💕أنت قلبي٢💕

الحلقة ١٣٥

#أنت_قلبي٢
#بوسي_مصطفى
_____________

الحلقة ١٣٥

في فيلا آسر..
آسر بيقفل الستاير و سهر بتاخد شاور جوه..
التليفون يرن📞
آسر : ايوه يا حسام نسيت تقولي حاجه و لا ايه؟
حسام : أنت يا ابني روحت فين
اتسحبت و خرجت كده من غير ما احس بيك.
آسر : ايه اتسحبت دي؟!
حسام : هههههههههههه المهم تبقى رايق و مبسوط علشان تركز في شغلك بقى.
آسر : و لو إن تلمحياتك دي مش مريحه بس متشكر.
حسام : جاي الشركة بكره و لا هتاخد اجازة
ههههههههههههه
آسر : لأ مش جاي.
حسام : هههههههههههه
كنت عارف بس حبيت اتأكد.
آسر : ايوه مش جاي بس مش معنى كده إن حضرتك تاخد راحتك يعني ابقى إتصل لو في حاجه.
حسام : تمام تصبح على خير.
آسر : و أنت من أهل الخير.

سهر خارجه من جوه..
آسر يبتسم و يقرب منها : نورتي بيتك يا حبيبتي.
سهر : منور بيك يا حبيبي
ايه ده؟
آسر : قولت بلاش الإضاءة دي و اولع الشموع تعمل جو رومانسي.
سهر ببتسامة : بحبك.
آسر سكت و مردش.
سهر : ايه دا مش هتقولي و أنا كمان؟
آسر : و أنا كمان طبعاً بحبك بس نفسي نتكلم مع بعض و نحط النقط على الحروف.
سهر : مش فاهمه.
آسر : اللي حصل دا مش عايزة يتكرر تاني و علشان كده لازم نتكلم و اوضحلك حاجات كتير كانت سبب في سوء التفاهم اللي حصل بينا.
سهر : آسر أنا تعبت كتير علشان البيت ده يفضل موجود بالشكل دا.
آسر : عارف يا حبيبتي.
سهر : علشان كده مش هسمح لحد إنه يمحي وجودي من هنا.
آسر : غريبه قوي مع انك فضتلي بدل ما نحل المشكلة هربتي و سيبتي كل حاجه.
سهر : علشان حسيت بخيبة أمل حسستني إن كل السنين اللي فاتت دي مكانش ليها تمن حسيت إني معملتش حاجه
و عمري ضاع هدر.
آسر : ياااه كل دا علشان المشكلة اللي حصلت بين ملك و عمار؟
سهر : أنت عارف يا آسر إن مش دا السبب كلامك و رفضك إن ادخل في الحوار دا كأن مش من حقي عرفت وقتها إني مش أمها طيب لما أنا كده ليه بقى وافقت إن اخدهم في حضني و اربيهم معانا.
آسر : معلش يا سهر ممكن بس أوضح حاجه و من غير زعل.
سهر : اتفضل.
آسر : في حاجات حتى لو انتي أمهم و هنا انتي فاهمه قصدي كويس و دا مبيقللش منك خالص بالعكس بس لو حتى انتي الأم اللي خلفتي فهنا هترجعيلي و تقوليلي ايه رأيك في الموضوع دا نتشاور مع بعض هو دا اللي كنت اقصده مش اللي جه في دماغك إن دول مش ولادك و من حقك تدخلي في أي حاجه تخصهم.. فهمتيني؟
سهر : تقصد ان الحوار لو يخص مجدي و مليكة كان دا هيبقى رد فعلك؟
آسر : بالظبط كده.
سهر : خلاص فهمت.
آسر : و برضو بعترف إن رد فعلي كان قاسي شويه و بعتذر ليكي.
سهر : أنا اللي بعتذر عن كل اللي حصل أنا وصلت لحالة مكونتش قادرة اتحكم في اعصابي كسرت كل حاجه و أنت زي زمان قعدت تنضف و ترتب علشان محدش يشوف اللي عملته و أنا مقدرتش دا و نفذت اللي في دماغي و سيبتك و سيبت الولاد و مشيت حقيقي ندمانه.
آسر : خلاص نعتبر إن محصلش حاجه بس لازم بعد كده نتحكم في اعصابنا أكتر و نقعد مع بعض و نحل أي مشكلة أصل مش هتبقى دي أول و لا أخر مشكلة تواجهنا.
سهر : معاك حق يا حبيبي.