💕أنت قلبي٢💕

الحلقة ١١٧

#انت_قلبي٢
#بوسي_مصطفى
___________
الحلقة (((١١٧))) على الواتباد

_________

في فيلا كريم..في التليفون 📞
كريم : لا لسه راجع من بره.
هشام : طب و عملت ايه؟
كريم : قصدك في الموضوع إياه ده؟؟
لا انا مش هسكت و هفضل أوجع دماغه كده و اعمله شوشرة في أي مكان شغال فيه لحد ما ناخد حقنا منه.
هشام : تفتكر بيفكر في ايه دلوقت؟
كريم : أكيد عايز يتفاوض معانا.
هشام : و أنت هتقبل؟
كريم : أنا عن نفسي لأ بس المستشفى دي شركة ما بينا يعني لو ليك رأي تاني مش هقدر اعارضك.
هشام : مش هقبل أي تفاوض غير إنه يتسجن.
كريم : و أنا كمان.
هشام : خلاص يبقى متفقين لحد ما نلاقي دليل قاطع تاخد بيه النيابه وقتها هيبقى في كلام تاني.
كريم : قريب متقلقش.
هشام : أنا مش قلقان هو طالما جه مصر هناخد حقنا منه و بطرق كتيره.
كريم : خلينا ماشيين قانوني الأول.
هشام : ما أنا بقول كده بس لو مجاش حقنا بالقانون هناخده احنا.
كريم : تمام و أنا معاك.

فريدة بصوت ناعس : أنت جيت يا كريم؟
وضع كريم يده على السماعه و بهمس : ايوه.
هشام : طيب اسيبك بقى علشان تنام تصبح على خير.
كريم : و أنت من أهل الخير.

يقفل كريم مع هشام..
كريم : تعالي يا فريدة.
فريدة : بتعمل ايه عندك مطلعتش تنام ليه؟
كريم : دخلت اخلص شوية شغل.
فريدة : أجله لبكره.
كريم : ما هو دا اللي هيحصل لإني راجع تعبان فكرت هقدر اقعد اخلص قراية الورق ده.
فريدة : حبيبي جسمك له حق عليك لازم ترتاح شويه.
كريم يمسك ايدها بابتسامة : و انتي كمان ليكي حق عليه.
فريدة : أدى نفسك الأول الحق دا علشان اقدر أنا اطالب بحقي اللي هو جزء من وقتك.
كريم : يا سلام اديني قاعد أهو
اتفضلي خدي وقتك عايزة تقولي ايه؟
فريدة : هات دي.
كريم : فريدة هاتي النضارة.. فريدة متهزريش بقى.
فريدة : هههههههههههه لأ
كريم : بلاش الحركة دي علشان بتعصبني لو سمحتي هاتي النضاره.
فريدة : قولي الأول أنت ايه اللي أخرك؟
كريم : هيكون ايه يعني متجوز عليكي مثلاً؟
فريدة : مثلاً!
كريم : هههههههههههه طب مش لما الاقي وقت للأولى ابقى اتجوز التانية.
فريدة : لا الأحسن إنك متلاقيش وقت اصلا.
كريم : ما أنا بقول كده برضو علشان مفكرش في غيرك.
فريدة : لا يا شيخ بتستهبل صح؟!
كريم : هههههههههههه
طب هاتي النضاره علشان خاطري.
فريدة : اتفضل.. علشان تعرف بس إنك متهونش عليه.
كريم بيلبس النضاره : طب تعالي بقى.
فريدة : أنا اسفه خلاص مش هعمل كده تاني كريم ايدك جامده دراعي بيوجعني بجد
ايه ده؟
كريم : ايه فيه ايه؟
فريدة ' فين الخاتم اللي اشترتهولك.
كريم : هههههههههههه لازم تعرفيني يعني إنك بتشتري و كده!
و بعدين ما انتي عارفه اني في الشغل مبعرفش ألبس حاجه في ايدي مااخدتيش بالك إن الدبله كمان مش موجوده؟!
فريدة : لا سيبك من الدبله المهم الخاتم.
كريم يخرج الخاتم من جيب الجاكت : اهو.. حلو كده؟
فريدة بابتسامة : لما ترجع البيت لازم تلبسه.
كريم : حاضر.. مفيش فنجان قهوة بقى؟
فريدة : فيه بس تاكل الأول.
كريم : أكلت بره.
فريدة : من غيري؟!
كريم : هههههههههههه اموت من الجوع يعني؟!
فريدة : لا يا حبيبي بألف هنا و شفا حاضر ثواني و اعملك أحلى فنجان قهوة.
كريم : أكيد علشان هيكون من ايدك يا فراولة.
فريدة : دايماً كده بتحرجني بذوقك مع إني كنت ناويه ادب معاك خناقه لما ترجع.
كريم : ليه بس الطيب أحسن يا أم العيال.
فريدة : أم العيال مسحوله مع عيالك طول النهار شوفلك حل في ولادك بقى علشان أنا تعبت.
كريم : ليه عملوا ايه؟
فريدة : لا بلاش الصبح ابقى اقولك.
كريم : ليه ما تقوليلي دلوقت احسن هههههههه
فريدة : و أنا يعني مجنونه اقولك و بعدين يتنكد عليه أنا لا أنا اسهر معاك في روقان كده و الصبح ابقى اقولك بقى.
كريم : هههههههههههه ناصحه يا بنت عمي.
فريدة : امال أنت فاكر ايه؟!
كريم : هههههههههههه
طب هطلع اخد شاور و اغير هدومي عقبال ما تطلعي بفنجان القهوة.
فريدة : هتشربه و تنام.
كريم : لا يا حبيبي هقعد معاكي شويه.
فريدة : ماشي اما نشوف.
______________