💕أنت قلبي٢💕

الحلقة ٨

#انت_قلبي٢
#بوسي_مصطفي

  _______الحلقة الثامنة______

ندى : ها يافريدة ردت عليكي
فريدة : لأ
ندى : طب كلمي هدى هي اكيد هناك
فريدة : ايوه صح... هكلمها
فريدة بتتصل وندى واقفه جنبها مراقبة المكالمة 📞
فريدة : الو ايوه ياهدي
هدى بتبكي
فريدة : طمنيني انتي فين
هدى : احنا في المستشفى
فريدة : ليه ومين معاكي
هدى : انا وبابا واخواتي ومعايا معتز
ودكتور كريم هنا كمان
فريدة : طيب طمنيني
هدى : مش عارفه... ادعي لماما نادين إنها تخرج من هنا بالسلامة
فريدة : ياسمين جنبك
هدى بتمسح دموعها وبتتلفت تدور على ياسمين
هدى : لا معرفش راحت فين
بس فيروز هنا جنبي
فريدة : طيب خلاص لو في جديد كلميني
هدى : حاضر
وقفلت فريدة مع هدى
ندى : ها يافريدة قالتلك ايه
فريدة : كلامها ميطمنش ياندي
انا قلقانه اوي على ياسمين🥺
_______________

في شقة عمار
عمار : لا مقولتليش ولا اعرف بالكلام دا غير من عمتك
وفاء : وايه اللي حصل بس ياعمار
انت مكبر الموضوع اوي
إياد : اطمن يابابا مليكه رفضت
عمار : طيب كويس
نظر إياد ل وفاء وهو مدمع
وفاء تطبطب عليه ويدخل اوضته
وفاء : ملكش حق تعمل كده مع إياد ياعمار هو عمل ايه يعني
حبها وراح قالها والموضوع انتهى خلاص
يعني لا اتسلى بيها ولا ضحك عليها
عمار : الموضوع غلط من الاول يا وفاء
وفاء : ليه يعني هو عمل ايه
عمار : لو كان قالي كنت قولتله بلاش علشان ميتصدمش الصدمه دي
وفاء : بالعكس بقى هو كده عمل الصح
ولما قالها هي رفضت ف اكيد هيشيلها من دماغه بدل م كان لسه يبقى عنده امل إنها توافق
عمار : بيتهيألك يا وفاء إياد مش هينسي كده بسهوله
وفاء : بكره يلاقي بنت الحلال اللي تنسيه بس انت بلاش تعامله بالطريقة دي
هو ياحبيبي فيه اللي مكفيه
______________

في فيلا مراد
هشام : ياابني بقولك اقفل الكتاب دا عايزك في موضوع مهم
شادي : ياابني عندي امتحان بكره والمادة دي بالذات معصلجه معايا ودماغي واقفه فيها نهائي خليني اذاكرلي كلمتين يمكن اعدي
هشام : اقولها ولا م اقولهاش
شادي : هو انت في حالتك الطبيعيه يعني تشوف واحده من يومين تعجب بيها من اول نظره وفجأة كده تطق في دماغك وعايز تروح تكلمها
ما تكلم اماندا أسهل
هشام : ياعم اماندا ايه بس دلوقت
بقولك دي بنت بلدي يعني فيها الروح المصريه
شادي : وانا روحي هتطلع في امتحان بكره لو محلتش
حل عني بقى
هشام : بس مامي جات
امل تخبط ع الباب : انتوا لسه منمتوش ياولاد
هشام : لا يامامي لسه بنستعد اهو
الزم الفراش يادكتور شادي وبلاها مذاكرة
شادي : انا خارج وسايبلك الاوضه اقعد فيها براحتك
بيفتح باب الغرفة... امل كانت بعدت خطوتين التفت لما سمعت صوت الباب بيتفتح
امل بابتسامة : اكيد مش عارف تذاكر من الرغاي اللي جوه ده
شادي : حضرته فاضي مورهوش حاجه
عمال يرغي لما دماغي خلاص مش قادر
امل : هعملك فنجان قهوة يصحصحك كده ويفوقك علشان تعرف تذاكر
شادي : تسلم ايدك يامامي
هشام خارج من الغرفة : وانا مفيش اي حاجه كده أكلها
امل بابتسامة : حاضر من عنيه ياحبيبي
هشام : تسلم عيونك ياست الكل
نزلت امل تحت
شادي : ايه في ايه... م انا سيبتلك الأوضة جاي عايز مني ايه
هشام : تفتكر مرتبطه
شادي : معرفش اسألها
هشام يخبطه : ياابني فكر معايا
شادي : وافكر ليه ياابني انت
خليني اركز في اللي قدامي دا
سيبني بقى
______________