💕أنت قلبي٢💕

الحلقة ٧٤

#انت_قلبي٢
#بوسي_مصطفى
_______________
الحلقة ٧٤

في التاكسي.
قسمت : ادفعي انتي علشان مصروفي خلص.
رقيه : نعم يا اختي وخلص فيه ايه بقى؟!
قسمت : بتسألي أسئلة غريبه بصراحه يا رقيه!
ما انتي عارفه ان في فلوس ضاعت مني
و مديونه ليكي بكتير اوي
بس اول ما اخد مصروفي هرجعهوملك.
رقيه : لا دا مش حكاية الفلوس اللي وقعت منك بس انتي يا هانم جيبك مخروم دايماً امسكي ايدك شويه، وبعدين هترجعي من مصروفك ازاي؟!
يبقى كده مش هاخد حاجه أنا هقول ل بابي وهو يديني الفلوس اللي عليكي، ومليش دعوة بقى في اللي هيحصلك علشان مش اول مرة الظاهر الحراميه عارفينك وشغالين عليكي.
قسمت : رقيه ادفعي وانتي ساكته قولت هرجعلك فلوسك يبقى تدفعي من سكات.
رقيه : مبتحبيش تغلطي نفسك ابدا حاضر هدفع بس دي آخر مرة اركب معاكي ل اما المرة الجايه تتصرفي بقى.
قسمت : حاضر يا ندله.
رقيه : اه ما دي اخرتها أنا عارفه.
قسمت : بكره اخر يوم.
رقيه : أنا لسه عندي مادتين.
قسمت : هنستريح شوية من المذاكرة بقى..
رقيه : تعرفي انه دمه تقيل فعلاً.
قسمت : هو مين؟
رقيه : الواد اياه.
قسمت : دكتور آدم ؟
رقيه : و عرفتي اسمه كمان!
قسمت : دا واحد صاحبه كان بينادي عليه و دخل يكلمه علشان يفض الخناقه دي.
بس هو عادي يعني دمه مش تقيل و لا حاجه.
رقيه : و لا قليل الذوق؟
قسمت : مالك يا رقيه يا اختي
عايزة ايه بالظبط؟
رقيه : مش عايزة حاجه يا اختي بس انتي اتنرفزتي كده ليه؟
قسمت : يعني هو بعد ما اعتذر مبقتش شايفاه قليل الذوق
و لا حاجه.
رقيه : امممم.. طيب.
قسمت : يا باي عليكي عمرك ما هتتغيري!
رقيه : هههههههههههه طب يلا يا اختي اركبي خلينا نروح.
(كانت رقيه شاورت ل تاكسي)
_______________

في فيلا اسر...
منه بتبكي بعد ما اسر قالها على الحوار اللي دار بينه وبين
و إياد.
سهر بتطبطب عليها : انت متأكد يا اسر من اللي بتقوله ده؟!
اسر : تفتكري دي حاجه فيها كدب ولا تحتمل الهزار يا سهر؟
سهر : ايوه بس إياد ميوصلش بيه تفكيره و لا حتى مهما استفز إنه ينطق كلمة زي دي.
منه بتمسح دموعها : ليه يا سهر مش بني آدم؟!
و كل واحد مننا له طاقه و إياد استحمل كتير و جه على نفسه كتير.
انا مش بلومه لإنه اكيد موجوع وعايز يعمل أي حاجه يرد بيها كرامته بس كمان مش هقدر استحمل إننا ننفصل عن بعض أنا ممكن اموت و لا يجي اليوم ده.
سهر : اهدي يا منه هو اكيد كان في وقت مش داري فيه بنفسه.
منه : لا يا سهر إياد عارف هو بيعمل ايه كويس اوي بس للأسف مش دا اللي هيردله كرامته.
اسر : انا بقول نسيبه فترة يهدأ وأنا هبقى أتكلم معاه
واشوفه وصل لفين.
منه : معلش يا اسر انا تعبانه وعايزة ابقى لوحدي..
اسر : اوك يا حبيبتي تعالي يا سهر.
سهر بتطبطب عليها وتخرج مع اسر.
______________

في قسم الشرطة...
يدخل مازن علشان بتعرف على الولاد اللي اتعرضوا ليه ومنهم واحد طعنه بالمطواه دخلت معاه هنادي لإنه كان خايف.
الضابط : ركز يا مازن وخرجلي العيال دي..
كان بينهم محمود ابن عمه..
وقف مازن قصادهم وبدأ يتحقق من ملامحهم..
هنادي واقفه ونظرات محمود ليها كلها احتقار وغضب..
بدأ مازن يشاور على الولاد اللي قدر يتعرف عليهم لكن مكانش محمود منهم.
الضابط : انت متأكد و لا نعيد  طابور العرض مرة تانية؟
مازن : متأكد.
واحد منهم : أني معملتش حاجه يا باشا أني كنت واقف معاهم بس ومضربتش حد مش كده قولهم أني مضربتكش.
مازن : هما مش كلهم اتريقوا عليه وضربوني..
هو واحد بس اللي ضربني ب السكينه هو الواد ده ( وشاور على واحد منهم)
والباقي كانوا واقفين معاه.
الضابط : تمام..
امر الضابط ب ايداعهم في الحجز مرة أخرى.
والباقي اخلى سبيلهم.
خارج القسم كان واقف محسن و معاه سعيد..
محسن جري على ابنه واخده في حضنه و قرب من هنادي اللي سعيد كان واقف بيتكلم معاها.
محسن وهو رافع ايده في وجهها.. اسمعي يا بنت كامل إن كنتي فاكره اني هعدي اللي عملتيه دا على خير تبقى غلطانه.
مازن : لو سمحت يا عمي كلامك يبقى معايا مش مع مامتي.
محسن : نعم يا حبيبي و انت بقي اللي مطلعتش من البيضه هتعرفني اتكلم مع مين؟!
سعيد : خلاص يا محسن ملوش لازمه الكلام ده.
مازن : أولا أنا اللي صاحب المشكلة تاني حاجه أنا متهمتش محمود بحاجه وخرج اهو و مع حضرتك يبقى ملوش لزوم الكلام بقى زي ما قال عمي سعيد.
محسن : انت ياله كمان هتفهمني اقول ايه؟!
مازن : لا العفو حضرتك راجل كبير و أكيد عارف الكلام اللي يصح و اللي ميصحش بينا يا ماما من هنا.
يمسك محسن يد مازن : تعالي هنا لما ابقى بتكلم متاخدش بعضك وتمشي علشان مكسرش دماغك انت سامع؟
مازن : ما هو حضرتك جاي تتخانق معانا بدل ما تيجي توقف مع ابن اخوك وتجيبله حقه بس انا اصلا مكونتش عايز حاجه من حد.
محمود : طيب يا حبيبي متبقاش تمشي في الضلمه تاني طالما بتخاف.
مازن : لا انا مبخافش من الضلمه بس قطاع الطرق ملقوش اهل يربوهم مش ذنبي انا بقى.
هنادي : يلا يا ابني من هنا.
محسن : ماشي يا هنادي امشي انتي و ابنك بس حطيها حلقة في ودانك عمرك متنسيها محسن لحمه مر و اللي بيقرب منه بيروح ورا الشمس فهمتي يا ست الدكتوره؟!
هنادي : فهمت يا ابو محمود فوتكم بعافيه يلا يا ابني.
_____________