكه : نعم في حاجه
سيف : لا بس انتي كنت جايه عايزة حاجه
مليكه : لأ خلاص مش عايزة حاجه
وتركته ودخلت محلات إياد
دخل سيف جوه وكانت نادين منهاره وبتعيط و هدى أخداها في حضنها
سيف :"وكمان انتي اللي زعلانه وبتعيطي.
هدى : بس يا سيف
ياريت نأجل كلام في الموضوع دا دلوقت
سيف : انا سكت بس علشان كنا في الشارع بس لما ترجعي البيت عند مامتك هنتفاهم في الموضوع دا
نادين : وانت مالك دخلك ايه اصلا
هدى : عيب يانادين مينفعش تكلمي خالك ب الأسلوب ده
نادين : خالي !
سيف : ايه مش عاجبك.. احنا بقى نرجع البيت ونشوف مامتك رأيها ايه في الموضوع ده.

ياسمين : ايه يامليكه مالك
مليكه : شوفتي اللي حصل
ياسمين : اه شوفت بس معرفش اللي فهمته دا حقيقي ولا لأ
مليكه : شوفتي اتعامل معاها ازاي؟؟
ياسمين : قصدك سيف؟؟
مليكه : ايوه انا خوفت منه اوي
ياسمين : بالعكس بقى تصرفه طبيعي جداً
وكان راجل اوي لما اخد الولد دا على جنب ونادين دخلت جوه
مليكه : بس كان متعصب و
تقاطعها ياسمين : واضح انك كنت مركزة معاه هو بس
مليكه : ايه اللي بتقوليه دا ياياسمين
ياسمين : مشترتيش ليه ولا ملاقتيش طلبك هناك
مليكه : ها...؟!
ياسمين : ها ايه؟؟
امال كنت رايحه تعملي ايه هناك
هههههههه مش ملاحظه حاجه
مليكه : ملاحظة ايه
ياسمين : ان الخناقه تمت اول م دخلتي المحل
هههههههه والمرة اللي قابلها كانت أول مرة تشوفيه حصلت خناقه برضو
دا مبيخلكيش تستنتجي حاجه كده
مليكه : مش فاهمه
ياسمين : هههههههه شكلك فاهمه وبتستهبلي يا مليكه
مليكه : انا ماشيه
ياسمين : استنى يابنتي رايحه فين
مليكه : هروح بيتنا... هروح فين يعني.. سلام.
وخرجت مليكه من المحل
إياد : هي مليكه راحت فين
ياسمين : نعم
إياد : اقصد يعني..جات ولا لسه هناك
بيشاور ع محلات إياد
ياسمين : شوف كده
بتشاورله على عربية مليكه اللي كانت لسه بتشغلها.
سيف بينظر خارج المحل وعينه جات ناحية عربية مليكه
كان إياد خرج بره يطمن عليها لكن كانت في نفس اللحظة بتخرج من الشارع.
ياسمين بتطبطب على كتفه
إياد التفت ليها
إياد : في حاجه ياياسمين
ياسمين : لا بس مش هنشوف شغلنا؟؟
إياد بارتباك : اه طيب
-________