💕أنت قلبي٢💕

الحلقة ٦٤

#انت_قلبي٢
#بوسي_مصطفى
_____________

الحلقة ٦٤

أمام العمارة اللي ساكنه فيها هايدي..
توقف عربية اسر اللي كان معاه ملك بيوصلها.
ملك : يعني مش عايز تطلع معايا لحد فوق؟؟
اسر : مرة تانية يا ملك انتي عارفه الوقت متأخر وعندي
شغل الصبح يا حبيبتي.
ملك : تمام يا بابي براحتك.
اسر : احنا هنزعل ولا ايه ما كنا كويسين دلوقت..
حصل ايه؟؟
ملك : يعني لو الوقت مش متأخر كنت هتطلع معايا؟!
اسر : ملك يا حبيبتي انا سايبك على راحتك قولتي عايزة اقعد عند مامي وافقت رغم إني من جوايا رافض الوضع دا بس براحتك برضه.
لكن انك تحاولي كل مرة تعملي الحوار دا وتزعلي مني مع إني بحاول بكل الطرق إني ابسطك ومخليش أي حاجه تضايقك.
بس اطلع فوق واقعد والجو دا معلش مش هينفع.
ملك : حضرتك معاك حق مينفعش تطلع فوق بس دا لو انا مش موجودة.
اسر : سواء موجوده ولا لأ الموقف مش هيتغير اطلعي بقى علشان تنامي.
ملك :"حاضر.. تصبح على خير.
اسر : وانتي من اهل الخير يا حبيبتي خلي بالك من نفسك.
ملك : حاضر.. سلام.
اسر : مع السلامة يا حبيبتي.
___________

في التليفون 📞
مليكة وهي متعصبه : خلاص يا سيف مش عايزة اعرف حاجه.
هتقولي اصل الطريق كان زحمه
معرفتش اجي ولا العربية عطلت وانا جايلك وبايت اهو
كمان في الورشة!
سيف : لا هقولك إن بابا تعب شوية واخدناع للدكتور ووقتها معرفتش اكلمك اعتذرلك.
مليكة : انت بتتكلم بجد.. باباك تعبان؟؟
سيف : تعب فجأة واحنا قاعدين على السفرة الضغط نزل ومكناش عارفين  وقتها نعمل حاجه .
شوفي احنا كنا كام راجل قاعدين كلنا قومنا بنلف حوالين بعض.
مليكة : وعملت ايه؟؟
سيف : اخدنا بابا ونزلنا.
مليكة : طيب الدكتور قالكم ايه؟؟
سيف : الضغط كان منخفض
وكتب شوية أدوية كده ونظام للأكل ومنع عن بابا أكلات معينه.
مليكة : المهم إنه يبقى كويس الف سلامة عليه انا متأسفه
يا سيف.
سيف : لا وانتي كنتي هتعرفي منين هعوضهالك بقى الاسبوع الجاي.
مليكة : متشغلش بالك بيه المهم باباك يبقى كويس خد بالك منه يا سيف.
سيف : حاضر هسيبك بقى علشان تنامي..
مليكة : تصبح على خير.
سيف : وانتي من اهل الخير
يا حبيبتي... مليكة.
كانت مليكة لسه هتقفل.
مليكة : نعم.
سيف : بحبك.. بحباااااك.
مليكة ببتسامة : وانا كمان.
وقفلت بسرعه.
الباب يخبط.
سهر : مليكة انتي لسه صاحيه يا حبيبتي؟؟
مليكة : اتفضلي يا مامي.
سهر : ايه يا حبيبتي منمتيش ليه؟؟
مليكة : سيف كان ب يكلمني.
سهر : هو كويس؟
مليكة : الحمد لله.
بس عمو كمال تعبان.
سهر : تعبان عنده ايه؟
مليكة : سيف بيقول إنه تعب فجأة الضغط انخفض واخدوا للدكتور.
سهر : واجب نروح نطمن عليه.
مليكة : اجي معاكم؟
سهر : اكيد هتيجي معانا.
مليكة : طيب نروح بكره بقى.
سهر : لما بابي يرجع من بره هقوله واشوف ظروفه ايه.
مليكة : مامي هو حضرتك زعلانه من بابي؟
سهر : لأ ليه؟
مليكة : علشان يعني ملك معتذرتش لحضرتك.
سهر : مليكة يا حبيبتي انتم اخوات والمواضيع دي يا ريت تخلوها على جنب..
اللي بيني وبين ملك غيرك خالص
مهما يحصل انتم اخوات.. ها..
فهماني؟؟
مليكة : فاهمه حضرتك يا مامي.
سهر : طيب يا حبيبتي تصبحي على خير.
______________