💕أنت قلبي٢💕

الحلقة ٧٨

#انت_قلبي٢
#بوسي_مصطفى
_______________
الحلقة ٧٨

في فيلا اسر...
اسر جاي من بره يلاقي منه قعدة ومعاها سلمي.
اسر : سلام عليكم.
يرددوا : وعليكم السلام.
و دخل اسر غرفة المكتب..
سلمى : سهر هتنزل ولا اقوم امشي؟
ملك : أنا قولت لمامي وقالت  نازله.
سلمى : طيب.
و دخلت ملك لوالدها غرفة المكتب.
سلمى : هو اخوكي ماله؟؟
منه : معرفش.
سلمى : شكله تعبان.
منه : ثواني يا سلمى.
سلمى : اتفضلي..

ملك : بابي محتاج حاجه تانية ؟
اسر : لا يا حبيبتي.
كان اسر بياخد الدوا وبيشرب مياة..
منه : اسر انت كويس؟
اسر : الحمد لله.
منه : طب ايه محتاج حاجه؟
اسر : لا يا منه متشكر.
منه : سلمى جايه تطمن على سهر.
اسر : عادي يا منه.. من امتى يعني محتاجه تقول سبب الزيارة؟! البيت بيتها.
منه : يعني فكرتك مضايق و لا حاجه.
اسر : هضايق من ايه؟؟
بس راجع من بره تعبان شوية ومحتاج استريح..
منه : اوك اطلع استريح في اوضتك..
اسر : طيب بعد اذنك.. اتفضل.

سهر كانت نزلت وقعدت مع سلمى..
سهر : لا أنا كويسه.
سلمى : وشك متغير.. اوعي حد يكون زعلك؟
سهر : لا يا سلمى أنا كويسه.
قامت سلمى وجات قعدت جنب سهر ومسكت ايدها.
سلمى وهي مدمعه : مالك يا سهر؟
انتِ زعلانه مني علشان قولت لـ اخواتي ؟؟
سهر : ما هما اخواتي برضه يا سلمى و اللي يضايقني اكيد يضايقهم.

كان اسر خارج من غرفة المكتب..
التفتت سهر وبعدها نظرت لـ سلمى علشان تكمل كلامها معاها.
وقتها اسر كان بيفوت من جنبها.
سلمى بهمس : انتو مبتكلموش بعض؟
سكتت سهر..
سلمى : اوعي يكون بسبب الموضوع إياه ده؟
أنا ممكن أتكلم معاه واقوله إنك مقولتيش حاجه.
و اصلا انتِ مقولتيش حاجه بخصوص سعاد أنا اللي فهمت كده لوحدي.
سهر : هو مين قالك يا سلمى إن طنط سعاد جات هنا واتخانقت معانا؟
سلمى : انا كنت بكلم مليكة..
اصل لما اتصلت مردتيش قولت يبقى تعبانه اوي بقى ومش عارفه تردي على التليفون بسأل مليكة
عليكي .. قالتلي مامي تعبانه شوية ..
قولتلها من ايه وكده راحت قالتلي اصل مامت عمتو كانت هنا امبارح وضايقت مامي وبعدها تعبت شوية بس هي بقيت احسن  دلوقت..
سهر : يعني مليكة هي اللي قالتلك؟
سلمى : هي محكتش تفاصيل يعني بس انا فهمت هي ممكن تكون قالت ايه.
وفعلاً اللي حسبته لاقيته لإن سعاد امبارح قالت نفس الاسطوانه إياها.
سهر : تاني؟!
سلمى : متزعليش نفسك احنا اخدنا حقك.
بس جوزك زعلان علشان كده بقى و لا ايه؟
سهر : لأ.
سلمى : سهر انتِ بتكدبي.
سهر : شربتي قهوة؟
سلمى : مش عايزة أنا شربت عصير اهو عملاه ملك.
سهر : يبقى تشربي قهوة.
سلمى : يا ستي انا قايمة ماشيه اصلا.
سهر : استني يا سلمى احنا لسه مقعدناش مع بعض.
سلمى : ما أنا قاعدة هنا من بدري يدوب بقى اروح..
التليفون يرن...
سهر : طب ثواني يا سلمى.
ايوه يا مليكة..
سيف معاكي بره؟
طيب يا حبيبتي ادخلوا عادي
فيها ايه يعني؟؟
لازم تعرفينا؟؟.. اوك اديني عرفت اهو.. سلام.
سلمى : سلام أنا كمان.
سهر : برضه مصممه؟؟
سلمى : هبقى اجيلك تاني هروح لمين يعني يا سهر بس علشان خاطري لما اتصل ردي على طول علشان بقلق وأنا لو قلقت هعملك قلق.
ابتسمت سهر...
سلمى : ايوه كده اضحكي محدش واخد منها حاجه.. سلام.
سهر : مع السلامة.
تدخل مليكة ومعاها سيف تسلم على سلمى اللي تستئذن وتخرج.
تدخل مليكة المطبخ بسرعه..
ملك : اتصالحتوا انتِ و سيف؟
مليكة بفرحه : ايوه.
ملك : جايه فرحانه ومزقططه يعني.
مليكة : أنا ؟
ملك : امال أنا ؟!
مليكة : و سعي اما اشوف حاجه أقدمها.
______