💕أنت قلبي٢💕

الحلقة ١٣٨

#أنت_قلبي٢
#بوسي_مصطفى
________________
الحلقة ١٣٨

مليكة ممسكه بيد سيف : تعالى متخافش ادخل يلا.
سيف : مش عارف ليه مش مرتاحلك و خايف من مفاجأتك!
مليكة : هتتبسط صدقني ادخل بقى.

يدخل سيف و من بعده مليكة.
سيف عينه بتدور في الشقة
بلالين في الارض و السقف
و ملابس بيبي على الطربيزة و لعب أطفال كتير.
سيف : ايه دا أنا دخلت شقتي
و لا دخلت محل لعب أطفال؟!
مليكة : ايه رأيك في المفاجأة دي؟
سيف : مفاجأة ايه أنا مش فاهم حاجه؟!
مليكة و دخلت و قفت قصاده و من بعيد بتشاورله.
سيف : ايوه يعني افهم ايه من ده؟
مليكة : هنا بيكون فيه ايه؟
سيف : الكُلي؟
مليكة نظرت ليه و هي متعصبه.
سيف : الكبد؟
الطحال؟
الامعاء الدقيقة و الغليظه؟
البنكرياس؟
ايوه دي المعدة مالها يعني؟
مليكة بتنهيده : ايه حصة الأحياء
دي بقولك هنا بيكون فيه ايه؟
حاجه صغيرة كده بتكبر كل يوم
لحد تسع شهور و تخرج تقول واء واء.
سيف : هههههههههههه
طب ما أنا عارف اصلا من أول ما شوف الهدوم الصغيرة
دي و اللعب.
تخبطه مليكه...
سيف : هههههههههههه
حبيت بس اشتغلك
ههههههههههههه
بس المفاجأة حلوة و متكلفه الصراحة هههههههههههه
مبروك يا روح قلبي.
مليكة : مبروك علينا يا حبيبي.
سيف : عرفتي امتى بقى؟
اظن الدنيا كُلها عرفت ما عدا أنا
ههههههههههههه
مليكة : محدش عرف غير مامي بس و ملك اختي و نادين
و ياسمين و ليلى و مين كمان يا مليكة مين كمان افتكري.
سيف : هههههههههههه
و ليه مذعتيش الخبر في التليفزيون؟!
مليكة : علشان كنت فرحانه قوي.
و بتدور و بتلف بفستانها.
سيف يمسك ايدها : حيلك حيلك
على مهلك شويه انتي ناسيه و لا ايه؟!
مليكة : ايوه صح.. فرحان يا حبيبي؟
سيف : دا أنا أسعد راجل في الدنيا.
و يحمل مليكة..
مليكة : ايه واخدني على فين؟
يغمزلها سيف : داخلين العش بتاعنا.
مليكة : هههههههههههه
طب حاسب يا عصفور.
سيف : على مهلي اهو و واحدة واحدة.
مليكة : ايوه كده شاطر.
سيف : هههههههههههه
روح قلبي يا ملوكه.
__________

أمام شقة شادي..
بيفتح الباب و يقرب يحمل ليلى بحب و يدخلوا الشقة يقفل الباب برجله.
ليلى : مش هتنزلني.
شادي : أنا نفسي أفضل شايلك كده طول العمر.
ليلى : علشان بس متتعبش.
شادي : و لا يهمك يا لوله.
نزلها شادي و هي مكسوفه ووجها في الارض يرفع رأسها
و ينظر في عينها اللي كانت بتلمع من الفرحه.
شادي : أنا مش عارف اقول ايه كل الكلام هرب من دماغي.
ليلى : أنا اللي هقولك إني بحبك
و كنت بتمنى اليوم دا يجي بسرعه علشان نكون مع بعض من غير خوف و لا كسوف.
شادي بدهشه و هو فرحان : مش ممكن مستحيل تكوني انتي اللي بتتكلمي.
ليلى : قولتلك سيب كل حاجه تيجي في وقتها أنت اللي كنت مستعجل شايف ليها طعم و فرحه ازاي علشان أول مرة تسمعها.
شادي : طب قولي كمان.
ليلى : نسيت الكلام طار من دماغي.
شادي : هههههههههههه
زيي برضو
بس مش هقولك الكلام اللي رتبته في دماغي هقولك الكلام اللي خارج من جوه قلبي
بحبك يا لوله و اوعدك إني اعيش عمري كله معاكي و أحاول على قد ما اقدر اسعدك و انفذ وصية بابي.
ليلى : خالو قالك ايه؟
شادي : الصبح هقولك.
ليلى : ايه على فين؟
كان شادي بيحمل ليلى مرة تانية.
شادي : على جوه علشان نغير هدومنا
متعبتيش من الفستان ده و أنا الجرافته كمان خنقتني.
ليلى ابتسمت بخجل..
________________
في فيلا عُمر.
نورهان : كويس يا حبيبي انك لحقت ابن خالك و سلمت
عليه و و باركتله قبل ما يسافر بكره يقضي شهر العسل زي
ما انت عارف.
بدر : فرحتلهم قوي يا مامي.
نورهان : عقبالك يا حبيبي.
بدر : عقبالي!
لا خلاص أنا اخدت نصيبي و مش ناوي أخوض التجربة دي تاني.
نورهان : متقولش كده يا بدر
الإنسان يا حبيبي هيفضل طول ما هو عايش يغلط و يتعلم المهم نفس الغلط ميتكررش تاني
بكره تحب و تتجوز و تكون بيت و أسرة الحياة مبتوقفش.
بدر : كانت تجربة قاسيه قوي يا مامي كسرة قلبي خلتني خايف من أي بنت خايف حتى أقرب منهم في الشغل بقيت عايز ابقى لوحدي طول الوقت بقصر في الكلام مع أي حد مبقتش أنا بقيت واحد تاني خالص غير اللي عيشت معاه السنين اللي فاتت.
نورهان : طبيعي يا حبيبي بعد أي تجربة و خصوصا لو كانت قاسيه بالشكل دا لازم تاخد فترة كده اللي بيسموها فترة نقاهه بنقعد فيها مع نفسنا بنعيد حساباتنا و نفكر في اخطاءنا بنندم ساعات بس لما تخلص الفترة دي و تنتهي بنرجع تاني لنفسنا بس بنكون اتعلمنا كويس قوي من الدرس اللي اخدناه
اللي بتكلمك دي شافت كتير قوي في حياتها حب و خوف و فراق تغيرت كتير عن زمان يمكن مبقتش بنفس الروح لإن نصي التاني اللي كان بيقاسمني الحزن قبل الفرح راح خلاص و مش راجع صوت الدوشه اللي كانت في بيتنا وحشتني حسيتها الليلة قوي و قعدت بيني و بين نفسي اتخيل بابا
و هو خارج من المكتب بينادي على هشام
و ماما نازله من فوق بتسأل عن وعد اللي اتأخرت في التمرين و شادي راجع من بره عمال يرخم عليه لاقيت عيني دمعت و افتكرت ايام جميلة راحت و مرجعتش تاني مش عارفه أنا بحكيلك ليه كل دا و خرجت اصلا عن الموضوع اللي كنا بنتكلم فيه.
بدر : أكيد الحنين اللي جواكي للماضي هو اللي خلى حضرتك تقولي الكلام ده.
نورهان : اه يا بدر لو تعرف الحنين دا قد ايه يمكن معرفتش اوصفلك صح بس اللي تخيلته كان أجمل بكتير من الوصف للدرجة إني قربت من خالك و أنا في دماغي إن دا بابا اللي خارج من المكتب.
بدر : جدو كان إنسان جميل قوي وحشني رغم إني معشتش معاه كتير بس فاكر ليه حاجات مبتروحش عن بالي.
نورهان : بابا كان حنين قوي كان حبيبي و صاحبي
مكانش قاسي علينا بالعكس
و خلانا نحب بعض و هو اللي زرع الطيبه و الحب في قلب خالك علشان نحس دلوقت كأن بابا مماتش.
بدر : فعلاً خالو هشام حنين قوي و بيعاملني زي هشام و شادي بالظبط.
نورهان : ايوه يا حبيبي معاك حق عاوزاك تقرب من بابي شويه هو بيحبك و بيخاف عليك و عايز مصلحتك.
بدر : بابي قافل من ناحيتي مش قادر ينسى إني اخدت قرار زي دا من غير ما اخد رأيه.
نورهان : قولنا ننسى بقى و نفتح صفحة جديدة بابي بيحبك هو بس واخد على خاطره شويه بس لما تقرب منه هينسى كل دا.
بدر : هحاول يا مامي أنا دلوقت عايز اناااام.
نورهان : اطلع يا حبيبي نام و خد راحتك اختك أول ما وصلنا طلعت على فوق جري.
بدر : دي خم نوم اصلا طول الوقت نايمه.
نورهان : هههههههههههه
أنت هتقولي عادتها و لا هتشتريها؟!
_________