💕أنت قلبي٢💕

الحلقة ٤٥

#انت_قلبي٢
#بوسي_مصطفى
_______________
الحلقة ٤٥

في التليفون📞
مليكه : ايه الدوشه اللي عندك دي؟
سيف : دول العيال اللي معايا
ههههههههههههه
معرفتش انزل من العربية
وخوفت مردش عليكي
تزعلي.
مليكه : خلاص اقفل.
سيف : على فكرة هما ميعرفوش أنا بكلم مين.
وصوتي واطي خالص.. انتي سامعاني؟
ههههههههههههه
مليكه : اكيد سمعاك.
سيف : فكرتي في اللي قولتهولك؟
مليكة : مش قولت لما ترجع من الغردقة هنتكلم؟
سيف : اه نسيت.
مليكه : طيب مع السلامة وخد بالك من نفسك.
سيف ببتسامة : حاضر.
هكلمك لما اوصل بالسلامة.
مليكه : إن شاء الله.
سلام.
وقفلت مليكة التليفون.
سهر : الجميل اخباره ايه النهاردة؟
مليكة : الحمد لله.
سهر : والمزاج؟
مليكة : تمام.
سهر : اممم.. مالك؟
مليكة : عايزة اخرج.
سهر : طب ما تخرجي.
مليكة ببتسامة : هعدي على ياسمين اخدها
ونروح أي مكان ناكل وندردش شوية.
سهر : ياسمين.. امممم!
مليكة : على فكرة يا مامي
سيف سافر الغردقة وزمانه على وصول.
سهر : مش فاهمه؟
سافر امتى؟
مليكة : في طريقة ل هناك
لسه مكلمني دلوقت.
سهر : طيب بس متتأخريش.
مليكة : حاضر يا مامي.
ملك نازله من فوق.
مليكة : انتي ماشيه؟
ملك : هقعد عند مامي كام يوم زي ما قولتلك.
مليكة : اوك.. خلي بالك من نفسك.
ملك ببتسامة : حاضر.
سهر : مين اللي هيوصلك يا ملك؟
ملك : خالتو واقفه بالعربية بره..
سهر : بجد.. طيب قوللها تدخل ميصحش تفضل واقفه
كده
ولا اقولك انا هطلع اقولها.
ملك : معلش أصلها مستعجله.
سهر : طيب هخرج معاكي
يلا بينا.
وخرجت سهر مع ملك ورحبت ب يمني وعزمت
عليها تدخل جوه
لكن يمني اعتذرت ليها وقالتلها إنها جايه توصل ملك ل مامتها و
ترجع بيتها على طول.
وبعدها اخدت ملك ومشيت
ودخلت سهر جوه.
_______________

في التليفون 📞
هدى : اني عارفه اني مقصره معاكي.
معلش يا هنادي اعذريني يااختي.
هنادي : لا يا هدى مفيش تقصير ولا حاجه انتي كتر
خيرك بتعملي اللي تقدري عليه.
وليكي ظروفك اني عارفه.
هدى : هنادي اني عندي أمانة ليكي وعايزة اسلمهالك.
هنادي : أمانة ايه دي؟
هدى : هتعرفيها لما نتقابل.
لو جيتي البلد ابقى كلميني
علشان نتقابل عند الساقيه القديمة في البلد.
هنادي : ليه مش فاهمه؟!
متجي عندنا في الدار.
هدى : معلش متزعليش مني
مش هينفع انتي عارفه اللي فيها
ولو حد لمحني داخله الدار عندك
انتي عارفه ايه اللي ممكن يحصل.
هنادي : ياااه للدرجادي؟!
هدى : معلش يا هنادي اني عارفه إنك ليكي حق تزعلي
من سعيد
ومنهم كلهم.
حقك عليه أني معلش.
هنادي : وانتي ذنبك ايه بس يا هدى؟؟
طول عمرك كنتي واقفه في صفي.
وعارفه الظلم اللي اتظلمته منهم
يلا معلش كله هياخد حقه في النهاية.
هدى : ايوااا خليكي عارفه ده كويس.
حقك هيجيكي متقلقيش.
المهم اوعي تنسى لازم تكلميني لما تنوي تنزلي البلد
علشان نرتب للي قولتلك عليه
ماشي؟؟
هنادي : ولو اني مش فاهمه حاجه..
بس كفاية إني هشوفك يا هدى.
هدى ببتسامة : تسلمي يا هنادي
طول عمرك ذوق.
هنادي : ده من اصلك الطيب يا هدى.
حامد : ماما يا ماماااا..
هدى : معلش يا هنادي هقفل معاكي هشوف حامد
ابني عايز ايه.
هنادي : طيب مع السلامة.
هدى : سلام يا حبيبتي.
وقفلت هدى مع هنادي.
هدى : فيه ايه يا حامد بتزعق ليه؟
حامد : اصل مش كنت شايفك.
هدى : كنت عايز حاجه؟
حامد : بابا قالي خلي مامتك تجهز الغدا وتشيعه
معاك على الغيط علشان الناس اللي بتشتغل.
هدى : ما هو الاكل جهز
دقيقة اغرف وخده معاك.
حامد : ماشي اني قاعد هنا اهو.
ولا محتاجه مساعدة ؟
هدى : لا خليك.
______________
في شقة صلاح.
ملك : مامي هتحتاجي مني حاجه؟
هايدي : لا يا حبيبتي بس انتي رايحه فين؟
اوعي تكوني عايزة تروحي.
ملك : لا انا هدخل اوضتي.
هايدي : طيب يا حبيبتي.
خارجه ملك من غرفة هايدي
باب الشقة يتفتح ويدخل صلاح
يلمح ملك يبتسم ليها.
صلاح : اهلاااااً البيت نور
ازيك يا ملك.
ملك : الحمد لله.
يا عمو.
صلاح : ايه جيتي امتى؟
مامتك مقالتليش كنت روحت جيبتك..
ملك : خالتو عديت عليه
وجبتني على هنا..
صلاح : فيها الخير..
ماما عامله ايه؟
ملك : كويسه
هي نايمه جوه.. بعد إذنك.
ودخلت ملك اوضتها.
صلاح دخل يطمن على هايدي.
في التليفون📞
ملك : ايوه يا بابي وصلت.
اسر : طيب يا حبيبتي
خدي بالك من نفسك.
ملك : حاضر.
اسر : ولو احتاجتي حاجه قوليلي.
ملك : حاضر.
اسر : مضايقه اني بقولك الكلام ده؟
ملك : ابدا يا بابي.. ليه حضرتك بتسألني السؤال دا؟
اسر : معرفش حسيتك مضايقه.
ملك : لا ابدا.
اسر ببتسامة : اوك يا حبيبة بابي
اشتري كل اللي نفسك فيه بس متتأخريش
.. اوك؟
ملك : علم وينفذ يا اسر بيه.
اسر : هههههههههههه طيب
سلام.
ملك : مع السلامة يا أطيب وأحن أب في الدنيا كلها.
اسر ببتسامة : طب اقول ايه انا بقى.
مخلتنيش عارف أتكلم.
بس لازم اعرف
ايه مناسبة الاعتراف الخطير دا؟!
بس لما ترجعي البيت.
ملك : هههههههه حاضر.. سلام.
اسر : مع السلامة.
قفلت ملك مع والدها
الباب يخبط.
ملك : مين؟
صلاح ببتسامة : انا يا ملك
مش هتخرجي تتغدى؟
ملك : ايوه حاضر.. بس مامي قاعدة بره؟
صلاح : ايوه قاعدة على السفرة
ومش عايزة تاكل قبل ما تيجي.
ملك : حاضر.. جايه.