💕أنت قلبي٢💕

الحلقة ٤٤

#انت_قلبي٢
#بوسي_مصطفى
_______________
الحلقة ٤٤

هشام يقرب ناحية ياسمين
اللي توقف مرتبكه وعينها ناحية
محلات عمها..
هشام : ازيك يا ياسمين؟
ياسمين : الحمد لله.
في حاجه حضرتك؟
نظر هشام وراءه وبعدها التفت ل ياسمين.
هشام : هو في حاجه؟
ياسمين : السؤال دا مفروض
اسأله لحضرتك!
هشام : انا اسف بس عينك رايحه جايه وشايفك قلقانه.
ياسمين ' قول وخلصني عايز ايه؟
إياد اخويا لو جه هتبقى مشكلة
ولا معندكش حاجه تقولها وجاي تتسلى؟!
هشام : ليه بتقولي كده؟
ياسمين : شوف ياابن الناس
أنا بنت دوغري ومحبش اللف والدوران ومش بتاعت صحوبيه والكلام المايع بتاعكم دا!
هشام : بتاعنا !
على فكرة أنا غرضي شريف
ومش اللي في دماغك دا خالص
واحنا كمان معندناش اللي بتقولي عليه ده.
بس ممكن رقم الفون بتاعك؟
ياسمين : اه بدأنا في الاشتغالات دي بقى.
هشام : اشتغالات ايه؟!
شوفي بقى ما أنا مش عارف اكلمك ومش لاقي طريقة
غير دي.
ياسمين : وتكلمني بتاع ايه
اسمع انت تتفضل بقى بدل ما يجي اخويا ويتخانق
معاك
انا مش ناقصه.
كان إياد خرج من المحل وقدمت ياسمين كام خطوة
علشان تبعد شويه وإياد مياخدش باله.
كان هشام لسه واقف في مكانه لحد م تفاجيء ب إياد
وقفوا سلموا على بعض وبعدها كل واحد راح لحاله.
____________
في فيلا اسر
سهر : طيب مبتخرجيش ليه من اوضتك؟
مليكه بحزن : مامي.
سهر : مالك يا مليكه؟
ايه اللي مزعلك يا حبيبتي؟
مليكه : مفيش.
سهر : كنتي عايزة تقولي حاجه وسكتي.
على العموم انتي مش مضطره تقولي أي حاجه.
بس لو حبيتي تفضفضي أنا موجوده.
هزت مليكه رأسها وبعدها التليفون يرن.
تنظر ل الشاشة بفرحه.
سهر ببتسامة : اكيد سيف.
مليكه وهي مبتسمه : ايوه سيف.
سهر : طيب اخرج انا بقى..سلام.
وتخرج سهر من الغرفه.
وتحاول مليكه تهدأ اعصابها وتفتح المكالمة.
مليكه : الو.
سيف : سلام عليكم.
مليكه : وعليكم السلام.
سيف : ازيك يا مليكه اخبارك ايه؟
مليكه : الحمد لله.
سيف : انتي فين؟
مليكه : في البيت.. ليه؟
سيف : لا عادي بسأل بس.
مليكه : اه.. طيب.
سيف : ايه مالك؟
مليكه بحده : أنا اللي مالي برضه؟!
السؤال دا مفروض اسأله لحضرتك.
سيف بكل هدوء : اممم.
مليكه : انت بتتعامل معاها بالاسلوب دا ليه مش فاهمه؟
ايه اللي انا عملته لكل دا؟
سيف : هو ايه اللي حصل مش فاهم؟
مليكه : بجد مش فاهم ولا بتستعبط؟!
سيف : دي كلمة تقوليلها برضه؟
على العموم متشكر.
مليكه : انت كمان اللي زعلان؟!
معرفش مين اللي مفروض يزعل دلوقت انا ولا انت؟!
سيف : مليكه انتي عايزة تقولي ايه؟
مليكه : اتكلم انت علشان أنا مبقتش فهماك.
سيف : حاضر هتكلم وبكل صراحه.
مليكه : ياريت.
سيف : شوفي يا مليكه أنا مش هنكر إني عايز اعيش
في اجمل مكان في الدنيا.
وعايز احققلك كل اللي نفسك فيه..
لإن دي فيها سعادتي أنا كمان.
بس أنا إنسان واقعي وبحب احلم على قدي..
وفي حدود الممكن اني احققه
مش علشان طموحي محدود لا بالعكس.
بس بمشي خطوة خطوة.
مينفعش اجري كده مرة واحدة.
واروح اشتري شقة ب تلت تربع مليون فحين اني معييش ربع المبلغ دا بعد ما ابيع الشقة بتاعت بابا واعيش حوالي سبع ولا عشر سنين اقسط في تمنها..
عارفه دا معناه ايه؟
إننا قدامنا عشر سنين علشان نتجوز..
أو تستحملي ونتجوز في ميعادنا
لكن مش هيعجبك وضعي لاني معرفش اصلا وقتها
هعيشك ازاي.
مليكه : انا راضيه.
سيف : يبقى مفهمتيش كلامي يا مليكه.
مليكه : انا فاهمه انت عايز تقول ايه.
وقابله ب اي وضع عايز تشتري الشقة ونستحمل مع بعض
معنديش مانع.
مش حابب تزنق نفسك وتعيش على قد امكانياتك انا موافقه.
سيف : مليكه انا عايزك تبقى مبسوطه معايا بس مش واثق
من إن دا ممكن يحصل.
مليكه : ليه يا سيف؟
سيف : علشان انتي بتضحكي على نفسك.
مليكه وهي بتبكي : انت مبتحبنيش.
سيف : ايه اللي بتقوليه دا يا مليكه؟
كل اللي قولته دا ومفهمتيش منه غير اني مبحبكيش.
مفهمتيش إني عايزك تبقى اسعد واحدة في الدنيا
ومتحسيش إن ناقصك حاجه.
مليكه : واللي ناقصني دا شيء مادي زي ما فهمت؟!
يبقى انت مش فاهمني يا سيف.
سيف : عايزة تقولي ايه؟
بس من غير عياط.. مش حابب ابدا اشوفك ضعيفه كده.
مليكه : اللي جوايا مينفعش يتقال على الاقل دلوقت.
بس اكيد انت حاسه
وعارف ايه اللي بيفرق معايا.
فرحتي بالشقة ب الجديدة
مش معناها اني ماديه زي ما فهمت.
مجرد إني اشوف مكان هيبقى بتاعي انا.
حياة جديدة هنعيشها مع بعض في المستقبل دا لو يعني حابب نكمل.. الاحساس دا فرحني اوي.
وانا اسفه لو كنت افورت في فرحتي دي.
سيف : مليكه انا اللي آسف.
مليكه : افهم من دا ايه؟
سيف : معلش انا متلخبط اوي اليومين دول.
علشان كده حبيت اني اسافر اغير جو.
مليكه : مسافر!...فين؟
سيف : اكيد مش خارج مصر يعني
مسافر الغردقة مع شباب صحابي.
مليكه : اوك.. توصل بالسلامة.
سيف : مش عايزك تزعلي مني
لما ارجع هنتكلم.
مليكه : براحتك خالص..
مع السلامة.
سيف : هتقفلي؟
مليكة : اظن مفيش حاجه نتكلم فيها.
سيف : تصبحي على خير.
مليكه : وأنت من أهله.
وقفلت مليكة.
سيف بيتكلم مع نفسه.
على فكرة بقى انت غبي اوي
ومعرفتش توصلها وجهة نظرك
واكيد فهمت حاجه تانية.
غير اللي جواك.
هضيعها من ايدك بسبب غبائك ده!
______________