လူသားသစ္စာ [BOOK 5 ( 501-700) ]

အခန်း (537)

သီတင်းကျွတ်အတွက် အပိုင်းပို 😘

အခန်း   (၅၃၇)  :  တျန်းဂျီဂိုဏ်း၏  အသက်ရှင်ကျန်ရစ်သူ

မိုဝူကျီက တိတ်ဆိတ်သွားလေ၏။ ယခင်စိတ်လှုပ်ရှားမှုများမှာ လေထုထဲ မျှောပါသွားကြောင်း သတိပြုမိလိုက်သည်။ သူ့အနေဖြင့် အဆင့် ၉ မြေအောက် ကမ္ဘာ နှလုံးသားပန်းပွင်ကို မည်သို့ သွားရှာရမည်နည်း။

မြေအောက် ကမ္ဘာ နှလုံးသားပန်းပွင့် မပါရှိဘဲ သူက ဝိညာဉ်ဖွဲ့စည်းခြင်း ရေကန်သို့ သွားလျှင်ပင် ဘာလုပ်နိုင်မှာလဲ .....

မိုဝူကျီ၏ တိတ်ဆိတ်နေမှုကို သတိပြုမိပြီး လင်းဂူ မပြောဘဲ မနေနိုင်တော့ချေ

“ တကယ်တော့ မြေအောက် ကမ္ဘာနှလုံးသား ပန်းပွင့်က ရှာလို့ မတွေ့နိုင်တာမျိုးတော့ မဟုတ်ဘူး ”

မိုဝူကျီက လင်းဂူ စကားကို ကြားလိုက်သည်နှင့် ချက်ချင်းဆိုသလို လင်းဂူ၏ ပခုံးကို ဆွဲကိုင်ကာ မေးလိုက်သည်

“ လင်းဂူ ... အဲဆိုရင် ဘယ်မှာ ရှာရမလဲ ”

နူးညံ့ညံ့ ခံစားချက်က သူ့လက်အတွင်း ဝင်ရောက်လာသည့်အခါ သူအပြူအမူမှာ မသင့်တော်ကြောင်း သိ၍ မြန်မြန် လက်လွတ်ကာ အားနာစွာ ပြောလိုက်သည်  “ တောင်းပန်ပါတယ်  ကျုပ် အရမ်း စိတ်လှုပ်ရှားမိသွားလို့ပါ  ”

လင်းဂူက နားရွက်ဖျားနီရဲနေသည့်အထိ အရှက်သည်းနေရာမှ ပြန်ပြောလိုက်သည်

“ ကိစ္စမရှိပါဘူး။ ကျမလည်း နားလည်ပါတယ်။ ကျမလည်း ရှင့်လိုမျိုး ခံစားချက်အတူတူပဲလေ ”

မိုဝူကျီက မဆိုင်းမတွ ပြောလိုက်သည်

“ လင်းဂူ စိတ်ချနေပါ။ ကျုပ် မြေအောက် ကမ္ဘာနှလုံးသားပန်းပွင့်ကို ရှာမတွေ့ရင်တောင် ခင်ဗျားနဲ့အတူတူ နတ်ဆိုးစန္ဒာ အင်မော်တယ်ကျောင်းတော်ကို လိုက်ပေးမှာပါ။  ကုသနိုင်မလားတော့ ကျုပ်လည်း သေချာမသိပေမဲ့ အကောင်းဆုံး ကြိုးစားပေးပါ့မယ် ”

“ ကျေးဇူးတင်ပါတယ် အစ်ကိုမို ...” လင်းဂူက ဦးညွှတ်ကာ ဆက်ပြောလိုက်သည်

“ တကယ်တော့ မြေအောက် ကမ္ဘာ နှလုံးသားပန်းပွင့် ရနိုင်မဲ့ နှစ်နေရာကို သိထားတယ်။ ပထမနေရာက ရှင့်ရဲ့ ဆေးလုံးတာအို အင်မော်တယ် မဟာမိတ်အဖွဲ့ .... ”