💕أنت قلبي٢💕

الحلقة ٢٠

#انت_قلبي٢
#بوسي_مصطفى
____________

الحلقة ٢٠

في شقة أكرم(عم كريم)
كريم : مش هتفرق يا عمي
علاء : يعني ايه يا كريم
كريم : انا وانت واحد يا علاء
ثم انا مش محتاج الارض في حاجه
أكرم : شوف يا ابني دا حقك انت واخوك فتراضوا مع بعض
واحد منكو  يبيع للتاني أو تشتركوا في الأرض مع بعض وتسبوها زي ما هي من غير تقسيم واعملوا مشروع
طبعاً الاقتراحات كتير
بس شوفوا انتو عايزين تعملوا بيها ايه
كريم : انا مش محتاجها يا عمي
علاء : ولا انا يا كريم
أكرم : هههههههه امال مين اللي هياخدها بقى انا؟!
كريم : لو قريبه من المستشفى كنت ضمتها ليها لكن
انا هاخدها اعمل بيها ايه؟؟
علاء : خلاص هشتريها يا كريم
كريم : يا ابني بقولك مش عاوزها
علاء : هي اكله مش عايز تاكلها
دا حقك
كريم : وانا متنازل عنه مش عايزة
بقولك ايه عايزك تشوفلي جزاز
يكون كويس
أكرم : هتدبح ولا ايه
كريم : هشتري عجل وادبحه
أكرم : ربنا يوسع عليك
علاء : اشوفلك جزار من عنيه
بس دا ل الست جميله بقى ولا ايه
كريم : هههههههههههه ايه عندك مانع
علاء : لا يا عم وايه المانع اللي فيها
حاضر متقلقش من الموضوع دا
كل حاجه هتبقى تمام على السبوع
مش العقيقة هتعملها على السبوع برضو
كريم : ان شاء الله
بالمرة بقى تشوفلي طباخ
اقولك اتكفل انت بالموضوع كله
انت عارف وقتي عامل ازاي
علاء : هههههههه حاضر
أكرم :"طب نتغدا بقى مع بعض
كريم : معلش يا عمي
دا انا جاي نص ساعة كده اطمن على فريدة وارجع المستشفى علي طول
علاء : سيبه يا عمي دا قاعد على نار انا عارف
كريم : هههههههه ما انت عارف اللي فيها
بعد اذنك يا عمي هخطف رجلي لحد فوق علشان ارجع المستشفى
أكرم : اتفضل يا ابني
اقعد انت اتغدا معانا يا علاء
علاء : معلش يا عمي اصل لازم استلم الصيدلية حالا
أكرم : مجاتش من الخمس دقايق دول يعني
ام علي الغدا
ميرفت : حاضر جايه اهو
علاء : ملوش لزوم يا عمي مرة تانية
أكرم : هتزعلني منك ولا ايه
علاء ب استسلام : وانا مقدرش على زعلك يا عمي.
_______________

في شقة كريم
كريم يحمل طفلته الصغيرة : يا روحي دي جعانه يا فريدة
فريدة : لسه راضعه يا كريم
كريم : الجو حر عليها
فريدة : مش عارفه اشغل التكييف
كريم : هشغله بس هخلي سريرها الناحية التانية وافتح
الباب
ايه دا جسمها كله حرارة
فريدة : ما انت شايف الجو حر ازاي
اخد الكريم وبيدهن للصغيرة
فريدة : سيبها يا كريم ندى هتعملها وانزل انت شوف
شغلك
كريم : لا ازاي بقى محدش هيعملها غيري
يا روحي عايزة تنام
فريدة : هههههههه اه يا حبيبي مقضياها نوم شهر واحد
شهر ايه
يمكن اسبوع وتلاقيها مسهراني طول الليل
كريم : هههههههه معلش يا حبيبتي الايام بتفوت هوا
سنتين كده ولا حاجه ونومها يتظبط
فريدة : سنتين !!
اه يا غلبي يا انا يا أمه
كريم : هههههههه من دلوقت؟؟!
فريدة : اللي شوفته فيها مشوفتوش في أخواتها
بس انت قلبك جامد
كريم : خلاص كنت اسيبك واجي اقعد اعيط جنبك
وبعدين مين قال إن قلبي كان جامد وقتها
فريدة : أول م ادتهالي كنت حاسه اني في دنيا تانية
كريم : هههههههه عقبال المرة الجايه
فريدة : امشي يا كريم روح شوف شغلك
كريم : هههههههه بهزر يا حبيبتي
فريدة : مش عايزة هزار كفايه اللي انا فيه
كريم : كلها يومين... بإذن الله
وتقومي زي الحصان
فريدة : الصحه مبقتش زي الاول يا كريم
انا فاكرة في محمد وزين منمتش النومه دي
اه كنت تعبانه بس قومت واتحركت عادي بس المرادي
تعبانه وحاسه ان جسمي ضعيف اوي
كريم : علشان مبتاكليش
فريدة : انت عارف مباكلش الفراخ المسلوقه
كريم : خلاص ندى تدخلها تحت الشوايه دقيقة واحده اهو تغير طعمها
فريدة : يا ريت.. دي كل اما اقولها تقولي دي تعليمات جوزك
لما خنقتني
ندى جايه بصنية الأكل : مش دي الحقيقة ولا بكذب عليكي
كريم : خلاص يا ندى دخليها الفرن
ولا اقولك هاتي
ندى : لا سيبها انا هشويها في الفرن
كريم : لا سبيها واستريحي انتي
واخد كريم الفرخه يشويها في الفرن
فريدة : شوفتي انتي اللي محبكاها ازاي؟!
ندى : يا اختي وانا مالي عايزه تاكليها مسلوقه مشوية
محمرة حتى لو محروقة كمان انتي حره
فريدة : هههههههه تعالي نيمي جميله في سريرها
ندى : حاضر
ولادك محدش سامع لهم صوت يعني
فريدة : تحت عند طنط سميرة
ندى : طيب طالما جوزك معاكي بقى انزل اشوف الأكل
فريدة : طيب م تتأخريش كريم هينزل مش هيقعد
ندى : خمس دقايق بس مش هتأخر
بس اجي الاقيكي خلصتي اكل
علشان بتزهقيني من اكلك ده
فريدة : هههههههه طيب يا اختي انزلي
كريم : اهو شويتها تاكلي بقى
ونظر في الساعة : علشان لازم انزل
هي فين ندى
فريدة : نزلت
ايه دا يا كريم هي كده اتشويت
كريم : اهو نص نص يا حبيبتي
فريدة : خلاص هاتها
كريم : اتفضلي
فريدة : اقعد كل معايا
كريم : ياريت ينفع
فريدة : طب اقعد لما ندى تيجي
بخاف اقعد لوحدي
كريم : حاضر
فريدة : واقف في الشباك بتعمل ايه
اقفله وتعالى كل بقى عايزة حد يفتح نفسي
كريم : هههههههه لو جيت انتي اللي هتندمي
فريدة : يا حبيبي ولا يهمك
انت أكلت صحيح يا كريم
كريم : اكلت تحت مع ماما
فريدة : تلاقيك ملحقتش تاكل
كريم :"اهو لقمه على السريع كده علشان ألحق أطلع
اطمن عليكي
فريدة : خلاص قرب كمل اكلك
كريم : لا ما انا شبعت
الحمد لله
اهي ندى جات اهي هنزل بقى
محتاجه حاجه يا حبيبتي
فريدة : لا يا حبيبي سلامتك.
________________
في فيلا مراد
هشام الابن داخل من الباب جري على فوق
امل : في ايه يا هشام
يدخل هشام : م سألتيش ابنك ليه
امل : ما انا بسأله وبعدين انت يه اللي رجعك دلوقت
هشام : م تسألي ابنك
امل : في ايه يا هشام هو انا كل اما اقولك حاجه تقولي
ابني ابني
ايه خلاص مبقاش ابنك
هشام : طب م تسأليه برضو تقوليله انا ابقى ايه بالنسباله
ايه يا استاذ يا اللي فوق
مش هتقول لمامي الخبر السعيد
اللي هيفرح العيله كلها
امل : خبر ايه يا هشام
هشام : ابنك هيتجوز
امل : يتجوز ؟!
هشام : هو الحقيقة هيخطب قريب
ايه مش عايزة تعرفي مين العروسة؟؟
امل : طب ممكن تقعد وتهدا بقى
انت متعصب ليه؟؟
هشام : وانا هتعصب ليه صحيح؟؟!
الاستاذ جاي عايز نصيبه في الشركة
حقه طبعاً ومقدرش امنعه
بس عايزة ل ايه بقى
البيه عايز يتجوز وعايز ياخد الفلوس علشان يضيعها على الهانم اللي هيتجوزها
هشام الابن ينزل من فوق : لو سمحت يا عمو الهانم اللي بتتكلم عنها دي تبقي خطيبتي وقريب هتبقى مراتي
ومحبش حد يتكلم عنها ب الأسلوب دا
امل : انت بتقول ايه يا هشام
كانت امل بتوجه كلامها ل هشام ابنها.
هشام الابن : قولت ايه غلط يا مامي
هخطب وهتجوز زي أي إنسان طبيعي ايه المشكلة في كده بقى؟!
هشام : المشكلة في اللي اخترتها يا استاذ اللي قدرت تلعب ب دماغك وتفهمك إنها بتحبك مبتحبش فلوسك ومركز عيلتك الاجتماعي ولا حاجه
هشام الابن : ياااه كل دا علشان موفقتش إني ارتبط ب مليكه
امل بغضب : أخرس خالص ومتجبش سيرة مليكه على لسانك
ايه دخل مليكه بالحوار دا دلوقت
هشام الابن : حضرته زعلان علشان اللي اخترتها واحده
تانيه بعيد عن الخطه اللي كانت مرسومه من الأول
طب انا هريحكم بقى شادي بيحب مليكه
هشام : ايه ؟!
هشام الابن : اروح انا بقى اتقدملها واكسر ب قلب اخويا
امل : هشام انت عارف إن الموضوع مش كده خالص
انت لا بتحب مليكه ولا هي كمان
يبقى الموضوع منتهي ملوش لزوم تتكلم عنها بقى
اما بخصوص شادي فدى حاجه متخصكش وخلينا في موضوعك انت بقي دلوقت
هشام : قول لمامي حضرتك هتتجوز مين
هشام الابن : هند يا مامي
امل : هند مين.. انا اعرفها؟؟
هشام : هند يا حبيبتي اللي في الدار اللي حضرتك بتديريها
امل : ايه؟؟
هشام الابن : مفاجأة بالنسبالك ؟؟
امل : لأ متخيلتش إن اصلا في بينكو حاجه
امتي دا حصل
هشام : دا ايه الهدوء اللي انتي فيه دا
امل : استنى بس يا هشام نفهم
هشام : نفهم ايه يا امل؟؟
بيقولك عايز يخطب ويتجوز بنت عندك في الدار
هشام الابن : ودا يعيبها في ايه يا عمو
مش انسانه ومن حقها تعيش
تحب وتتجوز زي كل البنات
هشام : يا ابني انت مضحوك عليك
هند دي متنفعكش.
هشام الابن : ليه علشان تربيت في ملجأ؟؟
نظرت امل ل هشام وهي عينها في الأرض.
هشام : لا مش علشان تربيت في ملجأ دي حاجه ملهاش
ذنب فيها.
الحوار كله يتلخص في التكافؤ
وطول ما هو مش موجود الجوازه دي مكتوب عليها الفشل
هشام الابن : بجد انا مستغرب إن حضرتك اللي بتقول الكلام دا
ايه يا مامي متقولي حاجه
امل : اطلع اوضتك يا هشام دلوقت و نبقى نتكلم في الموضوع دا بعدين
هشام : اسمعي يا امل انا مش موافق على الجوازه دي
حضرتك موافقه يبقى احضري فرج البيه ابنك لوحدك بقى.
أمل : هو في ايه
انت متعرفش تتفاهم بهدوء
هشام : اتفاهم بهدوء!!
طب تمام.
اتفاهمي انتي معاه بقى
هشام الابن : اصلا انا مش محتاج موافقه حد علشان اتجوز
بابي عملها قبل كده ومحدش قدر يتكلم
نظرت امل ل هشام ب ارتباك ومردتش على كلام ابنها.
هشام : انت بتقول ايه؟؟
ومين اللي قالك الكلام ده؟؟!
هشام الابن نظر ل والدته : مامي
وطلع فوق
امل تمسك ايده : رايح فين يا هشام استنى احنا لسه مخلصناش كلامنا
هشام الابن : هنتكلم نقول ايه يا مامي أنا قولت كل اللي عندي
ولو عمو عايز ياكل حقي خلاص براحته بس مش مسامح بقى
نظر هشام ل امل ب غضب
امل : طب استني نتفاهم
هشام الابن : انا هطلع اخد شنطة هدومي وهخرج
امل : تخرج تروح فين؟؟!
هشام الابن : هروح اي مكان متخافيش عليه انا كنت ناوي اعمل دا من زمان
امل : هشام هشام استنى اما اقولك
هشام : سيبك منه دلوقت وقوليلي ايه الكلام اللي قاله
هشام دا
وانتي ازاي تقوليله كلام زي دا؟؟!
امل : اللي خلاني اقوله الكلام دا اللي هوريهولك دلوقت
ودخلت امل غرفة المكتب بتضغط على الرقم السري بتاع الخزنه اللي ميعرفوش غيرها هي وهشام فقط
امل وخرجت ورقتين من الخزنه
امل : هما دول يا هشام اللي خلوني اقوله الكلام دا
هشام : ايه دول؟؟
امل : دي قسيمة جوازي انا وشادي ودي شهادة ميلاد هشام
الفرق اللي بينهم انت تعرفه
وهشام مش صغير لما اخد الورق دا لانه كان محتاجه ضروري
فكر ما هو مش غبي يا هشام
هشام بحزن : خلاص يا امل
امل : لأ خلاص ايه لازم اكمل
هشام رجعلي وهو في جواه  اسئلة كتيره
انا قرتها في عيونه
وقبل ما يتكلم كنت بفكر يا ترى اقوله الحقيقة وبكده هيستحقر باباه وبالمناسبة هيستحقرني انا كمان
لإن مفيش راجل في الدنيا بيعذر أي بنت ولا هيقول اللي مفروض يتقال وانت عارف
حتى لو كان ابني
او الف أي حكاية وخلاص صدقها كان بها مصدقهاش يبقى خليه في شكه وخلاص اهو اهون ما اصدمه بالحقيقة
وفعلاً كذبت والفت الحكاية دي
باباه اتقدملي جدته هي اللي هي مامتك رفضت اتجوزني
من وراهم وبعدها لما جده عرف كتبنا الكتاب بشكل رسمي
وطبعا في الفترة دي قولتله إن الناس كلها كانت تعرف لكن جدك وباقي العيله عرفوا متأخر
وكنت وقتها حملت فيك
صدق بقى مصدقش المهم كنت اهرب من اللي كان بيدور
في دماغه وقتها وانت اكيد فاهم هو ايه
كان هشام نازل من فوق جريت امل تمنعه من الخروج
امل بتبكي وبتصرخ : مش هتخرج يا هشام
هشام : مامي لو سمحتي وسعي بقى عايز اخرج
خرج هشام من غرفة المكتب :
امل : هشام قوله حاجه لو خرج من البيت انا كمان هخرج
هشام : عايزانى اقوله ايه يا امل
إن دا بيته عايز يقعد محدش مانعه عايز برضو يخرج ف براحته
امل : بقولك لو خرج انا هخرج معاه
هشام : خلاص يبقى انتي حره يا امل
امل : كده يا هشام !!
هشام : طب انتي عايزانى اعمل ايه دلوقت
اروح اعتذرله واقوله حقك عليه
امل : اه دا اقتراح كويس يمكن دماغه تلين ويرجع
هشام : اروح اعتذرله عن ايه يا امل
انتي شايفه اني غلطت في حقه
سبيه وهو هيرجع لوحده
خرجت امل جري تلحق ابنها
كان هشام اخد العربية وخرج من الفيلا
نورهان بتركن العربية في الجنينه ونازله
نورهان : في ايه يا امل
امل كانت بتبكي : هشام يا نور مشي ساب البيت ومشي
نورهان : مشي راح فين يعني مش فاهمه
هشام عند باب الفيلا :
تعالي يا نور
مسكت نورهان ايد امل وداخله جوه
نورهان : وعد كلمتني في التليفون بس مفهمتش منها
حاجه
قالتلي روحي هناك بس وانتي هتفهمي
هو في ايه؟؟
هشام : اقعدي استريحي
امل : هو انتو هتقعدوا وتسيبوا ابني معرفش طريقه فين
هشام : اهدي يا امل واقعدي
هشام هيرجع متقلقيش
امل بتبكي : يرجع ازاي يا هشام قولي؟؟!
نورهان : ممكن افهم ايه الحكاية
انا قاعدة مش فاهمه أي حاجه !!
______